مؤشرات تنسيق الثانوية العامة 2025 علمي علوم ورياضة.. كليات من 60% بالنسبة المئوية    "الجبهة الوطنية" يعقد أول لقاء جماهيري بالإسماعيلية لدعم مرشحته داليا سعد في انتخابات الشيوخ    جامعة قناة السويس تُعلن نتائج الفصل الدراسي الثاني وتُقرّ دعمًا للطلاب    رئيس الوزراء يتابع جهود منظومة الشكاوى الحكومية خلال النصف الأول من 2025    «خدمة المجتمع» بجامعة القاهرة يناقش التكامل بين الدور الأكاديمى والمجتمعى والبيئي    معسكر كشفي ناجح لطلاب "الإسماعيلية الأهلية" بجامعة قناة السويس    "مدبولي" يؤكد أهمية بناء الوعي في تشييد حائط صد ضد نمو الشائعات    تخرج دفعات جديدة من المعينين بالهيئات القضائية والطب الشرعي بالأكاديمية العسكرية    أسعار الأسماك والمأكولات البحرية في سوق العبور اليوم    ارتفاع أسعار الدواجن والبيض اليوم الأربعاء 24 يوليو 2025 بأسواق المنوفية    المشاط تبحث مع مديرة ITC تعزيز دعم المشروعات الصغيرة والتحول الرقمي    وزير الري يتابع جاهزية المنظومة المائية خلال موسم أقصى الاحتياجات    استكمال أعمال رصف طريق بني غالب- جحدم في أسيوط بتكلفة 17 مليون جنيه    76 مركزاً تقدمتهم مصر بين 2019 و2014 بمؤشر المشروعات المتوسطة والصغيرة.. و«التخطيط»: تمثل 43% من الناتج المحلي الإجمالي وتستوعب ثلث القوى العاملة    مدير الفريق الطبي المتنقل في غزة: طفل من بين كل سبعة يعاني من سوء تغذية حاد    بيان مشترك: مصر ودول عربية وإسلامية تدين مصادقة الكنيست الإسرائيلي على الإعلان الداعي لفرض السيادة الإسرائيلية على الضفة الغربية المحتلة    تايلاند تعلن مقتل وإصابة 23 شخصًا جراء الاشتباكات مع كمبوديا    بعد انضمامه لمنتخب الشباب.. مدافع أرسنال: أحلم بالفوز بالبطولات مع الفراعنة    مصطفى شلبي يودع الزمالك برسالة مؤثرة ويعلن انضمامه للبنك الأهلي    بعد أزمة العروض.. وسام أبو على يودع جماهير الأهلى بطريقته الخاصة    تحليل رقمي.. كيف زاد عدد متابعي وسام أبو علي مليونا رغم حملة إلغاء متابعته؟    القليوبية تُطلق حملة مراكز شباب آمنة للوقاية من حوادث الغرق    منتخب جامعات مصر للتايكوندو يحصد فضية الألعاب الصيفية للجامعات بألمانيا    «الأرصاد» تحذر: موجة شديدة الحرارة تضرب البلاد وتستمر حتى الثلاثاء المقبل    جهود قطاع أمن المنافذ بالداخلية خلال 24 ساعة لمواجهة جرائم التهريب ومخالفات الإجراءات الجمركية    إنفوجراف ..فتح باب التظلم من نتيجة الثانوية العامة 2025 الأسبوع المقبل    إصابة رئيس محكمة و3 من أسرته في انقلاب سيارة على طريق الفيوم/ أسيوط الصحراوي    لمست أجزاء من جسدها.. اعترافات سائق تحرش بسيدة فى البساتين    ضبط مالك مخزن كتب مدرسية دون ترخيص بالظاهر    الداخلية تواصل حملاتها المكثفة لضبط الأسواق والتصدى الحاسم لمحاولات التلاعب بأسعار الخبز الحر والمدعم لتحقيق أرباح غير مشروعة    شهدت التحول من الوثنية إلى المسيحية.. الكشف عن بقايا المدينة السكنية