اتجاهات

احمد بصيلة: اعزائي المشاهدين اهلا بكم في حلقة جديدة من اتجاهات بالامس اصدرت محكمة الاسماعيلية احكام رادعة تقضي بالحكم على 14 متهما بالسجن المؤبد ول4 اخرين ايضا بالسجن وبراءة ل7 والمحكوم عليهم هم مدانون في مقتل 6 من الضباط وفرد شرطة وقوات مسلحة عند هجومهم عند نقطة ثاني العريش وفرع بنك الاسكندرية بها في شهرين .. الخطير ان هؤلاء المتهمين المنتمين الى تنظيم يزعم انه جهادي والاخر تكفيري لا يزالوا مقتنعين انهم على صواب وان غيرهم على خطأ هذا الحكم الذي جاء في مواجهة سلسلة من العمليات الارهابية منذ اكثر من عام ونصف شملت قسم العريش من خطف للسياح والقيام بعمليات عبر الحدود ضد اسرائيل كما لم يسلم من عدوانهم ابناء مصر من الشرطة والقوات المسلحة هذه الجماعات التي اعلن بعضها عن نيته في اقامة امارة سيناء الاسلامية والبعض يتحدث عن وجود صراع بينها وبين جماعات متطرفة في غزة رغم اننا ندرك ان حماس ليست القوى الوحيدة في غزة لكن ايضا الجميع يدرك انه لا يوجد شعب مثل شعب مصر وقدم جيشها في سبيل القضية الفلسطينية .. اسرائيل بدات تتحدث عن منطقة عازلة على غرار الوضع الذي كان قائما في جنوب لبنان وبدات تروج ان مصر غير قادرة على حماية سيناء وان من حقها ملاحقة من يلاحقونها عبر الاراضي المصرية ولو كان الاسرائيليون صادقين في نيتهم في معاونة مصر فالافضل الحديث عن تعديل اتفاقية كامب ديفيد لوجود المزيد من القوات المصرية وعلى كل يجب ان يعلم هؤلاء الذين يجاهدون ضد اسرائيل انطلاقا من سيناء انهم ينفذون دون ان يدروا مخططات الموساد وعلينا ان نكون حريصين والا ننساق الى مخططات قد لا تكون اكتملت حتى الان ولكن علينا ان نقف جميعا وراء جيشنا ضد هذه الجماعات التكفيرية وما يحدث في سيناء يحتمل الاختلاف ويقبل التباين حتى لو كانت خلافاتنا كبيرة نرحب بضيفينا في هذه الحلقة اللواء الدكتور طلعت موسى الخبير الاستراتيجي واللواء الدكتور محمود خلف مستشار المركز القومي لدراسات الشرق الاوسط اهلا وسهلا بكما .. فاصل ونبدا الحديث عن الوضع في سيناء
فاصل
احمد بصيلة: احكام الامس بها الاعدام وبها المؤبد للجماعات التكفيرية سيادة اللواء هل هذه الاحكام يمكن ان تكون رادعة امام هذه الجماعات التكفيرية التي تعيث فسادا في سيناء
اللواء.محمود خلف: طبعا احكام رادعة ونتمنى طبعا انه فيه قضايا كثيرة منظورة في هذا الاتجاه بنتمنى سرعة الحسم فيها في اطار العدل لان الدعامة او المادة الرئاسية في النظام الديموقراطي هي سيادة القانون ودي اول مظاهره انه كل من يخرج على القانون وبهذا الشكل المدمر والمؤثر والاعتداء على اهم عناصرها وهي القوات المسلحة لابد ان ينال جزاءه واعتقد ان هذه الاحكام سوف يكون لها مردودها رسالة للي بيفكر ان تسول له نفسه يعني يكرر مثل تلك الجرائم الشنعاء مرة تانية
احمد بصيلة: سيادة اللواء كيف لسيناء ان يتدهور بها الامن في هذه الفترة الوجيزة يعني عام ونصف شاهدنا فيه عدد من الاحداث من تفجير لخطوط الغاز من هجمات لقوات الشرطة والجيش وعمليات الاختطاف وخلافه يعني كيف تتدهور الاوضاع الامنية بهذه الصورة في سيناء
اللواء.محمود خلف: هو طبعا سبب تدهور الحالة الامنية في سيناء هي حالة الانفلات الامني منذ ثورة 25 يناير لانه تدمير وتكسير جدران السجون وهروب المعتقلين والجناة فاتجهوا الى سيناء للاختباء بها لما تتصف به طبيعة الارض الموجودة في سيناء اراضي جبلية فيها جبال فيها مغارات فيها كهوف هذه العناصر الاجرامية ابتدت تجمع نفسها وتجد تفكير اخر بيكفروا المجتمع بيكفروا القوات المسلحة وابتدى التطرف يحكم ذاكرتهم
