اتكلم

لميس الحديدى:مساء الخير ، فى البداية وقبل ما اقدمه لكم حلقة النهاردة لازم اعلق قليلا على حلقة الاتنين الماضى وهى حلقة المستشار الزند رئيس نادى القضاه الحقيقة جاتلنا ردود افعال كثيرة جدا حول هذه الحلقة بشكر كل الناس اللى اتصلوا بينا وطبعا بخص بالشكر ايضا النائب العام وايضا السادة من تيار الاستقلال والسادة من تيار الاستقلال اتصلوا بينا وكان لديهم رد انا احب ان انا اقولهكم لان حق الرد مكفول للناس كلها وان كنا لم نستضفهم فى تلك الحلقة لان الحلقة كانت مخصصة فقط لرئيس النادى الجديد المستشار الزند فمن حقهم برضه ان احنا نقول وجهة نظرهم المستشار احمد مكى الحقيقة اتصل بيا وقالى انهم وهم تيار الاستقلال وكان يمثلهم المستشار هشام جنينة فى هذه الانتخابات مقلوش ان الانتخابات زورت ولكن اقالوا اانه كانت هناك تدخلات بمعنى ان هناك كان مثلا منع من وصول القضاه لبعض اللجان كان هناك تغيير فى كشوف بعض اللجان هو بيقول ان دا مش تزوير لكن طبعا يعنى المعنى فى بطن الشاعر تزوير مش تزوير هذا هو نص ما قاله لى المستشار احمد مكى اما بخصوص فكرة ان يتحدث القاضى فى السياسة وهو ما رفضوا المستشار الزند بشدة وقال ان دا يضر بهيبة القاضى وان دا قانون وفى الدستور ممنوع وانه ليس من حق القاضى ان يتحدث فى السياسة قال المستشار مكى امال اتكلم فى ايه فى البطيخ ولا فى اسعار الفاكهة انا قاضى من حقى انى انا اتكلم فى احوال وطنى وفى احوال بلدى وكل حاجة بتكلم فيها سياسة ما انا لو اتكلمت فى الاقتصاد سياسة لو اتكلمت فى الرياضة بقت سياسة كل حاجة بقت سياسة ونفوا ان يكوانه هما عملوا تظاهرات وقالوا احنا عملنا وقفة سلمية بنحتج فيها لحماية قانون الهيئة القضائية وهو قانون يخصنا دا كان رد المستشار احمد مكى حبيت انقلهولكم بوضوح بكل دقة على قدر المستطاع علشان حق الرد كما قلت لكم مكفول للجميع عندى انا بالذات حق الرد دا حق اصيل اتمنى انى انا لو تعرضت لشىء يكون لدى ايضا حق الرد النهاردة هنتكلم على تقرير مهم جدا صدر من جهة شبه حكومية او لها متعلقة بالحكومة لكنه تقرير مهم علينا ان نقف امامه رغم اانه هو ما خدش الحقيقة ضجة اعلاميه ما خدش ربما اهتمام اعلامى بالشكل الكافى وقليل جدا ان الحكومة تعترف بحاجة دايما فيه شماعة شماعة كده مرة انفلونزا الطيور مرة انفلونزا الخنازير مرة مش عارفة زلزال مرة حاجات كده يعنى دايما عندنا قضية ما وشماعة ما تبرر لماذا يحدث ذلك ؟ هذه المرة الحكومة بتعترف انه لا يوجد توزيع عادل للثورة فى مصر هذه الهيئة اللى هى مجلس امناء الاستثمار وهى هيئة تابعة لهيئة الاستثمار المصريه بتقول ان يا جماعة حطوا خط احمر كده واضربوا كل الجدران لا يوجد توزيع عادل للثورة فى مصر فيه ثورة لكن مفيش توزيع عادل للثورة ما بنقولش بقى دا والله فى عهد الحكومة دى ولا فى عهد الحكومة اللى فاتت ولا اللى فات مات ودلوقتى مش عارفة ايه لا هذه الهيئة بتقول باحترام شديد جدا تعالوا نشوف ايه المشكلة ؟احنا بقالنا فترة طويلة بيحدثوا عن نظرية تساقط النمو تساقط النمو اوانى مستطرقة كده يعنى لما اللى فوق ينموا لما رجال الاعمال اللى فوق كده تنموا لازم ايه النمو هيتساقط وهينزل للفقرا يعنى لازم لما نسب النمو العليا كده تكتر فوق تبتدى تنزل شوية شوية شوية وتنزل حتى الفقراء او المعدومين او محدودى الدخل فى هذا المجتمع المشكلة فى مصر فنظرية تساقط النمو وهى نظرية دوليه اجنبيه اقتصاديه ما اشتغلتش فى حاجة باظت قناة مسدودة قناة مقطوعة المهم فيه حاجة باظت وهذه النظرية لم تصلح والحقيقة ان النمو فضل حكر على شريحة بعينيها على طبقة بعينيها ولن يتساقط ومن هنا ابتدى يبقى فيه فروق كبيرة بين الطبقات من هنا ابتدى يبقى فيه حالة من الغضب فى الشارع من هنا ابتدى يبقى فيه جرايم كتير انا مش ببررالحقيقة لكن بحكلكوا الواقع بحاول ببساطة شديدة جدا هنخرج لاذان المغرب ونرجعلكم تانى نتكلم عن هذه الحلقة واقدملكوا ضيوف هذه الحلقة الهامة جدا التى تتحدث عن تقرير مهم جدا تعترف فيه الحكومة لاول مرة انه لا يوجد توزيع عادل للثورة فى مصر
فاصل
لميس الحديدى: دا كان اذان المغرب اللى هيكون موجود معانا شوية فى برنامجنا للفترة القادمة هنرجع تانى للحلقة حلقتنا النهاردة عن التوزيع العادل للثروة او عدم وجود توزيع عادل للثروة فى مصر تقرير مهم جدا صدر عن مجلس امناء الهيئة العامة للاستثمار ويشرفنى ان يكون معى الدكتور سمير رضوان عضو مجلس الامناء لهيئة الاستثمار واحد المشاركين فى هذا التقرير استاذ احمد النجار رئيس تحرير الاتجاهات الاستراتيجيه الاقتصادية بمركز الاهرام للدراسات دكتور سمير خلينى ابتدى معاك فى محاولة كده الخص للناس ماذا قال هذا التقرير ؟ لكن عايزة ابتدى بملاحظة لسه كنت بقالهالك قبل الحوار يعنى انا حاسة اانه تقرير مؤدب قوى مش قصدى ان التقرير يكون قليل الادب تقرير اقتصادى ولكن تقرير مؤدب بمعنى اانه بيحسس على الكلام يقول الكلمة وبعدين يا خبر لحسن وزير الاستثمار يزعل فيرجع يروح ضارب راجع ورا يقولك بس معدل الاستثمار عندنا زى الفل يجى يقول ايه احنا حاسين كده ان مفيش ايه توزيع عادل للثروة يقولك لحسن فلان اللى قال مش عارفه ايه يزعل فيرجع يقول بس السياسات الاقتصادية زى الفل يعنى انا حاسه ان هناك جهد وهناك محاولة انا بقراه كاست بتشتغل فى الاقتصاد لى صدور بنتيجة محترمة لكن هذه النتيجة المحترمة غلفها الكثير من المجاملة
