عودة اللهجة المصرية لأفلام ديزنى بهاشتاج "ديزنى لازم ترجع مصرى"

شن رواد موقع التواصل الاجتماعى "فيس بوك" حملة لعودة اللهجة المصرية لأفلام ديزنى، بعد غيابها لفترة طويلة واستبدالها باللغة العربية الفصحى، مستخدمين هاشتاج "ديزنى لازم ترجع مصرى".
وتناقل رواد الموقع صوراً ومقاطع فيديو لأهم أفلام ديزنى التى اشتهرت بأصوات الممثلين المصريين، لاسيما فيلم "البحث عن نيمو" والمنتظر تقديم الجزء الثانى منه قريباً، مما زاد من مطالب محبى أفلام ديزنى لرجوع اللهجة المصرية للفيلم فى جزئه الجديد
بينما استطلعت صفحة "ديزنى بالعربى"، بموقع التواصل الاجتماعى "فيس بوك" آراء متابعيها فى الحملة عارضة لفيديوهات وصور من أشهر الأفلام التى المدبلجة بالمصرية.
فيما شارك رواد "فيس بوك" منشوراً لأحد مدونى الموقع، يدعى أحمد مبارك، على نطاق واسع، والذى قال فيه "آخر فيلم كارتون أتعمل باللهجة المصرية كان UP بعد كده أتمنعت اللهجة المصرية بسبب إن "دبى" أخدت توكيل ديزنى واتحولت كل الأفلام بعد كده للغة العربية وده حصل لأنهم عايزين الأفلام تبقى تربوية زيادة يعنى مثلا كلمة حب تتقص وتستبدل بكلمة إعجاب وإن أطفال العرب ما يتربوش على الثقافة المصرية ويطلعوا بيتكلموا لهجة مصرى".
وأضاف: "بس مع كل المحاولات دى فشلت الأفلام المدبلجة باللغة العربية ومعلقتش مع الناس وما نجحتش زى الأفلام المدبلجة بالمصرى وده أتأكدوا منه بعد فيلم inside out (قلباً وقالباً) لأن كان متوقع للنسخة المدبلجة النجاح لكن الناس فضلت تتفرج على الفيلم مترجم".
وتابع "الدبلجة المصرى دمها خفيف لأن كل الأفلام بيبقى فيها خط كوميدى فالإفيه بيتقال أحلى وبيضحك بالمصرى.. ده غير إن اللهجة المصرية بتدى روح للفيلم وللشخصيات وهتلاقينا كلنا لحد دلوقتى حافظين حوار فيلم نيمو وشركة المرعبيين المحدودة والأسد الملك وخلطبيطة بالصلصة وحكاية لعبة وغيرهم كتير وده لأنهم ادبلجوا بالمصرى".
وختم "حاليا فى هاشتاج منتشر على تويتر باسم ?"ديزنى لازم ترجع مصرى? وكل الجنسيات العربية مش المصريين بس بيطالبوا برجوع الأفلام للهجة المصرية لدرجة ان الصفحة الرسمية (ديزنى بالعربى) أتكلمت عن الهاشتاج ده وسألت الناس عن رأيهم.. إحنا عددنا كبير ياريت نستغل ده والكل يشارك يمكن نقدر نرجع الأفلام بالمصرى".
كما شارك عدد كبير من رواد موقع التواصل الاجتماعى "تويتر" الهاشتاج فى العديد من الدول العربية، وجاءت أبرز الهاشتاجات كالتالى "شركة المرعبين المحدوده.. نيمو.. خلطبيطة بالصلصة.. الأسد الملك.. تيمون وبمبه"، "ونجيب أحمد مكى بقا ونرجع هينيدى وعبله كامل ونهيبص بقا"، "فى أحد يتذكر أى جمله من أفلام ديزنى بعد ماصارت الدبلجة باللغة العربية الفصحى؟!".