اتجاهات

عمرو توفيق : اهلا بكم حادث قطار منفلوط اسيوط والذى راح ضحيتة صباح اليوم 51 طفلا مختلفة اعمارهم واختلطت دماؤهم الطاهرة البرئية بقضبان السكك الحديدية بعد اصطدام احد القطارات باتوبيس الاطفال هو حادث اليم يتقدم معه التليفزيون المصرى والاعلام المصرى بخالص المواساة لاسر الضحايا والمصابين هذا الحادث ليس هو الاول من نوعة فى مصر بعد ان اصبحت حوادث القطارات جزءا من حياتنا اليومية ولكن تلك الحادثة تاتى ضمن سلسلة متعاقبة من الحوادث التى شهدتها خطوط السكك الحديدية والقطارات على مدى سنوات ماضية وراح ضحيتها نحو 6000 من القتلى ونحو 20 الف مواطن على مدار 20 عاما مضت هذا الحادث ياتى بعد اسبوع فقط من حادث قطار الفيوم الذى وقع نتيجة صدام قطارين واسفر عن مقتل 4 اشخاص واصابة العشرات حادث اليوم يعيد للذكرى اسوا حادث قطار فى تاريخ السكك الحديدية المصرية والذى وقع
ايضا فى قطار الصعيد عند مدينة العياط واحترق فيه اكثر من 370 شخصا والسؤال متى يتوقف نزيف الدم على قضبان قطارات مصر ومتى يتوقف الاهمال الذى غالبا ما يلقى بعبئ المسئولية فية على سائق او عامل تحويلة او ملاحظ اشارات او حارث على مزلاقان ويبقى الضحية فى النهاية المواطن البسيط الغلبان الذى يمثل القطار بالنسبة له ارخص وسيلة مواصلات حتى ولو كان يفتقر لابسط الحقوق الانسانية وهل دخلت السكك الحديدية مرحلة الغيبوبة والتى لا امل فيها ام ان هذه الهيئة التى تعد اقدم تانى خط سكك حديدية فى العالم بعد بريطانيا ويعود تاريخها الى 140 عاما مضت كما تعد اول خط سكك حديدية فى الشرق الاوسط وافريقيا يمكنها ان تعود من جديد خالص تعازينا لاسر الضحايا ونرحب بضيفنا وضيفكم المهندس صبرى عامر رئيس هيئة النقل والمواصلات بمجلس الشعب السابق مرحبا بكم باش مهندس صبرى
المهندس / صبرى عامر: اهلا بيك يااستاذ عمرو
عمرو توفيق : ومرحبا بكم مشاهدينا ونخرج الى فاصل قصير ثم نعود اليكم
تقرير : لم يكن اختراع القطارات سوى محاولة لراحة الانسان وتسهيل انتقالة عبر المسافات وليس تسهيل الانتقال الى الدار الاخرة جورج استتيفنس احد المخترعين العظام الذى ادرك امكانية بخار الماء وجعلة طاقة حركية للامان والخير فاخترع القاطرة البخارية لخدمة البشرية وفى عام 1850 جاء ودن نجل جورج ستيفنس الى مصر وعرض على الخديو عباس مشروع انشاء سكك حديدية امر عباس بتعينة كبيرا للمهندسين بسكك حديد مصر وسرعان ما بدا ا نشاء الخط الحديدى بين القاهرة والاسكندرية بكاقة 209 كيلو مترا وكان الاحتفال بافتتاح كاملا فى عام 1856 وهكذا ولدت على ارض مصر مؤسسة السكك الحديدية لتصبح مصر فى منطقة الشرق الاوسط وافريقيا التى تستخدم السكك الحديدية ولتكون اقدم تانى سكك حديدية فى العالم بعد انجلترا وتمضى الايام والسنوات غير ان عمليات التحديث والتطوير تتم ببطء شديد وفى المقابل فان السلوكيات الخاصة لبعض الركاب التى اغفلتها شرطة النقل والمواصلات بل اغفلت عيونها عنها وزادت السلبيات وتتابع مسلسل الاهمال حتى وقعت اكبر كارثة فى تاريخ السكك الحديدية بمصر فقطارات السكك الحديد تعمل على شبكها طولها 940 كيلو متر تنقل 2.3 مليون راكب يوميا من بينهم 2.30 الف راكب يستقلون عربات الدرجتين الثانية والثالثة العادية بنسبة 89 % معظمها سئ للغاية واصبحت مسرحا للتعديد من الحوادث بينما لايزيد مستخدموا عربات الدرجة الاولى والمكيفة عن 270 الف راكب بنسبة 11% نحو 3500 كيلو متر من الشبكة الحديدية للسكك لاتزال مفردة مما يقلل من وسائل الامان والخطوط المزودة باشارات كهربية لا تتعدى 585 كيلو متر تمثل نسبة 12% فقط والباقى اشارات ميكانيكية مكيفة تمتلك قطارات السكك الحديد 3000 عربة قطار و700 جرار 66% من قوة الجربالهيئة تجاوزت العمر الافتراضى مما ادى الى زيادة ا لاعطال وهناك نحو 1075 مزلاقانا منها 350 فقط مزودة باشارات واجراس الباقى يحتاج الى تطوير شبكة الاتصالات التى لا تغطى سوى 40% فقط ولازال التحكم الالى لايوجد الا فى الخطوط المهمة فقط ونظام المراقبة المركزى لا يعمل بكفاءة للسيطرة على حركة القطارات معظم القطارات واجزاء البلوك غير مزودة باجهزة لاسلكية لسرعة الاتصال وتبادل المعلومات
فاصل
