اتجاهات

السبت 3/9/2011
محمد موافي: سلام من الله عليكم ورحمة منه وبركات .. مازال الحديث متواصلا مع احد اعلام الطب المصري او أب حقيقي من آباء الطب المصري الاستاذ الدكتور إبراهيم بدران وزيرالصحة الأسبق في اعوام 76 لحد 78 ، الحلقة اللي فاتت اتكلمنا كيف ان الطب هو مهنة الملائكة اوهو مهنة سماوية وهذه الحلقة نتمنى ان تتطرق ماذا اختلف في في مهنة الطب دكتوراهلا بحضرتك ..دكتوراتكلمنا المرة اللي فاتت عن ان ازاي الطب هو مهنة سماوية ..عموم الاطباء في مصر بخير عموم المهنة في مصر بخير لكن لما نقول انه فيه طبي مخطئ انه فيه طبيب خالف اخلاق المهنة فنحن لا نهاجم المهنة لما نتكلم عن الشوائب اللي الدكتورابراهيم شايفها في مهنة الطب اول حاجة ايه..
د/ابراهيم بدران: اول حاجة لابد من تطوير التعليم الطبي دي عملية مركزية لانه أي تدهور في مهنة الطب ينعكس بعد شوية على خدمة المريض اذا مكانش الاستاذ دؤوب في شغله في الكلية بتاعته ويكون قدوة ومثل اعلى يقتدي بيه الطالب يبقى قصرفي حق المهنة التلميذ زي الفقهاء يتعلموا بالاتصالات بالتلقي الكتاب لوحده ما يعملش عالم علم
محمد موافي: كانوا زمان يقولوا لا تأخذ العلم عن صحفي اللي هو بيقرا من الصحف او من الورق
د/ابراهيم بدران: لا يمكن ، اللقاء والانطباع بينقل اخلاق الاستاذ اوالمدرس او حتى المعيد الى الطالب لو كان فيه انحراف في طريقة التعامل بتاعة الاستاذ الى المعيد مع المريض هتتنقل على طول للطالب على ان هذه عادة ..لا المريض لازم يتلقى حنية وعطف ورحمة
محمد موافي: يعني نتكلم اول حاجة غياب القدوة واحنا محتاجين قدوة بشكل مستمر
د/ابراهيم بدران: يبقى انضباط الاستاذ هواللي هيركز القدوة في الكلية،دوام التزايد في المعرفة بالبعثات والمؤتمرات بداية عند مرحلة التكوين المدرس اللي بيتكون لابد ان يخرج ويحتك بالمستويات العالمية حيث المهنة في قمتها
محمد موافي: بس اظن يادكتور دي موجودة ؟
د/ابراهيم بدران: والله قليلة لانه كان زمان 90% من هيئة التدريس مؤهلة ومدربة في الخارج زي زواج الاقارب بينتج ذرية اضعف، احنا هنا في الطب دلوقت بقالنا من سنة حاجة وستين اوائل الستينات البعثات اختفت يمكن لغاية سنة 2000 وحاجة مكانش فيه بعثات في مصر وكنا بنحارب عشان رجعوا خطة البعثات ، انا لما اربي واحد النهارده على شهادة بحضره انه يشتغل 40، 50 سنة ، اول خطة عملها عد الناصر 5000 بعثة انجبت اطباء اللي شايلة مصرالى الان، نمرة اتنين في الاربعينات كانت البعثات مفتوحة كلنا سافرنا واتعلمنا ورجعنا وشفنا بره فيه ايه واخطائهم ايه وسلوك الاطباء اقول لحضرتك حاجة الولد جوه المستشفى فترة التعليم انا بقول على الشوائب ايامينا زي انجلترا وزي فرنسا وزي امريكا لايصح ان تكشف على مريض دون مساعد ، اللي حصل ايه هدي لحضرتك مثل صغير واحد زميلي كان في انجلترا الممرضة اللي واقفة معاه وهوبيكشف على واحدة ست في امتحان طلبوها او حاجة لمدة 5 دقايق ورجعت لسوء حظه لغوا الامتحان لانه واقف لوحده قالوله تجيلنا بعد 6 اشهروسقط لمجرد انه واقف مع المريضة لوحده في الاوضة هذه الصفة لا تتأتى الا من المدرس او الأستاذ دا حماية للطبيب لاانه المريض ممكن ان يتعدى على الطبيب
محمد موافي: ماهي دي يادكتور بقت سلوكيات مصر مش سلوكيات الطب في مصر
د/ابراهيم بدران: البرامج التعليمية لابد ان تتغير،علاقة الاستاذ بالتلميذ لابد ان تعود الى ما كانت عليه
محمد موافي: آلية العلاج
د/ابراهيم بدران: آلية التكوين.. احنا في سفرالتكوين دلوقت .. بعد كده الطالب ينظر إليه نظرة شخصية كان زمان كل تلميذ فينا ليه كارت دلوقت المجموعة 80 واحد ليهم ورقة واحدة ..لا.. انا لازم يعرفوني بالاسم ويشوفوا انا سلوكي ايه وماشي ازاي بعض الجامعات الخاصة بتعمل منحنى على الكمبيوتر للطالب لو حصل فيه تدهور في أي لحظة يدخلوا في شخصيته ويشوفوا دا اتجه للعب دا اتجه للمخدرات ودا اتجه للهلس