احمد بصيلة: ولكن من هربوا من السجون يبتعدوا عن التفكير الجهادي التكفيري ابتعدوا عن من قتلوا ولكن هذا الوضع يختلف فكر تكفيري فكر جهادي يختلف عن فكر من خرجوا من السجون
اللواء.محمود خلف: ماهو الفكر المتطرف سواء المتطرف دينيا ام المتطرف فكريا المجرم دا شخص فالت لا يخضع لافكار متطرفة والبعد عن الوسطية وبالتالي اصبحت البؤر الاجرامية دي نشطت مرة اخرى في سيناء ودعمها عملية تهريب المخدرات والسلاح من ليبيا وشفنا انواع السلاح اللي تم تهريبها من ليبيا اسلحة مضادة للدبابات واسلحة مضادة للطائرات واسلحة مدفعية الحقيقة اسلحة خطيرة جدا وبيكدسوها في مخازن سرية في المغارات وفي الكهوف في سيناء وابتدت الجماعات المتطرفة او الجماعات الجهادية تستخدم هذا في التمركز وفي الانتقال وشكل وطبيعة العمليات القائمة في سينا حاليا لها شكل معين لابد للمشاهد الكريم انه يعرفه علشان يعرف ان القوات القائمة بهذه العملية قوات بتنفذ مهامها بكفاءة واقتدار في سيناء .. طبيعة الارض الموجودة في سينا شكلها ايه فيه اربع انواع من الاراضي الموجودة في سينا اللي بيدور عليها اعمال القتال ارض مبنية اللي هي المناطق السكنية ومناطق صحراوية ومناطق زراعية ومناطق جبال كل دول اللي بيسموها مسرح القتال او مسرح العمليات اوالارض اللي بتدور عليها العمليات في سينا كل دول من الانواع الاربعة فيها حاجتين رئيسيتين فيه شكل معين من الاسلحة بيتم استخدامه فيها اللي هي الاسلحة اللي بتستخدم في المناطق الجبلية غير الاسلحة اللي بتستخدم في المناطق الصحراوية بتبقى على مدى صغير ذات خط كبير عالي والمناطق الزراعية ليها نوع مختلف والبؤر الاجرامية دي بؤر متحركة ليس لها مكان ثابت وبالتالي تنتقل من الارض للمدن تعمل عملية ترجع تنفذ تاني تنزل في الانفاق وتروح تختبئ في غزة من خلال الانفاق ويرجعوا مرة تانية من خلال الانفاق واخرى على المخازن اللي موجودة في جبل الحلال او الجبال الموجودة في سينا وتنفذ عملياتها مرة اخرى اذن طالما الهدف في سينا والهدف متحرك لابد ان اتحرك عشان اطارده وبالتالي تيجي هنا اعادة الانتشار المستمر اللي احنا بنشوفها في سينا وبنسمع عن اعادة انتشار القوات لمطاردة الاهداف تيجي تحرك دبابة من مكان الى مكان اخر وقوات يشوفوها متحركة وصحفي يلقط الصورة يطلع خبر في الجرايد انه القوات هتنسحب او القوات بتغير اوضاعها وهذا الكلام لا اساس له من الصحة على الاطلاق ومنذ بدء عملية سينا لم يحدث انسحاب اي فرد بالعكس النهاردة اصبح في الجرايد فيه دخول بعض الدبابات الى سينا عشان تستقبل عملية متابعة العناصر الاجرامية اللي موجودة في هذه البؤر في سينا وبالتالي مش عايزين ننطلق وراء الشائعات فيه متحدث رسمي للقوات المسلحة ناخد تصريحاتنا منه وناخد موقفنا منه ما يدور من تحليلات من غير مختصين هذا بيزيد الاشاعات ويبلبل
احمد بصيلة: زمان كنا نسمع عن خلية جهادية او تكفيرية او مجموعة بنفس الاسم ولكن في مصر اول مرة نسمع عن حد يعلن هذا الشئ هل هم بهذه الخطورة وهذا الحجم وهل هذه العملية ستطول حتى يتم القضاء على هذه العناصر