الرئيسية بالخارجة    3 أفلام ل محمد حفظي ضمن الاختيارات الرسمية للدورة ال 82 لمهرجان فينيسيا (تفاصيل)    نقابة المهن السينمائية تشيد بمسلسل "فات الميعاد"    «سعد كان خاين وعبد الناصر فاشل».. عمرو أديب يرد على منتقدي ثورة 23 يوليو: "بلد غريبة فعلا"    عمرو الورداني: النجاح ليس ورقة نتيجة بل رحلة ممتدة نحو الفلاح الحقيقي    لو لقيت حاجة اقعدها وقت قد ايه لحين التصرف لنفسي فيها؟.. أمين الفتوى يجيب    علي جمعة يوضح معنى قوله تعالى {وَذَا النُّونِ إِذ ذَّهَبَ مُغَاضِبًا فَظَنَّ أَن لَّن نَّقْدِرَ عَلَيْهِ}    713 ألف خدمة طبية قدمتها مبادرة «100 يوم صحة» خلال أسبوعها الأول في القليوبية    "السبكي" يبحث مع "Abbott" نقل أحدث تقنيات علاج أمراض القلب    لماذا يستيقظ كبار السن مبكرا؟ إليك ما يقوله العلم    تفاصيل عملية دهس قرب بيت ليد.. تسعة مصابين واستنفار إسرائيلي واسع    مصادر: سول تقترح استثمارات تتجاوز 100 مليار دولار بأمريكا في إطار محادثات الرسوم الجمركية    «تطوير التعليم بالوزراء» وأكاديمية الفنون يطلقان مبادرة لاكتشاف وتحويل المواهب إلى مسارات مهنية    الدفاع الجوي الروسي يدمر 39 مسيرة أوكرانية    غدا.. تامر حسني والشامي يشعلان ثاني حفلات مهرجان العلمين    من اكتئاب الشتاء إلى حرارة الصيف.. ما السر في تفضيل بعض الأشخاص لفصل عن الآخر؟    إصابة 4 عمال إثر سقوط مظلة بموقف نجع حمادي في قنا.. وتوجيه عاجل من المحافظ- صور    مدنية الأحكام وتفاعلها مجتمعيًّا وسياسيًّا    «كتالوج»... الأبوة والأمومة    علي أبو جريشة: عصر ابن النادي انتهى    إيران تحذر مدمرة أميركية في خليج عمان.. والبنتاغون يرد    حماس تسلم ردها على مقترح وقف إطلاق النار بقطاع غزة إلى الوسطاء    5 معلومات عن المايسترو الراحل سامي نصير    اليوم، تعديلات جديدة في مواعيد تشغيل القطار الكهربائي بمناسبة ذكرى ثورة 23 يوليو    92 % صافي تعاملات المصريين بالبورصة خلال آخر جلسات الأسبوع    هل انتهت الأزمة؟ خطوة جديدة من وسام أبو علي بعد أيام من غلق حسابه على إنستجرام    أعراض برد الصيف وأسبابه ومخاطره وطرق الوقاية منه    هل يجوز أخذ مكافأة على مال وجدته ضائعًا في الشارع؟..أمين الفتوى يجيب    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



45 دقيقة

محمد القاضى : اهلا بيكم فى حلقة جديدة من 45 دقيقة معانا حلقة بها مجموعة من الموضوعات المهمة وضيفنا السفير علاء الحديدى نشوف الموضوعات اللى معانا وبعدين نكمل
- مفاجأة يفجرها مساعد كبير الاطباء الشرعيين والسلاح المستخدم فى محمد محمود والاتحادية وبورسعيد غير مصربه للشرطة
- فوضى الشارع تنتقل الى الجامعات
- الغاء التنازل عن الارض كشرط لحصول المزارعين على القروض