عمرو توفيق : نكرر ترحيبنا بكم وبضيفنا الكريم المهندس صبرى عامررئيس لجنة النقل والمواصلات بمجلس ا لشعب السابق باش مهندس يعنى لماذا تتكرر حوادث القطارات للسكك الحديدية على خطوط الصعيد اعلم انه فى السبعينات مثلا وربما ايضا فى الثمانينيات كانت هناك موضة الحوادث على خط القاهرة الاسكندرية خست الى حد ما على هذا الخط ولكن الصعيد تحدث حوادث رهيبة زى حادث قطار العياط وزى حادث النهاردة ايه المشكلة
ص بسم الله الرحمن الرحيم اولا حضرتك تاذن لى بان انا اتقدم لاسر الضحايا وهما اولادنا كلنا وفلزات اكبادنا الحقيقة
عمرو توفيق : عليهم رحمة الله
المهندس / صبرى عامر: الواحد بيتخيل يعنى مش قادر استوعب الامر الحقيقة غير ان اسال الله سبحانة وتعالى ان يرزقهم الصبر الجميل والاتتكررهذه الحوادث الماساوية الحاجة التانية الحقيقة ان الموضوع مش تكرار الحوادث فى السكة الحديد وبس احنا عندنا مشكلة ان الازمات ممكن ان تتكرر فى اى مجال من المجالات وفى اى وزارة من الوزارات وبعدين يبقى الحل حل مؤقت وحل تسكينى وبعدين ما يحصلش الحل الجذرى دى مشكلة كبيرة جدا وانا عاوز اقول لحضرتك الحقيقة شوية معلومات هامة جدا ننطلق منها الى مناقشة الموضوع ونتمنى ان تكون التوصيات اللمناقشات محل اهتمام للتنفيذ اولا مثلا من اعاجيب القدر ان الاستجواب الشهير جدا فى مجلس الشعب من سنة 2000 الى سة 2005 معرفش كان سنة كام بالضبط الذى تقدم به استجواب للحوار السكك الحديدية الدكتور محمد مرسى النائب السابق محمد مرسى وكان الاستجواب الحقيقة قوى جدا فى هذا المجال الحاجة التانية ان فى نوفمبر 2009 كان فى تقرير فى الاهرام عملتة بيوت خبرة عالمية بناءا على طلب من البنك الدولى عشان وزارة النقل تعمل ايه فى السكة الحديد وقالت بيوت الخبرة دى ان عشان السكة الحديد بكل محاورها سواء الجرارات او العربيات او او المزلاقانات محتاجة ما يقرب من 5 مليارات كل سنة لمدة عشرين سنة عشان السكة الحديد تبقى مرفق على المستوى العالمى والحضارى لان للاسف الشديد يا استاذ عمرو للاسف الشديد احنا بنسمى تطوير العربيات عندنا ان احنا ندهنها من برة ودى مشكلة خطيرة جدا ده مش تطوير ده لايمكن يكون تطوير الحقيقة الازمة كلها بعد المعلومات دى ازمة ادارة
عمرو توفيق : هو على فكرة مسالة دهان العربيات دى ربما تكون نوع من الشياكة والنضافة وعموما خدوا عربيات جاية من المانيا الشرقية درجة تالتة ولم تكن تصلح للتشغيل وصلحوها وطوروها وعملوها عربيات درجة اولى ممتازة وعربيات درجة تانية ممتازة مكيفة
المهندس / صبرى عامر: على فكرة ده مجهود كويس لان احنا عندنا من المهندسين ومن الاكفاء ومن الشرفاء فى كل مجال من المجالات لكن احنا مش عايزين نعتمد طول عمرنا على ان الاستراتيجية بتعتنا ان ندهن القديم نطور القديم دون استراتيجية مسبقة بلى هى تتناسب مع التطور التقنى الموجود فى العالم كلة اناعوز اقول لحضرتك ان سبب المشاكل دى كلها مشكلة الادارة لان انا يا استاذ عمرو وانا فى مجلس الشعب ورئيس لجنة النقل والمواصلات كان معايا الحقيقة مجموعة ممتازة جدا للناس كان اول حاجة بنقولها للمسئولين هؤلاء المسئولين عن اللى كانوا بيتبعوا لجنة النقل والمواصلات المسئولين عن السكك الحديدية المسئولين عن الطرق والكبارى المسئولين عن النقل النهرى المسئولين عن النقل البحرى كل ده كان تبع النقل والمواصلات كانوا جيبين لهم حاجة مهمة جدا اناعاوز تقرير فوزى عن اسباب الازمات والكوارث فى القطاع بتعتك وايه خطتط الوقائية ان الحاجات دى ما تحصلش تانى ودى نقطة فى غاية الاهمية احنا للاسف عشانا فترة كبيرة جدا ولازالت احقاقا للحق ومازالت هذه الفترة بظلالها موجودة عندنا دلوقتى اللى هى ا يه اللى الوزارات فى جزر منعزلة وان المحافظات فى جزر منعزلة وان انا معنديش خطة للوزارة تقول اناعند واقع ايه ومشكلات ايه وممكن احلها امتى وازاى وممكن اتلافاها ازاى لذلك انا اقول ان من الصعب جدا ان انت تحط قياس اداء على اى مسئول هى فين خطتة عشان تقيس عليها الاداء بتاعة مفيش طب لما يقع فى مشكلة بتحاسبة ازاى مفيش فالحقيقة للاسف الشديد ان الاوان ان نقف وقفة وهذا النداء للاستاذ هشام قنديل رئيس مجلس ا لوزراء ان الاوان ان نقف وقفة ان يكون هناك خطة متكاملة لكل الوزارات هذه الخطة عبارة عن رفع الواقع وحل المشكلات والاهداف الاستراتيجية والصيانة الوقائية كل ده يجب ان يكون موجود الحقيقة متزمم ومتخطط عشان نعرف نقول هل ان الاوان ان ينتهى نزيف الدم ام لا
عمرو توفيق : بستاذن حضرتك معاناعلى الهاتف المهندس هانى حجاب رئيس هيئة السكك الحديدية الاسبق باش مهندس مرحبا بيك معانا
