اتجاهات

الخميس 16/6/2011
محمد موافى : سلام من الله عليكم ورحمة منه وبركاته هذا بيان للناس ده تذكير بتوقيع المجلس الاعلى للقوات المسلحة فيما يخص تسليم الاسلحة الغيرشرعية وهذا التقرير عن حالة الامن العام للناس فى بلادى يتحدث عن اكثرمن 7 الالاف سجين هارب يتحدث عن اكثر من 5 الالاف قطعة سلاح ميرى ميرى يعنى مسروقة من اقسام شرطة غير اعتداءات ومحاولات سطو مسلح على مئات المواقع الاثرية والمحاكم والمحال هذا فضلا عن جرائم القتل والسرقة بالاكراه وقطع الطريق وسرقة السيارات الزيادة 300% ارتفاعا فى معدلات الجريمة عن مثل هذا التوقيت العام الماضى السلاح فى ايدى خطرة يعنى السلاح فى ايدى اكثر من 600 الف 600 الف بلطجى ومسجل خطرالعنف لاتفه سبب واحيانادونما سبب معذورة جريدة الجارديان البريطانية لما تساءلت ماذا حدث للمصريين اللذين كانوا يرددون ان بلادهم واحة الامن وان مجردتخيل السرقة بالاكراه يمثل كارثة واذا كان السطوالمسلح عاديا فى المدن الاوروبية والامريكية فان حدوثة فى مصركان يعد ضربا من الخيال وانقلب الحال فكيف نستعيد اذن الامن المفلت من بين ايدينا وكيف يمكن تحفيز حامل السلاح على تسليمة وما هى خطة المواجهة الامنية وهل الشرطة قادرة على استعادة الامن والقضاء على انتشار السلاح فى ظل اتهامات بالسلبية ثم انتقادات بالتجاوز قبل يومين قرانا عن الضابط الذى تم استئصال صحال له بينما كان يحاول ايقاف بلطجية يحملون سلاح الياالضابط قال ملازم اول صغير بيقول انا وقفتهم كان معاهم بنادق الية قالوا لى اشترى عمرك قم وساعد فقد هلك سعيد بيقول ان انا كنت قادرانى اقضى عليهم كلهم لولا حاجتين خوفى من الحبس وخوفى ان تحسبوهم من شهداء الثورة مصروالسلاح والعنف والبحث عن الامن بعد الفاصل ابقوا معنا
فاصل
مذيع:انتشارالسلاح فى المجتمع بالشكل الخطرده خاصة الشكل انتشربشكل رهيب بعد ثورة 25 لاسباب كثيرة ومتعددة انتشرالسلاح فى المجتمع المصرى انتشارالسلاح ده جريمة,جريمة بيعانى منها وسيظل يعانى منها ما لم يتعاون الشعب كله مع الدعوة الفعالة الايجابية اللى دعااليهاالجيش انتشارالسلاح فى مصر بيضر كل مواطن مصرى فى وجة نظرة انا لو فتح باب الترخيص بالنسبة للسلاح يقدر يسيطر على اللى معاهم سلاح ظاهرة طبعا سيئة جدا وما ينفعش واحنا اساسا مش واخدين الشعب المصرى اساسا مش واخدين على ظاهرة السلاح وان احنا يعنى يبقى معانا سلاح
مواطن:طب انا مع الداخلية ومع الجيش ان كل واحد يستلم سلاح طب مين هيحمى اهل بيت كل واحد
مواطن:نتيجة التسيب اللى حصل ان سابوالاقسام ومشيوا والناس كلها هجمت عليها خدوا الاسلحة دى كلها
مواطن:البلطجية ماشية دلوقتى بسلاح عينى عينك الاول مكنش فى الموضوع ده خالص دلوقتى ماشيين بالسلاح عينى عينك دلوقتى سرقة عينى عينك بلطجة عينى عينك فتونه عينى عينك دلوقتى
مواطن:المشكله مش فى انتشار السلاح اد ما فية القانون وبيتم تفعيلة وبيتم الرقابة على اماكن بها سلاح اعتقدان ممكن تخلى السلاح فى ناس او فى وظائف او فى اماكن وانا بالعل ببقى محتاج يبقى معايا سلاح فا لو كان القانون بتاع حيازة السلاح واستخراج رخصة سلاح واضح للناس وفى رقابة على اماكن بها السلاح اعتقد ان هو ممكن يحد من الشكل الشرعى انما بشكل غير شرعى ده بيبقى محتاج جهود شرطية اكثر بشكل غير شرعى بقى كثير يعنى سواء فى اماكن التصنيع واماكن التداول واعتقد ان بيبقى عندهم قاعدة بيانات كويسة خاصة بالاماكن اللى ممكن بيتم تصنيعها فيها او الناس اللى بيتاجروا فيها