سميررضوان: اه هو تقرير يعنى انا من برج العذراء على فكرة
لميس الحديدى : فايه يعنى ؟
سمير رضوان : العذراء دايما يخلى الباب مفتوح لكن لو تلاحظى ان مافيش حاجة مهملة فى التقرير من حيث اانه تقرير مؤدب احنا يعنى فى حاجة الى هذا النوع من التقارير اللى هو بيرصد قضايا مهمة جدا بطريقة رزينة وبطريقة موثقة وبالتالى احنا الهدف هو ان احنا ندفع بهذا البلد الى الامام الملاحظ فى كثير من الاحيان ان احنا ببنصرف لمعارك جانبية تلهينا عن الطريق هديكى مثال انا اول ما رجعت من الخارج كان قضية الدعم هنشيل الدعم هنحط الدعم هو نقدى هو عينى اه انا سافرت بلاد كتيرة فيها قضية الدعم سواء فى شرق اوروبا او فى الاتحاد السوفيتى السابق او فى دول اسيا مكنش التناول فيها بهذا الشكل كان التناول فيها احنا عندنا قضية معينة الدعم كان متجه فى فترة معينة تحت نظام معين بيتطلب تدخل الدولة لتصحيح توزيع الدخل وبالتالى كان لازم يحصل دلوقتى الامر اختلف طب ما هى البدائل ؟ ابتدى الناس تحسس على البدائل
لميس الحديدى: جميل خلينى بس اقول للناس مين اللى عمل التقرير دا ؟لان الحقيقة احنا مش هناقش التقرير قد ما هناقش القضية نفسها فكرة التوزيع العادل للثروة فى مصر واضح ان فيه اعتراف من الحكومة ان هناك ثروة لكن الثروة دى راحت فين بقى ؟ هو دا بقى الخناقة اللى عندنا دلوقتى على هذه المائدة مجلس امناء هيئة الاستثمار فى ناس كتير جدا بيراسهم طبعا الدكتور دياب بهاء الدين ومحررى هذا التقرير هما الدكتور دياب بهاء الدين ودكتور سمير رضوان والدكتورة ليلى الخواجة استاذ احمد كمال الدكتور عبد الفتاح الجبالى ولاء الحسينى شيماء طه يمكن دول انا معرفهمشى لكن مجلس الامناء به عدد كبير من رجال الاعمال ومن الصحفيين مثلا او الصحفيين زى زميلنا الدكتور عمرو عبد السميع ومنهم عدد من رجال الاعمال المصريين وغير المصريين تقييمك يا استاذ احمد لى التشكيلة دى التشكبلة دى قبل ما نخش فى التقرير تطلع تقرير شكله ايه ؟
احمد النجار: هى فى الحقيقة التقرير بالوصف اللى حضرتك وصفتيه لى فى البداية اللى هو تقرير بيحاول ان هو يتعامل بشكل علمى مع القضية ولكنه فى النهاية لابد اانه يحسس على الحكومة او يبقى فيه نوع من المجامله
لميس الحديدى: ما دا تقييمى انا معرفش يعنى
احمد النجار:لا فى تصورى لى علاقة بالتكوين يعنى فى النهاية هل انت لديك مؤسسه مستقلة بتضم خبراء من كافة الاتجاهات السياسيه ؟او بتضم خبراء حتى من اتجاه ثانى لكن دائما حتى تكون رقيبا على حكومة لابد ان تكون خارج الحكومة كلهم او كثيرين منهم مرتبطين بالحكومة بصورة او باخرى قد يكون هناك هذا المفكر المستقل او ذاك او غيره لكنه
لميس الحديدى: او مرتبطين بالحزب الحاكم ؟
احمد النجار: بالظبط فهنا دى قيود معنوية لكن ربما فى بعض الاحيان بيكفينا ان جهة مرتبطة بالحكومة بيصدر تقرير يحاول ان يعرض الحقائق حتى لو كان تحليلها مختلف عن تحليلنا الامر الاخر الحقيقة اانه ايه هى الامور المؤثرة يعنى سريعا مريت على بعض مكونات التقرير ايه الامور المؤثرة فى توزيع الدخل ؟ رقم واحد نظام الاجور
لميس الحديدى: طب خلينا هنوصل للنقطة دى حضرتك انا عايزة اوصل من الدكتور سمير هل وصل التقرير الى انه لا يوجد فى مصر توزيع عادل للثروة؟
سمير رضوان : اولا بس احب اصحح التقرير لا يتناول قضية توزيع الثروة على اهميتها وتناولنها فى تقارير او كتابات اخرى انا شخصيا بكتب عن هذا الموضوع ليه ؟ لو نذكر قبل الازمة الاقتصاديه الثروة هى جزء بس مش هى الجزء الاساسى على فكرة هو جزء محدد لى 60 % من توزيع الدخل دراساتنا هتبين ان توزيع الثروة بيحدد 60% من توزيع الدخل ال40% الباقيين زى ما تفضل الاستاذ احمد هو فيما يتعلق بالعائد على الاجور بالمهارات المختلفة للقطاعات المختلفة
لميس الحديدى: هل وصل هذا التقرير الى انه لا يوجد توزيع عادل لثمارالنمو فى مصر ؟
سمير رضوان : هى دى كانت القضية المثارة قبل الازمة الاقتصاديه كنا بنقول ان لما بنبص الى مؤشرات الاداء الكليه للاقتصاد المصرى كانت زى الفل 7,2% هو معدل نمو الثابت الجنيه الثابت
احمد النجار :هذه المعدلات مختلفة
سمير رضوان: معلش انا على وعى تام وبحترم وجهة نظرك فى هذا لكن كانت موجوده القضية اللى كانت مثارة هى ان هذه الارقام طيبة ولكن انا مش حاسس بيها ومن هنا نشات فكرة التقرير احنا لابد ان احنا ندرس هذه الظاهرة رغم هذا التحسن ناخده على علته رغم هذا التحسن الملموس واللى اعترفت به كافة المؤسسات الدولية ال اى ام اف والبنك الدولى و و الى اخره ليه موصلتش هذه الثمار للقطاعات العريضه من