المهندس /هانى حجاب : السلام عليكوا اهلا اهلا استاذ عمرو
عمرو توفيق : عليكم السلام ورحمة الله باش مهندس بحكم موقعك كرئيس اسبق لهيئة السكك الحديدية تفسيرك للحادث اللى وقع النهاردة فى اسيوط تفتكر تكون ايه اسبابة ربما فى استباق التحقيق يعنى
المهندس /هانى حجاب : هو الحقيقة هو انا كلامى للاستاذ الفاضل الباش مهندس عامرانا لسة الحقيقة انا مش متابع الحلقة الحقيقة لان انا خارج على طريق وانا باعزى اسر الشهداءالابطال اللى راحوا ضحية الحادث
عمرو توفيق : عليهم رحمة الله
المهندس /هانى حجاب : وباتنمنى الشفاء للمصابين
عمرو توفيق : امنين
المهندس /هانى حجاب : عايز اقول ان اللى حدث النهاردة حادث اليم واننا اتاثرنا بيه واننا الحقيقة يعنى نتيجة اهمال جسيم مش هقدر احدد طبعا مين هو السبب فى الاحداث واتابع التحقيقات واقول مين المسئول لكن هو حسب ا لبيان اللى مطلعاه الهيئة سواء من الاتوبيس او من عامل المزلاقان والمسئولين عنه والمشرفين على تشغيلة مش عاوز اسابق الاحداث لكن هو فى جميع الاحوال حادث اليم ناتج عن اهمال جسيم ولابد ان يتم محاسبة المسئول او المسئولين عن هذا الاهمال وطبعا من جانب الهيئة موجود غفير المزلاقان اللى كان اعلن بموعد قدوم القطارولم يتم غلق المزلاقان اللى بتاكيد المسئولية المباشرة بتقع عليه واذا كانت الرواية اللى بتقول ان الاتوبيس وقع من المزلاقان يبقى المسئولية على سائق الاتوبس واللى عايز اقولة فى جميع الاحوال اى قطار بيمر على اى مزلاقان قبل المرور على الاقل بتلت دقائق يبقى المزلاقان مغلق تماما لعدم مرور السيارات على هذه الجهة
عمرو توفيق : فى ظل باش مهندس هانى حجاب كنا بنسمع من ايام المهندس سليمان متولى لما كان وزير للنقل ان عملية تقليل السيرعلى خطوط السير على السكك الحديدية بدات بكهربة الاشارات وان القطار لايستطيع ان يتجاوز السينافور الاحمرلانوا فى نظام للتحكم عن بعد وكنا بنسمع كلام جميل ولكن الحوادث اللى بتتكرر بتثبت ان لا فى نظام تحكم وان المسيمافورات ضوئية استبدلناها بالمسيمافورات اللى هى الميكانيكية يعنى القصة واضح ان فيها شئ فى حاجة غلط الغلط ده فين والفلوس اللى انفقت دى كلها انفقت على ايه ؟
المهندس /هانى حجاب : هو الحقيقة السكة الحديد نظام الاشارات فيها 85% من نظام اشارات سكة حديد مصر اشارات ميكانيكية السيمافورات اللى هى العادية وال15% اللى باقيين دول اشارات كهربائية هو الحقيقة دلوقتى فى مشروعين كبار لتطوير نظام الاشارات فى مسافتين مابين القاهرة اسكندرية ولسه فى قرض مع البنك الدولى ب270مليون دولار تم توقيعة واجراءات المناقصة بتعته خلصت والمفترض ان هو هيتم البدء في كهربة هذه الاشارات وتحويلها الى اشارات اللكترونية حديثة الكلام ده من
القاهرة الى الاسكندرية جارى تنيفيذها فى خلال 4 سنوات فى قرض تانى كان اتعمل مع البنك الدولى لتقييم نظام الاشارات ما بين اسيوط والقاهرة بمبلغ 32 مليون دولار مع البنك الدولى وده عشان تحويل الاشارات الميكانيكية لهذه المسافة الى اشارات اتوماتيكية او اشارات الكترونية حديثة
عمرو توفيق : يعنى المفروض طبعا الحادث ده يعلمنا شئ مهم جدا انوا بالاضافة الى تحويل الاشارات الى اشارات ضوئية ما يبقى فى مزلاقانات اتوماتيكى بتقتل قبل القطر ما يجى مثلا بدقيقتين تلاتة يعنى لو عامل المزلاقان الغلبان ده من التعب والارهاق حصل له نوع من الغفلة يعنى المزلاقان يتقفل اتوماتيك والا نسيبها بردوا للعامل الغلبان ده ونشيلة المسئولية
المهندس /هانى حجاب : لألأ هوفى من ضمن مشروعات تطوير عدد من المزلاقانات تحديدا 245 مزلاقان ودول بدا تطويرهم وتم تحويلهم القطر مجرد ما يقترب من المزلاقان على مسافة معينة يبقى فى سنسر او حساس يدى اشارة يدى اضواء واجراس على المزلاقان ويقفل البوابة اتوماتيك هذا المشروع فى طور التنفيذ انا اخر عهدى بالهيئة كان 27/ اغسطس 2012 السنة دى كان المشروع مستمر ودول 245 مزلاقان كنابدانا فيهم بمجرد ما ينتهوا انشاء الله هنكمل بقيت المزلاقانات فى الهيئة اللى هو عددها حوالى 1261 مزلاقان على مستوى الهيئة اللى عايز اقولة بردوا ان معلش مش معنى ان عملية التطوير ماشية هنتظر التطوير ويبقى فى اهمال فى جميع المزلاقانات اللى بتشتغل يدوى لأ كل واحد يجب ان يؤدى دورة تمام ينفذ التعليمات على دراية كاملة بالتعليمات بتشغيل المزلاقان على دراية باعمال تشغيل الاختبارات لازم كل واحد يؤدى شغلة كما يجب المشرفين عليهم لازم يؤدوا دورهم بالمرور عليهم للتاكد من ان كل واحد بيؤدى دورة كما يجب المظومة كلها يجب ان تشتغل بحيث ان هو عملية الاشراف وعملية الدورات التدريبة للعاملين والعاملات تبقى عملية مستمرة بحث ان احنا نتلاشى او نحد من هذه الحوادث