اللواء.محمود خلف: يعني بعيدا عن المسميات ولا يجب ان ناخذ كل مايقال مأخذ الجد ولكن لازم ننقل لى الرؤية من فوق عشان نفهم اللي حصل.. هو ايه اللي حصل في سينا..؟ طبعا الزخم اللي حصل والانفلات الامني وانفصال قطاع غزة وتحول قطاع غزة الى مرتع اقليمي وحاجات كتيرة جدا بالانفاق بالفلوس بحاجات كتيرة انا كنت بسال بعض المشايخ اقولهم ايه اللي حصل كانوا بيقولوا ملايين الدولارات يتم ضخها في قطاع غزة ليتم التحرك لتخريب مصر من 2005 و2006 فبدات في بنية تحتية موجودة في سينا هذه البنية التحتية بشكل خاص في الجماعات التكفيرية والارهابية جزء بياتي من الانفاق اللي هو الجيش الذي يطلق على نفسه مسمى جند الاسلام وبعدين جذبت من الدلتا وجذبت من مصر الشباب برضه اللي تم غسيل مخه وبدات تتكون هذه البؤر الموجودة في مناطق محددة في سينا طبعا بيستغلوا المعالم الجبلية لازم نعرف ان سينا مساحتها 60 الف كيلو متر مربع عشان الناس تتخيل احنا بنتكلم عن ايه يعني مساحة سينا تساوي مساحة 16 محافظة ولما بنتكلم عن القطاع المواجهة بس من رفح لحد طابا نجد اسرائيل حوالي 200 كيلو اللي حصل بعد كده من امور وتداعيات كانت جاذبة للانفلات الامني فاصبح عندنا هذه البنية لما صدرت الاوامر من القوات المسلحة بعد حادث رفح المشئوم بتتحرك القوات المسلحة والشرطة عايزين نفهم كويس قوي ماهي المهمة لانه المتابع ليها بيتابع كما لو انها عملية عسكرية هي ليست كذلك احنا في 73 فيه عدو واضح وفي 6 ساعات اسقطنا خط بارليف فيه نظام فاهمينه فيه حاجات كتير اما دي مش اسمها عملية عسكرية دي اسمها عملية استراتيجية امنية ايه محتواها تقوم بها القوات المسلحة والشرطة بتقوم بهدم وتدمير البنية التحتية الارهابية والاجرامية في مسطح سينا وفي مناطق البؤر وبتحل محلها احلال جديد بهيكلية جديدة من الشرق والكلام دا بيتم في اطار تامين القوات المسلحة القصة دلوقت فيه جزء في المناطق الجبلية والجزء التاني او المشكلة اللي بنسمع عنها وخلينا نقول واخدة وقت ليه..؟ لانه انا عندي مثلث رفح والشيخ زويد وغرب العريش وفيه منطقة عشوائية كثيفة السكان ودا خطأ من النظام القديم انه تظل هذه المنطقة العشوائية ممتد بيها شبكة انفاق فيه 6 انفاق رئيسية بيربطوا جنوب غزة ورفح بشبكة عنقودية تحت الارض فيه جزء 60% تم تدميره والجزء الاخر تحت المباني بيصبح دلوقت هما من جوه المباني بيتم اخراج ولاقبض على الناس دي وان تتم بطريقة لا تفزع
احمد بصيلة: عشان نبقى فاهمين يافندم هي الجماعات دي مش مستخبية في الانفاق
اللواء.محمود خلف: الانفاق دي هي الشريان عشان اشتغل في شرطة او جيش ادخل في منطقة اسمها القطع والعزل ما ينفعش اشتغل في حتة وبابها الخلفي مفتوح ويجيلك ناس لا مفيش كلام من دا لازم القطع والعزل الحاصل دلوقت ان المنطقة الجبلية سهل قطعها وعزلها لانه المداخل في جبل الحلال منطقة معزولة والقوات المسلحة تقدر تتعامل معاها ومعنهدهاش مشكلة فيه وتقدر تطلق النيران بحرية على الجزء الاخر والجزء الاخر هو الانفاق لانه طول ما الانفاق شغالة يبقى انا هشتغل الى مالا نهاية لازم اعزل الانفاق وبرضه انا مش هستنى لغاية ما اعزل خالص واشتغل ..لا.. جميع الاعمال تتم بشكل متوازي المشكلة الرئيسية التي تواجه القوات التي تعمل اللي كانت قوات مسلحة وشرطة المشكلة الاساسية انها لا تريد ان تتسبب في قتل برئ او تدمير محاصيل او تدمير مراعي او تدمير منازل والدليل على كلامي ان طول عمرهم كانوا بيهاجموا قسم العريش واخر مرة كانوا بيطلقوا عليها بالآر بي جي ويقولولك من العمارة الفلانية .. والجيش عنده الامكانية انه يرد بس هيعمل النيران على العمارة باللي فيها .. المطلوب دلوقت اللي انا عايز اتوصل اليه في النهاية ان احنا القوات المسلحة ليست مطالبة انها تتكلم عن طبيعة اي عملية لانها بتحتاج حدث ما سرية وامن العملية ولا استطيع ان هما يعلنوا يقولوا مسكنا فلان وعلان ودور العملية انه فيه دلوقت محاصرون في الجبال مش عارفين مين اتمسك ومين ما اتمسكش