محمد القاضى : د. عماد الديب مساعد كبير الاطباء الشرعيين بالتشريح بيقول ان ال 50 جثة اللى لاقوها اثناء الثورة لاقوها بالصحراء مقطعة الاوصال المشرحة خاطبت النيابة للتسريع بالتصريح بدفن الجثث باعتبار ان النيابة هى اللى جابت الجثث دى للمشرحة الجزئية الثانية رئيس قسم التشريح قال ان عدد كبير من جثث المتوفين فى احداث الاتحادية ومحمد محمود الثانية وبورسعيد الاخيرة قتلوابنوع معين من السلاح مكنش موجود قبل نجاح الثورة وتنحى مبارك والنوع ده عبارة عن رش او بلى حجمة كبيربيخترق الجسم لا يترك اثر للتعرف عليه من خلال اى ابحاث او عمليات بحث وراءه لكن بالتاكيد هيكون وراه عمليات بحث اكثر ايه نوع البلى ده ويعنى ايه سلاح مكنش موجود قبل الثورة وهل ده معناه انه موجود دلوقتى واصبح مصرح به دلوقتى
الخبر الثانى حبس 10 متهمين فى احداث الكاتدرائية وحبس 21 متهم فى الخصوص التفاصيل ان التحقيقات التى تعملها نيابة الوايلى فى الاحداث المؤسفة اللى حصلت امام الكاتدرائية الاحد الماضى اسفرت عن سقوط ضحيتين هو المفروض واحد قبطى وواحد مسلم مصريين وكلاء النيابة يباشرون التحقيقات تم حبس 10 متهمين بنيابة القاهرة فى الاحداث 4 ايام على ذمة التحقيقات بعد قبض اجهزة الامن عليهم الخميس الماضى بفديوهات مسجلة اثناء اقتحامهم الكاتدرائية والقاء زجاجات المولوتوف والطوب والحجارة 6 من المتهمين من اهالى منطقة العباسية
انعاش الاقتصاد ووقف انفلات الدولارعنوان المؤتمر السابع للبنك المركزى حضر عشرات من خبراء ومسئولى البنوك الاقتصاديين والقطاع الخاص لمناقشة دور البنك والقطاع المصرفى فى الحفاظ على الجنية المصرى البنك هو راعى المؤتمر وبيعقد هذا المؤتمر بدعوى من د. مصطفى الفقى رئيس مجلس ادارة مركز الاعلام العربى وسيبحث المؤتمر طرق الانفلات الاقتصادى ووقف انفلاتها واسعار صرف العملا ت الاجنبية اللى اثرت على العملة المحلية وايضا تحت عنوان دور الاعلام العربى الاقتصادى فى التنمية عقد اليوم مؤتمر حول الاعلام الاقتصادى كان برعاية الامانة العامة لمجلس الوحدة الاقتصادية التابع لجامعة الدول العربية ووزارة الاعلام المصرية وحضر السفير محمد الربيع الامين العام لمجلس الوحدة الاقتصادية العربية ووزير الاعلام صلاح عبد المقصود السيد الربيع اكد خلال المؤتمر ان الاعلام اداة حيوية لتنمية القطاعات الاقتصادية المختلفة فى الخطط الاستثمارية ودعم خطط التنمية وتحسين القدرة التنافسية للاقتصاد الوطنى وحشد طاقات فى المجتمع قال كلام كثير عن دور الاعلام فى هذه المرحلة
تقرير : لصبرى يونس من المؤتمر : اعلام المصرى اعلام الشعب وبات محقق لاغراض الشعب على كافة الاصعدة لمايتحلى به من مهنيات عالية وفعالة فى عملية التحول الديمقراطى التى تشهدها مصر الان نبض الشارع المصرى يقول ان الاعلام المصرى الذى شهد انطلاقة كبرى ابان ثورة الخامس والعشرين من يناير اصبح لدية الحرية الكاملة فى التعبير
وزير الاعلام : نحن بصدد تنقية القوانين قوانين العقوبات وغيرها من القوانين لالغاء المواد التى تجيز الحبس فى جرائم النشر وهذا الامر سيعرض على مجلس النواب بعد انتخابة لتنقية تلك القوانين لاننا فى عصر الحرية الاعلامية
