13/10/2010 عبد اللطيف المناوي: كما ذكرنا منذ عدة مرات الحديث عن سينا له مواسم وموسم الحديث عن سينا عادة بيكون في ذكرى الحديث عن سينا وهو يوم اصيل في حياتنا يوم يستحق ان نحتفل به ولكن عند الحديث في 25 ابريل بعد ايام ينتهي الحديث ولذلك احنا قررنا ان يكون الحديث هذه المرة بعيد عن المواسم بعيد عن سينا لانه لا ينبغي ان يكون الحديث عن سينا مرتبط بوقت الحديث عن سينا لم أحضر إلى هنا ومعي أجندة خاصة ، نحن حضرنا هنا لكي نقول ونؤكد أن هذا الإعلام وهذا التليفزيون هوملك لكل المصريين وحق لكل المصرين ان يكونوا متواجدين فيه وحق لكل الاصوات المصرية ان تعبرعن نفسها وان تعبرعن طموحاتها وان تعبر عن مشكلاتها وان تطالب بحلول هذه المشكلات من حقهم ان يكون لهم صوت يخرج من خلال هذا الاعلام المملوك للكل الوطن وبكل الوطن ولهذا اتيت الى هنا وبهذا المعنى نفتح الحوار بدون قواعد مسبقة الا قاعدة التعبير من القلب اذا كان قد عبر احد الشيوخ قبل هذا اللقاء هو حوار من القلب حوار صريح حوار نحاول فيه ان نفهم ونتفهم جميعا كمصريين ماذا يحدث في سيناء مشاكل اهلنا في سيناء كيف يمكن التعامل مع هذه المشاكل كيف يمكن حلها وقبل كل هذا انا اتشرف باني اكون موجود واكون موجود بين الجالسين معانا مجاهدين حملوا بالفعل لقب المجاهدين عن استحقاق وجايزالقضية اللي اتكلمنا فيها اللي هي خاصة بعلاقات القبائل مع القبائل بتطرح موضوع هم وهو الشيوخ شيوخ القبائل والاعراف التي تحكم بين القبائل هل وضع سشيوخ القبائل في هذه المرحلة اصبح مختلف عن قبل، كان في مرحلة من المراحل عدد محدد من شيوخ القبائل العدد بقى اكبربكتير دلوقت نتيجة انه اكتر من شيخ موجود وعدد كبير من المشايخ موجود اصبح فيه تغيراقتصادي موجود حاصل في المجتمع السيناوي اصبح فيه حديث عن الاعراف هل الامور دي اختلفت ايه شكل الحالة النهارده في سينا من ناحية وضعية القبائل ووضعية شيوخ القبائل ومدى سطوة او مدى سلطة شيوخ القبائل مدى الحضور وتاثيرالعرف وتاثيرالاعراف على مجموعة من القبائل اتفضل شيخ المجاهدين: حصل تهميش لدورالمشايخ لكن حقيقة القضاء العرفي والسلام الاجتماعي المعمول به في وسط القبائل هو سلام شامخ لكن في الاونة الاخيرة خحصل عليه تعدي عبد اللطيف المناوي: تعدي ازاي ايه اللي حصل ؟ شيخ المجاهدين:التعدي اولا القاضي بيطلب مبالغ كبيرة جدا حتى يحكم في المشكلة ثم انه السلام الاجتماعي بين القبائل هو يحتاج لمراجعة للنفس حتى شيخ القبيلة اوكبيرالربع يكون ملتزم بنفس القوانين اللي يكون بيتعامل بيها زمان بمعنى انه الان الشيخ اتهمش دوره ازاي بعض الشباب اوالولاد الصغار بيطلب والشيخ بيطلب مطلب للاسف ما يتنفذش ويتنفذ لهذا الشاب الصغير عبد اللطيف المناوي: ليه ؟ شيخ المجاهدين: عشان بيجيب قضية باختصارشديد جدا وبيهمش الشيخ في دوره لكن طبعا من فترة بدات الداخلية تدفع بقيادات امنية واعية ومتمرسة تعرف عادات وتقاليد المجتمع القبلي فالامور ماشية في تعسر،لكن السلام الاجتماعي بين القبائل فيه عيب ثابت من ازمنة بعيدة مش من سنة ولا من عشرة ولا من عشرين نحتاج الى مراجعة لكافة بنوده عبد اللطيف المناوي: طب انا سامع همهمات هنا. الحاج/ حماد المرابي شيخ قبيلة البياضية: بالنسبة للشيخ وهيبته او المستقبل اللي كان قبل كده احنا كنا نسمع عن الشيخ اوعاشرنا المشايخ اللي قبل كده سمعنا من ابائنا ان احنا ما نقدرش نكوع قدام الشيخ احتراما لهيبته، النهارده ابني وهو لسه في ابتدائي بيشرب دخان قدامي هي النهارده انا بفتكر ان شبابنا كان يجي يقول الراجل دا مش عدل اربطوه على العامود دا بيلقى 20 واحد يربطوه على العامود النهارده لو اقول اربطوا الراجل دا على العامود يكتفوني ويروحوا يودوني النقطة والنقطة توديني على النيابة يبقى تيجي هيبة الشيخ من فين الشيخ مابقالوش هيبة عبد اللطيف المناوي: ليه ؟ الحاج/ حماد المرابي شيخ قبيلة البياضية:عشان التغيرالزمني والقانون اللي سار موجود كان لما تروح على النقطة بتخاف على النقطة وانت رايح عليها دلوقت بتروح على النقطة او القسم بيعمل محضر فيك وفي ابوك ازاي انا اطاوع ظابط في انه يعمل محضر للواد في ابوه انا على ما اتذكر واحد كان مامور صعيدي راح يشتكي الشيخ قاله لا مع احترامي لسعادتك تروح تحترم الشيخ النهارده انا لو خبطت واحد بتحول انا على النيابة اعتبرمعتدي عبد اللطيف المناوي: اتفضل عارف ابوعكر/شيخ عشيرة العكور: فيه الشيوخ نوعين فيه نوع قويم غير ماحد يقويه وفيه شيخ من الاخر ضعيف خيخة لا الحكومة تقويه ولا شعب يقويه عبد اللطيف المناوي: الطبيعة الشخصية للاشخاص عارف ابو عكر/شيخ عشيرةالعكور: الحمد لله فيه مشايخ حافظين كيانهم وحافظين شيختهم ولكن احنا عندنا دلوقت لغة اسمها لغة المال ليش لغة المال..؟ لما تنتشر لغة المال واد بيبيع فجل وجرجيرعالشارع سار فيه فلوس معاه ابوه ما يقولوش انت جبت الفلوس دي من فين احنا لازم ندورعلى البدائل ترفع حياة الناس ازاي خصوصا الناس اللي في الطبيعة الجغرافية هي اللي بتحكمهم لازم نفكر للناس في حياة بديلة ليهم عشان نمنع التهريب عبد اللطيف المناوي: اتفضل شيخ قبيلة الترابين : بالنسبة للمشاكل هي مشاكل الحمد لله بسيطة جدا وفيه اهل الخير والمشايخ وكبار العقلاء والعائلات بيتدخلوا وبيحلوه في سلام والحمد لله , وليست سيناء هي محافظة المشاكل ولكن كل محافظة لها مشاكلها بس المشاكل بتختلف بالنسبة للتوثيق هذا التوثيق هو ظاهرة جديدة احنا مرة نقول انه اعتداء على الغيربغير حق وواضح فيه كل الوحش والسئ فيه لكن الحمد لله اهل الخير كثيرين والناس هي اللي قلية جدا جدا جدا في كل القبائل ماهي كتيرة اللي بيحكم الناس واحد بيتعامل مع ناس وبيعرف فيه ايه هذا بياخد أي عربية وهذا بياخد اراضي والموضوع عايز حكمة وكلمة الشيخ يرد الناس مو ضابط يرد الناس اللي براسه شي بيعمله هذا كلام خارج جدا عن حكم الشيخ الللي يحكم الناس حقيقه ويرجع لمأثورالعرف ان الناس كلها تتفق كل قبيلة تتفق على ان أي انسان ياخد اراضي يمسكوه عبد اللطيف المناوي: الاتفاق دا حاصل ..؟ شيخ قبيلة الترابين : بنتكلم عن شئ جديد عبد اللطيف المناوي: هو النهب جديد لكن اعتمدوا على اعراف قديمة ولاغوها .. شيخ قبيلة الترابين : نتفق مثلا ان أي قبيلة السواركة مع الطيعمة مثلا نتفق ان فيه عربية ما تقدروش تاخدوا أي عربية تدونا خبر واحنا كقبيلة بنلم بعضينا واحنا متفقين تكتبوها بورق رسمي عندك حق تاخده لك حق تحطه والله استجاب تتحل المشكلة ما استجاب دور كبيرالقبيلة امام ربنا ان شاءلله بالعصاية يرمون لو اتعمل هذا مرة عبد اللطيف المناوي: طب هل بيحصل تناقض بين العرف والقانون؟ شيخ قبيلة الترابين: اه عبد اللطيف المناوي: انا سمعت اه وسمعت ابدا شيخ قبيلة الترابين: اولا كل قبيلة فيها 3 قضاة معروفين بالميراث يبقى قاضي ابن قاضي ابن قاضي اذا عنده خبرة وعنده امانة وعنده حكمة فمن سنة واكثر سار انت تجيب قاضي وانا اجيب قاضي فيه اللي بياخد فلوس وفيه اللي ما بيفهم شي واحيانا القسم يختار قاضي ، العملية تاهت شوية لان الناس توهت بعضيها ما يمشوا على الاساس الصحيح انا مثلا عندي مشكلة مع السواركة بقول مين قاضي السواركة بختارقاضي معروف بالنزاهة والامانة لكن تجيب لي قاضي يمكن ما بيفهم يمكن متحيز يمكن بيقبض عبد اللطيف المناوي: اتفضل احد ابناء سيناء: بالنسبة لموضوع الشيخ ووضعه بين قبيلته ووضع القبيلة مع القبائل الاخرى الشيخ وموقفه لوتواجد في عشيرة أي مطلوب بينفذ الطلب للجهة المختصة اللي هي طلبته لكن تم الاقلال من وضعه بصورة عدم الالتزام بأساسيات العرف واحنا المفروض كقبائل نلتزم بالعادات والتقاليد الطيبة فينا .. قبائل بين توثيق وما توثيق التوثيق اليوم النهارده عملية سرقة بالإكراه لانه خرج من الاطار ومش عايزين نناقض بعض في الكلام القبائل شخصت لها ناس معروفين من خلالها يتم الدخول لهذه القبيلة أي مشكلة في القبيلة تعرض على ناس القبيلة ومعلنين في جميع الاجهزة ، الشيخ والتقليل من شانه في فترة سابقة ومازال لدورالأمن يمكن ان يرجع اليه اى انسان في عشيرة الشيخ لا يساوي شئ يستفيد منه مسئول عبد اللطيف المناوي: يعني فيه ممارسات ادارية او امنية ؟ احد ابناء سيناء: يبقى واحد في القسم وعايزيطلع مثلا ممكن يدي للانسان دا اللي ما يسواش حاجة ويركن الشيخ على جنب ،الدورالسياسي نفسه له تاثير في دورالشيخ وجدت محلات قاعدية وشخصت باشخاص ليس لديهم أي ثقل على الساحة السياسية ولم يؤخذ راي المشايخ فيهم مع ان الاجماع الشعبي وراء الشيخ جانب امني ، جانب سياسي ، جانب محلي برضه الادارة المحلية لها جزئية كبيرة في التأثيرعلى الشيخ دي جزئية هامة جدا دور شعبي ودور سياسي عبد اللطيف المناوي:اتفضل سليم سلامة دامش/ شيخ قبيلة السواركة: بسم الله الرحمن الرحيم حينما نتكلم عن ما يدور في شمال سيناء عن التوثيق وهذا شئ جديد على محافظتنا ونحن حينما ولدنا وجدنا قانون عرفي يربط ما بين القبائل وبعضها ونحن قبيلتين في شمال سيناء اكبرالقبائل اللي هي موجودة في شمال سيناء قبيلة السواركة وقبيلة الترابين وللاسف الى الان قبيلة السواركة وقبيلة الترابين فراغ سياسي وليس لهم ممثل برلماني وهم اكبر القبائل الموجودة في شمال سيناء عبد اللطيف المناوي:هل اختيار الأعضاء المرشحين للبرلمان او لمجلسي الشعب والشورى بيتم اخذ رأي المشايخ في هؤلاء الأشخاص المرشحين؟ سليم سلامة : للأسف لحد الآن لم يؤخذ رأي المشايخ في الهيئات البرلمانية الموجودة في المحافظة ونحن نقول ونطالب أمام السيد الوزير محافظ شمال سيناء أن يؤخذ رأي المشايخ في جميع ما يخص المحافظة سواء من هيئات برلمانية او محليات لان كله بيتم بدون راي المشايخ وهذا الشئ يؤثرعلى القبيلتين ويوجد فراغ في القبيلتين عبد اللطيف المناوي: اتفضل ابراهيم سليمان ابو عبده: اولا اهم نقطة في المشايخ حتى الان هي اختيار الشيخ امنيا ودي نقطة سلبية في شخص الشيخ ذاته حتى لو هو ملتزم وكويس وكل الصفات الحميدة فيه لكن طالما تم اختياره امنيا بتظل نقطة سودة في تعامل اهالي دايرته او العشيرة اللي هو فيها فنحن نطالب سيادة المحافظ بانتخاب الشيخ انتخاب يعني فيه مشايخ عندنا في القرية من وفاة الشيخ حسين لم يتم تعيين الشيخ حتى الان ليه..؟ لم يعد عندنا شيخ الى الآن لأنه أصبح أي فرد يقدم نفسه على انه شيخ والاختيارات الامنية عندها 20 اسم تحتارالجهات الامنية تختار مين فيهم بالظبط لكن لو تم الاختيار بالانتخاب فيه كتير جدا هيتراجع لأنه عارف نفسه مش واخد 10 أصوات في القرية فهيتم تقليص العدد الى 3 و4 ...... ابراهيم سليمان حسن زقزوق/ قبيلة السمعنا : الشيخ عليه واجبات عليه ان يؤديها على اكمل وجه واذا منحت العشيرة الشيخ الثقة بالتأكيد هينجح ولو هو جاي بإرادة العشيرة هينجح أي مشكلة هتمرعليه قبل ان تحدث هيحلها في ابسط الاشياء لو الشيخ اتمنح الثقة من العشيرة هينجح اما لو اجباري مش هينجح عبد اللطيف المناوي: الثقة دي تمنح ازاي ؟ ابراهيم سليمان حسن زقزوق/قبيلة السمعنا : بحب الناس ليه ؟ عبد اللطيف المناوي:طب احب اسمع رد اللواء مراد تعليقى على اعتبار انه معايش وعالم بما يحصل اتفضل اللواء/ مراد موافي: الحقيقة سينا بتحكمها اعراف وتقاليد من مئات السنين اللي كان بيحكم سينا 30 شيخ دلوقت عندنا 147 شيخ ومش محكومة زي ماكانت محكومة زمان عبد اللطيف المناوي:طيب ليه 147 القبائل هي القبائل ؟ هل القبائل زاد عددها القبائل هي القبائل ؟ اللواء/ مراد موافي: القبيلة دي حاجة كبيرة زي ما بنقول ترابين سواركة وخلافه في داخلها فيه عشايروالعشايرداخلها أرباع والأرباع داخلها خمسان اللي بيحكمهم حاجة اسمها العلم يعني قوانين فموضوع من مئات السنين معروف وشغال كويس قوي وفيه قاضي عرفي مشهور ليه بالنزاهة والحكم الصائب للأسف انا بعتبر ان المسئول عن هذا الخلل هم المشايخ واهل سينا لان الأحكام والأعراف اللي بينهم لم تترك كبيرة ولا صغيرة الا لما حطت لها قواعد وضوابط لو الكل مشي عليها مش محتاجين لقانون خارج القبيلة إنما للأسف لما دلوقت يختاروا قاضي غير مشهود له بالنزاهة ليه عشان يعمل له الحكم اللي هو عاوزه .. لو انا عايز اقول حال الشيوخ مش هينصلح الا اذا خلصت النوايا لهم وكل واحد عارف الصح من الغلط ويراعي ربنا ويرجع لجدوده كانوا بيعملوا ايه . عبد اللطيف المناوي: اتفضل الشيخ/ محمد ابو عيد- قبيلة البياضية:طبعا المشايخ زمان الوضع بيختلف عن دلوقت كان زمان كل حاجة مسئولة من الشيخ عشان كده كانت صورته كويسة وكل شئ بينفذ عن طريق الشيخ لكن لما دخلت المحليات دخلت بانتقادها ودور الشيخ بقى مرتبط بالدورالامني طبعا احنا من ناحيتنا احنا عندنا في مركز رمانة 4 مشايخ يعني اربع قرى يعني اربع عائلات مشايخ بقالهم سنتين ودا كم كبير طبعا مش سهل زي المثل اللي بيقول يعني " شيخ بدون رعية زي الغنم بدون راعي" فالشيخ برضه له دور مهم عبد اللطيف المناوي:الأجهزة الأمنية بتقرر مين الشيخ؟ الشيخ /محمد ابو عيد: يجوز لان المسالة أصلا أصبحت مش واحد المتقدمين مش واحد لا المتقدمين 13 عندنا فدا معرفش جايز يكون له مردود مادي لانه الشيخ بيتحاسب بالجلسات صاروا 500 ، 600 لو ببلاش جايز محدش يتشيخ.. دا من ناحية المشايخ من ناحية التنمية طبعا التنمية والامن دا ا مشكلتنا في شمال سينا التنمية والامن والتنمية مرتبطة بالأمن والأمن مرتبط بالتنمية دول ماشيين مع بعض عبد اللطيف المناوي: اتفضل شيخ المجاهدين الحاج عبد الله: المرتب كله 500 جنيه احنا بنعمل اجتماعات في الشهر مع مدير الأمن والمخابرات والمرتب ما يكفيش بنزين بس الشيخ/عواد ابو شيخة*احد مشايخ مركز رفح: المشايخ بتختلف مشايخ زمان ومشايخ النهارده في جزئيتين رفح والشيخ زويد كان بيحكمها نقيب فقط كان في ادارة المخدرات وكله بجميه اجهزتها ومحدش كان بيقدر يدخل المكتب الا الشيخ، النهارده ادارة محلية وداخلية وحربية و11 جهازفي كل مركزكل واحد له صلاحية التعيين والمرورعليه المرورهذا وجه اساسي في الاختلاف هناك الشيخ لوقال فلان دا مخطئ النهارده الشيخ ممكن يقع في مشكلة يشتكيه واحد وهو قاعد في اجتماع ويقول دا الشيخ ضربني ويروح القسم عبد اللطيف المناوي: يبقى اذن فكرة اعادة الهيبة مرة تانية للشيخ طيب تعليقك الاخير في ثواني عشان انتقل لموضوعات اخرى الحاج/ فرج سالم: اللي خلى القضاء العرفي ينحرف عن مسارها الطبيعي انه اصبح فيه فئة ضالة اصبحت في يدها مال ولها تاثيرعلى رجال الخير والمعروفين بالنزاهة هذا التاثير تاثير سلبي وليس ايجابي ينحرف بالقضاء نحومنعطف غير جاد غير حقيقي وبعدين الفئة الضالة دي الدولة عارفة ايه مصدرها يعني يجب ان المجتمع والدولة تتكاتف لمحاربة هذه الفئة الضالة حتى نعود للعرف الصحيح والناس اصحاب النزاهة عبد اللطيف المناوي:اظن مسالة المشايخ المسالة بقت واضحة طبيعة المشكلة وننتقل الى موضوع تاني وهو موضوع هل ما يحدث من اشتباكات يعلن عنها اما بتهويل او بتهوين من اشتباكات بين بعض ابناء القبائل وبعض قوات الامن هل دا نتيجة لمشكلات هل يهون فيها ام يهول فيها هل دا انعكاس لمشكلة بيعانيها اهل سينا في التعامل ؟ الحاج/سالم العكش: اولا احنا مش نظام تهويل ولا تهوين اولا احنا محافظة حدودية محافظة مراقبة من العالم أي حاجة فيه صغيرة ممكن بتكبرعن طريق الاعلام،موقعنا هو اللي بيكبر الموضوع لا شك انه فيه بعض المشاكل بين القبائل وتحل مهما كان بتوصل لكن في الاخرالعقلاء والمشايخ بيستطيعوا ان هم يحلوا للطرفين ويخلص الموضوع اما الصدام اللي بين بعض الناس وبين الامن مش بالطريقة اللي الناس بتسمعها في التليفزيون وانا بقول الكلام دا بيرجع الى ان المنطقة نفسها منطقة متراقبة عالميا دا اللواء/ مراد موافي: انا عايزاقول حاجة ..اللي انا عايز اقوله بالنسبة للتهريب التهريب اللي بيتم على الحدود دي مسئولية مشتركة ما بين الجانبين سواء الجانب الاسرائيلي اوالجانب المصري وهناك بعض العناصر اللي بتقوم بالتهريب وعشان بتقوم بالتهريب بتستخدم بعض الاسلحة ، وقت التهريب عادة بيبقى ليلا وقبل الضهروانا هنا النقطة دي بحب استوضحها لانه فيه اجهزة اعلام كتير بتركز على النقطة دي دون علم كامل بها فلما بيتم التهريب بيضربوا على عناصر الامن اللي بتأمن الحدود عشان ترهبهم عشان يقدروا يهربوا الرعايا للجانب الاسرائيلي ورغم اني بقول الامن دا مسئولية مشتركة بين الطرفين فبيضطرانه يضرب عليهم لانه بيضرب عليه عايزيقتله ففي النهاية بيضرب عليه عشان يحمي نفسه فبيصاب بعض الرعايا الافارقة اثناء التهريب ، الناس بتسيب القضية كلها وتقول ازاي الافارقة يصابوا طيب ازاي ما يتصابوش طيب ماهو فيه من رجال الامن اللي هما بيحموا الحدود فيه منهم من يقتل ومنهم من يصاب ودا بصفة دائمة فالناس بتسيب هذه الجزئية وتركز على الاعلام وتقول انه ازاي يصاب الافارقة يجب حمايتهم دا واحد بيعبر حدودي بينتهك سيادتي دون ان يكون له هذا الحق فماذا افعل هل اتفرج عليه واسيب الطرف الاخر اللي بيقود التهريب بيضرب عليا يتفرج عليا واقتل ابناء نا او يجرح واسيب التهريب يتم..؟ عبد اللطيف المناوي:طيب اسال عن موقفكم انتوا كمشايخ كيف تنظرون انتم الى عملية التهريب هنا اللي بيقوم بعنبية التهريب بيتم وصمه وكأن ابناء سينا كلهم بيشتركوا في التهريب انتوا التعامل من قبل المشايخ او من قبل اجهزة الامن كيف يتم التعامل معاهم ناصرابوعكر: التهريب موجود عند كل محافظة حدودية السلوم على حدود ليبيا فيها تهريب ولكن مفيش اعلام،الاعلام موجود عندنا هنا ليه لان فيه اسرائيل على الطرف الاخروالفلسطينيين والمظاهرات والحدود هي دي المشكلة الكبرى عندنا اعلاميا ان الاعلام مركز على شمال سيناء واذا كان بيهرب حتة سلاح بيحطوها 50واذا كان بيتهرب كيس رزبيحطوه 2000 واذاكان بيتهرب 1000 دولاربيحطوه 5 مليون لان احنا منطقة حدودية ومتركزعلينا من بعض الدول خصوصا امريكا وبعض الدول العربية الي ليها مركز اعلامي وكأن سينا كلها هي اللي فيها التهريب وكأن سينا كلها هي اللي فيها القتل وكأن سينا كلها هي اللي فيها السرقفة بالاكراه والتوثيق دي نقطة النقطة التانية انا عاوز ارجع الانتماء لمصر انا عايز استأذنك انك تشيل اللقطات اللي حصلت على الانتماء من البرنامج تماما لان الكلام دا مفيش نقاش مفيش فيه أي كلام نهائي صراحة يعني ايه نتكلم عن انتمائك لمصرنحنامن فين..!!!! الاعلام هوااللي بيعمل كده بيخلي الناس تفكرالناس دول جايين منين من كوكب اخر عبد اللطيف المناوي: دلوقت انت بتديني فرصة اني اتقدم باعتذار لحد زي الشيخ حسن زي الشيخ سليمان زي كل المجاهدين عن أي حد من الزملاء اخطأ في انه تعامل مع الموضوع بعدم فهم دي مسالة غير قابلة للنقاش وغير قابلة للكلام وانا شعرت في لحظة انه ينبغي ان اعتذر لكم والى هؤلاء عن أي حد تجاوز في التعامل او في التعبير عن دا ..اتفضل ناصرابوعكر: لا مش عشان الموضوع دا انت تشيله ، عشان يتنسي خالص ما نتكلمش فيه النهارده وحد تاني عايز يرد على الموضوع دا خلاص موضوع مفيش فيه نقاش موضوع انتماء ابناء سيناء مفيش فيه كلام عبد اللطيف المناوي: طيب شكرا..اتفضل احد ابناء سيناء: من المشاكل اللي بنقابلها يوميا او شبه يوميا من ضمنها العبور الى الضفة الغربية في قناة السويس على كوبري السلام او البضائع لابناء سينا احنا طبعا من محافظات مصر يعني بين الاسماعيلية وبين الشرقية مفيش أي مشاكل فيها احنا برضه من حقنا ان بضائعنا تيجي بدون الازعاج اللي بنقابله على الكوبري عبد اللطيف المناوي:ايه ملامح الازعاج اللي بتحصل؟ الحاج/سالم العكش:اولا بالنسبة للبضائع اللي جاية بتقابل كانك طالع دولة تانية تفتيش وتقعد العربية 5 او 6 ساعات طيب عشان احنا محافظة حدودية ماشي لكن عشان تظبط لي الحدود هنا ما تظبطهاش في الداخل ..الحاجة التانية التفتيش على كوبري السلام وانت معدي يعني دلوقت اول ما تعدي الناحية التانية افتح العربية وافتح الشنطة يعني فيه انتهاك لحرمة المواطن بطريقة الناس كلها زعلانة منها فيه اجهزة حديثة ممكن تكشف عن العربية من اولها لاخرها عبد اللطيف المناوي:يعني من حق الدولة ان تشعر بامان ولكن ليس على حساب المواطن او حساب كرامة المواطن استخدام اجهزة حديثة استخدام ةوسائل الكترونية ولكن لا تعطي الاحساس للمواطن في أي مكان...... الحاج/سالم العكش: بالظبط ياجماعة يبقى فيه انضباط ولكن اديني ميتي في العبور لمحافظة تانية عبد اللطيف المناوي: زي اهل الاسماعيلية زي الشرقية .. ؟ الحاج/سالم العكش: الحاجة التانية اللي بيعاني منها اهل سينا في الوادي عامة انا لابس غطرة وعقال ومعايا عربية ملاكي شمال سينا وبمجرد ما تعدي على أي كمين اركن اول ما تعدي عربية نمر شمال سينا تركن على جنب وتتفتش والعربية تتفتش طيب مالعربيسة اللي جنب مني دمياط واسماعيلية واسكندرية لكن اول ما تعدي نمر شمال سينا تركن العربية على ىجنب وتتفتش الحاجة التالتة حصة ابناء سينا من ترعة السلام احنا شريان الحياة ترعة السلام خصص لنا 5 الاف فدان لابناء سينا انا مش عايز اتكلم ، 5 الاف لفدان هيكفوا مين في هذه المحافظة انا هضرب مثال في الاسماعيلية في قرية" جلبانة "كل مواطن حصل على 5 افدنة مزروعة الحاج/سالم العكش: يعني في قرية جلبانة كل واحد اخد 5 فدادين احنا فين حصتنا من ترعة السلام عشان الناس ما تلجأش الى التهريب وعشان تجد مصدررزق ثابت ، الجزء التاني المجاهدين احنا بنتكلم عليهم في الاحتفالات ولكن المجاهد حتى الان لم يستلم ارض او فدادين ايضا بنطالب بالتمليك انا عاوز اروح الشهر العقاري وابيع بيتي زي أي مواطن في جمهورية مصر العربية طيب احنا مافرطناش فيها ايام العدوان هنفرط فيها النهارده..؟ الجزئية الاخيرة احنا عندنا صناعات في المحافظة يعني الدولة تساعد المستثمرين يزوروا محافظة شمال سينا عشان خاطر يستثمروا في هذه المحافظة لان ثورة التنمية في المحافظة لا تقل عن تحريرها يعني النهارده رويناها بدماء مصرية منم مجاهدين ومن قوات مسلحة وحتى تحررت هذه الارض تماما -النهارده مرحلة التعمير ومرحلة التنمية ومرحلة الاستقرار مش اقل من حرب اكتوبرعلى هذه الارض واحنا كأبناء سينا نعاهد الله سبحانه وتعالى ونعاهد انفسنا والقيادة السياسية السيد الرئيس محمد حسني مبارك ومحافظنا باننا نكون ان شاء الله على العهد سائرون في الحفاظ على الارض والعرض في الحفاظ على حدودنا نقدم اكفانا على ايدينا لحماية ارضنا وعرضنا واشكر التليفزيون المصري عبد اللطيف المناوي: اتفضل احد ابناء سيناء: في البداية تكلمنا عن الانتماء وأريد أن أقول ان هناك قضايا شائكة في شمال سيناء اذا تحققت فهناك يكون الانتماء حقيقيا للغاية العنصر الأول التمليك نمرة اتنين توصيل مياه النيل الى ربوع شمال سيناء والى قرى ونجوع شمال سيناء حتى الطفل ينعم بماء وادي النيل في قرى ووسط سيناء فهناك الانتماء الحقيقي لهذا الطفل العنصرالثالث خلق فرص عمل للشباب حتى يحس هذا الشاب عندما يتخرج من الثانوية العامة ويدخل الجامعة ويدخل الجيش بعدها يجد فرصة عمل في القطاع الخاص او العام انا بصفتي مواطن من ابناء مركزالشيخ زويد كنت في العهد الماضي عام 1975 كنت اركب الجمل وانقل المياه من قرية ابو الفيتا على ساحل البحر مسافة 15 كيلو واليوم جميع القرى تنعم بالمياه ليست بالجمل وانما بتوفير سيارات من قبل المحافظة وشكرا عبد اللطيف المناوي:اتفضل احد ابناء سيناء: من جهة التنمية فالتنمية في أيدينا لو أصلحنا الإدارة عبد اللطيف المناوي:اتفضل شيخ المجاهدين/ الشيخ عبد الله: نرجو من الحكومة توصيل الخط الحديد في المرحلة الاخيرة وبنرجوايضا توصيل خط الالف مللي منم الاسماعيلية حتى المنطقة الصناعية ونرجو من رأس مال مصري يديره مصري ويستخرج كنوز من خامات التعدين من وسط سينا احد ابناء سيناء: لو بصينا في شبكة الطرق ونجوع المحافظة لو بصينا للابار اللي على مستوى المحافظة الابار فاقول الدولة قدمت الكثير ولا ينكرها الا العيون المريضة فيه مطلب صغير جدا المطلب الاول هناك صخرة تعد مسمار جحا على الشيخ زويد ، الاسرائيليون ياتون من كل فج ويضعون اكليل من الزهور فمطلبنا من كل الشرفاء وعلى راسهم السيد المحافظ ان يقام نصب تذكاري للقوات المسلحة وتوضع دبابات ويكتب عليها بالعبراني والانجليزي احد الدبابات التي استأثرت في عام 73 من الاسرائيليين لاجل ان يعرفوا انهم خرجوا من سيناء مهزومين وليسوا منصورين عبد اللطيف المناوي: وانا اضم صوتي الى صوتك واعتقد انه اقتراح جدير بالاهتمام ..اتفضل احد ابناء سيناء: نقول رسالة لكل الحضوراللذين حضروا المشايخ والطبقات نقول رسالة للقيادة السياسية ان سيناء بخير وتستطيع القيادة السياسية ان تراهن علينا وقت الشدائد ان شاء الله احد ابناء سيناء: هل القانون العرفي قانون مكتوب يعني له نص دستوري هل اشرف عليه الخبراء هل عدلوا فيه هل ما يصلح قبل الثورة يصلح الان؟ عبد اللطيف المناوي: طبعا وفقا لما عرفناه انه نتاج لتطوراجتماعي ونتاج للتطورات الاجتماعية الخاصة بالمكان .. اتفضل احد ابناء سيناء: لكن انا بملك اليات تنفيذ باجبر الخصم ان يلتزم بها الان ولا املك القوة لان فيه قانون في وزارة العدل يجرم الاداة اللي انما بيجبر الخصم بيه فيقولك هذا دور وزارة الداخلية تكون شريك مع القضاء العرفي اللي بيفصل في النزاعات عبد اللطيف المناوي: وجهة نظر اخرى ..اتفضل الحاج /صالح محمد سليمان: هنتكلم عن بطالة الشباب اللي هي قنبلة موقوتة في المنطقة اللي هي البطالة ، الشاب لما يتوصل لمصدررزق مش هيطلع في سرقة لما يشوف مصدررزقه هيعيش عيشة كريمة لكن لما ما يلقاش وظيفة مضطر انه يسرق حتى لو يسرق ابوه تاني حاجة المفروض في أي وظائف يتذكر الاولوية لابناء سينا لازم يكون ليهم الاولوية لما بيعلن عن أي وظائف بياخدوها ابناء الوادي اما لشهادات اعلى او واسطة انا ليا عندي 5 اولاد مفيش ولا واحد فيهم اتوظف من سنة 91 ، مشكلات الزراعة مفروض معاملة اهالي سينا معاملة خاصة يعني قبل 52 كانوا بيتعاملوا باحكام عرفية وحاجات تانية دلوقت احنا عايزين معاملة خاصة شوية بحنية بحنية يعني حتى لو زدنا عن المحافظات بحاجة مفيهاش حاجة احنا عددنا قليل, يعني احنا بالنسبة لاسعارالكهربا الكيلو ب11 قرش للزراعة المفروض فيه تخفيض لاسعار الكهربا تاني حاجة دلوقت استخراج العدادات الزراعية مش عارف الزراعة وقفت العدادات تاني حاجة تمليك الاراضي كل الاخوة الحاضرين جزاهم الله خير كله اتكلم في التمليك ومن سنة 80 بنتكلم في التمليك ولغاية دلوقت مفيش سياسة حكومية ظاهرة نمشي عليها لان العملية فيها تخبيط محدش قادر يتملك ولا حد قادر يشعربالامان لان الموضوع ظاهرفيه سياسة احنا ما نعرفهاش وبعدين التمليك لابد يكون باسعار معقولة في متناول الجميع يعني ما تجيش لجنة التقييم تقيم الفدان ب50 الف تمليك يعني لازم يصيرفي متناول الكل تالت حاجة تحديد كردونات القرى لغاية دلوقت القرى سايحة على بعضها ما نتاش عارف حدود القرية دي ولا حدود القرية دي ولا صلاحيات دي ولا صلاحيات دي ودا متضارب في الجهة الحكومية ودا متضارب في جدهاز التعمير فمتعرفش تحدد مناطق النفوذ في كل قرية او كل وحدة محلية فضرورة تحديد كردونات القرى تالت حاجة ضرورة قبول ابناء سينا في الكليات العسكرية والحربية يعني الاعداد المقبولة دلوقت يادوب تنعد على اصابع الايد وفيه مثل بيقول اهل مكة ادرى بشعابها احنا دلوقت عندنا كفاءات في الشرطة والجيش وتمسك زمام المنطقة لكن احنا مالناش غيرتمثيل ضئيل في الشرطة والقوات المسلحة رغنم اننا كلنا عاوزين ندخل الشرطة وندخل القوات المسلحة باي طريقة لكن مش طايلين فيه اخر نقطة اللي هي ضرورة التركيزعلى التوعية الدينية ما نسيبش شبابنا لكل من حفظ حديثين يقعد بيهم على جنب وياخدهم في تياره لابد ان احنا نطلق الدعوة الدينية ونعممها على الجميع ويصير دين وسط مش دين تطرف ولا ارهاب وفي الاخر بنشكر الاستاذ عبد اللطيف والسيد المحافظ وكل الموجودين احد اهالي سيناء: انا عايزاتكلم في نقطة مهمة اللي هي ترخيص الابياربالنسبة للمزارع دي اللي بنطالب بيها السيد المحافظ لان ترخيص الابيارضروري جدا كل بيربيتعمل.. بيعمل حوالي 20 فدان او 15 فدان ممكن يشتغل فيه 10 وممكن يشتغل فيه 5 ممكن يشتغل فيه 7 طالما وجدت المية وجدت الزراعة وجدت التنمية، النقطة الثانية هي موضوع المباني في المدينة ولا حواليها خصوصا المدينة موضوع التملك فيبها المتر ب30 جنيه و50 جنيه بتتكلم الادارة الهندسية ايه السبب انا ارضي مالكها بحجة من 50 سنة اجي اتملك المتر ب30 جنيه ، النقطة التالتة التنمية السياحية سينا معروفة وكتبت عنها المجلات البريطانية انقى جو بيئي موجود في شمال سيناء ولكن مفيش فيها أي سياحة ، الاراضي الا على البحر محجوزة لناس معينين او لجهات معينة مفيش تنمية سياحية نهائيا عبد اللطيف المناوي:اسمع تعليق من اللواء مراد موافي. اللواء/ مراد موافي: احب اتكلم عن نقطة انا سمعتها انه كيف ننمي الانتماء والولاء اللي عايز اقوله ان الولاء والانتماء موجود غريزة عند اهل سيناء سواء لما كانوا تحت الاحتلال لما كانوا مكانش فيه غير بيرالمية ومكانش فيه غير الجمل فالولاء