مساحة للرأى

نادر دياب: اعزائي المشاهدين اهلا بكم في حلقة جديدة من مساحة للراي حول الدستور الجديد نواصل النقاش مع ضيف الحلقة الاستاذ احمد ايوب الصحفي ومدير تحرير مجلة المصور .. اسال حضرتك عن اتهامات بعض القوى الثورية بالتمويل الاجنبي وحدث فيها مناقشات كثيرة ولم تسفر عن شئ حتى الان ويجب ان توضع امام المشاهد المصري حتى يعلم من معه ومن عليه
الكاتب الصحفي/ احمد ايوب:مقدرش اقولك س او ص .. نعلم ان س او ص او ع بيقبضوا من الخارج وبياخدوا تمويلات والحكومة مستنية ايه وشايفة المؤامرات قدامك وشايفة الخطط قدامك ماتطلعي وقدمي لنا المستندات وطلعيها واكشفي الناس دول والبلد بتتعرض لكارثة وعلى حافة الهاوية وبتتخنق وبتنهار والنهاردة نسبة البطالة قد ايه والمشروعات اللي توقفت والسياحة .. فيه ايه..؟! بنتكلم عن اعادة البناء طيب هنبني ازاي وفيه ناس جاية من الخارج عشان يخربوا وناس بتقطع الطريق .. اي سائح بيجيلي شايف قطع طريق هنا وقتل هنا ومظاهرات عنيفة هنا فين المستثمر اللي هييجي من غير امن وهما مش هيخلوا فيه امن ابدا فاكشف وطلع حقيقة الناس وانا بقول المتهم برئ حتى تثبت ادانته وادانتهم عند الحكومة .. النهاردة انت كحكومة ودولة عايش على عدد من المساعدات الخارجية مش هتستمر طويلا ومش هفضل مادد ايدي عايز اشتغل وعايز السياحة ترجع الحكومة محتاج يكون فيها قوة لاتخاذ القرار امام هذا الارهاب اللي طول ما الفرصة متاحة ليه سيمارس عنفه وارهابه على الشعب
نادر دياب: الحرب الاعلامية على الجيش وقوات الشرطة وتصعيدها ومحاولة الوصول الى وزارة الدفاع والاشتباك مع قوات الامن
الكاتب الصحفي/ احمد ايوب:هو دا الهدف عشان حد يصدره للخارج وانا شفت مشهد لجماعة الاخوان في الازهر بيحدفوا طوب على قوات اشرطة وواحد بيصور قوات الشرطة وهدفهخ تشويه الجيش والشرطة لانه انت في عقيدتهم لو اثبت للعالم الخارجي انه نثبت ان هذا انقلاب للقوات المسلحة واذا نجحىفي هذا سيحصل على الدعم الخارجي ودي خطة واقول لحضرتك حاجة ان الاخوان كان لديهم وعد من الدول الكبرى لممارسة الضغوط لتدخل حلف الناتو الى مصر والاخوان حريصون على تنفيذ هذا الوعد وتوصيل الامور الى تنفيذ هذا الوعد طبعا افشل هذا المخطط لانه النهاردة الدفة بتتقلب حتى وزير الخارجية جون كيري اضطر مؤخرا بعد ماثبت ليه ان الشعب هو اللي قام بالثورة مش الجيش فاضطر يقول "لم نقل على ماحدث انقلاب بل هي ثورة شعب"
نادر دياب: نتيجة الاستفتاء هي اللي هتوصل دا
الكاتب الصحفي/ احمد ايوب:عشان كده هما مش عايزين يوصلوك للاستفتاء ابدا ويوم الاستفتاء وان شاء الله نعم هتبقى دي ضربة للتنظيم الدولي وقطر التي ترفض تسليم عاصم عبد الماجد وهو مايعني ان قطر ضد الشعب المصري وتهدد الكيان المصري
نادر دياب: على اللي بنشوفه في الشوراع المصرية من الاحتماء بالنساء والاطفال والاحتماء بهم
الكاتب الصحفي/ احمد ايوب:انا برضه عايز الناس تشوف دكتورة مهجة عميدة كلية الدجراسات قدام بيتها وبنات الاخوان قدام بيتها وبيشتموها بالفاظ وفقا للقانون عقوبتها تصل الى 3 سنين عايز اسال سؤال لو قدمت واحدة من دول للمحاكمة .. دول مش طالبات وانما تنفيذ لمخطط الاخوان في اثارة الفوضى واكتفي بالرسالة التي بعثها الدكتور محمد البلتاجي من سجنه بيخاطب فيها فتيات الاخوان ووصل بيه الامر انه شبه بنات الاخوان بامهات المؤمنين .. امال بقية المصريات ايه..!! انا اقول ان مايقوم به بنات الاخوان الان هو جزء من المخطط ومايقوم به الطلاب جزء من مخطط الفوضى والاخطر ان الحكومة تتراخى وتتباطئ في ان تجعل قوات الامن الظهير السياسي واعتبار جماعة الاخوان جماعة ارهابية ..
نادر دياب: ماذا عن جماعات الضغط على الحكومة والطابور الخامس
الكاتب الصحفي/ احمد ايوب:الطابور الخامس جزء من حروب الجيل الرابع التي لا تقوم على الجيش وانما افراد من الدولة واحنا عندنا في مصر للاسف عندنا طابور خامس وطابور مرعوبين وخائفين وكل دول بيهدوا من عزيمة الدولة المصرية وبقولهم احنا على محك وعلى حافة الهاوية ولم ما اخدناش بالنا هننهار والاخوان مش هيفرق معاهم ولكن احنا هنعيش ازاي في دولة وهي منهارة ودا اللي عايزه الاخوان انا عايز اقول ان السنة اللي قضيناها تحت حكم الاخوان كفيلة انها تعلمنا اننا مانغلطش تاني لانه لما غلطنا في حق نفسنا وفي حق دولتنا جبنا حكم دمرنا .. النهاردة احنا فرصتنا يوم 14 و15 هنختار ونكمل مشوارنا الصح ..
نادر دياب: الكاتب الصحفي استاذ احمد ايوب مدير تحرير مجلة المصور شكرا لك وشكرا لكم والى اللقاء