د. على لطفى : فكرة اساسية من هذا المؤتمر ان نركز على اهمية الاعلام الاقتصادى الاعلام الاقتصادى يحتاج الى ناس مؤهلين ومدربين تدريب عالى لابد من تدريب هؤلاء الناس فى معهد اقتصادى متخصص حتى يتم من خلاله القضايا الايجابية نحو الاقتصاد العربى والابتعاد عن القضايا السلبيةالتى تؤدى الى الاخلال بالتنمية والاخلال بالترويج للاستثمار ولفرص الاستثمار وجذب الاستثمار
صبرى يونس : الاستمرار فى انعقاد المؤتمرات تاكيد على ان المصريين عازمون على صنع حاضرهم ومستقبلهم
محمد القاضى : انتقال فوضى الشارع الى الجامعات بعد تصاعد حدة ا لمظاهرات فى جامعات بنهاالمنصورة – عين شمس – مصر الدولية غير تداعيات تسمم بعض طلاب جامعة القاهرة ومن قبلها جامعة الازهر
محمود عمر : ينقل فكرة انتقال الفوضى بالشارع الى الجامعات المصرية تحول الحرم الجامعة الى فوضى ومظاهرات
طالبة : فى فوضى كبيرة قوى جايين التعليم غير مهتمين به مشاغه هزار
طالب : للاسف اتضح ان احنا الحرية افعل ما شئت لكن دى حرية تضر الغير
طالب : فى ناس بتيجى من برة بتعمل مشاكل مع الطلبة لكن جوا الامن شايف واجبه على اكمل وجه
دكتور ايمن الغايش : نفسى الشباب يبقوا موضوعيين فى تناولهم للموضوعات التى يتعاملون معها ولا يعملوا شخصنة للمشكلات وده متعلق بسنهم عندنا شباب عندهم وعى كبير جدا وقدرة على التصميم
محمود عمر : التساؤل هنا كيف نقضى على هذه الظاهرة التى باتت تؤرق مستقبل مصر بين الحين والاخر
محمد القاضى : لما بنتكلم عن الفوضى بنقول احنا اللى بنصنع الفوضى والا احنا اللى بنعانى منها لما بنتكلم عن الفوضى بنتكلم عن مدة القاهرة الكبرى والاسكندرية لكن فى الريف المصرى حتى الان المزارع او الفلاح من اول الثورة ما بدات هو الوحيد اللى ما شفناش انه وقف وقفات احتجاجية وطالب بحقوقه مع ان له حقوق كثير المزارع كان من حقة ان ياخذ حقة من وزارة الزراعة وجهات كثير ان تقدم له مزيد من الاهتمام ومن بنك التنمية والائتمان الزراعى حصل تحول للبنك تجاه المزارعين فى الفترة الاخيرة بدا البنك يطبق تيسيرات جديدة لاول مرة لصرف القروض المدعمة للمزارعين التى لا تتجاوز فائدتها 5.5 % لتخفيف الاعباء على كاهل صغار المزارعين بعد توجيهات رئاسية التفاصيل فى هذا التقرير
تقرير: الفلاح المصرى احد ركائز الاقتصاد المصرى لهذا وضعت العديد من القوانين واصدرت القرارات التى من شانها تيسير عملية الانتاج الزراعى فى مصر والقروض المدعمة من قبل البنوك الزراعية فى مصر احد تلك السبل ولكن هل يمكن لتلك القروض تحقيق الهدف منها
مزارع : الاقتصاد فى خطر لان الحكومة اخذت كل مستلزمات الانتاج الزراعى اعطتها للقطاع الخاص من علف ومبيدات والالات واوصلتها له حتى منزله
مزارع : الملاك هم اللذين ياخذون القرض ليس المستاجر المستاجر هو التعبان الفلاح وبيقولوا 7% القرض وهذا الكلام مر عليه اكثر من سنة ولا احد اخذ شيئا
مابين الفائدة والمتابعة والاجراءات يقف الفلاح المصرى متابعا على تلك القروض التى تعينه على حل المشكلات التى تواجهه فى انتاجة الزراعى