عمرو توفيق : المهندس هانى حجاب رئيس هيئة السكك الحديدية الاسبق شكرا جزيلا لوجودك معانا عبر الهاتف واستاذنكم مشاهدينا فى كل مكان للخروج الى فاصل سريع ونعود لنستكمل حوارنا مع المهندس صبرى عامر رئيس هيئة النقل والمواصلات بمجلس الشعب السابق باش مهندس صبرى وزير النقل اعلن عن المسئولية السياسية كاملة وقدم اسستقالتة عايزين نلفهم ايه هو الفرق بين المسئولية السياسية والمسئولية الجنائية خصوصا ان الحادث فيه جانب جنائى وهو التقصير
المهندس / صبرى عامر: المسئولية الجنائية هى المسئولية عن الشخص المباشر فى سبب وقوع الحادث
عمرو توفيق : اذا كنت انا كمسئول اعلى لم اوفر له اسباب ا لعمل الصحيحة اذا انا مسئول جنائى ايضا
المهندس / صبرى عامر: والله احنا عشان نقول شهادة ترضى ربنا سبحانة وتعالى اذا لم يكن المسئول الاول هو الوزير قد وضع سياسة تخلى كل موظف فى اى مكان
مسئول فى الحتة اللى هو فيها ومأمن له شغلة هو الحقيقة مشترك فى المسئولية احناعندنا مشكلة كبيرة جدا جدا جدا من اول السكة الحديد اللى ادنى وظيفة موجودة فى السكة الحديد غفير المزلاقان واخطر وظيفة على حسب امكانياتنا الان غفير المزلاقان تانى حاجة ان وزارة النقل شايلة الشيلة بتاعت المزلاقانات على مستوى الجمهورية هى لوحدها لان الحقيقة كنت فى حديث تليفونى مع احد النا س المحترمين فى مجال السكة الحديد فقال لى نصحية جميلة جدا جدا قال لى لما تشترك المحليات فى حل الازمة قالت دلوقتى عندنا مشكلتين كبار جدا مشكلة غفير المزلاقان اللى هو قاعد لوحدة وعنده مشكلة ولو مات يعنى وجت له سكتة قلبية هو ايه اللى هيحصل يعنى
عمرو توفيق : عامل الاشارة
المهندس / صبرى عامر: عامل الاشارة ايه اللى يحصل يعنى مات
عمرو توفيق : هيحصل مشكلة كبيرة
المهندس / صبرى عامر: هو راجل منتبه وتمام وما بينمش ولا اى حاجة ولا سيبها على الله ولا اى حاجة لأ دا هو 100% لان انت جايبة على مستوى متواضع جدا بل اقل من المتواضع فى حين انا شاييف ان وظيفتة من اهم الوظائف لانوا مسئول مباشرتا عن ارواح الناس
عمرو توفيق : ا ه عامل السنافور ده مهم جدا
المهندس / صبرى عامر: جدا جدا جدا
عمرو توفيق : يعنى التزامات هذا الرجل يعنى القطارات هتخبط فى بعضيها
المهندس / صبرى عامر: بالظبط
عمرو توفيق : ليه هيئة السكة الحديد ما فكرتش تحط مساعدين
المهندس / صبرى عامر: بالظبط فى حاجة كمان يا استاذ عمرومهمة جدا الحاجات اللى بيقول عليها المهندس صالح جاد اللى هو تطوير المزلاقانات احنا نقصد فى تطووبر المزلاقان اللى هو المزلاقان يتقفل اتوماتيك من نفسة لازم غير كده يبقى مش تطوير احنا دلوقتى وهو بيقول عندنا خط القاهرة الاسكندرية فى تطوير الاشارات الالكترونية مازال هذا الموضوع شغال بالعامل البشرى بعد ما الجرس يضرب الراجل بتاع المزلاقان هو اللى يحط الجنزير مازال الجنزير شغال لحد دلوقتى احنا بنقول ايه عشان كلامنا يطلع بتوصيات ولكل المسئولين ونقول ان الاوان ان ما يبقاش فى واحد قاعد اى واحد وانا باقول ايه احنا عندنا من موظفى المحليات بالمئات ملهمش شغل احنا عاوزين نتعاون فى هذا الموضع بحيث ما يبقاش غفير مزلاقان واقف لوحدة خلى بال حضرتك فى نقطة مهمة جدا المزلاقات عليه عسكرى مرورعسكرى المرور احنا ما بنشفهوش اصلا فالمنظومة عاوزة تواصل وتعاون من تلت اتجاهات المرور والغفير بتاع المزلاقان ومساعد ليه المحليات باقول انا واقف فى الحته دى عشان احمى ابنائى زى اللى واقف على الجبهة يحمى الوطن وكل ما قطر يفوت فى امان انا نجحت فى مهمتى لكن الكلام اللى احنا بنشوفة اللى الغفير بتاع المزلاقان ينزل يروى الارض ويرجع تانى مش ممكن
عمرو توفيق : ماهو حضرتك ما بتديش له مرتب يكفى له حياة كريمة هو بيضطر يشتغل شغلنتين وتلاتة عشان يكفى نفسة وبيجى بقى على الشغلانة دى وهو مرهق وينام
