اتجاهات

حنان منصور: السلام عليكم النهاردة سيداتى سادتى فى هذه الحلقة الجديدة من اتجاهات واللى ح نتكلم فيها عن السياحة فى مصر والتى لا تسر عدو ولا حبيب يعنى بعد 25 يناير بعض زكلاء الشركات السياحة فى اسرائيل قامت باستغلال الموقف اللى حصل فى مصر وناشدت اوروبا لتوجيه لرحلات السياحية التى كانت مقررة انها تيجى لمصر وتذهب الى اسرائيل بعض شركات السياحية فى اسرائيل ايضا نشرت صور التى حصلت فى ميدان التحرير فى 25 يناير واللى بعده من فوضى وانفلات امنى ودة خوف السائحين وكانت بتضع جنب هذه المشاهد عبارة اسرائيل امنة وايضا سعت لاستغلال تصريحات بعض المتشددين السلفيين فى مصر المطالبة بهدم المعابد الفرعونية باعتبارها مركز للكفر والوثنية واخذت الوسائل الاسرائيلية تصدر هذه التصريحات لسائحيها بان مصر ليست امنة وتخوف من عمليات ارهابية ممكن تحدث فى مصر ودة طبعا لتجذب السائحين من خلال ما ادعته فدعت انها اكتشفت اكتشافات اثرية وتاريخية يعنى مثلا انها ادعت انها عثرت على المسامير التى استخدمها الرومان لصلب السيد المسيح ، فعندنا دولة تقوم بجذب السائحين بشوية مسامير ودولة ايضا تملك اهم واعظم اثار العالم لكنها لا تستطيع ان تفعل شيئا وحاليا يتردد على كل لسان متى ستعود السياحة الى عهدها او افضل من هذا العهد سؤال نطرحه لخبراء الاقتصاد فى السياحة التى تعد احد الاربعة الكبرى للاقتصاد القومى وبتساهم بنسبة 11 % هذا السؤال يطرح المهتمين بمشكلة البطالة لان السياحة بتوفر فرص عمل من كل 8 فرص عمل بتوفر فرصة عمل واحدة يعمل بيها حوالى 12 % من اجمالى قوة العمل ويرتبط بها نمو وركود 72 صناعة وخدمة ، مستقبل السياحة فى مصر هو موضوع حلقة الليلة ونتابع مع ضيفينا بعد هذا التقرير..
مواطن: علشان ننشط السياحة فى مصرلازم تكون تراخيص شركات السياحة باجر رمزى حتى يستطيع اى انسان مصرى انه يعمل شركة سياحة فلما نعمل 2000 ولا 3 و50 شركة شغالة فح يجيبو السياحة ازاى
مواطن: فى بعض المصريين بيروحوا لاوروبا ليتفسح فممكن السنة يقتصر خروجه او سفره على هنا ويقضى الاجازة بتاعته فى مصر اللى ربنا حباها بجميع انواع السياحات اللى ممكن تتخيلها
مواطن اخر: لازم نعمل رحلات تنشيطية للاماكن نعمل رحلات لاقصر واسوان –شرم الشيخ-الغردقة ومصر تقم بدورها بر ضه
مواطن: ندى استقلالية لنقابة المرشدين السياحيين فهم اهم عنصر فى السياحة فاستقلاله من حضن وزارة السياحة بيحس لان اول من يقابل السياح مين فهو بيقعد معاهم اكبر مدة بياخدو كل الانطباعات منه
مواطن اخر: اظن ان كل الشعب المصرى لازم يكون منظم جدا جدا مع اى شعب على مستوى العالم
مواطن: عملية النظام والادارة هى اهم شئ هنا
مواطن: لازم يكون فى برامج بتوعى الانسان ازاى بيعامل السائح يعنى بس سعات احنا بنشوف سلوك غير حضارى
مواطن (غير مصرى): رغم ما تمر به مصىر من ظروف حاليا فهى ح تتحسن وتتعافى لموقعا الحضارى ووالجغرافى فمصر يتعلم بها لاتواضع بعد الكبرياء والايمان بعد الالحاد
مواطن: السائح اصلا عنده الرغبة الفعلية لزيارة مصر تانى حاجة الامان الفعلى دون الاعلام الخارجى اللى بيزود ما يحدث زيادة عن اللزوم فالسائح عنده رغبة ليزور مصر
مواطن: احنا محتاجين شوية امان هنا ففى ناس بيبعتولنا من برة عاوزين يزوروا مصر بس خايفين بسبب عدم الوجود الامنى.