مزارع : المحتاج دائما هو الذى يسعى وراء القرض ليحصل عليه ولا يبحث عن فوائدة مهما ان كانت
مزارعة : كل يوم نروح من البنك ده للبنك ده مش لاقيين حد يدينا حاجة
مزارع : الفلاح معدوم الدخل مش من الطبقة الفقيرة من الطبقة الكادحة فى البلد حقه مهدور ومهضوم من كل اتجاه مفيش حد بيبص له
محمد القاضى : المشهد المصرى الحالى اقتصادى واجتماعى وسياسى متعدد الجوانب المشهد المصرى الحالى بتتعامل معاه حكومة ممكن تاخذ رقم 119 فى تاريخ الحكومات المصرية منذ نظارة نوبار باشا سنة 1878 من 134 سنة حكومة الدكتور هشام قنديل لكى نتفهم كيف تفكر الحكومة فى هذه المرحلة وما سيحدث خلال الفترة القادمة معنا المتحدث الرسمى باسم مجلس الوزراء السفير علاء الحديدى مساء الخير يا افندم
محمد القاضى : مساء النور
محمد القاضى : المشهد المتلاطم ده بنسمع دائما لما بنزهق من المشهد ده ان لازم البلد تهدى علشان نشتغل وبعدين نسمع التعبير العكسى لأ لازم نشتغل عشان البلد تهدأ هو مين اللى صح الحكومة شيفاها ازاى ؟
السفير علاء الحديدى : الاثنين صح شعوب كثيرة مرت بهذه المرحلة الوضع فى مصر فيه تعقيدات تختلف عن الدول الاخرى عندنامشكلة سقف التطلعات عالى لان الناس عانت كثيرا قبل الثورة ونجاح الثورة فى 18 يوم اغرى كثير من الناس لكن بناء الاقتصاد فى مصر هيحتاج وقت وجهد بمضاعفة الجهود وورثنا تركة خاربة الوضع البنية التحيتة متهالكه الخدمات قليلة لابد ان نشتغل ونطالب بحقوقنا ونعرب عن الراى ولانقطع الطريق ونعطل غيرنا ولا نفقد الاقتصاد
محمد القاضى : اين ديوان المظالم
السفير علاء الحديدى : موجود
محمد القاضى : عايزين نفكر الناس بديوان المظالم ونتكلم عن قرض صندوق النقد احنا عايزين حوالى 4.8 دولار طب احنا ليه عايزينهم طالما احنا قطر وضعت وديعة 4مليار وليبيا حطه وديعة يعنى صل لنا حوالى
السفير علاء الحديدى : 3 و2
محمد القاضى : اه 3و2 طب ما دول اكثر كمان من اللى احنا كنا محتاجينة ومن غير شروط بقى ليه مصرين على قرض الصندوق الى الان ؟
س قرض الصندوق قيمته مش فى حجمة المادى او النقدى 4.8 هو قيمتة انه جاى من اكبر مؤسسة دولية بتدى شهادة للدولة اللى بتاخذ هذا القرض بمعنى لما هو بيديك مبلغ معين سواء 4-2-1 ده معناه ان هو بيثق فى قدرتك على ان انت تسدد هذا يحدد ان انت اقتصادك بدأ يتعافى وقادر على سداد هذا المبلغ
محمد القاضى : هوانا لو اقتصادى ما يقدرش يسدد او عندى مشاكل كبيرة الصندوق لا يعطينى ؟
السفير علاء الحديدى : اه طبعا
محمد القاضى : الناس فاهمة ان الصندوق وظيفته ان يساعد الاقتصاديات الوئعة اللى مش قادرة تدفع
السفير علاء الحديدى : خلينى اوضح لو اقتصادك فيه مشكلة فى فرق بين اقتصاد منها تماما الصندوق مش هيعمل معاه اتفاق قرض ممكن يعمل معاه حاجات تانية وبيبقى فى اشكال لمساعدات عاجلة لكن انت عندك مشكلة عندك مشكلة فى عجز الميزانية انت الاقتصاد بتاعك اساسة سليم عندك مشكلة فى النمو او فى تراجع حجم الصادرات او حجم الاحتياطى لكن الاسس سليمة لكن مشكلتك انك عايز الدفعة اللى تخليك تنطبق