المهندس / صبرى عامر: وبينام اه احنا المفروض نتعامل مع الواقع اللى يبقى له نباطشى معاه واحد واتنين احنا عندنا بطالة عندنا بطالة فى اكثر من مجال الحتة التانية المهمة جدا جدا جدا تعالى نعمل رافع واقى للمزلاقانات كلها فى مزلاقانات رئيسية يمكن لو اتعمل عليها كبرى تتحل المشكلة كل مرة نقول الكلام ده والوزارة مش هتعمل الكلام ده طب ايه المانع ان احنا نفرق ا لمسئولية دى بتوجية من الدكتور هشام قنديل والمحافظين هنيجى على محافظة الغربية ايه اهم مزلاقان عندها هل الوضع الجغرافى عندك يمسح انك تعمل كوبرى اه يسمح سهلة جدا ان صناديق ا لمحافظة تعملة يبقى كانك طلعت فى وقت واحد على مستوى الجمهورية ب25 كوبرى او 25نفق لو الوزارة خدت الحتة دى لوحدها مستحيل ان هى تنفذة يبقى احنا بنقول توصيتين فى منتهى الاهمية على الوضع الحالى لان احنا محنش عاوزيرن نرجع لزمان والحادثة تفوت والموضوع ينتهى انا باقول ان الحادثة دى المفروض تعلمنا حاجات كتير جدا اول حاجة ماهى خطة الخطة الاتفاقية الان على الوضع الحالى
عمرو توفيق : لابد من تلافى الحوادث قدر الامكان حتى لا تتكررالى ان يتم التطوير واحنا عارفين الفلوس ومشكلة
المهندس / صبرى عامر: ويبدا يا افندم يتحط لى على خريطة الناس كلها تعرفها الحاجة التالتة انا اناشد رئاسة مجلس الوزراببيانات سريعة وكاملة عن واقع الحادث ومحاسبة المسئولين الناس عاوزة تسمع اية اللى حصل وانتوا عملتوا اية وهتعملوا ايه فى المستقبل حاجة غريبة جدا جدا ان الحادثة تحصل والوزير يستقيل الوزير مسئول مسئولية سياسية واحنا لو مش فى وقت البلد مش مضطربة فيه يعنى احنا لو فى وقت الظروف مفيهاش اضطراب مكنش يكفينا استقالة وزير واحد حقيقتا ا رواح ابناءنا دى هىغالية جدا عندنا
عمرو توفيق : اليم وبشع يعنى نعم
المهندس / صبرى عامر: فى وقت مضطرب واحنا بنقول عايزين نسمع من رئاسة مجلس الوزرا خطط للوزراء كلها الناس تهدأ الحتة دى هيتن فيها عيب للسنة الجاية والسنة الجاية يوم كذا هنعمل كذا ولذلك دى نقطة مهمة جدا ليه عشان الوزير التانى لما يجى او رئيس الهيئة التانى لما يجى يمسك استراتيجية يكملها هو رئيس هيئة السكة الحديد هيعمل ايه ليس اى خطة هيشوف بقى الاتفاقيات اللى بيقول عليها
عمرو توفيق : القطارات يعنى
المهندس / صبرى عامر: ماهو ميفيش هو هيبدا اولا عندنا حضرتك مشاكل فى الورش انت عارف حضرتك بقلنا كذا شهر الفرملة حتة الفرملة بتاع العجل مش موجودة احنا عندنا مشاكل
عمرو توفيق : لأ دا احنا سمعنا فى الشهور الاخيرة خطوط للسكك الحديدية بيتم تفكيك القضبان وسرقة هذه القضبان تتباع لتجار الحديد الخردة عشان تتسيح ويبعوها يعنى منهى الاهمال حتى هذا من ايام النظام السابق يعنى مش بعد الثورة لأ دا من ايام النظام السابق خط السكة الحديد بتاع سينا اتسرق معظمة
المهندس / صبرى عامر: لأ وحصلت بعد الثورة وانا ناس بلغونى وانا رئيس لجنة النقل المشكلة بيبقى فى نوع من القضبان هو للتخزين وبعدين بيبعوه فلما يروحوا يفكوة عشان يبعوه بيفكوا جنبية حاجات تانية المشكلة كبيرة نخرج الى فاصل
فاصل
تقرير: اشهر حوادث القطارات فى مصر على مدار 4 عقود حادث قطار عين شمس عام 1987 الذى راح ضحيتة 60 قتيلا و70 جريحا حادث قطار كفر الشيخ راح ضحيتة 80 قتيلا وعشرات الجرحى حادث قطار قنا راح ضحيتة 60 قتيلا وعشرات الجرحى حادث قطار البدرشين عام 1995 راح ضحيتة 150 ما بين قتيل وجريح حادث قطار كفر الدوار عام 1998 راح ضحيتة 100 قتيل و900 مصاب هذا وقد سجلت احصاءات وزارة النقل وقوع حادث يوميا فى محافظة الغربية وحدها بما يعنى وقوع365 حدثة سنويا بالغربية فقط ايضا ذكرت احصاءات الوزارة ان قطارات ابى قيربالاسكندرية يحصد سنويا ما لايقل عن 100 قتيل وعشرات الجرحى حادث قطار العياط عام 2002 اسوا انواع الحوادث فى تاريخ السكك الحديدية راح ضحيتة 350 شخصا حادث اصطدام قطارين فى نفس الصورة عام 2006 راح ضحيتة 80 قتيلا وعشرات الجرحى حادث اصطدام قطارين شمال القاهرة عام 2007 راح ضحيتة 58 شخصا وعشرات المصابين حادث قطار العياط عام 2009 راح ضحيتة 30 شخصا والعديد من المصابين حادث منفلوط عام 2012 اصطدام قطار بحافلة مدارس راح ضحيتة 49 طفلا واصابة العشرات
فاصل
عمرو توفيق : ولان الحديث يتعلق بك عزيزى المشاهد ينضم الينا ايضا فى هذا الحوار ضيفنا الكريم الدكتور خالد عبد العظيم مدير المعهد القومى للنقل مرحبا بحضرتك مع ضيفنا الكريم المهندس صبرى عامر
المهندس / خالد عبد العظيم : اهلا وسهلا
عمرو توفيق : اهلا بحضرتك حديثى عن حادث مؤلم وبشع والمشكلة ليست فيما وقع رحم الله الضحايا والهم زويهم الصبر والسلوان ولكن كيف نكون دون وقوع مثل هذا الحادث مستقبلا المشكلة فين ؟