حنان منصور: بنرحب سيداتى سادتى بضيفينا فى الاستديو الاستاذ الهامى الزيات الزيات رئيس اتحاد الغرف السياحية اهلا وسهلا يا فندم وايضا الاستاذ مصطفى النجار المتخصص بشئون السياحة والسفر بجريدة الاهرام ، استمعنا للتقرير وعاوزين نعرف من الاستاذ الهامى الزيات ازاى ترجع السياحة فى مصر كما كانت او اكتر .
الهامى الزيات: طبعا احنا شغالين فى كذا اتجاه والاساس هو النظام والامن فبدون امن لا ترجع السياحة خاصة فى القاهرة فهى تاثر على بعض المناطق الاخرى مثل الاقصر واسوان وهناك مقاصد ممكن تعيش لوحدها ذى الغردقة وشرم فهى مش متاثرة قوى لما يحدث بالقاهرة ففى القاهرة مثلا يوجد الباعة الجائلين وبكثرة وهو منظر مش مظبوط وبعدين الظاهرة الحديثة عدد الصينين المتواجدين وسط الباعة الجائلين الى استباحو الرصيف يعنى انا مش قادر اصدق حتى
حنان منصور: يعنى العشوائيات المتواجدة
الهامى الزيات: انا بقول دة اننا النهاردة مش ببنى عن عمد يعنى ببنى فى شرم الشيخ والغردقة ومرسى علم ذى ما انا بقول لانها مناطق منفصلة
حنان منصور: يعنى شرم الشيخ ومرسى علم والغردقة السياحة بها لم تتاثر رغم وجود الرئيس السابق هناك فليس بها قدر من التراجع السياحى
الهامى الزيات: اقول لحضرتك الغردقة احسن مقصد سياحى شغال قد يكون السبب وجود الرئيس السابق بشرم وان شرم اقلل ومرسى علم اقلل شوية فالغدقة محافظة الى حد ما فبها 30 %
حنان منصور: يعنى بها نسبة الاشغال 30 %
الهامى الزيات: طبعا فنحن فى اوحش فترة فى السنة
حنان منصور: المواسم يعنى
الهامى الزيات: حاليا فشهر يونية دة اوحش شهر فى السنة فنحن حاليا اقل من يونية السنةاللى فاتت
حنان منصور: يعنى يونية السنة اللى فاتت كانت قد اية حضرتك قلت 30 % فالسنة اللى فاتت كانت كام
الهامى الزيات: 30 % من يونية السنة اللى فاتت دة اللى انا بقارن بيه
حنان منصور: نعم
الهامى الزيات: يعنى ممكن مصطفى شاف احصائيات احدث من الى انا شوفتها
مصطفى: علشان نبقى اكثر تحديدا فى القضية بنقول مستقبل السياحة فى مصر
حنان منصور: نعم
مصطفى: انتوا عارفين المنظور ليها انا بنتكلم فى المستقبل القريب من ثورة 25 يناير اللى اثر على تراجع ووجود ازمة فى مصر ويمكن تكون اكبر من مذبحة الاقصر97 اللى حصل ان كان فى انخفاض فى الاعداد وصل الى 5 5 عقب الثورة مباشرة وفى بعض المناطق اتقفلت بالكامل ، يمكن زادت شوية فى الفترة الاخيرة فى الشهين ال3 الاخيرين ووصلنا الى 30 5 فى الغردقة وشرم ولكن فى القاهرة ما زالت 12 % نخرج من دة باية ، بان الانحصار الشديد وتراجع السياحة كان تمن بندفعه للثورة فقد كانت ثورة للظلم ثورة على الفساد اللى صحتت اوضاع فى البلد لمدة30 عاما فلازم نتقبل هذا الثمن ونعرف اننا امامنا فترة طويلة جدا لعودة السياحة ، فالسياحة لا تزدهر ولا تنمواللى بعملين.. واحد السياحة لا تنمو اللى بالاستقرار التانى السياحة لا تنمو اللا بالاعلام بمعنى ما يحدث فى مصر ذى ما قال استاذ الهامى الزيات بيطلع من الثورةالانفلات الامنى وعشوائيات فى الشوارع بتنقله الفضائيات والتليفزيون المصرى بينقله فما فيش سائح ح يخرج من بيته ويشوف مظاهرة حتى ولو كانت سلمية ويروح البلد دة فهو لا يضمن العدة وبما تنقلب الامور فالسياح الاجانب غير المصريين يصحوا من النوم فى شم النسيم ويقولوا ح اروح اسكندرية فهم ناس بيحجزوا اجازتهم قبليها ب6 -7 شهور فاللى حصل بالتراجع دة اتلغت الطائرات فلازم نعرف ان هناك طائرات خاصة لهؤلاء السياح فالطائرات اتلغت والشكات الكبرى بتبقى عاملة تامين على الطائرات دة
