45 دقيقة

محمد القاضى : الاطباء ايضا فيهم كثير من محدودى الدخل وعندهم كثير من المشاكل الى يعانوا منها وجاروا بالشكوى خلال السنوات الماضية فى تعديل نزل فى كادر الاطباء المفروض ان اللى فهمناه ان نقابة الاطباء كانت تقدمت بمشروع لتعديل كادر الاطباء ومشروع تقدمت به لمجلس الشورى ولتفهم الموضوع اكثر من خلال الاتصال مع الدكتور خيرى عبد الدائم نقيب الاطباء مساء الخير
الدكتور خيرى عبد الدايم : مساء النور
محمد القاضى : د. خيرى اللى فهمناه ان نقابة الاطباء سلمت مجلس الشورى نسخة من مشروع اعدتة بيتضمن عدة تعديلات فى كادر الاطباء ما مصير هذا المشروع ومحتوياتة
الدكتور خيرى عبد الدايم : المشروع موجود انما تقدم به حزب الوسط بمجلس الشورى وبحثتة وزارة الصحة كان مفروض تتقدم بمشروع للحكومة ولجنة الصحة لم ياتى مشروع من الحكومة احنا وجدنا ان مش هنلحق تتحط الالتزامات المالية الخاصة بكادر بداية السنة الجاية اذا لم نقر المشروع مباشرتا لجنة الدفاع اخذت على عاتقها تعمل مشروع هو عبارة عن خليط من مشروع النقابة ومقترحات الاعضاء ولمحات من وجهة نظر الحكومة
محمد القاضى : هذا المشروع يحظى بموافقة شبه اجماع من الاطباء
الدكتور خيرى عبد الدايم : الدكاترة بعد ما عرضناهم عليه اقترحوا بعض التعديلات عرضناها على اللجنة فاخذت بها انما العقبة الحالية هى من وزارة المالية
محمد القاضى : مفيش موارد مالية لدعم هذا الكادر
الدكتور خيرى عبد الدايم : احنا عايزين يتضمن الميزانية اللى جاية واحناكنا عايزين يتعمل على مرحلتين احنا عارفين مطلوب مبلغ تستطيع الميزانية انها تتحملة فى عام واحد فاحنا الدكاترة موافقين على ان يعمل على مرحلتين او على اكثر ثلاث مراحل ولم تفسح عن حصتها بوضوح تام وبتجرى مفاوضات ما بيننا وبينها وحالة من الكر والفر بين الاطباء واللجنة من ناحية ومابين وزارة المالية من ناحية ثانية علشان نضع اللمسات الاخيرة على الجزء المالى مش بس ادارى لأ مالى
محمد القاضى : انتوا منتظرين موقف وزارة المالية وحتى الان وزارة المالية لم تعطى رد على امكانية تديبير اعتمادات او تنفيذ هذا فى الموازنة الجديدة
الدكتور خيرى عبد الدايم : هو كان فى شئ لابد منه لو مكنش الاحكومة تتقدم ب مشروعها النهائى احنا مجلس الشورى هيضع الحكومة امام الامر الواقع فاحنا بنقول لحكومة اهو الافضل انها تنجز وتنهى خطتها
محمد القاضى : بيدها وليس بيد مجلس الشورى
الدكتور خيرى عبد الدايم : اه
محمد القاضى : د. خيرى عبد الدايم نقيب الاطباء شكرا جزيلا لك احناتكلمنا عن تعديل وزارى واشرنا اليه اكثر من مرة لغاية دلوقتى مش معروف فى تكهنات والبعض بيعتبرها تسريبات ولغاية دلوقتى مش معروف مين اللى ممكن يشملة التعديل فى النهاية رجل الشارع لدية مطالب ولدية طموحات بيحاول يعلقها بهذا التعديل التعديل الوزارى نشوف كيف يرى المصريون هذا التعديل وما الذى يتوقعونة
تقرير: ساعات قليلة ويتم الافصاح عن الحقائب الوزارية فى الحكومة الجديدة استجابة لمطالب ا لعديد من القوى السياسية وايجاد حلول سريعة لكثير من الازمات التى تمر بها البلاد