لميس الحديدى:اه بس يعنى هناك اعترافات لانى انا عندى مشكلة فكرة تساقط النمو مش حاصل
سمير رضوان: تساقط النمو هى فكرة مرفوضة ليه بقى؟ لان تساقط النمو بترتبط بى لو نذكر بما يسمى واشنطن كونسريسر اتفاق واشنطن اللى هو كان بيقلك انوى بس انتى وزود معدلات النمو وكل حاجة هتبقى زى الفل اتضحت التجربة ان هذا ليس هناك نوع من التحرك الاتوماتيكى فى هذا الاتجاه
لميس الحديدى: يعنى احنا دلوقتى فى عندنا اعتراف من هذا التقرير ان ثمار معدلات النمو او ثمار النمو لم تصل الى ..؟
سمير رضوان: استثمار معدلات النمو السريع لم تصل الى كافة القطاعات
لميس الحديدى: معدلات النمو هى كانت 7% فعلا؟
احمد النجار: الحقيقة في بالظبط هذا السؤال يعنى حدث بينى وبين وزير الاستثمار ان هو كان بيتحدث عن الناس اللى بتتكلم عن بيانات غير صحيحة قلتله ببساطة ان الناتج المحلى الاجمالى اللى بيحتسب على اساسه لما بيزيد معدل النمو هو ايه بالظبط الاستهلاك زائد الصادرت ناقص الواردات اذا عندى الصادرات بنسبة لدولة واحدة هى الولايات المتحدة الامريكيه فى البيانات المصرية هى 7 مليار دولار فى البيانات الامريكيه 2 مليار دولار فى بيانات الجهاز المركز للتعبئة العامة والاحصا كانت 2 مليار دولار اذن عندك 5 مليارات دولار فارق بين جهة مصرية وجهة مصرية اخرى لو حسبتها تتطلع 3 % من الناتج المحلى الاجمالى اذن انا عندى مشكلة حقيقية فى حجم الناتج وايضا معدل النمو الحقيقة ان هذ الزيادة ناتجة عن ايه عن بيحتسبوا صادرات شركات النفط الامريكيه اللى موجودا فى مصر للولايات المتحدة الامريكيه فى مصر اللى هى حصتها وفقا لعقود المشاركة فى الانتاج على انها صادرات مصرية هى لا صادارات مصرية ولا دخلت مجمع النقد الاجنبى ولا علاقة لها به
لميس الحديدى: يعنى فى رايك فى تقييمك الاقتصادى كام سنة معدل النمو قبل الازمة الاقتصادية
احمد كمال:انا كاتبه فعلا فى تقريرصادر عن الاهرام اانه فى حدود 4 % قبل الازمة
لميس الحديدى: الله امال احنا دلوقتى ايه؟
احمد كمال :في 3% هذا الفرق بالمناسبة انا جايب من بيانات رسمية وليس من بيانات
لميس الحديدى: دكتور سمير
سمير رضوان: الحسابات القومية زى ما حضرتك عارف لها اسس متعارف عليها سواء فى ال اى ام اف او فى الامم المتحدة هناك فارق كبير بين ارقام الجهاز المركزى للتعبئة و الاحصاء اللى هو جاى من مصلحة الجمارك وبين ارقام الصادرات اللى جاية من البنك المركزى
لميس الحديدى: انا بس عايزة اقول حاجة ال7 % ما بقتش موجودا احنا بنتكلم دلوقتى على خمس 7% على عشر 7% خلصت ال7% اصبحت حلما وولى احنا دلوقتى بنتكلم فى 4 اذا كان النمو بال 7% وعندنا معدلات فقرمرتفعة وكانت بترتفع
احمد النجار :هذه هى الفكرة الاهم فى الحقيقة موضوع كيف يمكن ان يكون هناك نمو 4 % او 7 % ويوزع بشكل عادل؟ السياسة الاولى هى سياسة الاجور التانيه هى الضرائب التالتة هى الدعم والتحويلات وبالمناسبة ما ذكره الدكتور سمير رضوان فيما يتعلق بالدعم والتحويلات عن شرق اوروبا او دول الاتحاد السوفيتى السابق الحقيقة اعلى دول تقدم دعم وتحويلات فى العالم هى الدول الغربية المانيا 25,9 % من الناتج المحلى الاجمالى
سمير رضوان: لكن حضرتك بتهمل شىء اساسى وهو ان اللبنة الاولى لضمان توزيع عادل للنمو هو التشغيل
لميس الحديدى: حلو وفى هذا التقرير جملة فى هذا التقرير تقول ان النمو وحدا كمعيار ليس كافيا لابد انه يرتبط بقدرته على ايجاد فرص عمل جديدة تولد دخلا اضافيا اذنا النمو فى مصرلا يولد دخلا اضافيا لا يولد فرص عمل صحيح ؟
سمير رضوان :دا صحيح
لميس الحديدى: ليه؟
سمير رضوان: معرفش التقرير بيقولك التقرير احنا عملنا تحليل لل 7,2 % هنخداا على اانه دا الرقم الصحيح
لميس الحديدى:هنعتبر مجازا راحت راحت احنا معانا 4 و 2و 3
سمير رضوان : 4 و 2 و 3 وكل حاجة
لميس الحديدى: ربنا يستر
سمير رضوان: ال 7,2 %لما نحلل ال7,2 ودى فى التقرير بنجد ان الجزء الاكبر منها جاى من قطاعات ليست كثيفة التشغيل يعنى زى البترول زى الغاز زى الصناعات حتى الصناعات التحويليه اللى حصل فيها فى الفترة دى طفرة كبيرة لكن لما تيجى لقطاع الزراعة تلقاها بتساهم بى نص % من 7,2 % حتى قطاع السياحة اقل من نص % اللى هو قطاع مفروض ان هو يولد فرص عمل كبيرة جدا دى القضايا الحقيقة اللى تهمنى انا القضايا اللى هى مصادر النمو مصادر النمو من قطاعات لا تولد التشغيل وبالتالى لا تولد دخل
لميس الحديدى: دا خطا مين عندما يتحول النمو الى هذه القطاعات؟
احمد النجار :من يوجه حتى القطاع الخاص الى هذا الاتجاه او ذاك الحقيقة الادارة الاقتصاديه وايضا الموازنة العامة للدولة فيها جزء مهم للاستثمارات العامة هذا الجزء المهم هو بالفعل يولد فرص عمل مؤقته لاانه بنسميه الانفاق الاسمنتى او الانفاق البنية الاساسية دا بيولد فرص عمل مؤقتة لان فرص العاملة الدائمة محدودة للغاية وايضا متحيزة ذكوريا لان عاداتا عمليات الانشاء والبناء هى عمليات للرجال وليست للسيدات وبالتالى فى مشكلة فى مسالة التشغيل لانها يعنى البيانات نفسها الموجوده حول التشغيل مرة اخرى البيانات غير دقيقة لا تخلق حالة من الضغط على الحكومة انا دائما فى كتباتى التشغيل والبطالة عنصرا اساسا هل يستطيع البشر كسب عيشهم بكرامة؟ وهل بيحصلوا على حصة من الدخل؟ انا مستبعد دا