حنان منصور: نعم
مصطفى: طالما الطائرات اتلغت فمافيش حد جاى ما فيش طيارة يجى بيها وبالتالى تراجعت السياحة وعلشان ارجع لزم الاستقرار يكون موجود فالسايح برة او الزائر بيروح بلد امنة
حنان منصور: يعنى عدم وجود النظام والامن سبب التراجع
مصطفى: طبعا طبعا
حنان منصور: طب معنا مداخلة تليفونية من الكابتن حلمى رزق رئيس شركة مصطفىطفىر للطيران للخطوط الداخلية والاقليمية اهلا وسهلا كابتن حلمى
حلمى: مساء الخير يا فندم
حنان منصور: كابتن حلمى بنسالك عن مبادرة كلنا ح نشوف مصر وهى مبادرة لشركة مر للطيران علشان تشجع السياحة الداخلية ركود السياحة فى رايك الهدف الحقيقى من المبادرةاية
حلمى: مساء الخير يا فندم وتحياتى لضيوف الحلقة استاذ مصطفى النجار واستاذ الهامى الزيات ونحن بنتكلم عن مبادرة كلنا ح نشوف مصر هى بسيطة ولكن لها وازع وطنى كبير جدا فالسياحة تاثرت بثورة 25 يناير فنحن فى مصر للطيران لاحظناها فى انخفاض عدد الركاب وقلة السائح اللى بيطلع من القاهرة يروح لاقصر فحتى السائح الداخلى احجم عن السفر فكنا محتاجين لعمل لطريقة غير تقليدية نجذب المواطن ليشوف بلده ليشتغل الفنادق وشركات السياحة والطيران
حنان منصور: كابتن حلمى يعنى ازاى نقدر ننفذ المباردة دة واية الحل الغير تقليدى وله له حل باسعار الرحلات وهل له صلة بس بشركة مصر للطيران
حلمى: هى غير مقتصرة على مصر للطيران ولا وزارة السياحة لوحدها بس الفكرة ابتدت بتجمع الافكار من 4 جهات- مصر للطيران-السياحة-البنك الاهلى- موبينيل-فحنا عملنا مباردة ممكن تتكر مع جهات كتيرة تانية فالهدف هنا اننا نوفر للمواطن المصرى فندق وتذكرة طيران بتخفيض يصل ل25 %
حنان منصور: يعنى ما هو الالى انتوا عملتوه يعنى المواطن المصرى يشجع السياحة الداخلية ففى اقبال من مصريين كتير الحقيقة عاوزين يروجوا الموضوع محتاج من وزارة السياحة تعرف الناس ازاى يروحوا يعملوا اية
حلمى: يا فندم شركات السياحة ووزارة السياحة مع اطراف المبادرة و55 فندق و15 شركة سياحة وموبينيل والبنك حضرتك مش عارفة المبادرة دة اخدت مجهود اد اية من اوائل مارس 2011 بعد ما لاقينا انخفاض شديد فكان لازم نعمل كدة فمصر لطيران قدمت اسعار ما بتكسبش فيها وما تخسرش فنحن بنصحى الحس الوطنى عند الناس
حنان منصور: طب كابتن حلمى يعنى السؤال الاخير ليك يعنى كام تكلفة الرحلة للفرد
حلمى: ذى ما هو موجود فى الاعلان فبها اقل فايدة للشركة وللراكب واسعارها متدرجة على حسب هو ح يروح فين وهما 6 مناطق تقريبا (الغردقة-لاقصر واسوان-شرم-مرسى علم-مطروح) وهو الهدف من المبادرة
حنان منصور: شكرا لكابتن حلمى رئيس شركة مصر للطيران للخطوط الداخلية والاقليمية ونعود الى ضيفينا