مواطن : مطلوب فى الوقت الراهن التحرك السريع من خلال اختيار مجموعة عناصر متلائمة ومتوازية زى المجموعة ا لوزارية الاقتصادية اللى كنا بنشوفها فى رؤساء الوزراء السابقين وعلى راسهم د. كمال الجنزورى كان لديهم مجموعة اقتصادية متناسقة ومتوائمة مع بعضها البعض كنا بنشوف قرارا ت بتخرج لصالح المواطن المصرى لابد ان يتحدث الوزير على ارض الواقع ولا يتحدث فى برج عالى الانتاج الداخلى اولا تحقيق الاستقرار الامنى والسياسى ثم الاجتماعى ثم التنموى
مذيع : المواطنون سواء كانوا فى مواقع المسئولية او مواطنين عاديين طالبوا الحكومة الجديدة
مواطنة : فى ناس تعبانة مش لاقية اللقمة تاكلها فى ناس بتاكل من الزبالة كثير جدا يخلى بالو منا يكون لينا تامين صحى اروح اخر الشهر اخذ علاجى
مواطنة : تراعى الناس الغلابة وتراعينا وربنا اللى يعلم بينا
مواطن : يكون فى نوع من التعاون والمشاركة بين كافة الاحزاب
مواطن : اهم حاجة الغاز البنزين الحاجات اللى هى فى متوسط المعيشة
مواطن : مش عايز احس ان الحكومة الجديدة زى القديمة هو دلوقتى فى جديد لأ مفيش جديد دلوقتى فى حاجات كثيرة مفتوحة محدش فكر يحل فيها ملف الصحة التعليم الامن وده مهم جدا ولم يحل
مواطن : المواطن العادى مش حاسس بامن فى بلدة
مواطن : نتمنى تيجى حكومة تنفذ مطالب الشعب البطالة والمعاشات وكل مشاكل الناس بعد الثورة تتنفذ
مواطن : خدنا كلام كتير عايزين شغل بقى
مذيع : القضاء على المشاكل التى تمس حياة المواطن اليومية وتهدد استقرار الوطن واقتصادة وامنه يجب ان يكون هو الهدف الاول لعمل الحكومة الجديدة
محمد القاضى : فى وسط الخلافات سواء السياسية او التنفيذية اللى لازم ناخد بلنا منه ان فى ناس بتشتغل دى ملاحظة الاصل فى الموضوع ان احنا كلنا بنشتغل لكن اللى حاصل ان كل الناس معظم الناس سايبة الشغل ومركزة فى تجاذبات سياسية واجتماعية وحزبية وامور لا علاقة لها بالعمل غير الاحتجاجات وغيره لكن وسط هذا المشهد هناك مصريون يعملون بجد مصانع الهيئة القومية للانتاج الحربى العاملون في هذا المكان يعملون بجد كاميرا البرنامج راحت مع الزميل نعيم ابراهيم رصدت هذا المكان الذى يعمل فيه مصريون وبجد
تقرير : كاميرا البرنامج قامت بجولات بمصانع الهيئة القومية للانتاج الحربى لتلقى الضوء على جانب اخر من المجتمع يؤكد ان مصر لازالت تصر على السير فى الطريق الصحيح حتى تتجاوز ازمتها بفضل ما تتمتع به من ركائز اقتصادية متنوعة وموارد بشرية ذات كفاءة عالية
مواطن : احنا بنمر بازمة البلد عندها مشكلة كبيرة جدا اهم ميزة فيها انها بتوفر فى خدمات توفير الطاقة بتصل الى 80% الاضاءة بتاعت الشواررع لو عملنا مقارنة هنلاقى كشافات الغاز بتوفر 80% قياسا بالكشافات العادية
مذيع : العاملون اكدوا اصرارهم على مواصلة العمل متجاهلين ا لمشهد السياسي باحثين عن احدث وسائل التكنولوجيا للنهوض بالصناعة المصرية والوصول بمصر الى بر الامان
عامل : احنا بنشتغل حوالى 18 ساعة من ساعة الثورة ما قامت واحنا بنيجى على نفسنا بنبات هنا الشغل 24 ساعة بدون مقابل لان كلنا عايزين البلد تنهض وتقوم
مذيع : المجتمع المصرى بحاجة الى تضافر الجهود لكل ابناءة ودفع المنتج المصرى الى طريق الجودة لتحقيق استقرار سياسي لمصلحة الاقتصاد المصرى
فاصل