لميس الحديدى: ليه يا دكتور النمواستفادت منه القطاعات فقط؟
سمير رضوان: لان دى القطاعات الاسهل
لميس الحديدى:الاسهل بالنسبة لمين؟ للاستثمار العام ام بالنسبة للاستثمار الخاص
سمير رضوان: بالنسبة للاستثمار الخاص وبالنسبة للاستثمار الاجنبى متنسيش ان عمر التجربة 4 سانهت او 5 سانهت على اكثر تقدير
احمد النجار : ومع ذلك فى جزء من النمو مالوش علاقة بالاستثمارلى علاقة بارتفاع قيمة المنتج يعنى اسعار النفط ارتفعت من 28,2 دولار سنة 2003 ،36 فى 2004 50,6 فى 2005 61,1 2006
لميس الحديدى: وعايزك اقولك على حاجة كمان الدولة ربما لم تهتم بالصناعة بقدر اهتمامها بالنشاطات الخدمية او البترول وكده لم تهتم فيه
سمير رضوان :لا ابدا دا غير صحيح يعنى من 2004 كان هناك اهتمام واضح بقطاع الصناعة التحويليه
لميس الحديدى: انا بتكلم الصناعه التحويليه لكن احنا عندنا مشكلة ان كل الاعمال او القطاعات التى تولد تشغيلا حقيقيا ماكنش فيه
سمير رضوان: شوفى عندنا قطاعين على درجة كبيرة من الاهمية او 3 قطاعات الحقيقة القطاع الاول هو الزراعة
لميس الحديدى: اللى هو بيشغل 28 % على ما اعتقد ؟
سمير رضوان :ولكن لا يحظى الا ب 7% من الاستثمارات ودا القطاع اللى تم اهماله الى حد كبير لان التطور الطبيعى للزراعة المصرية هى انها كانت تتطور ما يسمى اانه يتجه الى التصنيع الزراعى والتصدير لاوروبا بالذات لان احنا قريبين جدا من اوروبا الحاجة التانية قطاع السياحه احنا عملنا دراسة فى تقرير التنافسية المصرى السنة اللى فاتت عن قدرة مصر على استيعاب السياحة من العالم هو دراسة رزينة جدا نتج منها ان نصيب مصر ممكن يكون 30 مليون سائح لكن دا بيتطلب بنية اساسية بالشكل الفلانى تغير فيه معاملة السواح تغير فى الثقافة اللى بتعامل السائح الى اخره نيجى لقطاع التجارة الداخليه قطاع التجارة الداخليه دا فى اى دولة بنعرفها النمور الاسيويه كان قطاع محرك
لميس الحديدى:دا هو دا اللى بيشغل الدنيا
سمير رضوان :دا محتاج لبنية اساسيه محتاج لتخزين احنا معندناش طريق واحد
لميس الحديدى: جميل دا تخاذل من الدولة
احمد النجار : الحقيقة ان مسئوليه الادارة الاقتصاديه حتى القطاع كثيف الاستخدام للعمالة فى الصناعة التحويليه اللى هو قطاع الغزل والنسيج والملابس الجاهزة هذا القطاع الكثيف لاستخدام العمالة تم الاجهاز على جزء كبير منه بسبب انهيار زراعة القطن
سمير رضوان: الاتفاقية المالتى فيبر دى الاتفاقية وقعت95 وكلنا كنا عارفين انها هيجى يناير 2005 هتنتهى الاتفاقيه هل فعلت الصناعة شىء؟ هل فعل قواد الصناعة شىء فى المحلة الكبرى وفيه كفر الدوار ؟
احمد النجار :هما مين مهم الحكومة الحكومة حطاهم لا خيال ولا رؤية لديهم
سمير رضوان :وكان معلوما لدينا كلنا ان فيه يناير 2005
احمد النجار : بغض النظر عن دا الامر الاخر له علاقة بالزراعة القطن الولايات المتحدة الامريكيه تقدم لكل مزارع من مزارعى القطن عندا مزرعة فى حدود 100 هيكتار بيزرعها قطن 25 الف دولار دعم احنا فى النهاية بنسلم السوق المصرية للاقطان المستوردة سواءا من اسيا او من الولايات المتحدة الامريكيه
لميس الحديدى: انا بس عايزة ارجع تانى اسال
احمد النجار: امريكا الدعم فيها 13 % فى مصر حوالى 6,2
سمير رضوان: قضية الدعم بالنسبة لاوروبا وبالنسبة للولايات المتحدة الامريكيه مثارة فى كل دورة من دورات الدوحة
لميس الحديدى: نرجع للصناعة مصانع المنسوجات مثلا كان فيه قطاع خاص وقطاع عام القطاع العام سبناه يتراكم بمشاكله وتداور والمواد الخام زادت عليه والعمالة زادت عليه بشكل غير منطقى وكل الكلام دا فوقع القطاع الخاص لم يتطور هو كمان وابتدى يفكر اانه هو عايز ال فى اى بى دى سكتى الوحيدة اللى هى المالتى فيبر التصدير عن طريق السوق الامريكى الحل الوحيد اصبح دا الحل الوحيد للصناعة
احمد النجار :الحقيقة انا راى ان هذا حل فاسد لاانه فى النهاية مصر دولة عنداا صناعة بالمعنى الحديث من 175 سنة لا يعقل ان تدخل السوق الامريكيه اهانة فى الحقيقة لمصر من قيمة وقامة مصر الولايات المتحدة الامريكيه اعطت اتفاق تجارة حرة للبحرين والمغرب ورفضت اعطائها لمصر حتى تجبرها على الدخول فى تجارة وصناعة جزئية مع اسرائيل لادخال مكون اسرائيلى فى منتجات مصرية بتدخل اساسا للسوق المصرية و للسوق الامريكيه
سمير رضوان : اولا الاقتصاد مفهوش عواطف بمعنى ان دى كرامة وان مصر هى رفضت دى سياسة بقى اللى انا بسميها سياسة
احمد النجار: فى مصالح وطنية لان دى دولة معاديه
سمير رضوان: يبقى دا مشكلتك انتى انك ليس لديك استراتيجيه انا كل محاولاتى كونى كاقتصادى ان انا ببين ما هو الطريق الذى ينتقل بهذا الاقتصاد