احمد بصيلة: معانا الاستاذ سلامة الرقيعي احد ابناء سيناء وعضو مجلس الشعب السابق عن شمال سيناء .. استاذ سلامة مساء الخير استاذ سلامة اوصف لنا الصورة على الارض في شمال سيناء والعمليات التي تدور وكيف تشعرون بنتائج هذه العمليات
أ.سلامة الرقيعي- عضو مجلس الشعب السابق عن سيناء: بداية انا احيي ضيفيك الكريمين ما يتم على ارض الواقع ربما يكون شئ مرغوب ومطلوب لكن ما نريده هوالسلام والتنمية قبل الامن كلاهما لابد ان يسيرا سيرا متزنا ومتوازنا واحدثكم من خلال قناعات لدينا ان هناك معالجات لابد ان تتم على ارض الواقع اولا اذا كان هناك قلة من ابناء سيناء تواجد معاهم جزء من ابناء الوادي واشتركوا في هذه الافكار وماذكر عن وجود انفاق نعم هناك انفاق ولكن لابد ان يكون بديل هو وجود مساحة مناسبة في رفح عبارة عن تبادل تجاري وماهو موجود في قطاع غزة موجود في مصر عامة تبادل تجاري طبيعي بتعريفة جمركية لكي يكون كل شئ امام السلطات المختصة ولكن ما يتم تحت الانفاق يتم فيه ماهو شرعي وماهو غير شرعي لم يتم تدمير الشئ الكثير وربما قد يكون البقاء على بعض الانفاق اما ان يكون لها تكتيك معين لكن انا اتحدث عن بعض الافكار التي وصلت الى مرحلة التكفير وليس التفكير انه لابد ان يكون هناك علاج من خلال الدولة ومعلوم ان المجتمع القبلي في سيناء وانه عندما يتم التعاون معهم ومد يد العون خاصة ان هؤلاء ارتضوا هذه الارض ليدافعوا عنها والتصقوا بها ولابد ان تكون التعاون بين المشايخ
احمد بصيلة: وضحت الصورة استاذ سلامة الرقيعي احد ابناء سيناء وعضو مجلس الشعب السابق في سيناء شكرا لك .. سيادة اللواء طلعت ما يجري في سيناء بالتاكيد ليس بعيدا عن غزة ولا اسرائيل يعني الوضع مهم بالنسبة للطرفين عادة حكومة حماس بتعلن عدم مسئوليتها عن اي شئ وانها مستعدة للتعاون مع القوات المسلحة او مع مصر اولا لمعرفة حقائق ما يحدث واسرائيل في تصريحاتها الاعلامية متربصة وتحاول ان تستفيد مما يجري وحقيقة الاوضاع ما بين غزة واسرائيل
اللواء.طلعت موسى: عشان اجاوب على هذا السؤال يجب ان اوضح استراتيجية اسرائيل في التعامل مع الموقف في سينا واستراتيجية مصر في التعامل مع الموقف في سينا لابد الامور ان تكون واضحة فعقب اي عملية تقوم بها البؤر الارهابية تتعالى فيها الصيحات والاراء التي تطالب او تعبر عن النصر غير قادرة على حماية سينا نلاحظ من تصريحات المسئولين الاسرائيليين انه فيه توزيع للادوار مجموعة بتؤيد معاهدة السلام ومجموعة بترى تعديل معاهدة السلام الحقيقة هذا الوضع في اسرائيل له شقين لو رحت مثلا لتصريحات وزير خارجية اسرائيل او ليبرمان قال انه لا تفكر مصر في مجرد التعبير عن تغيير اتفاقية السلام لحد لما طلع بنيامين نتنياهو رئيس وزراء اسرائيل وبيقول انه يفكر في عملية محدودة للامن داخل سيناء طبعا لو فكر يعمل كده فيه تصريح رسمي طالع من وزير الدفاع والمسئولين عندنا ان مصر مش لعبة واللي هيخطي حدود مصر هتتقطع رجله ويجب ان يكون هذا مفهوما للامن القومي المصري وارض مصر ماهياش لعبة دا امن مصر مصلحة بقاء وليس مصلحة هامشية ودا خط احمر لا يمكن المساس بيه فدا جزء يجب ان نكون مقتنعين بيه تماما وانا بطمن السادة المشاهدين على ان القوات المسلحة المصرية تراقب الوضع والحدود داخل اسرائيل بكل دقة وبكل كفاءة وبكل استعداد وحسباه حساب كويس جدا ولا مساس اطلاقا