محمد القاضى : كويس الهيكل العام موجود بس محتاجين
السفير علاء الحديدى : الهيكل العام موجود انت ما بتبتديش من الصفر انت عندك بنية اساسية سليمة متهالكة محتاجة تجديد لكن عندك بنية اساسية عندك مصانع بس واقفة عندك مشاريع لكن بتحجم لاسباب سياسية وامنية وانت محتاج دفعة الصندوق يقولك هدى لك القرض لكن هو عايز يطمن انك انت هتقدر ترد هذا القرض فلما بيوافق ان هو يديك مثلا 4.8 طبعا الاقتصاد المصرى هيستطيع فى فترة وجيزة يسدد هذا القرض
محمد القاضى : يعنى اناعاوز الفلوس دى علشان ااخذ الشهادة
السفير علاء الحديدى : ااخذ الشهادة
محمد القاضى : وبناءا عليها مؤسسات التمويل الدولية تثق اكثر فى الاقتصاد المصرى
س مش بس التمويل الدولية لازم نفهم ان كثير جدا من الشركات المتعددة الجنسيات والمستثمرين والقطاع الخاص اللى استثمروا بمليارات بمئات الملايين هو بيبقى عايز حاجة تطمنه ان هذا الاقتصاد مش واقف
محمد القاضى : احنا عايزين نقلل ا لاعباء لان الاجيال القادمة
السفير علاء الحديدى : انت مش شرط تستخدم المبلغ كله هو بيقولك عندى ثقه فى اقتصادك انه ممكن ياخذ 4.8 ماتستخدم ده يرجع لك
محمد القاضى : شروط الصندوق هل الحكومة المصرية الفترة القادمة مستعدة لها ؟
السفير علاء الحديدى : لازم نوضح الصورة لان كلمة شروط الصندوق
محمد القاضى : انا بانقل لك تخوفات انا كمواطن خايف الصبح ناخذ القرض بتاع الصندوق تانى يوم الصبح اروح امون من محطة البنزين يقولوا لى بنزين 92 بقى ب 3 جنية او 4 جنية
السفير علاء الحديدى : هذا التخوف انا سمعتة من ناس كثيرة جدا وكل ما امشى فى الشارع حد يسالنى هذا السؤال
محمد القاضى : اكيد
السفير علاء الحديدى : لازم نفرق مابين حاجتين البرنامج الاصلا حى اللى بتطبقة الحكومة فى الاقتصاد بصرف النظر عن صندوق النقد الدولى بصرف النظر عن اى قرض لان الوضع الاقتصاد المصرى بيمر بلحظات صعبة صندوق النقد الدولى بيبص على عجز الموازنة لو مثلا 10.5 % يقولى انا عايز العجز ده ينزل الى مثل الى 9% هتحققها بالطريقة اللى تعجبك اقوله هوصل الى 9% دى خلال 5 سنين مثلا هو يقول لى ل خليها فى 4 سنين دى بتبقى المفاوضات
محمد القاضى : مفهوم يعنى مش محتاجة ارفع الدعم
السفير علاء الحديدى : لالالالأ مش ليس له دعوى بالقصة دى خالص
محمد القاضى : طيب ننتقل لملف نية بعض التعديلات الدستورية ما حقيقة هذا الامر؟
السفير علاء الحديدى : مجلس النواب القادم يعدل الدستور بعد الانتخاب
محمد القاضى : انتوا شايفين ان الظروف دلوقتى تسمح ان نتكلم فى تعديل دستورى دا احنا بالعافية الازمات السياسية
السفير علاء الحديدى : لأ دا فى شغل لازم يتعمل
محمد القاضى : يعنى حاجات انت لما بتعدل قوانين لتصليح وضع يجب اصلاحه باسرع ما يمكن
السفير علاء الحديدى : لكن بما يخص التعديلات الدستورية هل
محمد القاضى : اكيد هتطرح