محمد موافى : كلامنا زى ما حضرتكوا شفتوا عن السلاح والعنف المنتشر فى مصر السلاح اللى فى ايد ناس اشرارايادى خطرة عندنا احصائيات دلوقتى بتقول ان فى 110 الف مسجل خطر ماشيين فى الشوارع فى اكثرمن نص مليون بلطجى موجودين فى الشوارع كل كله معاة سلاح وسلاح غير شرعى سلاح معمول فى بير سلم سلاح متهرب من حتة بقى فى سوق سلاح مرعب هنفتح الموضوع بشكل من التفصيل بنرحب بضيف اتجاهات انهارده اللواءسيد شفيق مساعد الادارة العامة للبحث الجنائى للمنطقة المركزية اهلا وسهلا يا افندم
اللواء/ سيد شفيق : اهلا وسهلا
محمد موافى:المجلس الاعلى للقوات المسلحة ووزارة الداخلية دعوا الناس وده تقريبا البيان الاخير لتسليم الاسلحة غير الشرعية هل الناس هتسلم السلاح؟
اللواء/ سيد شفيق:هو بداية ان اناعايز اشكر المجلس الاعلى للقوات المسلحة وبنؤكد على تايدنا للبيان الصادر عن المجلس فيما يتعلق بسلاح غير مرخص فى ايد بعض المواطنين فا الحقيقة ده بيصب فى الاتجاه الصحيح بيصب فى اتجاه تحقيق الامن وتضييق الخناق على الخارجين عن القانون فى البلد وطبعا احنا باعتبرنا الجهة المنوطة بضبط السلاح فااحنا بنناشد المواطنين الحائزين للاسلحة الغيرمرخصة المبادرة الى تسليم اللى بحوزتهم اسلحة نارية الى مراكزالشرطة اوالى سرايا مراكزالشرطة العسكرية حسب ما يدون للمواطن ودون مسالة
محمد موافى : الشرطة العسكرية
اللواء/سيد شفيق:والحقيقة احنا عايزين نستغل ودى فرصة كويسة قوى الاباحة للمجلس الاعلى للقوات المسلحة ان ادى شهر مهلة لتلك النوعيات من المواطنين لحد ما تنتهى المهلة تقريبا يوم6/30
محمد موافى : هناك 16 يوم فرصة
اللواء/ سيد شفيق : لكى يتم تسليم السلاح
محمد موافى : طب يعنى حضرتك اشتغلت فى البحث الجنائى على مدى عمرك الوظيفى هل بمجرد ان القيادة الحاكمة فى البلد المجلس العسكرى ووزارة الداخلية يقولوا للنا س يلموا سلاحهم فا الناس هتسلم ايه الحافز اللى هيخلى
اللواء/ سيد شفيق:اه فى اكثر من حافز الحافز الاولانى ان القوات المسلحة ادت مكافئة لمن يرشد عن السلاح ويقوم بتسليم السلاح اللى عنده ودى فرصة كويسة قوى الفرصة ان هى بتعفيه من العقاب ومن اتخاذ اى اجراء قانونى ودى فرصة المفروض كل واحد معاه سلاح بدون ترخيص ان هو يغتنم هذه الفرصة ويبادر بتسليم من بحوذتهم اسلحة نارية غيرمرخصة
محمد موافى : مكافاة يا افندم عامة ولا على حسب نوع السلاح؟ يتم الارشاد عنه او تسليمة
اللواء/ سيد شفيق:على حسب نوع السلاح اللى معاه القوات المسلحة هتقدرالمكافاة وهتدى له المكافا ة المقررة بالنسبة له
محمد موافى : زى نوع من تعويض الشراء يعنى هو اشتراه بيتم التعويض
اللواء/ سيد شفيق:بالضبط بالضبط
محمد موافى : فى السلاح الغيرشرعى مش بس مع البلطجية مع ناس تانية كثير لم تتمكن من الترخيص ازاى مثلا حضرتك بتطالبنى ان انا اسلم لحضرتك سلاح مثلا لو موجود غير شرعى فى نفس الوقت اللى انا خايف فية على بيتى وعلى اولادى
اللواء/ سيد شفيق:استاذ محمداناعاوزافصل بين المواطن الشريف اللى هو اضطرته الظروف نتيجة الاحداث الاخيرة ان هو يحصل على سلاح بدون ترخيص وبين البلطجى اوالمجرم اللى معاه سلاح بس الثانى مش هيسلم سلاحة البلطجى اللى هو المجرم مش هيسلم سلاحة سلاحة اللى بيجرى به كل عملياته الاجرامية
محمد موافى : اكل عيشة
اللواء/ سيد شفيق:وده اكل عيشة لكن المواطن الشريف اللى اضطرتة الظروف ان هو يشترى حتة سلاح بدون ترخيص هو ده المعنى بالبيان ده اللى احنا بنناشده
محمد موافى : طب حضرتك هتخلينى اسلم السلاح لوانا اشتريته بطريقة غيرشرعية وفى نفس الوقت اللى انا قاعد قلقان فيه
اللواء/ سيد شفيق:هرخص له هرخص له
محمد موافى: يعنى اجراءات الترخيص ايه ؟