لحدود مصر .. الجزء بتاع التصريحات الاسرائيلية اللي هي الجزء المؤيد والجزء المعارض النهاردة الصبح رئيس لجنة العلاقات الخارجية في الكنيست الاسرائيلي بيقول انه يجب اعادة النظر في اتفاقية السلام مع مصر بحيث انه يتم تعديل القوات الموجودة في سيناء قد يكون هذا بتنسيق او بدون تنسيق وتوزيع ادوار .. ليه الكلام دا بيعملوه معلش هنظر نظرة كبيرة استراتيجية مش نظرة تكتيكية هناك مخططات تقسيم للمنطقة العربية الى دويلات وهناك مخططات لفصل سيناء وتتعالى صيحات لفصل سيناء من آن لاخر داخل اسرائيل يبقى اذن فيه مصلحة داخل اسرائيل كل فترة ان مصر غير قادرة على حماية سيناء علشان خاطر يعمل في المنظمات الدولية ان مصر غير قادرة على حماية سيناء عشان لما ييجي يقسم سيناء او لما يحصل شئ ما في اتجاه سيناء يحصل التاييد الدولي لهذا الموضوع طب على المستوى الداخلي اسرائيل بتعاني من مشاكل داخلية فيها البطالة وفيها الاعتصامات وفيها الاضرابات موجودة والحكومة مشغولة بالحاجات دي فبيوحد الكلام دا وبيشغله في اتجاه هدف رئيسي دا على مستوى المجتمع الاسرائيلي.. تتعالى هذه الصيحات دلوقت وانا عايز المشاهد الكريم يفهم النقطة دي كويس قوي على الوجه الاخر وجهة مصر الاستراتيجية ومصر اطلق عليها هذا الكلام العملية اللي شغالة حاليا اسمها سيناء.. العملية "سيناء" . . والمتحدث الرسمي اعلن ذلك في اول لقاء ليه في التليفزيون .. الرياسة بتاعتنا بتقول التعامل مع قضية سينا على اساس انها قضية سياسية وتنمية وليس قضية عسكرية او امنية لان قبل كده كانت العمليات اللي بتدور في سيناء عند سنة 2004 في توسيع دايرة الاشتباه وتوسيع دايرة الاشتباه دا بيقبض على ناس كتيرة الاستراتيجية الامنية بتعتنا ايه..؟ تفضل زميلي سيادة اللواء اشار الى ان العملية سيناء عملية مشتركة بين قوات الشرطة والقوات المسلحة وتنسيق كامل وتعاون كامل في اطار التعاون الكامل مع بدو سيناء المواطنين الشرفاء اللي وقفوا جنبنا في حرب 67 و73 وعلى مر التاريخ كانت جزء متلاحم مع القوات المسلحة فالى الان بحيث ان احنا نضمن الامن والامان مع القوات المسلحة دا في اطار الحفاظ على حقوق الانسان وهذا ما يطلق عليه التباطؤ وهو مش تباطؤ دا دقة في اختيار الهدف ومن هنا بتيجي ان احنا مستعجلين والاعلان عن نتايجها قد يضر بينا احنا فما نستعجلش النتايج وما نطلبش ان احنا نعرف
احمد بصيلة: عايز انتقل الى جانب غزة العلاقات في النظام السابق كانت جيدة ما بين فتح والنظام السابق كانت مش بنفس القوة مع حماس وكان فيه العديد من المشكلات الان والوضع مختلف قيادات حماس يزورون القاهرة والمسئولين هنا العلاقات شكلها مختلف ومعروف ان الانفاق من جانب غزة لماذا لم يتم حسم هذه القضية مع القيادة في حماس
اللواء.محمود خلف: هو النقطة اللي حضرتك بتتكلم فيها نقطة في غاية الاهمية والخطورة في نفس الوقت اولا في السابق كانت العلاقة لابد ان نقرر وقائع مش كل حاجة في السابق تبقى غلط لازم نعرف ان حماس دي اداة ليس لديها قرار ولا خالد مشعل في دمشق .. المصالحة مرة واتنين وتلاتة وعشرة وعشرين مكانتش بتحصل ومفيش اي سبب للانفصال اللي اتعمل واللي حصل لغزة وتبعياته هدم السور خليني اقول ان الكتاب الاسود لحماس ودا تاريخ معروف من ساعة ما تولت الحكم وعملت هذا الانقسام ومش كده وبس دا اعتبروا هذا الانقسام صفحة وانطوت انا لفت نظري ان خالد مشعل جه مرتين وتصريحات وانا كمواطن مصري بوجه كلامي للسيد رئيس الدولة مشكلة حماس مش مشكلة الانفاق ومش مشكلة منطقة