لميس الحديدى: خلونى انتقل لنقطة اخرى قضية الاستثمار العام والاستثمار الخاص التقرير بيتكلم على ايه ؟ فكرة الاتجاه المعاكس او المزاحمة بين الاستثمار العام والاستثمار الخاص من الواضح ان الدولة قررت انها تنسحب من فكرة الاستثمار وتقولك والله 70 % من الاستثمارات فى الموازنة العامة للدولة بيقوم بيها القطاع الخاص احنا ملناش دعوة لكن هذا التقرير بيقول جملة مهمة جدا ان الاستثمار الخاص لا يغنى الاستثمار العام فى التعليم والصحة والبنية الاساسيه وان انسحاب الدولة وانخفاض هذه الاستثمارات العامة يهدد الاثر التساقطى فى ثمار النمو ويحول دون استفادة الشرائح المحدودة الدخل من عائدات النمو يعنى لما الدولة ببساطة كده علشان افهم الناس لما الدولة بتنسحب من الاستثمار فى الصحة والتعليم وكل الكلام دا دا بيخلى الاستفادة من ثمار النمو حكرا على طبقة بعينها و فئة بعينها ما بيوصلش ثمار النمو للطبقات الطبيعيه يعنى
سمير رضوان : لو وقعنا فريسة لما يسمى باتفاق واشنطن وهناك دراسة صادرة من البنك الدولى
لميس الحديدى: انا اقصد السياسات الاقتصادية المصرية
سمير رضوان : في دراسة من البنك الدولى اسمها 10 سانهت من التعديل الهيكلى فاكرة برامج التعديل الهيكلى بيعترف فيها البنك بان هذه السياسات لم تكن ناجحة لانها بالظبط اهملت هذه القطاعات ال3 اللى اتكلمتى عنها التعليم والصحة والبنية الاساسيه واهملت قضية الفقر ومن هنا حصل تحول او على الاقل هما شايفين النهاردة انا لابد ان تكون لى سياسة اقتصادية مستقله السياسة الاقتصادية المستقله بستفيد من التجارب الخارجيه اه لكن سياسة الاقتصاديه المستقلة هى
لميس الحديدى: فين دور الحكومة يا دكتور ؟
سمير رضوان : ما انا بقول اهو
لميس الحديدى: لا معلش يعنى انا بحس ان احنا بنتكلم فى حته تانيه خالص
سمير رضوان :وجهات نظر النمو وحدا لا يكفى انا نفسى املى ان احنا ندير الحوار وانا لااشك فى ان كل واحد مننا قلبه على هذا البلد طب احنا عايزين ايه فى النهاية؟ انا عاوز انقل هذا الاقتصاد من المستوى اللى انا فى راى هو اقل بكثير من امكانياتوا الى مستوى اعلى بكثير
لميس الحديدى: هنخرج فاصل اعلانى ونعود مرة اخرى نشوف احنا عايزين ايه؟ ونعود للقضية الاهم بقى اللى بتشغل الناس قضية الفقر ليه فيه معدلات نمو مرتفعة؟ هى انخفضت خلاص للاسف ياجماعة وهتعد معانا منخفضة شوية لكن ليه بيقولوا ان فيه معدلات نمو مرتفعة؟ وهناك فقر مدقع فى هذا البلد و77% من فقراء هذا البلد يعيشون فى صعيد مصر وفى الارياف فاصل ونرجع
فاصل
لميس الحديدى: اهلا بكم من جديد يمكن حلقة اقتصادية شوية لكن احيانا بنحب نقف ونتعمق فى الامور ونشوف كيف تذهب السياسات الاقتصاديه ؟ خاصتا اذا كان لدينا تقرير مهم حول توزيع معدلات النمو يعنى قضية الفقر ان النمو ليس بالضرورة ان يعادل الفقر او لتقليل الفقر هو المفروض لكن فى النهاية التقرير نفسه بيقول النمو ان برغم زيادة الاستثمار المحلى 40 % الفقر كمان بيزيد بتقولوا ايه فى الموضوع دا ؟
سمير رضوان : بنقول ببساطة شديدة ان النمو وحدا فعلا لا يكفى هو ضرورى ولكن لوحدا لا يكفى انا لسه راجع من مؤتمر العمل الدولى فى جنيف وكان المؤتمر كله مخصص لمسئلة النمو والتشغيل والفقر والعلاقة الثلاثية دى وبنلاحظ ان لو كان النمو مرتفع لوحدا مش هيقضى على الفقر لو كان النمو طبعا منخفض لكن لو كان النمو مرتفع ولكن محتوى النمو محتوى التشغيل فى النمو مرتفع يعنى النمو دا بيخلق فرص عمل اكتر دا اللى هيقضى او يقلل من ظاهرة الفقر المشكلة عندنا ان احنا بنتكلم على القصص الفقر دى وكانها شىء ثابت وساكن هو لا ثابت و لا ساكن هناك دراسة من البنك الدولى بتقارن الفقر فى سنة 2005 لى 2008 قبل الازمة مباشرتا لكن بعد زيادة اسعار الطعام الدراسة بتقول الاتى ان فى 10 % من السكان دول فقراء دائميين كويس دا 7 ونص مليون فيه 9 % من السكان يعنى حوالى 6,7 مليون على وجه التحديد دول ما كنوش فقراء فى سنة 5 وبقوا فقراء فيه سنة 2008 ليه ؟ لان ظاهرة الفقر فى مصر بتتركز حول ما يسمى بخط الفقر اللى هو الدخل المطلوب علشان الناس تعيش الفقر المدقع دا اللى هما ال10 % انا بتكلم على ال20 % اللى بعديه فلقينا ان الناس دى ماكنتش فقيرة فى سنة 2005وبقت فقيرة فى 2008 ليه؟ لان التضخم اللى حصل ارتفاع السلع الزراعيه ان الناس وقعت تحت خط الفقر دى بقى اللى تهمنى انا اقولها لصانع السياسة اكثر من الفقر وهو مش عارف ايه لان دا بيمكنه من ان هو يحدد الاهداف
لميس الحديدى: هوصانع السياسه بيقرا التقارير دى ؟
سمير رضوان : اه ما هى معمولة لصالح السياسة
لميس الحديدى: ايوه بيقراها بيستفيد منها ولا بيقراها بيحطها فى الدرج ولا فين ؟
احمد النجار: الحقيقة الموضوع جزء اساسى من توسع الفقر وليس تقلصه ما ذكره وزير التنمية الاقتصادية من اانه الفقير اللى هو اقل