مصطفى: هو بس علشان اوضح للناس وسائل الاعلام بها اعلانات –شركة المحمول اللى اتكلم عليها الكابتن بتقول عندنا كام شركة سياحة وفندق انت بتشوف الاعلان وشركة السياحة بتقولك الفرد ب1400 جنية اقول انا ومراتى وبنتى واخويا نبقى 4 وادفع التذكرة الى بتتقسط عن طريق البنك الاهلى
حنان منصور: يعنى وسائل الاعلام حاليا قايمة بدورها
الهامى الزيات: انا شفتها لانى قبل كدة اشتغلت مع مصر للطيران ودة مبادرة منها فهى ادت خصم 25 % وعن سؤالك هى بكام فهى فى حدود 1400 جنية للفرد 3 ليالى 4 ايام فهى على حسب المدة والمكان وعن كيفية توصيل المعلومة فشركة المحمول بتوصل والبنك كذلك
مصطفى: بختصار انت بتدور على شركة السياحة وبتدفع تمنها الفكرةالاساسية انهم بيتقسطوا
حنان منصور: هل من وجهة نظر حضراتكم ان الطبقات المصرية المتوسطة تقوم برحالة ذى دة
مصطفى: اقول لحضرتك حاجة انت لا يمكن تسفرى ل85 مليون فحنا لينا هنا هدفين قومى وللسياحة حتى تستطع دفع المرتبات الناحية التانية ان فى وسائل الاعلام كانت بتقول انتوا مش بتعملوا حاجة للمصريين فجت المبادرة بالعرض والطلب فهى لتسير الاعمال
حنان منصور: ازاى كان الهدف انها تدفع المرتبات فتبقى هدف قومى بقى فجة المصريين بيحبوا ساهموا فيها
مصطفى: المصرى سياحته موسمية غير الاجنبى فالمبادرة هدفها تنشيط العجلة
حنان منصور: يمكن بعد المبادرة دة تتغير ثقافة المصريين فبعد ان كانت سياحتهم موسمية ممكن تتغير
الهامى الزيات: احنا خضنا تجربة مماثلة يمكن فى 90-91 ايام حرب الخليج الاولى فلقصر واسوان ما كانش ح بيسافر فالمديرين راحوا هناك
حنان منصور: كان المفروض فى حفلة فى ميدان التحرير
الهامى الزيات: ح تتعمل بس فى مدان اخر عند سفح الهرم
حنان منصور: مش فى ميدان التحرير
الهامى الزيات: لا
مصطفى: السؤال احنا بنعمل سياحة داخلية وخارجية بجد والا ذى المنديال خدنا صفر
حنان منصور: استاذ مصطفى هل صحيح ان اوروبا رفعت السياحة عن مصر
مصطفى: اه اه
حنان منصور: يعنى اوقفت السياحة
الهامى الزيات: ما عدا اليابان
مصطفى: هى خففت الحظر بس لسة ما ترفعش
الهامى الزيات: لسبب بسيط ان القاهرة بالنسبة ليه هى لاقصر واسوان فدة المشاكل الاساسية
حنان منصور: واحنا بنتكلم عن وسائل التوعية بالاعلام ذكرنا الجرائد والتى فى احنا عندنا دلوقتى الفيس بوك احدث وسائل الاتصال فهل من الممكن ان يتم وضعه على الطريق لان شبابنا حاليا بيتكلم هيه اكتر واكتر
مصطفى: احد ادوات التنشيط السياحى الاعلامى والاعلانى ذى الفيس بوك والانترنت ففى اماكن بالعالم بتشوف اماكن السياحة والغرف وكل حاجة وكلها وسائل حديثة وواخدة اهمية كبيرة
حنان منصور: هل وزارة السياحة عندنا عملت كدة
الهامى الزيات: بعد 25 يناير لكن فكر الفيس بوك هو التعريف وليس الحجز انا بقول جالى خبرة فى المكان الفلانى فبتتنقل من دة لدة عندنا فى السياحة ما بنعملش بيها
مصطفى: احنا عندنا لو عاملانا كل حاجة عن طريق الانترنت فح تقفل شركات السياحة فلازم يكون هناك نوع من التوازن
حنان منصور: معنا مداخلة تليفونية من الكاتب الصحفى الاستاذ محمد عطية فى جريدة المساء اهلا وسهلا استاذ محمد سامعنا
محمد: ايوة
حنان منصور: اهلا وسهلا بيك وعاوزين تصورك حول طريق السياحة فى مصر ازاى تود وازاى تزدهر