حرة المشكلة في حماس انها مشكلة جسيمة جدا انها ضد ان تعود الدولة الفلسطينية مرة اخرى لان هي دي القضية الرئيسية حل مشكلة قطاع غزة وغزة جزء لا يتجزا من دولة فلسطين .. مصر يجب ان تكون على مسافة واحدة لا يجب ان الاستراتيجية المصرية تتجه للم شمل الطرفين لان القضية احنا معدناش بنتكلم على قضية فلسطين .. اخوانا بتوع حماس بيشتغلوا في سكة تانية محدش بيجيب سيرة فلسطين ونسمع اقاويل كتيرة تتقال دلوقت ويقولك اصل احنا هنعمل منطقة حرة اصل احنا معرفش ايه الكلام دا كلام مش مظبوط وبعدين على اي اساس..؟ يعني ايه منطقة حرة ايه هو الاساس اللي هيتعمل عليه احنا كده بنعمق التقسيم لحد هذه اللحظة السياسة واحدة احنا بيترك لنا المجال دلوقت لاجتهادات كتيرة ودا لا يصب في مصلحة الدولة في الوقت الحاضر وانا كمواطن بتكلم انه فيه رئيس للدولة وكلنا مع الرئيس انتخبناه ولا ما انتخبناهوش بس فيه نظام هذا النظام ولكن مسالة الاخوان المسلمين وان دول اخوان ودول اخوان هذا الكلام طبعا لا اتصور انه ولكن في ذات الوقت حتى لا نترك الامر ومصر ما بتردش وعدم الرد دا كلام مش مظبوط .. نحن لحد هذه اللحظة لا نعلم ماهي السياسة الحالية للتعاطي مع غزة ثم ماهي استراتيجية الامن القومي والتعاطي مع الموضوع ككل في التعاطي في هذه الجزئية دا دور مصر احنا ما بنتكلم عن المصالحة دلوقت ومكانش لينا دور واضح انه ندخل مع الضفة في مصالحة في موضوع الازمة الاقتصادية اللي موجودة ومطحونين فيها في رام الله .. اذن قطاع غزة لا يجب اني اتكلم واقول قطاع غزة ..لا.. دي ارض فلسطينية وبعدين كفاية بقى اللي حصل وكفاية اللي هما عملوه وانا بقول اكتر من مرة لاخوانا في حماس انتو عملتوا ايه وايه اللي حققتوه انما ان حماس تظل بهذا الشكل مرتع وكانت هي نتيجة رئيسية فيما حدث في سيناء والقضية الانسانية على عينا وعلى راسنا وقضية المقاومة دا كلام يعني ما ينفعش .. السياسة المتوازنة المصرية مطلوبة ووضوح الرؤية بالنسبة للسياسة المصرية انا شايف انها عادلة وعادلة جدا على السيد الرئيس ان يوضح رؤيته والرسالة يجب ان تكون للاتنين اما ان نشتغل المنظر دا احنا بنسمع حد يقول اصل خالد جاب 100 مليون ووطنهم في العريش ونسمع ما يسمى بالقوس ونسمع نحن نهيب بتلك الاشاعات ولكن اللي مطمني عنوان كبير هذا العنوان الكبير ودا يمكن ان يخفي قلق سواء خاص باللي حصل او سواء ما تدعيه اسرائيل من كلام ومن تهديدات ومن هنا او هناك نستطيع ان نقول ان سيناء آمنة في يد القوات المسلحة المصرية وهي امينة عليها ومسئول عن الامر دا كله ولا نقلق في هذا الاطار
احمد بصيلة: سيادة اللواء في النقطة دي اذا كانت سيناء بهذا الشكل لكن الدول الغربية والولايات المتحدة والعالم كله بيستقبل ما يحدث من حوادث داخل سيناء من اعتداء او عبور داخل الحدود من سيناء الى اسرائيل هذه هي الصورة اللي بيستقبلها العالم وبيكون له رد فعل حول هذا الموضوع ان هناك خلل امني في هذه المنطقة تحاول اسرائيل استغلاله كيف يتم توضيح الصورة بشكل عملي على ارض الواقع