محمد القاضى : الهيئة القومية للانتاج الحربى ومصانع هذه الهيئة هو لما نلاقى ناس بتشتغل نروح ندور عليهم ونصورهم اه هو ده الواقع ابراز من يعمل ونلقى عليه الضوء ونسعد به ونفرح كلنا كل سنة وانتوا طيبين بكره انشاء الله عيد القيامة المجيد وفى مناسبة بتبرز مدى المحبة كل المناسبات الدينية تبرز التعايش والتواصل بين المصريين مسلم ومسيحى فى نماذج من العلاقات القديمة الجميلة موجودة الى الان زى مركز الحصافة مركز شبين القناطر محافظة ا لقليوبية المسيحيون بيمثلوا ربع تعداد السكان زرنا القرية ونقلنا هذا النموذج نشوف ونستقبل ضيفنا الامبا مرقص نجيب اسقف شبراالخيمة
مذيع : هذه القرية نموذج للتعايش السلمى والتواصل بين المسلمين والاقباط الود موصول بينهم فى المناسبات كافة هو ما يجعل من هذه القرية مجتمع ينعم بالسلم والامان
مصرى : طول عمرنا يد واحدة مفيش حاجة مفيش اى حاجة من الحاجات اللى بتحصل فى الشارع بتحصل معانا
مصرى : احنا بلد فيها اكثر من ربعها نصارى اكثر من الاهل فى يوم العيد كل اللى داخل عليا اخواتنا المسلمين فى القرية
محمد القاضى : معانا فى الاستديو الامبا مرقص اسقف شبرا الخيمة وتوابعها اهلا بحضرتك معنا
الامبا مرقص : اهلا بحضرتك
محمد القاضى : كلمنا حضرنك عن مظاهر الاحتفا ل بالعيد
السيد المسيح مش كده ابتدت الحكاية تتغير شوية السيد المسيح يوم خميس العهد احتفل بالفصح اليهودى اكبر اعياد الفصح بيجيبوا خروف ويذبح فى الهيكل فى اورشليم وحسب العيلة الخروف يأدى العشرة ولا يزيد عدد الاكيلة منه عن 20 ويتشوى يوتحط عشاء مره ويتاكل مع مرقة مرة بردوا يتحط فيها الاكل ده
محمد القاضى : الطقوس دى كلها بتختلف من الشرق للغرب
الانبا مرقص : هقول لحضرتك لأ هو المفروض طرف فسح ده انتهى ده يهودى طرف الفسح ده المفروض 14 نيسان وقت الهلال لان الاشهر اليهودية هى تمام زى الاشهر الاسلامية مرتبطة بالهلال المفروض يوم 14 نيسان اكتمال الهلال المفروض بيقدموا فيه خروف الفسح احنا طبعا بردوا السيد المسيح جاب خبز وتمر وقال خذوا هذا جسدى ودمى فا بناكل جسده هو على حاجات كثيرة المهم احنا بنقول عيد القيامة هو الحد الذى يلى فسح اليهود يعنى لازم يكون يوم حد ففسح اليهود مرتبط بالهلال فلما نعدى الهلال 4 ايام خميس وجمعه وسبت واحد بيختلف من شهر الى شهر فافى الحد الاقصى بين عيد وعيد حوالى 28 يوم
محمد القاضى : يعنى دلوقتى مسيحيوا الغرب
الانبا مرقص : اقل من شهر
محمد القاضى : من شهر
الانبا مرقص : اه لكن على فكرة العيد الاصلى الصح الشرق واخر قرارات المجامع المسكونية العالمية فى القرن الرابع قالوا يرجع للكنيسة الارثوزوكسية القبطية فى توقيت عيد القيامة احنا اللى نحدد عيد القيامة
محمد القاضى : نتكلم عن الطقوس والاحفالات كيف تكون بكره انشاء الله هيحصل ايه ؟
الانبا مرقص : انا باقول الليلة
محمد القاضى : الليلة القداس
الانبا مرقص : الليلة القداس بكرة عادى بنحتفل كل الشعب بيجى يعيد فى الكنيسة بنستقبل المسئولين يجى يهنوا بالعيد على اساس دى فرحة عامة لكل الناس
محمد القاضى : بيبقى يوم واحد
الانبا مرقص : يوم واحد العيد اللى بيهنونا فيه لكن الاحتفال بيستمر ذكرى القيامة 40 يوم وبعدين 10 ايام علشان عيد الصوم والقنطره بعد كده
محمد القاضى : خلال الفترة دى بالتاكيد وجود فى الكنيسة خلال الفترة دى 30 سنة
الانبا مرقص : 37 سنة