لميس الحديدى: وزير التنمية الاقتصاديه قالك ايه ؟ ان فى سنة 2020 ان شاء الله ويدينا العمر ويديكم يعنى الفقر هيبقى 7 % انتوا استانه بقى 2020 يعنى خليكوا معانا اقعدوا معانا دا لما كانت معدلات النمو ايه 7 %
احمد النجار :الفقير هو اللى دخل اقل من جنيه ونص فى اليوم هذا انا اسف فى التعبير هزل فى موضع الجد لااانه فى الحقيقة مش بس فى التقييم الدولى او حتى التقييم المصرى نفسه على مدى سانهت سابقة لم يكن اطلاقا يتطرق او يجرؤ حد اانه يقول الفقير هو اللى اقل من جنيه ونص لان ما بتاكلش قطة اساسا
لميس الحديدى: اشرحلى ازاى تبقى معدلات النمو مرتفعه ومعدلات الفقر ترتفع ايضا ؟ حاول تبسط بس علشان الجمهور بتاعنا
احمد النجار :يعنى فيه حاجة بنقول عليها اللى هى الاجور الحقيقية غيرالاجور الاسمية الاجور الاسميه ان انا بقبض 200 جنيه فى اول الشهر الاجور الحقيقية انا الاجر بتاعى دا لان السلعة ارتفعت بتتراجع قدراتى الشرائية فى دراسة عملتها وخد حالات محددة موظف اتعين سنة 77 العام المالى لسنة 77 ، 78اجره 28 جنيه هو خريج جامعة دا كان بيشترى 560 كليو رز او 35 كليو لحمة اجر هذا الموظف نفسه بعد كام سنة 30 سنة 32 سنة من العمل 750 جنيه يشتروا كام كيلو لحمة يشترى 20 كليو يشترى كام كيلو رز حوالى 180 190 كيلو رز يعنى32ولا 31 سنة من العمل علشان كده الاهم بالنسبة لى ما يشتريه الاجر وليس عدد اوراق النقد اللى انا بقبضها دى اليه رئيسى لافقار ما الم يكن فقيرا انا هكمل لحضرتك موظفى الجهاز الحكومى فى مصر عندى 5,8مليون موظف وقفا للمعدل الاعلى هما وعائلتهم لا يقلوا عن 20 مليون انا عندى 20 مليون مواطن اللى فيهم على درجة مدير عام وبيشغل منصب تنفيذى وفقا لمعدل الاعانة فقير
لميس الحديدى: دا هم دول محدودى الدخل ؟
احمد النجار: الجزء التانى اللى هما العمال الزراعيين الاجراء اذا افترضنا الاجر 30 , 35 جنيه فى اليوم وحسبتوا ايضا بمعدل الاعانة هيبقى فقير
سمير رضوان :دا نص المعادلة
لميس الحديدى: النص التانى؟
سمير رضوان:نيجى بقى للنص التانى اللى سبؤنا واللى حققوا فعلا تشغيل وقضوا تقريبا على ظاهرة الفقر وهو عملية الانتاجية الانتاجيه فى مصر متدنية جدا الانتاجية مفيش شك هى مسئوليه العامل هى مسئولية المدير هى مسئوليه استاذ الجامعة والمدرس الى اخره
لميس الحديدى : لا لا لا العامل لا يعمل المصريون لا يعملون يا دكتور
سمير رضوان :عملية الطبطة لا تفيد احد يعنى سالت مهاتير محمد مره فى مكتبة الاسكندرية عملت العملية دى ازاى ؟ قال الجزرة والعصا فاحنا هنطبطب مش هننفع انا هيدك مثال فى بلد زرتها كتير واعرفها كويس قوى الصين كويس الصين الاجور فيها اعلى من الاجور فى المناطق الساحليه اللى هى منتعشة وكده اعلى من الاجور فى مصر دلوقتى اعلى من الاجور فى مصر ولكن الانتاجية بتاعه العامل الصينى اكثر من ب3 اضعاف العامل المصرى لا يفيد العامل المصرى انى اقوله انت زى الفل لان هناك مشاكل كثيرة صناعة الغزل والنسيج اللى كانت من اعرق الصناعات عندنا
لميس الحديدى: دلوقتى بيعملوا اضرابات هايليين
سمير رضوان :صناعة الغزل والنسيج اللى هى من اعز الصناعات عندنا يبقى اذنا على النظام الادارى بس خلينا نحط على هذه الصناعة فاتها قطار التكنولوجيا تماما
احمد النجار :من مين العامل؟
سمير رضوان :الكل مشترك انا بكلمك كمصرى ولااقتصادى ولا حاجة خالص كمصرى نحن جميعا مشاركون وهنضيف على هذا النخبة المصرية هى اكثر ناس مشاركة فى هذا تكريث هذا الوضع
لميس الحديدى: وانا معاك انا بس عايزة اسمع وجهة نظر الناس ونرجع تانى ايمان من القاهرة اتفضلى يا استاذة ايمان
ايمان : مساء الجمال والنور يا احلى مذيعة فى التليفزيون وفى المنطقة العربية
لميس الحديدى: اشكرك اتفضلى
ايمان: بصى يا حبيبتى نظريه نطلع الغنى علشان يكب على الفقير دى نظرية فاسدة متنفعش عندنا فى مصرانتى عارفة المصريون شكلهم ايه فكوانه اانه عاملين دا فى امريكا احنا مش محتاجين خبرا علشان التوزيع بتاعكم دا ببساطة شديدة رئيس البنك المركزى خودى اعملى احصائية انتى اقتصاديه يا لميس والدكتور رضوان يعمل احصائية عن الودائع المصريين فى البنوك عدد المودعين اللى ودائعهم اقل من 200 الف والمودعين اللى ارصدتهم اكتر من 200 الف ورغم كده رئيس البنك المركزى بيقلل الفايدة بشكل رهيب على الودايع طيب دورا على هيشتروا منكم اولا المصرى مش زى المواطن الامريكى المصرى طول عمره يحب يخزن ويحوش تانى نقطة الضرايب متدرجة من 10 % لى 20 % زى السهم السريع ونيجى عند ال20 الف مفيش تدريج اللى صافى ربحه 20 الف يدفع 20% واللى صافى ربحه 20 مليار بيدفع 20 % خدوا عندك وزارة البترول وزارة البترول دى دكتور سامح فهمى انا زعلانه مانه جدا بيبيع الغاز بجنيه متر الغاز بجنيه دا فى اسبانيا
لميس الحديدى: ما دى قصة تانيه انا بشكرك
ايمان: اسمعينى والنبى يا لميس علشان هديكى مجلس الشعب بيوافق على الميزانيه بعد مالفلوس بتتصرف عمرك شوفتى دولة مجلس الشعب بيبصم على الفلوس بعد ما بتتصرف
لميس الحديدى: ما فى احيانا موازنات بيبقى لازم ..