المهندس صبرى عامر قال ان المشكلة فى الاهمال وان مفيش ادارة جيدة ومفيش تخطيط حضرتك شايف المشكلة من اى زاوية وكيف يمكن اصلاح هذا المرفق المهم فى حياة المصريين
المهندس / خالد عبد العظيم : هو طبعا لازم نتعامل مع المرفق بمنظومة متكاملة اى حادثة بتحصل فى قطاع او فى قطاع المرورممكن تكون فى 3 مسببات يااما مسبب عنصر بشرى والعنصر البشرى ده يكون السائق او يكون مشاة او الى اخرة او كان قائد الاتوبيس فى الحادثة بتاعتنا او بيكون له علاقة بالبنية التحتية
عمرو توفيق : هذا نود التركيز عليه يا دكتورلان فعلا احنا بنشوف حوادث السكة الحديد بيتم تحميلها لصغار الموظفين يااما عامل البلك او السائق دا فى بعض السائقين بيقول انا باخد الجرار وباطلع بيه بيبقى غير صالح للتشغيل لكن رئيسى فى العمل بيقلى اطلع فاانا مضطر عشان اكل عيش
المهندس / خالد عبد العظيم : وهو القضية كمان اللى اكتر من كده حتى لما بيحصل حادثة فى السكة الحديد النيابة دايما السكة الحديد عشان تاخد اقوالها مش بس هى كطرف فى المعادلة كمان كانها خبيرة هو المفروض السكة الحديد فى الحالة دى متهمة فبتالى السكة الحديد لازم يكون فى خبراء اخرين خالص تستعين بيهم النيابة عشان السكة الحديد هى اللى بتدير المرفق اللى هو البنية التحيتة ووسائل النقل فى هذه الحالة فاهو انا بس فى قضية المزلاقان بالذات لازم يبقى احنا عارفين ان مصر فيها كم مهول من المزلاقانات كمان العشوائية باسميها مزلاقانات الاهالى فاحنا انا باقول ان احنا كل لحظة بتمر بينا هى لحظة ممكن يحدث فيها حوادث بالمثل بالطريقة دى الموزلاقانات العشوائية دى اللى بيفتحها الاهالى وبتمر عليها وبتكون مش مخططة خالص
عمرو توفيق : فى خطوط المترو مترو انفاق الدولة عاملة سياج اما حديدى او بالطوب بنلاقى الاهالى يعملوا الفتحة عشان يعدى منها وتحدث الحوادث بقى
المهندس / خالد عبد العظيم : فدة الجزء المتعلق بالجانب البشرى احنا ناس فى مجتمع لازم يعاد ثقافتة بالكامل لازم الناس تبقى فاهمة كويس جدا يعنى ايه انا ابقى مسئول عن حياة الناس سلائق القطار هو ايه الفرق بين سائق القطار وسائق الطيارة فانا باعرض ان سائق القطار يكون المستوى بتاعة اعلى بكتير جدا من سائق الطيارة لان هومسئول عن كم من حياة بشر اكبر بكتيتر
جد ا من سائق الطيارة سائق الطيارة بيكون معاه كام 500 راكب سائق القطار بيكون معاه الافات من الركاب يبقى انا لازم احسن اختيار ا لسواق احسن تدريبة احسن مكافئتة وكل المنظومة البشرية اللى مرتبطة بيه العامل بتاع السنفور ميكونش بقى خلاص وصل قبل سن الستين ومسك عامل للسنافور وبيقفل وبيفتح دا لازم يكون ده من الناس المنتقاه
عمرو توفيق : المشكلة زى ما تفضل الباش مهندس صبرى عامران انا سايب هذا الرجل المسكين لوحدة قد يتعرض لازمة قلبية يمكن عايز يدخل الحمام
المهندس / خالد عبد العظيم : ممكن يموت
عمرو توفيق : فتحدث كواث سايبين الراجل لوحدة فى قضية مهمة جدا
خ دا من ناحية السكة الحديد لا ننسى كمان ان الاتوبيس نفسة فى الحادثة اللى بنتكلم عنها بالتحديد له سائق بردوا فاذا سائق الاتوبس ده مين اللى خلاه يسوق مين اللى ضربة مين اللى سمح له ان يحمل 62 طفل اتوبيس ممكن ياخد 50 طفل بس مين اللى خلاه يخش على المزلاقان بالطريقة دى حتى لو كان المفروض ان السائق العربية فيها اطفال ابقى حذر وحذر وحذردا واحد معاه 62 طفل يبقى ازاى يقبل على مزلاقان زى ده لان انا بردوا باقول دى حاجة وفقا لتحقيقات النيابة ولكن فى نهاية الامر هو ايه المزلاقان هو عبارة عن تقاطع صغير زى تقاطع فى الطريق بينظموا من خلال اشارة مرورية نفترض ان انت جيت بالليل فى التقاطع ومفيش اشارة هتبص يمينك وشمالك قبل ما تخش فى الحتة المشتركة فحتى لو كان المزلاقات بردوا مفتوح انا باقول ليه عدى اكيد القطر له صوت وله سرينة الراجل ده فى مخاطرة بردوا عملها عشان يعدى المزلاقان فى التوقيت ده
عمرو توفيق : بعض الناس يقولون ان حتى بعض المزلاقانات اللى ليها اجراس يقولك والله دا الجرس بيضرب قبل القطرده ما يعدى يجى ب 5 --- 6 دقائق فانا مش هفضل واقف 5 – 6 دقائق والولاد عندهم مدرسة وفى طابور الصباح وتحية العلم انا هخطى طبعا ده خطا خالص ولكن هذا يتكرر على مزلاقانات كثيرة
المهندس / خالد عبد العظيم : حضرتك عملنا قبل كده بحث على عدد كبير جدا من المزلاقانات لاقينا ان فى وقت اغلاق المزلاقانات حوالى 25% من المشاه بيعدوا وقت اغلاق المزلاقانات من المجموع الكلى وحوالى 15% من السيارات بانواعها المختلفة بتحاول انهاتتحايل وتعدى المزلاقان