محمد القاضى : 37 سنة هل لمحت تغييرا اوهناك فى تغيير فى سلوك المجتمع المصرى فى الاعياد اعيادالمسيحيين
الانبا مرقص : الحقيقة احنا طول حياتنا احتفالنا جميع جدا ومعروف من بعد الثورة فى امور ابتدت تتغير قليلا لما بيلاقوا فى بلطجية فى الشارع ممكن يعتدوا على بعض الناس ابتدت الناس تخاف تنزل فبعض الناس اللى بيخافوا اللى معندهمش ايمان قوى خافوا ينزلوا بيخلى عدد الحاضرين قل قليلا عن الايام قبل الثورة
محمد القاضى : بسب الانفلات الامنى
الانبا مرقص : اه
محمد القاضى : طب والمهنئين
الانبا مرقص : لأ المهنئين
محمد القاضى : هل المهنئين قبل كده كانوا زى دلوقتى قلوا او كثروا
الانبا مرقص : احنا لاحظنا ان كان الاخوان المسلمين قبل الانتخابات على طول جم يهنونا وعلى فكرة بردوا جه البعض منهم فى عيد الميلاد هنانا لكن يمكن بخصوص عيد القيامة انا معنديش فكرة هيجوا والا ميجوش احنا الناس اللى بيجوا اهلا وسهلا بيهم جميعنا بنفرح بالعيد لكن هل ياترى هيجوايهنوا والا لأ خاصة ان بنسمع فى بعض برامج التليفزيونات الاسلامية ان ما يصحش واحد يهنئ المسيحى خاصة بعيد القيامة
محمد القاضى : خاصة بعيد القيامة
الانبا مرقص : اه
محمد القاضى : لكن اللى نسب اليه هذا التصريح نفى وقال انا ما
الانبا مرقص : التصريح ما اتقلش كتابة كان بالصوت والصورة
محمد القاضى : الاخوان اكدوا ما
الانبا مرقص : السلفيين اللى قالوا الكلام ده وبعض من السلفيين عشان ما نجملش
محمد القاضى : لأ البعض نسبة الى مفتى الجماعة والراجل قال لأ لم تصدر عنى هذا
الانبا مرقص : اصل فى حاجات بالصوت والصورة فا معرفش يقولها ازاى بعد كده
محمد القاضى : نعم لكن بشكل عام بغض النظر عن التيارات معروف هناك تيار شوية كده
الانبا مرقص : طبعا
محمد القاضى : يعنى لكن خلينى اكلمك عن المواطن العادى المواطن المصرى العادى مدى التلاحم والتقارب جارك اللى كان ساكن جنب الكنيسة وفى يوم عيد القيامة كان اوفى اى عيد كان بيعمل ايه
الانبا مرقص : هو بالضبط بالعكس يجى يهنئ بكل ترحاب شديد جدا وبيجوا يهنونا واحنا بصالة القداس وتانى يوم بيهنونا الصبح عادى جدا المجتمع عموما كويس احنا زى ما بنقول ان مصر 90 مليون على الاقل 89 مليون فى حب كبير جدا المليون فيهم افكار فيهم تطرف حاجة زى كده موجودة فى كل حتة فى الدنيا لكن الوجه العامة فى حب بينا وفى عطاء وفى تبادل تهانى فى مناسبات كثيرة جدا ودى طبيعة الشعب المصرى
محمد القاضى : كان بيتقال باى حال عدت يا عيد يعنى بما باى حال عاد عيد القيامة عليكم
الانبا مرقص : احنا نرجو للعيد بيجلنا شوية تهديدات وحاجات كده لا نضع لها اعتبار ان احنا دايما بنقول
محمد القاضى : تهديدات
الانبا مرقص : اه بيجى تهديدات
محمد القاضى : يعنى جالك فى كنيسة شبرا تهديدات
الانبا مرقص : جلنا تهديدات بيحصل حاجة لكن احنا بنؤمن بان الله الكتاب بيقول ان لم يحرس رب ا لبيت فباطل احنابنؤمن بحراسة الله لينا وبياخد باله مننا واحنا بلغنا الجهات المعنية لكن نرجوا انشاء ا لله ان العيد يمشى يمر على خير ونفرح لان اى حادث بيحصل بيحزن كل قلب اهل مصر يعنى لما احدث احداث فى بورسعيد الاحداث موجودة فى مصر امام الاتحادية وغيرها او احداث الخصوص والكاتدرائية كل المصريين كانت بتتاثر بيها قطار البدرشين كلنا تاثرنا به ليه حادث بيؤلم الانسان احنا بشر ولازم نتفاعل مع بعض مفيش واحد يفرح لبلية لانسان الكتاب المقدس بيقول الصديق لا يسرب البلية يعنى مفيش واحد كويس يفرح ببلية واحد بالعكس احنا نفرح لنجاح الناس