السفير علاء الحديدى : احنا بنتكلم على مواد محددة قليلة العدد تتعلق بعمل الحكومة فى بعض المواد متعلقة باداء وعمل الحكومة
محمد القاضى : لكن لسه ما اعلنتوش عنها ومش هتقولى عليها
السفير علاء الحديدى : لان لسهة جارى دراستها
محمد القاضى : الملف الثالث احنا داخلين على الصيف والكهربه وكلنا خايفين هى هتقطع اد ايه فى اليوم ايه خطة الحكومة لضمان استمرار خدمة الكهربة خلال الصيف
السفير علاء الحديدى : فى كذا اسلوب اولا ترشيد استهلاك الكهربة
محمد القاضى : مين بقى
السفير علاء الحديدى : الجميع
محمد القاضى : لما باقول للمواطن رشد استهلاك الكهربة فى البيت بيسنفذ قوى لان هو وهو ماشى فى الشارع بيلاقى اعمدة الكهربة فى عز الظهر منورة
السفير علاء الحديدى : احنا خصصنا فى احد جلسات المجموعات الوزارية الصغيرة تخصص عامل لهذا الموضوع
محمد القاضى : انا متشوق اعرف ايه هى صعوبة الموضوع ده !!!
السفير علاء الحديدى : واضح ان فى بعض المشاكل الفنية بتؤدى الى وجود هذه الظاهرة المستفذة للجميع
محمد القاضى : ايه الخطوات الاخرى
السفير علاء الحديدى : لازم يحصل ترشيد الاستهلاك الحكومة مش واقفة ساكته وبتبنى محطات توليد كهرباء جديدة هيكون عندنا على الصيف 2800 ميجا وات من الكهربا مسارثالث احلال وتجديد والطاقات عندك تحاول انك تزودها على المدى الطويل البحث عن مصادر اخرى للطاقة واتكلم عن الطاقة الشمسية مصر مرشحة تكون من اكبر الدول المنتجه للطاقة الشمسية
محمد القاضى : فى نهاية الحوار حضرتك متعود تقف فى مؤتمرات صحفية وترد على تساؤلات مافكرتش انك انت اللى تسال انا دلوقتى الجهاز الاعلامى المتعود اسالك نفسك تسالنا فى ايه توجه تقول ايه للناس
السفير علاء الحديدى : كثير جدا من الاسئلة اللى بتسالها بابقى عايز اعرف مصدر المعلومة ايه ؟ وكثير جدا منها بيبقى قائم على شائعات قائم على اشياء غير حقيقية ما ارجوه هو تحرى الدقة والاسئلة تبنى على معلومات صحيحة
محمد القاضى : ده بالنسبة للاعلام
السفير علاء الحديدى : السؤال اللى دائما اساله للناس احنا صبرنا 30 سنة ليه مش قادرين نصبر كمان 3 سنين فى ظل حكم ديكتاتورى احنا فى فترة بناء ليه مش بنبص لادام ونصبر شوية ونحاول نبنى البلد بدل ما احنا قاعدين
محمد القاضى : الشعوب بتصبر لما بتكون ملتفه حول مشروع قومى ايه المشروع اللى عاوز تقوله للناس علشان يركزوا معاه بدل من الصبر ينفذ ؟
السفير علاء الحديدى : احنا مرينا بكذا مشروع قومى وانتهوا نهايات مش كماتوقعنا مثل الوادى الجديد والامال والاحلام على الوادى الجديد فى الماضى توشكا فى محور قناة السويس ش عاوز اسمية المشروع القومى اللى فعلا عندنا طموحات كبيرة وانشاء الله وثبتت ان هذا هوا لمشروع القومى الناجح سيكون المشروع القومى حاليا
محمد القاضى : السفير علاء الحديدى المتحدث الرسمى باسم مجلس الوزراء شكرا جزيلا لك وشكرا لكم مشاهدينا بكرة انشاء الله حلقة جديدة من 45 دقيقة تابعونا .


انقر هنا لقراءة الخبر من مصدره.