عمرو توفيق : هو هنا المفروض ان يكون هناك لمن يحاول ان يكسر المزلاقان حتى بدون حوادث ولا اى حاجة من السائقين يكون هناك عقوبات رادعة ويسحب رخصتة
المهندس / خالد عبد العظيم : ويؤخذ على السجن حتى يكون عبرة
المهندس / صبرى عامر: احنا شفنا حضرتك على مدار السنوات الماضية الطويلة فى واحد بيشرب سيجارة فى مترو الانفاق تحت من يوم ما اتعمل هذا المشروع والقانون الحاسم وتطبيقة الناس التزمت خلاص انا لايمكن حضرتك الزلاقان يبقى فيه مخالفات احصائية الدكتور خالد مرعبة انا مسئوليتى ان انا اجيب من المحليات واجيب من السكة الحديد اجيب من الطرق اجيب من المرورامنع اى مخالفة على هذا المكان
عمرو توفيق : المهندس صبرى عامر وزير هئية النقل والمواصلات بمجلس الشعب السابق حضرتك اعلنت عن استعدادك لعمل تقرير فورى عن هيئة السكك الحديدية خلال عشر ايام تقريبا
ص انا كنت باتكلم مع احد الزملاء الصحفيين عن رفع الواقع حتى يمكن عمل خطة دى مش معجزة
عمرو توفيق : طيب حضرتك شايف المعجزات ايه 1-2-3- والحلول بتعتها ايه حتى يمكن انقاذ ما يمكن انقاذة فى الوقت الحالى حتى ياتى الحل الشامل
المهندس / صبرى عامر: انقاذ مايمكن انقاذة اولا نمرة واحد الان قبل بكرة لازم يكتب هو المهندس سامى قال 1200 مزلاقان اظن هما اكتر من ده هما حوالى 1700 تقريبا لازم يكتب تقريرعنهم ايه وضعهم وهؤلاء الناس فورا يتوفر لهم مساعد لغفيرللمزلاقان ومساعد للى فى البلك دى فورا تتعمل وفى نقطة مرعبة جدا ان المهندس بيقولة اطلع بالجرار على مسئوليتى فى نقطة سقطت مهمة جدا فى حاجة اسمها تسليم وتسلم اذا انت امرتنى ان انا اركب المركبة دى وهى غير معدة امضى امضى لى ان انا اخرج تبقى دى مسئوليتك ولا يعفى السائق من المسئولية ان هو يخرج وعارف ن الجرار فيه مشكلة لكن خلينا فى المزلاقان نمرة واحد رفع واقع المزلاقانات ومساعد لغفير المزلاقانات فورا فورا اقل حاجة اثنين غفراء مزلاقان كل الاوقات كل نبطشية يبقى 2 واخد بال حضرتك الحاجة التانية خطة التطوير انا عايز جدول زمنى لها الفلوس اللى انا عاوزها لازم تبقى موجودة ادامى رقم 3 القوانين الحاسمة للمخالفات على المزلاقانات وتطبيقها لان احنا دلوقتى الحقيقة تبص تلاقى الجرس اللى قبل 5 – 6 دقائق يمكن ما احطش الجنزير لحد دلوقتى لحد ما القطر يقرب فين المتابعة والمراقبة لازم يبقى فى هيكلة للمتابعة والمراقبة لما الغفير الفلانى يقع فى خطا ابقى انا عارف على طول اتوماتيك المهندس اللى بيتابعة والىل بيراقبة هو مين ومسئول مسئولية كاملة زى النباطشى الدكتور اللى بيعمل عمليات ومين اللى بيتابعة ومين اللى بيراقبة معندناش اى مراقبة ولا اى متابعة لعمل المزلاقانات الان دى الروشتة السريعة جدا للوضع الحالى اللى لازم تتعمل له بغيرها هيعرضنا لكوارث اخرى واناشد اجتماع عاجل للمحافظين على مستوى الجمهورية كل محافظة تاخد كوبرى معاناها انتهت مشكلة مزلاقان يعنى انا لو نهيت مشكلة 25 مزلاقان من المزلاقانات الاساسية على مستوى الجمهورية ده حل يخلينا النار اللى جوانا تبرد شوية عشان ولادنا وده حل منطقى لم يحدث قبل والراجل اللى قالى هذا الاقتراح فى التليفون اقتراح جميل جدا نمرة اثنين مفيش اى خطة فى اى اتجاه انا عندى عربية انا عارف انها موديل قديم جدا لكن ماانيش حاطت فى اعتبارى اى خطة تمويل ان انا اجددها ولا اى تمويل ان انا اجددها
عمرو توفيق : الدولة معندهاش فلوس هتجيب فلوس منين وعندنا مطالب فئوية كل واحد عاوز فلوس
المهندس / صبرى عامر: الاسبوع اللى فات قالت لى وزارة النقل بتدرس 6 عروض عالمية عشان القطار فائق السرعة من مصر لاسكندرية والله انا لو كنت فى مجلس الشعب وكان هذا الكلام صحيح لاستجوبت وزير النقل وصممت على انوا يقدم استقالتة
عمرو توفيق : طب ما تكهرب خط القاهرة اسكندرية والقاهرة اسوان
المهندس / صبرى عامر: لو المعلومة صحيحة فا فايدة الخطة ايه ان انا بارفع الواقع والمشكلات واقول طريقة حلولها وبعدين ادخل على رئيس الوزرا فى الحاجات اللى انا محتاجة فيها واعمل اجتماع مع السيد رئيس الجمهورية فى الحاجات الكبيرة هو احنا الجسر البرى اللى احنا قلناة بين مصر والسعودية ده مش محتا ج ان احنا نحطة فى الخطة مين اللى هيديناالضوء الاخضر فية ويساعدنا فيه القيادة السياسية فاذن الخطة اللى انا باعملها ممكن تكون على مستوى الهيئة على مستوى الوزارة على مستوى رئاسة الوزرا على مستوى التعاون بين المحافظين وحكاية الجزر المنعزلة دى عاوزين نخلصها هما عندهم صناديق بالملايين ويتقوا ربنا سبحانة وتعالى كل المحافظين فنيا انا هدى لهم المعلومة انت عندك مزلاقان فى الحتة دى اعمل لى كوبرى هيتكلف كام زى ما يتكلف