اللواء.طلعت موسى: فيه متحدث رسمي هو اللي بيوضح الصورة الحقيقية الرسمية الواقعية وبعدين الاحداث الواقعية نتناولها بشئ من التحليل المنطقي هيوصل للحقيقة كل ما نسمعه كلها من ناس غير مختصين .. مايحدث هي عمليات فردية يبيقوم بها من 2 الى 3 افراد وهي صعوبة عملية الانتقاء في الاول كنا بناخد المجموعة وتوسيع دايرة الاشتباه بمنتهى الدقة في اختيار الهدف ولازم الناس تفهم كده مفيش حدود في اي دولة في العالم حدودها مؤمنة حتى في الولايات المتحدة الامريكية على الاطلاق وانا كنت بدرس في الولايات المتحدة الامريكية وبتوع المخدرات في المكسيك..انا عايز اقول حاجة تانية بخصوص التصريحات المتكررة بتاعة رئيس وزراء اسرائيل وزير الخارجية دول بيمثلوا وجهة النظر الرسمية للدولة يبقى لما نكلم وزير الخارجية هو بيمثل وجهة نظر اسرائيل ولما بنكلم بنيامين نتنياهو بيمثل وجهة نظر اسرائيل .. هذه التصريحات المتكررة المستفزة لمصر تمثل خرقا للاتفاقية السلام مع اسرائيل انا بقول لاول مرة وهذا نص الاتفاقية انا هقرا لسيادتك النص اللي بينص على هذا في اتفاقية السلام وانا جايبه معايا في المادة التالتة بند 2
" يتعهد كل طرف في عدم صدور فعل من افعال احرب او الافعال العدوانية او افعال العنف او التهديد بها من داخل اراضيه او بواسطة قوات خاضعة لسيطرته او مرابطة على اراضيه ضد السكان او المواطنين او الممتلكات الخاصة بالطرف الاخر" .. دي نقطة النقطة التانية " كما يتعهد كل طرف بالامتناع عن التنظيم او التحريض او الاثارة او المساعدة او الاشتراك في فعل من افعال الحرب العدوانية او النشاط الهدام او افعال العنف الموجهة ضد الطرف الاخر في اي مكان ويتعهد بان يكفل تقديم مرتكبي مثل هذه الافعال للمحاكمة
احمد بصيلة: طيب ماهي دي ممكن تستغلها اسرائيل .. اسرائيل تقول
اللواء.طلعت موسى: انا قلت ان اللي بيتحدث رسميا .. رئيس الوزراء بيتحدث رسميا يعني هو قاري الكلام دا وعارفه ودي نصوص الاتفاقية انا مجبتهاش من عندي ومش موجودة في اي مكان يبقى هو لما يقول ان انا لما افكر في عملية عسكرية تداه مصر يبقى دا اختراق للكلام دا
احمد بصيلة: معانا السيد علي فريج رئيس جمعية القبائل العربية استاذ علي حلقاتنا النهاردة عن سيناء وانه مطلوب دور اكبر للقبائل في سيناء شايف حضرتك ايه
علي فريج.رئيس جمعية القبائل العربية : خلينا نتكلم بصراحة الاعلام بيضخم الاحداث في سينا وهنلاقي ان الاحداث اللي بتحصل على الشريط الحدودي اللي بيبدا من رفح شمالا حتى منطقة وادي العمر جنوبا مسافة حوالي 40 او 50 كيلو او قبليها لكن سيناء عموما بتنعم بالامن والامان يعني النهاردة لو بصينا لسينا 200 كيلو عرضا و99% من مساحة سينا مستقرة وامنة الكلام كله اللي بتقال النهاردة على الشريط الحدودي اللي عرضه 10 كيلو طبعا احنا في المنطقة دي مستهدفة من اسرائيل بالدرجة الاولى انهم عايزين المنطقة يبقى لا وجود للسيادة المصرية فيها لكن طبعا احمد لله القوات المصرية في العملية نسر واطمنك ان القبائل كلها بتتعاون بحدود الامكانيات والمعلومات المقدمة اليها واحنا دائما بنتكلم ونقول انه لابد انه القبائل تدخل في منظومة الامن في سيناء وانه لابد انه زي زمان قبل 67 كانت كل قبيلة مسئولة عن القطاع اللي هي موجودة فيه وكان كل قطاع انه يمنع التسلل ويمنع التهريب
احمد بصيلة: نتمنى هذا الدور شيخ علي فريج رئيس جمعية القبائل العربية شكرا لك .. سيادة الواء محمود خلف فيه حديث من بعض الصحف الاسرائيلية وفي بعض وسائل الاعلام ان اسرائيل قد تستعد لشن هجوم او ضربة وقائية على الحدود بين غزة ومصر
اللواء.محمود خلف: يعني ايه ضرب على الحدود
احمد بصيلة: زي غزة والنقطة التانية انه كتب انها قد تقوم بعمليات داخل الاراضي المصرية في سيناء لضبط هذه الجماعات
اللواء.محمود خلف: دا كلام فارغ طبعا هراء
احمد بصيلة: ازاي كلام فارغ وفيه قوات فعلا على الحدود
اللواء.محمود خلف: يعني عمل عسكري
احمد بصيلة: على الشريط الحدودي بين غزة و....