محمد موافي: كشف هيئة او متابعة هيئة مستمرة
د/ابراهيم بدران: عشان ينضبط يبقى الانضباط بتاعه زي الظابط ما يقدرش يمشي في الشارع من غيربدلة عسكرية ومن غير كاسكيتة مظبوطة فعايز اقول المرفق التعليمي لابد من اعادة رعايته دا نمرة واحد والخطأ بيبدأ هناك ، الخطأ برضه بيجي ساعات من تفاخرالاساتذة بتضخم ثرواتهم..لا.. ثروتي انا كطبيب لابد ان تكون مستغطية ليه حتى لو عندي ثروة عشان تلميذي يعرف ان انا ما بسرقش حد أه اقدراشتري عربية كل سنة مثلا لكن لابد ان يتوافق مظهري يتوافق مع مجتمعي ، في يوم من الايام واحد من ولادي كان مدير جامعة الزقازيق كان نائب عني الله يرحمه ويحسن اليه توفى صغير فكان بيعزمني كل سنة في الزقازيق وكنت اروح له فمرة قالي تقدراتكلم معاك قدام التليفزيون قلت له قوي يادكتور محمد قالي وحضرتك عملت ثروة قد ايه اتخضيت انا من السؤال قلت يامحمد اقسم لك الله ان انا عملت ثروة 14 جراح كنائب عندي والنهارده بقوا اساتذة منهم 2 مديرين جامعة واحد في اسيوط وواحد في الزقازيق
محمد موافي: طب لواحنا فضلنا جوه الجامعة جوه كلية الطب غيرسلوك الاساتذةامام الطلبة الدروس الخصوصية
د/ابراهيم بدران: للاسف الشديد دي اتنقلت من ثانوي لانه التلميذ جه متعود على كده والحرام جذاب لا مؤاخذة ربنا يكفيك شره ويكفيني شره ولوان دلوقت الشر ما ينفعنيش فعاوز اقول في مجلس كلية الطب مرة عميد الكلية الله يمسيه بالخير بيقولي انت ماغيرتش اتعابك ليه قدام 100 استاذ في مجلس الكلية قلت والله هوالشعب المصري تغيراقتصادياته من سنة 60 لغاية النهارده فعلا متوسط دخل الانسان المصري ما اتغيرش للاسف الشديد رغم الانبهار الحاصل في المجتمع .. الحاجة التانية في علمين لابد من ادخالهم لم يدخلوا حتى اليوم انا عافرت بس الصدى ماجاش اولا علم السلوكيات وعلم التخاطب طبعا حضراتكم في الاعلام بتعلموا علم التخاطب ازاي تكلم الناس بس علم التخاطب في الطب مختلف .. نبتدي بالسلوكيات السلوكيات علم شاسع فيه سلوكيات طبية وفيه سلوكيات هندسية وفيه سلوكيات فضاء وفيه سلوكيات بيئة وفيه سلوكيات اصلاح علم السلوكيات دا علم واسع جدا جزء منه لابد ان يدرس في كلية الطب عشان خاطرالطبيب يعرف هوماشي فين .. الحاجة التانية التخاطب لو انا قابلت العيان مكشرمش هيشتري روشته لو كنت له انا روشتة وكتبها هيحطها في صندوق الزبالة وهيقول دا راجل كشري
محمد موافي: المثل يا دكتور يقول لاقيني ولا تغديني
د/ابراهيم بدران: انا كنت قول لتلامذتي الابتسامة نصف العلاج وايام الفقر انا لما كنت وزير صحة سنة 76 كانت مصرفي فقر مدقع يعين كان المريض في الوحدات الريفية بيتكلف 3 تعريفة في الشهر فاقتصاديات مصر بالنسبة للصحة ما اتغيرتش كتيراه فيه فخامة وفيه اوض عمليات درجة اولى وفيه نقل كبد ونقل طحال ونقل بنكرياس بس المهم القاعدة المتسعة 83 مليون بلاش 83 نقول 70 مليون محتاج هؤلاء عايزين ابتسامة
محمد موافي: في هذه الحلقة تكلمنا عن تقويم مهنة الطب اواعادة الغائب منها وحضرتك اتكلمت عن البدء بالعملية التعليمية ابتداءا من سلوك الاستاذ كونه القدوة ثم عملية التكوين ثم ادخال مادتين جداد اللي هما السلوكيات والتخاطب
د/ابراهيم بدران: انجازالخدمة برحمة،منع الضر والاضرار،الحفاظ على كرامة الفرد وحريته والحفاظ على اسراره هذا هو علم السلوك
محمد موافي: يبقى في الحلقة الجاية ندخل في المهنة المزاولة الطبيب خلاص اللي اتخرج ودرس وفتح عيادة وشغال في مستشفى نشوف ايه المشاكل الحلقة القادمة ارجوكم انتظرونا فيها مع الدكتور إبراهيم بدران وزير الصحة الأسبق احد أعلام الطب في مصر حتى نلقاكم دمتم في رعاية الله