ايمان : عمرك شوفتى دولة يا لميس المهندس نظيف بيكافىء المليونير اللى مصنعه 100 عامل الناجح اللى بيصدر بيديله نص مليون جنيه
لميس الحديدى: ماهو بيشغل العمال بردا
ايمان: عمرك شوفتى يا لميس انك تتدفعى التليفون الارضى 15 جنيه فى الشهر عمرك شوفتى وزير الوزرا كلهم بيقبضوا بالدولارات
لميس الحديدى: بالدولارات لا لا حرام خلاص يا ايمان انا بشكرك شكرا يا ايمان نقطتك وضحت حسام من القاهرة اتفضل يا استاذ حسام الوزرا ما بيقبضوش بالدولار انا عارفة حرام
حسام: مساء الخير يا فندم
لميس الحديدى: اتفضل يا استاذ حسام اهلا بيك
حسام :بالنسبه للتعليق على الخواص بتاعة الشعب المصرى او المجتمع المصرى سواء شعب كسول او مش كسول كل شعب ليه خصائصه لازم اعرف اتعامل معاها النهاردة لو احنا عندنا نظام اقتصادى حر لا يتناسب مع طبيعة شعب ليه جغرافيا وليه تاريخ معين يبقى ما حطش النظام دا
لميس الحديدى: اغير النظام او اغير الشعب او الحكومة يعنى حد من ال3 لازم يتغيروا
حسام:و لانغيرالشعب ولانغير الجغرافيا ولا نغير الحضارة لكن نغير النظام الاقتصادى دا بالنسبة للنظام الاقتصادى النهاردة اى نظام اقتصادى ليه توجه سياسى مبدئيا احنا بنتكلم عن التوجه احنا دولة منتعشه وشعب فقير ولا دولة فقيرة وشعب منتعش
لميس الحديدى: شكرا يا حسام نقطتك واضحه سيادة السفير جمال بيومى مساء الخير يا فندم
جمال بيومى: اهلا وسهلا
لميس الحديدى: ازى حضرتك اتفضل
جمال بيومى:اصل فيه نظرتين هنا بصراحة والحكاية دى افتكرتها مؤخرا بعد ما كنت مع الدكتور سمير رضوان بنسمع لتقرير التنمية اللى عمله البنك الدولى وفعلا كلنا اثرنا نقطة اخلاقيه لو انتى نميتى واعدتى توزيع الدخل فى نفس الوقت عبء كبير جدا فبنحاول نحط حفنة من السياسات ننمى وايضا عائد التنمية لازم ينزل لتحت شوية ووفقا للتقارير ان مصر عائد التنمية لسه فوق خط الوسط فالطبقات الدنيا لسه مش عالى ودايما نقول استانه3 سنين كمان 5 سنين
لميس الحديدى:15
جمال بيومى: فدا الوضع الدكتور بطرس غالى كنت قاعد معاه من كام شهر وكان مسافر الهند قاللى حكاية مفزعة تمشى مع التقرير دا وانا اظن قلتها للدكتور سميح الهند بتنمى و حوالى مليار مواطن هناك اللى معيشهم واللى يعنى عامل الشغل وواخد العائد الاكبر فالنهاردة تقرير البنك الدولى للائتمان جايب تاكيد لهذا وانا بقوله من ورا قلبى التنمية بتنجح جدا عندما تقترب من المدن والمجتمعات الغنية اصلا لانى الغنى لما بيزيد دخله بيقدر يدخر والادخار ينقلب للاستثمار لما بتزودى دخل الفقير بيزيد الاستهلاك ما بيزدش الاستثمار على الحكومة ان تكون حكم عليه هنا بقى او اللى بينمى يوازن بين النظريتين والا هيحصل ظلم للطبقات الدنيا وبعدين مالناش مصلحة فيها
لميس الحديدى: اشكرك سياد السفير جمال بيومى على هذه المداخلة علاء من السعودية اتفضل يا استاذ علاء
علاء: سلام عليكم
لميس الحديدى: وعليكم السلام
علاء: والله يا استاذة لميس هو القضية مش قضية تقسيم طبقات المجتمع المصرى المجتمع المصرى لما حكموه المماليك ومضربش والمجتمع المصرى لما حكمه محمد على اللى هومش مصرى ونماه عاش ومنقرضش ومحتلش العالم
لميس الحديدى: نقطتك واضحة يا استاذ علاء انا بس عندى مشكلة انى انا عندى 10 دقايق بس ومحتاجة السادة يردولنا على هذه التساؤلات طرحت ايمان فكرة الفايدة واعتقد انها كانت فكرة خلافيه عندكم فى هذا التقرير السياسات الاقتصاديه بتتطالب بخفض الفايدة وانا عارفة ان المحافظ كان الحقيقة بيقاوم خفض الفايدة بشكل كبير
احمد النجار:لان الفايدة فى الولايات المتحدة الامريكيه بيخدوها معدل التضخم ناقص 1,3 % لما معدل الفايدة يبقى 36 % اقل من النص يبقى فيه معدل فايدة ايجابى 1,6 اما فى مصر فمعدل التضخم اعلى من سعر الفايدة معناه ان الفايدة الحقيقيه سلبيه فانا بالفعل المودعين فى الجهاز المصرفى اللى هو 75 % من الودائع تعود للقطاع العائلى او الطبقة الوسطى بشرائحها الوسطى والعليا فى الحقيقة معاناها انى انا بقهر هذه الفئة لصالح رجال الاعمال من المقترضين
لميس الحديدى: كان عندكم خلاف حوالين موضوع الفايدة فى هذا التقرير
سمير رضوان: هو مش خلاف بمعنى الخلاف وانما عندك طرفين فى المعادله الطرف الاول هو المودع والطرف الثانى هو المستثمر ووزير الماليه المستثمر ووزير الماليه من مصلحته ان سعر الفايدة تنزل فى الجانب الاخر المودع اللى هو زى ماقالت ايمان لابد ان نتعاطف معاه مش نتعاطف معاه دا جزء من الموضوع اللى احنا بناقشه
لميس الحديدى: هذا الذى نوجه له السياسة الاقتصاديه
سمير رضوان: من هنا بقى جزء اساسى من وظيفة البنك المركزى هو ما يسمى استهداف التضخم وعندنا محافظ البنك المركزى ما شاء الله باعتراف الجميع خلينا نسيبه يشوف شغله
لميس الحديدى: ما احنا سايبنه
سمير رضوان: شوف استقلالية البنك المركزى مساله محسوبة بالورقة والقلم سيبك من الشكاوى احنا شطار فى الشكاوى على اى مستوى خلى الراجل اذا كان عندنا ثقة فيه وانا شفتوا فى اجتماع لكافة رؤساء البنوك المركزيه فى العالم والتقدير له غير عادى
لميس الحديدى: طب نتكلم بقى على ماذا يجب ان نفعل لكى يكون هناك توزيع عادل لثمار النمو؟ وان الناس كلها تحس بيه دكتور سميرباختصار لو سمحت
سمير رضوان :باختصار شديد
لميس الحديدى: انتوا اوصيتوا بايه ؟
سمير رضوان: احنا اوصينا بان اول حاجة هو ان يكون هناك برنامج وطنى للتشغيل