والانتماء موجود ما بنتشككش فيه لوجينا لموضوع ماذا بتقدم الدولة هقول ان السنة اللي فاتت بس دخل حوالي 13 واحد من ابناء سينا الكلية الحربية و12 واحد في كلية الشرطة وبشروط اقل من الشروط التانية بالنسبة لفرص العمل ويمكن لاحظتم ان مصنع الاسمنت للقوات المسلحة نزل الاعلان اسبقية اولى لابناء سيناء واتفتح مكتبين واحد في القاهرة والتاني كان موجود في العريش وانا فاكر ان السيد وزيرالدفاع قال احنا هنأهلهم ونعلمهم وهناخدهم برضه انا بقول ان خيرسينا لاهل سينا رغم ان معندناش فرق ما بين بدو ولا حضرانما بنقول الامال كلها موجودة،بالنسبة للمية اللي احنا بنقول فها مشكلة بلغة الارقام كمية المية اللي كانت بتيجي يومي شمال سينا 60 الف متر مكعب من الامطار وبتتكمل من مية الابار 30 الف ومية الابار فيها ملوحة وتستخدم للغسيل والاستخدام المنزلي وتم فتح 2 محول لرفع المية واحد في التلول والتاني قريب منناكمية المية الحلوة اللي بتصل بتعدي ال85 الف خلال الشهر دا الشهر الجاي هيجيلنا اكتر من 60 الف مترمكعب في اليوم اضافي هذا الحجم من المية غير مسبوق عمره مادخل شمال سيناء لدرجة ان انا بقول عايز توعية في الاذاعة لان الناس من كتر المية بقت تطلع الخزانات ويسيبوها تسيل فانا بقول ياجماعة احنا مكناش لاقيين المية يبقى احنا لازم نراعي ربنا في موضوع المية ، طيب بالنسبة للمية في الوسط ..الوسط احنا طبيعة قبلية في منتهى الصعوبة يعني مفسيش قرية متكاملة او مدن متكاملة لا دا كل 4 قاعدين في بيت عايزيني اعمله وحدة صحية ومدرسة واوديله المية وعايز له طريق يدخل لحد بيته ومع ذلك المية بتيجي لكل منطقة الوسط بالمجان ومع ذلك طلبنا من وزير الصحة ورئيس مرفق المية انه هيتم مد الخط مية الى منطقة الحسنة بالاضافة كان عدد العربيات 22 عربية اللي بتنقل المية وتم اضافة 4 رؤوس جرارات الواحد بيشيل 40 متر تمن الراس الواحد 450 الف وارتفع الاسطول من 22 الى 90 عربية يعني عاوز اقول ان دا دور الدولة في المية بس ، طب في الغاز كل المدن الساحلية بدا خطة واتعمل شركة سينا للغاز بتقوم بعمل الدراسات لتدخيل الغاز لكل المدن ، على مستوى الطرق حجم الشبكة مكانتش موجودة من سنين قبل كده بالاضافة الى انه تم تخصيص 215 مليون لشبكات الطرق وادي العريش اللي حصل في التعديات من الاهالي للزراعة واتعمل تطهيربحيث انه يعود وادي العريش لطبيعته ، الكهربا جالنا وزيرالكهربا احنا عدينا المليار يعني عدينا الميجا عبد اللطيف المناوي: طبعا بيظل من حق المواطن ان يطلب دائما وان يتوقع المزيد وان يعبرعن مشكلاته ومطالبه وعلى الادارة ان تحقق هذا بقدرالامكان كما بدات الحوار انا هسمع كلمتين اخيرتين من كبراء الشيوخ..اتفضل المجاهد الشيخ/سليمان المغنم:حقيقة أن لا تنمية من غيرأمان قبل ما نفكر انه يبقى فيه تنمية نطالب بالامن قبل كل شئ القبائل تلتزم بالامان بعد كده انا واثق ان التنمية هتمشي %% ... انا شايف ان دا الطلب الاساسي بالنسبة للوطنية يا أبناء سينا أنا شايف انه محدش ضربنا على ايدينا لما اشتغلنا زمان وذا اشتد البأس فنحن لمصر عبد اللطيف المناوي:أنا أشكرك ودي حكمة السنين ونتاج الجهاد الطويل .. السيدات والسادة حاولنا في هذه اللقاء الذي هو بداية للقاءات أخرى على ارض سيناء ان ننقل صورة للواقع صورة لأرض سيناء وصورة لأبنائها مرة أخرى ما أثيرمن موضوعات هناك العديد من الموضوعات أثيرت المجاهدين ووضعية المجاهدين والموضوع الأمني والإحساس الأمني الخاص وتعامل الجهات الأمنية مع أبناء سيناء والتعامل عبر كوبري السلام مرورا من والى سيناء قضية تمليك الأراضي وضرورة حسم هذه المسالة معالجة مشكلة البطالة المشايخ وأهمية دعم المشايخ في وضعهم ووضع المشايخ وتأثيرهم ومدى إمكانية أن يكون لهم دور واضح ومهم في من يمثلهم مرة أخرى شرفت وتشرفت في أن أكون في هذا المكان مع أهلنا من المصريين وأتمنى دايما أن يكون هذا اللقاء بداية لمعرفة ما يحدث والوصول إلى حل للإشكاليات المعروفة وللتأكيد على ارتباط الوطن الواحد والشعب الواحد السيدات والسادة شكرا لكم والى اللقاء في مرات قادمة بإذن الله شكرا لكم جميعا