محمد: اولا ازيك يا استاذة وتحياتى للضيوف الكرام الاحقيقة احنا لازم نقول ان السياحة فى مصر محتاجة لثورة ذى 25 يناير فكل الحلول اللى بناخدها هى حلول مسكنة وليست حلول جبرية استاذ مصطفى قال ان الفضائيات بتنقل الاحداث عن مصطفىطفىر وبالتالى السائح بيحجم عن السفر ودة كلام منطقى جدا لان كل التخفيضات والتنازلات مش ح تخلى السايح يجى لمصر ذى اللى شفناه فة مذبحة الاقصر فنحن محتاجين لترتيب البيت من الاول الامن لازم يستقر اخانا عندنا حاجات كتر جميلة فحنا كل ما تواجهنا مشكلة نعمل تخفيضات وبس اتمنى ان الدنيا تستقر وبعدين نفكر فى تنشيط السياحة
حنان منصور: استاذ محمد نشكرك على هذه المداخلة ، يعنى الجميع متفقين على ضرورة وجود الامن
الهامى الزيات: كلام استاذ عطية صح جدا ويمكن من 90 -91 وانا بنادى بان تخفيض الاسعار لا شترى الخوف وناخد مثل فى 2001 كنا بنشد السايح باى طريقة الا اننا كنا بنشوف ان الفندق س بيسرق فندق ص
حنان منصور: يعنى بنقول المنافسة ودة شطارة وهل الدور الرقابى لم يعد موجود
مصطفى: لابد من عودة الدور الرقابى للسياحة ففى الفترة الاخيرة لم يعد موجود
حنان منصور: يعنى بعد 25 والا قبلها
مصطفى: الدور الرقابى ضرورى لبعض الوزارات منها السياحة رغم ان جزء كبير منه ترك للقطاع الخاص ولذلك الرقابة ضرورية جدا فهى تراقب الجودة والاسعار والخدمات
حنان منصور: وتحصر السرقات اللى بتحصل
مصطفى: طبعا فدور الرقابة دة بيخلى الدولة لها دور اكبرجدا فلازم يوجد فى الفنادق وغيرها
فهى بلد بها اهم الاثار والتاريخ
حنان منصور: لان بها سياحة دينية وتاريخية واهم الاثار يعنى مش ذى اسرائيل بها شوية مسامير وبتعمل لها سياحة ازاى
الهامى الزيات: حضرتك قولتى عليها
حنان منصور: انا عاوزة اقول حاجة يعنى دور القطاع الحكومى والخاص يعنى الرقابة اذى كانت موجودة بين القطاعين يعنى مهمة فهل دور القطاع الخاص على السياحة توارى وتراجع....نلتقى بعد صلاة العشاء حسب التوقيت المحلى لمدينة القاهرة..
نعود سيداتى سادتى مرة اخرى الى اتجاهات وضيفا الحلقة وكنا بنسال استاذ الهامى الزيات عن الدور الرقابى للقطاع الخاص والعام
الهامى الزيات: انا ح ارجع الى الوراء شوية فى 92 لما اتفقنا مع صندوق النقد الدولى والعولمة بدات اتفقنا على حاجتين مهمتين الغاء مراقبة النقل والتانية الغاء اسعار الفنادق فقد كانت وزارة السياحة بتحط حد اددنى واعلى لسعر البيع الدور الرقابى فعلا لازم فالسياحة كنا ابتدينا نعملها فعلا لوجود رقابة وهى مسترينج شوبين يعنى العميل الخفى فواحد يشترى على حسابى فالفندق دة 5 نجوم بيحط الطعام ازاى
حنان منصور: استاذ الهامى الزيات دة بترجع للضمير الشخص والا لا
الهامى الزيات: المفروض نحن نعانى من شئ مقلق جدا ان دة فندق 5 نجوم وفقا للتوصيف المصرى شوفى حضرتك الانسان يجب ان يخشى حاجة ذى الرقابة
حنان منصور: يعنى هى رقابة ذاتية واجتماعية
الهامى الزيات: طبعا
حنان منصور: الضمير الانسانى مهم جدا ومعنا على التليفون الاستاذ هشام جاد الكاتب الصحفى من جريدة الاحرار اهلا وسهلا استاذ هشام
هشام: مساء الخير واهلا وسهلا وعودة حميدة