محمد القاضى : خلينى اسالك بشكل مباشر الاحداث اللى مرت بيها مصر فى الفترة الاخيرة كان اخرها موضوع الخصوص والاعتداء اللى حصل على الكاتدرائية انا سالتك عن تغيير الانماط الاجتماعية والسلوك المجتمعى ككل هل لمست تغييرا فى السلوك لدى الشباب المسيحى
الانبا مرقص : الشباب المسيحى دخل فى الثورة بعض الشباب افتكر ان كلمة ثورة يثور على كل شئ يثور على احترام الكبير يثور على القوانين يثور على محبة الناس فى ثورات دخلت غلط عن الناس بعض الناس مش الكل
محمد القاضى : بياثر عليكوا فى الكنيسة
الانبا مرقص : مفيش شك زمان الشباب كان له فكر غير دلوقتى مثلا زى ما اقول مش الكل قلة قليلة هى اللى دخل فيها ثورة حتى على الاصوليات ثورة على حاجات فى الكنيسة ثورة على حاجات فى المجتمع
محمد القاضى : حاجات غلط والا حاجات صح ثورة على حاجات صح والثورة هى اللى غلط
الانبا مرقص : يعنى مثلا اللى ما يحترمش الكبير دا الكتاب عندنا بيقول امام الاشيك قم
محمد القاضى : ظهر جيل يعنى
الانبا مرقص : مش كلة لازم اؤكد ظهر قلة قليلة هى اللى تطبعت بطباع التمرد
محمد القاضى : وبالتالى تاثير ا لكنيسة على الشباب المسيحى
الانبا مرقص : بنقول لهم لأ لا ال لالالا عموما زى ماهو فى هذه القلة القليلة جدا جدا جدا اللى هى التمرد على كل حاجة الاسرة على الكنيسة تمرد على المجتمع تمرد عمومى هى قلة قليلة واحنا بنسعى معاهم مش بس عشان الكنيسة عشان المجتمع لان احنا لو سبنا الولاد دول يعملوا كده المجتمع يضيع عدم احترام رئيسة فى العمل والا والا ولى ا مر والا ابوه والاامه والا اخوه الكبير المجتمع هيضيع
محمد القاضى : عمليات او احداث عنف حصلت البعض قال ان ده اثر على شباب مسيحى بان السلوك العنيف او ضعف من بعض السلوكيات العنيفة عنده بدا يؤمن ان هو لازم بردوا يبقى عنيف هل لمستم ان الاحداث الاخيرة بدرت بذور خصوصا من العنف لدى الشاب المسيحى
الانبا مرقص : طبعا الشباب عموما
محمد القاضى : اماراتها ايه يعنى بتشوفوها ازاى
الانبا مرقص : يعنى بنلاحظ ان لما نيجى ندى تعليمات او ارشادات فى الكنيسة لو عندى 100 شاب بنلاقى شابين ثلاثة مش زى زمان 2- 3 فى تمرد فى رفض للحكاية زى تمرد على الاصوليات يعنى واحد يلاقى الاشارة حمرا يعدى عصب عنه
محمد القاضى : لكن بشكل عام لما تقول اثنين ثلاثه يعنى احنا مازلنا مصر هى مصر وبقيامها زى ماهى موجودة كل سنة وانت طيب
الانبا مرقص : وانت طيب
محمد القاضى : كل سنة وحضرتك بخير شكرا يا افندم الامبا مرقص اسقف شبرا الخيمة وتوابعها بنهنيك ونهنى حضرتك جميع الاخوة المصريين المسيحيين
الانبا مرقص : عايز اقول حاجة احنا فى شم النسيم بناكل بيض لان البيض بيرمز لقيامة المسيح الكتكوت بيخرج بارادتة من غير ما حد خرجة زى ما المسيح قام من القبر بارادته
محمد القاضى : شاكرين لحضرتك جدا وكل سنة وانت بخير ولكل اخواننا المسيحيين والمصريين بخير عيد مجيد سعيد وشم نسيم سعيد بكرة حلقة جديدة تابعونا