لميس الحديدى: يعنى ايه برنامج وطنى للتشغيل ؟
سمير رضوان: يعنى بدل ما احنا بنعمل المساله بالقطارة لابد ان احنا نقدم على اعمال كبيرة بحيث انها تاثر فى عملية الفقر دى
لميس الحديدى:طب ماهو قاله هيصرفوا 30 مليار جنيه للبنية الاساسية
سمير رضوان:ال30 مليار جنيه غير كافية لسد الفجوة اللى حصلت نتيجة للازمة العالميه اسمحيلى لما جه رئيس وزراء الهند قال يوم الصبح اطلق برنامج قال يا جماعة اى عائلة عنداا حد عايز يشتغل لمدة 200 يوم فى السنة بالحد الادنى للاجور عندام حد ادنى للاجور الحكومة بتضمنه دى برامج
لميس الحديدى: برنامج وطنى للتنمية
سمير رضوان :دا اهم حاجة اتنين ان زى ما رصد التقريران توزيع الاستثمار فى مصر نتيجة لظروف تاريخيه وووالى اخره هو توزيع غير عادل جغرافيا يعنى احنا عندك الصعيد عندك سينا كلنا بنعرف هذا الكلام 3 وهو الاهم من دا ودا عندى قضيتين فى منتهى الاهمية 1: ان عملية مستقبل مصر هو التصنيع والدخول فى عملية التصنيع لان الازمة العالميه سوف تؤدى الى اعادة توزيع الصناعات والانشطة والخدمات فى العالم كله وتترك الدول المتقدمة انشطة وصناعات للدول الناشئة فلابد ان تدخل فيها الحاجة التانيه ان كفاءة قوة العمل المصرية ودا ليس من قوة العمل يا جماعة 44% من قوة العمل المصرية لا تقرا ولا تكتب
لميس الحديدى: طيب ماذا نفعل ؟
سمير رضوان: الحقيقة ماذا نفعل فيما يتعلق بمساله ضمان توزيع عادل لى ثمار النمو هو نظام جديد للاجور يضع حد ادنى له علاقة بتكاليف المعيشة يمكن ان يوزع القيمة المضافة او فائض القيمة المضافه اللى بيخلق فى العمليه الانتاجيه
لميس الحديدى: هيقولك انا معنديش فلوس
احمد النجار: ماليش علاقة بمعنديش فلوس لى علاقة برب العمل مثلا هقول لحضرتك فى موضوع زيادة الانتاجيه زيادة الانتاجيه سنة 1980 كانت2200دولار كان اجر العامل فى الصناعة التحويليه كان اعلى من اجره فيه عام 2005 انتاجية العامل 2005 اكتر من ضعفى الانتاجيه عام
لميس الحديدى: يبقى نظام جديد للاجور
احمد النجار: نظام جديد للاجور الامر الثانى الحقيقة اللى هو مسالة خلق فرص العمل حقيقية من خلال اعادة حكاية الانفاق العام والتخلص من الابتزاز الايدلوجى للدولة صناعية او زراعيه او غيره تنشا مين قال دا القطاع الخاص الصغير والمتوسط قدر ينشط كفيما شاء لكن ايضا الدولة من خلال الموازنة العامة للدولة تنشا مشروعات واذا ارادت ان تحافظ على نموزج النظام الحر تقوم بالبيع ولكن تحت رقابة شعبيه صارمة حتى لا يحدث فساد كما حدث فى برنامج الخصصة الامر اانه لا يمكن ان تنجح المشروعات الصغيرة والمتوسطة والتعاونية بدون حضانة قوية تضم الخبراء من كل الاتجاهات السياسية لانشاء هذه المشروعات المجالات اللى بتشتغل فيها توفير تمويل ميسر داخلى او خارجى ربطه بمشروعات كبيرة
لميس الحديدى: موضوع الحضانة دا بصراحة بيبقى صعب عليَ
احمد النجار:ليس صعبا موضوع على فكرة الخبراء من كل الاتجاهات السياسيه حتى يكون فى درجة من الرقابة لاانه
سميررضوان : المشروعات الصغيرة والمتوسطة وشوفنا التجرية فى اوروبا وفى فرنسا وفى ايطاليا وشوفناها فى ماليزيا وسنغافورا وشوفناها فى الهند والصين كلهم بيمشوا فى طريق مختلف عن اللى احنا ماشين فيه ازاى ؟ ان هو البداية مش المشروع تيجيب واحد علشان زراعة تديله 5 فدادين ويهرب لا انت بتنشا شخص لريادة الاعمال شخص فى ريادة الاعمال ودا الحلقة الغائبة هنا انك بتبدا انك بتنشا رائد الاعمال من سنة 3 جامعة
احمد النجار: من اكتر القطاعات اللى تحتمل بالفعل توسع هائل فى فرص العمل هى القطاع الزراعى فيما يتعلق بالتصنيع الزراعى
لميس الحديدى: فين الدولة فى الاستثمار؟ فين الدولة استثمار الدولة فى البنية الاساسيه؟ فى امريكا كسروا الشوارع وبنوها تانى
احمد النجار: الدول اللى هى داخلة ضمن قمة ال20 قرروا ان الدولة هتنفق 5 تريليونات فى السنة البلدان اللى هى داخله فى هذا التصنيف من الدول الدولة اللى هو تدخل واسع النطاق فى الاقتصاد على عكس النموزج الحر بشكل مطلق والخالى من اى ضوابط فى الحقيقة دا معاناه ان الحكومة المصرية يجب ان تعيد النظر فى فكرة عدم تدخل الدولة فى النشاط الاقتصادى موضوع اعادة توزيع الاراضى المستصلحة لان لا ينفع ان تنفق 6 مليارات على مشروع زى توشكى ثم اقوم بتوزيعه لبعض كبار رجال الاعمال او امراء عرب او غيره يجب ان يوزع لفلاحين معدمين
لميس الحديدى: موضوع تفتيت الملكيه عندنا فى مشكلة
سمير رضوان:الخناقة بين مريكل واوباما كانت على ايه؟ كانت هى بتقولك الدولة ما تستثمرش وهو قالها لا دا كينز علمنا فى الكساد الكبير ان طريقة الخروج من الكساد ان الدولة بتحط البذرة لى اجتذاب القطاع الخاص
لميس الحديدى: انا بشكركم شكرا جزيلا واتمنى ان صانع السياسة الاقتصاديه يقرا هذا التقرير اللى انا بعتبره تقرير مؤدب تقرير لطيف يجب ان تقرا ما بين السطور علشان تطلع الحقائق اللى حاولنا نطلعها فى هذه الحلقة نطلع الحقائق كده بكلمات واضحة اصل انا صحفية بحب العانهن يكون واضح وصريح ما حبش الحاجات اللى بنحسس فيها على بعض كده ونبقى قلقانين لحسن الوزير دا يزعل ولا رئيس الوزرا يزعل لا يهمنى غضب البعض يهمنى ارضاء هذا الشعب يهمنى توزيع عادل للثروة لهذا الشعب وكل ما حدث على اليمين وعلى اليسار لازم اخرج النشرة قادمة اشكركم شكرا جزيلا واشكر ضيوفى وهذه لميس الحديدى تحييكم وتصبحوا على خير .