حنان منصور: اية رايك فيما تفعله اسرائيل من محاربة السياحة فى مصر وما تثيره من صوروانها امنة
هشام: اولا امسى على ضيوفك الاول الزميل العزير مصطفى النجار والعظيم استاذ الهامى الزيات وانت جمعتى اتنين عمالقة يقدروا يفتوا فى الحركة السياحية ، اما ازاء اتكلمنا فاسرائيل دة طبعها ورغم من ان 25 يناير اثرت الا انه لابد من اعادة هيكلة وزارة السياحة من البداية فهناك ثغرات كتيرة معروفة وعدم وجود شبكة نقل داخلى ومبادرة تنشيط السياحة فلن تاتى باى نتائج لان المواطن المرى معدم يا استاذة حنان
حنان منصور: يعنى حضرتك بتطلب اعادة هيكلة وزارة السياحة
هشام: لازم والاعتماد على شركات السياحة ومصر للطيران فهى حققت خسائر خلا ل الشهرين اللى فاتو مليار جنية مصطفىطفىرى بجانب الوقفات الاحتاجية.. والله يكون فى عون الوزير الجديد فلابد
حنان منصور: نشكر حماسك ووصلت رسالتك لروشتة اصلاح السياحة ونتوجة لمصطفى النجار فالكلام يزيد شرحه ولكن لم يتبقى الكثير لدينا وانا عاوزك تقولى روشتة
مصطفى: اولا الكلام اللى حضرتك قولتيه عن اسرائيل فلم اكن اتخيل رغم انى اعرف ان الحرب مستمرة بينا وبن اسرائيل ولكن ما عرفته مؤخرا كان فى منتهى خطورة فسمك القرش اللى كان بيهاجم السياح ونشر فى روزا اليوسف قالوا ان اسرائيل عندها معمل لتربية اسماك القرش واطلقت فى البحر الاحمر لافساد حركة السياحة فى مصر
حنان منصور: يعنى محاولات اسرائيل جادة جدا فى
مصطفى: طبعا ونحن لازم نكون منتبهين جدا
حنان منصور: الحل فى عجالة علشان استاذ الهامى الزيات
مصطفى: نحن امام محاولة لعودة السياحة الى 2010 والتى انجزنا فيها اكبر نسبة لعدد السياح ووصلنا الى اكتر من 12 ونصف مليون دولار وهو ما لم نعمله من قبل وعلشان ارجع لازم ارتب البيت وارجع حالة الامن والامان والاستقرار من حملات اعلامية واحدد حركتى والسوق اللى رايحله اروح المانيا روسيا اوح فين فالسياحة ترجع لى تانى
حنان منصور: يعنى استقرار ونظام وتخطيط علمى استاذ الهامى الزيات الزيات تعليقك
الهامى الزيات: انا تعليقى على حكاة اسرائيل فهى لا تقدر تعمل حاجة فهى لديها 47 الف غرفة فندقية مقابل 2009 عندى حاليا، يعنى هى حققت فى زمن الذروة و8.ر 2مليون الف سائح ومنذ الانتفاضة لا تحقق ارقام وبعد اتفاقية اوسلواكذلك، الان مصر تمثل نسبة 28 % من السياحة فى الشرق الاوسط
حنان منصور: يعنى 28 % السياحة فى النهاية عوزاك تدينى استاذ الهامى الزيات فى النهاية جملة لانهاء الحوار
الهامى الزيات: احنا لازم اولا نحافظ على مالنا لان الهارد وير الاول صعب وجود انسان يخدم فى السياحة فاحافظ ومش ح اعيد الكلام اللى قاله مصطفى لان كل كلامه انا موافق عليه لكن اهم حاجة هى الانسان
حنان منصور: صناعة الانسان المصرى هى جملة جميلة جدا نختم بها هذا الحوار مع ضيوفنا الاعزاء الاستاذ الهامى الزيات الزيات رئيس اتحاد الغرف السياحية والاستاذ مصطفى النجار مدير تحرير الاهرام المتخصص فى السياحة والسفرونتمنى ان يعاد بناء الانسان المصرى ثقافيا وامنيا فى اسرع وقت ممكن ونشكركم سيداتى سادتى حتى تعود السياحة الى وضعها وتعود مزدهرة انتهى الوقت من هذه الحلقة من اتجاهات ونلتقى الاربعاء المقبل ان شاء الله فإلى اللقاء .