عمرو توفيق : فى نقطة مهمة الدكتور خالد عبد العطيم مدير المعهد القومى للنقل الصيانة الغائبة احنا عملنا مشروع ناجح جدا زى مترو الانفاق خط حلوان المرج عملنا الخط التانى شبرا الخيمة وشغالين فى الخط التالت ولكن اللى بيشتغلوا على خطوط المترو قالك والله اول م ااشتغل كانت مسكاه الشركة الفرنسية كان زى الفل دلوقتى فى اعطال وفى مشاكل يعنى بنعمل المشروع وننسى دائما ان نضع خطة لصيانة هذا المشروع هل هذا السبب وافتقاد الصيانة هو ما يؤدى الى هذه الكوارث السكك الحديدية ايضا
المهندس / خالد عبد العظيم : هو طبعا فى استراتيجية بيعقبها فى مجموعة من المشاريع مجموعة من المبررات بيتعمل لها دراسات جدوى عمر المشروع الافتراضى كلة حصل حاجة زى خط مترو الانفاق المفترض ان من بداية انشاء الخط ده فى دراسة جدوى بتقول ازاى همول المشروع فى انشاؤة هيجيب ارادات اد ايه المشروع متوقع تكاليف صيانتة وتشغيلة اد ايه كل سنة وازى همول تكاليف التشغيل مفروض الكلام ده يبقى مدروس من يوم انشاء خط مترو الانفاق مش ان هو يمشى انا النهارده ما اقدرش اترك خط مترو الانفاق من غير ما ابقى عارف همول صيانتة وتشغيلة ازاى ياما من الدولة المصرية او من اعلانات او محلات هبيعها او محلات هاجرها فى محلات المترو اسمهادراسة جدوى فنية ومالية واقتصادية فى معامل اسمة معامل الكفاءة ده معامل اقتصادى مخرجات على مدخلات لو حبينا نحسب لمترو الانفاق احنا باعتبرة من انجح المشروعات الاقتصادية لان انت بتنقل كام راكب يوميا المدخلات اجور العمالة اجور ا لمترو والتشغيل لو انت قسمت ده على ده هتلاقى انك انت من اكفا المتروهات فى العالم كله لكن بتتنازع عن بعض معايير السلامة دى الخطورة فى ا ن احنا نقول احنا شاطرين قوى احنا شغلنا نقلنا 3 مليون راكب فممكن يقلقوا يجب ننظر نظرة جادية الى معايير الامان والى معاير السلامة دى مهمة جدا فا احنا لازم النهاردة فى دراسة الجدوى زى ما المهندس صبرى قال قال مهما اتكلف هى مش مهما اتكلف هو مزلاقان لو حصل فيه حادثة واحده
52 طفل يعنى 52 روح تكلفتهم اد ايه هيعملى جدوى للمشروع على طول
عمرو توفيق : منظومة الطرق والنقل فى مصر محتاج ايه عشان نخفف من الدماءالمهدرة سواء على الطرق الزراعية والصحراوية او فى السكك الحديدية او فى النقل النهرى
المهندس / صبرى عامر: تحتاج عمل مؤسسى جيد ومحترم فى التنفيذ يشترك معاها كل ما هو متخصص فى التفكير النظرى والعملى فى هذا الموضوع ثم نخرج بخطة لهذا القطاع ولو ماعملتش كده هتنى فى هذا ا لنزيف احنا عاوزين الخطة والمؤسسية والصيانة الوقائية المهملة اصلا بند الصيانة بند بسيط مع ان هو الاساس فى المحافظة على راس المال عشان كلمات معدوده نحن نريد المؤسسية ونريد من الوزير ان يحترم المؤسسية فى رفع الواقع والخطة على كل مراحلها ونريد من رئيس الوزراء متابعة تنفيذ هذه المحاور
عمرو توفيق : نفس السؤال موجة للدكتور خالد عبد العظيم منظومة الطرق والكبارى يعنى عايزة ايه بالظبط عشان نخفف يارب ننهى اراقة الدماء على الطرق والسكك الحديدية
المهندس / خالد عبد العظيم : هو لازم يكون عندنا خطة استراتيجية فى كل القطاعات فى النقل لازم تتضمن حاجتين التمويل والتنفيذ والحاجة التالتة خطة اعادة الهيكلة المؤسسية اناممكن اجيب 10 من خبراء النقل اوحتى دوليين يعملوا لى خطة لكن هما هيسيبونى ويمشوا مين اللى هينفذ الخطة على ارض الواقع هل انا عندى الكوادر اللى تقدر تنفذ الخطة ومين اللى هيصبر عليا لازم نبقى عارفين حالتنا فى مصر عايزين خطط لكن عايزين صبريبقى عندنا خطة يبقى عندنا شفافية ادام الناس ان دى الخطة اللى هنفذها لكن لازم نقول للناس بصراحة وبشفافية انها هتاخد وقت لتتنفيذ الخطة فى كل المجالات
عمرو توفيق : نتمنى ان يكون الغد افضل من اليوم نتمى الا تراق دماء ابناء مصر الانسان لا يعوض ورحمة الله على ابناء مصر وندعو لزويهم بالصبر وان يتغمدهم ا لله برحمتة ونشكر المهندس خالد عبد العظيم والشكر ايضا للمهندس صبرى عامر ولكم الشكر ايضا مشاهدينا الاعزاء والسلام عليكم .