اللواء.محمود خلف: مفيش شريط حدودي بين غزة .. هل ما تقصده بوابة صلاح الدين ال14 كيلو .. انا بحسب الحدود المصرية .. الحقيقة القيام بعمليات عسكرية داخل الاراضي المصرية .. اصل ما تقوله اعلان حرب على مصر وانا لا اتصور انه دا وارد لانه اعلان حالة الحرب على مصر .. مصر مستعدة تحارب والقوات المسلحة المصرية بتعمل خلال الفترة اللي فاتت والفترة اللي جاية كما لو ان الحرب هتنشب ولا يقلقني شئ اذا كان هناك نوايا وانا لا يقلقني شئ لانه الحرب مش بتيجي كده ولكن القوات المسلحة هتقطع ايد ورجل اي حد هيفكر يتعرض لمصر ليس واردا هذا الامر واحنا عندنا اكبر واقوى جيش في منطقة الشرق الاوسط يصنف العاشر عالميا مش بنتكلم بلغات القوة انما واضح انه الامور كلها مختلطة ببعضها ومدخلين الكلام في بعضيه انما لما يصدر تصريح يتقال ان مصر هتقول كذا لانه دا كلام هراء لانه هذا الكلام معناه اعلان حرب وهنحارب
احمد بصيلة: اعادة انتشار الثوات المصرية على الحدود مع مصر دا برضه
اللواء.محمود خلف: اصل برضه لازم يكون الكلام دقيق كلمة انتشار 200 واحد او 300 واحد او الف واحد دا ما يسماش حاجة انا بقول على قيادة مجموعات العمليات اللي هي قيادة المنطقة الجنوبية يقوم هو يستدعي المنطقة الجنوبية 200 الف يمكن الثقافة العسكرية عند الناس برضه مش موجودة يعني يقولك 4 او 5 عربيات دي حشود اسرائيلية .. صواريخ القبة السماوية دول صواريخ.. اه داخل اراضيه انشطة تدربية داخل اراضيه وعايز يامن حدوده .. احنا مثلا كعسكريين نقول انه حشد والفتح الاستراتيجي باعها وبدات تستقبل القوات وبدا التجميع بتاعها يخش في عدد 200 الف في الكلام وانا اتصور عشان ما ندقش طبول الحرب والحديث عن هذا الامر مش حديث جيد يعني مالوش اي عنوان وحجم القوات المسلحة الموجود في سينا والجيوش الميدانية في اماكنها من حرب 73 بس المسائل القوات المحدودة دي بتساعدنا على التنمية بتقدر تعمل تنمية سينا اللي هو الكلام عايز الامن .. التنمية صحيح عايزين نعمل سينا ونعمل تنمية هناك ومصانع وتعدين دا الكلام اللي يجب ان نفكر فيه والا نعرج على اللي بيتقال من الطرف الاخر
اللواء.طلعت موسى: هذه التصريحات اللي بتطلع انه فيه عملية في سيناء دي كلها بالونات اختبار للقيادة السياسية بتاعتنا الجديدة بنشوف ردود افعالها ايه في خلال الفترة دي وشكل ردود الافعال دي . الحاجة التانية عملية الفتح والانتشار اللي بتقول عليها كانت كتيبة واحدة اسرائيلية اسمها كتيبة "كار كان" وكانت دي كتيبة استطلاع وجمع معلومات وليست للقتال ودي حركتها بالقرب من الحدود المصرية فقط .. اذن مفيش فتح انتشار لقوات ولا فرق ولا لواءات ولا كلام زي دا الاعلام والمسئولين الحقيقة بيشوهوا الصورة بشكل غير عادي
احمد بصيلة: طيب هذه اجماعات كافية لهذه المجموعات اللي موجودة في سيناء وعدادها وتسليحها هل هذه المعلومات متوفرة للقوات المسلحة لاننا نرى اسامي او عناوين لهذه الجماعات فقط
اللواء.محمود خلف: يعني مفيش داعي نقلق على القوات المسلحة .. القوات المسلحة تعمل بكفاءة شديدة جدا ولديها الانظمة بتاعتها واجهزة الاستخبارات بتاعتها ولا يجب الحديث عن ذلك كل ماعلينا الصبر والانتظار وان نثق في قواتنا المسلحة وان لديها ما يكفيها والحاجة التانية الاهم اني احب اطمن الناس ان القوات المسلحة لديها صلاحيات ومفوضة بصلاحيات كاملة في سيناء ولديها كل الامكانيات تفعل ما تشاء وتستخدم اي حد من القوات في اي مكان واي زمان ولن تتوقف عجلة القوات المسلحة
احمد بصيلة: والخبر اللي نشر عن اعتراض اسرائيل لوجود هذه القوات في سيناء
اللواء.محمود خلف: لا .. دي مسائل سياسية والجيش القضية دي ما تهمهموش فيه رئيس دولة وفيه قيادة للدولة هو اللي عليه واجهزة الدولة هي اللي تتعاطى مع اسرائيل في الامور السياسية والقوات المسلحة مفيش حاجة هتوقفه والقوات المسلحة معندهاش مشاكل ولا عندها اي حاجة ولا حاجة موقفاها بس لابد ان نثق في ابنائنا في القوات المسلحة هتنجز مهمة هتاخد شهور مش بالبساطة اللي احنا متصورينها واحنا سمعنا من الاخ في سينا بيقول ان الامن بيتحسن وهيتحسن تدريجيا ان شاء الله
احمد بصيلة: اللواء محمود خلف مستشار المركز القومي لدراسات الشرق الاوسط شكرا لحضرتك والدكتور طلعت موسى الخبير الاستراتيجي شكرا لحضرتك .. اعزائي المشاهدين غدا لقاء جديد واتجاهات الى اللقاء