اللواء/ سيد شفيق:اجراءات الترخيص فتوحة وموجودة دلوقتى اجراءات الترخيص,الترخيص مفتوح لكل مواطن شريف متى توفرت له المبررات والمبررات ما بنقلش يبقى عنده ملائة مالية ولا حاجة لا يكفى انه يكون محتاج للسلاح
محمد موافى : ايه الاثبات يا افندم يعنى كنا عارفين اللى بيرخص سلاح لازم يجيب حيازة ارض رصيد فى البنك عقار الكلام ده ؟
اللواء/ سيد شفيق:مش لازم قوى انا هرخص لواحد قاعد فى بيته عنده حتتين قماش فى حته خلى ده انا ادى له حتة سلاح يدافع بيها عن نفسة وعن حتتين القماش اللى عنده بس اللى انا عارفة ان ترخيص السلاح دلوقتى مقيد جدا دلوقتى لازم توقيع مدير الامن
اللواء/ سيد شفيق:اه طب وماله هو اصلا وزير الداخلية بيفوض مدير الامن فى الترخيص للسلاح علشان يبقى فى ضوابط معينة يبقى يبقى ما نسبش لضباط صغيرة تتصرف فى السلاح للى يستاهل وللى ما يستهلش علشان كده القانون ادى لمديرالامن حق الفصل فى طلبات الترخيص والحقيقة بعض الظروف اللى احنا فيها دى الباب مفتوح مفيش تعقيد فى الاجراءات كل من يتقدم بطلب رخصة سلاح ويكون عنده المبررات الكافية يروح القسم التابع له او المركز التابع له ويحصل على ترخيص سلاح
محمد موافى : تمام طيب نرجع للسؤال الاساسى انا لو لم يكن معايا رخصة سلاح ومعى سلاح غير شرعى وقد تطول اجراءات الترخيص ازاى هسلم سلاحى وانا قلقان وانا مش حاسس بامن ؟
اللواء/ سيد شفيق:اولا انا بس عايزاتكلم فى حتة ان انا معايا سلاح دى الترخيص السلاح السلاح فى حد ذاتة مشكله اولا السلاح بيدى لك دافع انك ترتكب حماقة
محمد موافى:اه السلاح بيساعدك نفسيا ان انت ممكن تتهور فى موقف السلاح فى ايدك خطر حتى لو كان مرخص زى ما بيقولوا السلاح شاطر لعلمك الضابط اللى بيبقى معاه الطبنجة بتعتة بيبقى حريص جدا ان هو ما ياخذهاش عنده البيت لانه خايف من الماشى اللى بتحصل من استخدام السلاح الخاطئ وكثيرقوى بنسمع عن ماسى حصلت واحد مرخص سلاح ابنة الصغير بيلعب فية فى البيت وانا اسف السلاح فى منتهى الخطورة والسلاح لازم يتسخدم فى وقته الصحيح وفى موضوعة الصحيح
محمد موافى:تمام طب احنا معانا معانا دلوقتى على الهاتف الاستاذ محمد زارع رئيس المنظمة العربية للاصلاح الجنائى مساء الخير يا افندم
أ/محمد زارع:استاذ محمد احنا يعنى انا كان عندى تساؤل كيف للمواطن العادى الذى يمتلك سلاحا غير شرعى يعنى يروح يسلم السلاح فى الوقت اللى هو مهدد فى فية سيادة اللواء راية ان السلاح فى النهاية هو وجوده خطر اكثر من انه ممكن يبقى تامين للشخص
أ/ محمد زارع : هو طبعا مع الانفلات الامنى اللى حصل فى الفترة الماضية كثير من الناس اتجهوا بشكل غير شرعى وغير رسمى للحصول على سلاح وطبعا ده بيزيد الموقف تعقيد يعنى انا اتصور لابد من حاجتين الدولة تتبعهم فى المسالة ديت علشان نحاول نقلل من السلاح الموجود فى الشارع الناحية الاولى تحفيذ المواطن الناحية الثانية هى العقاب الشديد من الناحية القانونية يعنى دول حاجتين المواطن يسلم سلاح الدولة تقدر تعوضة عن قيمة السلاح دوت وده شئ طبيعى اللى يضبط عنده سلاح عليه ان يعاقبة عقوبة شديدة جدا دول حاجتين ده بالاضافة يعنى سد المنافذ الخارجية يعنى قانون *قانون البلطجة ده بيصل للمؤبد والاعدام *
أ/محمد زارع :احنا بنتكلم عن مجرد حمل السلاح مش البلطجة بس يعنى مجرد حمل السلاح بشكل غيرشرعى ده لازم تغلظ العقوبة فية ومع الارقام اللى احنا بنسمعها دلوقتى احنا بنتكلم فى بعض الناس بتقول فى 23 الف قطعة سلاح اتسرقت من اقسام الشرطة وبعض المحلات الكبيرة فى القاهرة اتسرقت بالاسلحة اللى فيها والزخائرفى الفترة الاخيرة عدد من العصابات المسلحة جم بتشتغل بشكل منظم كل الكلام ده بيهدد استقرار الدولة فا انا ما اظنش ان دى قضية صغيرة لابد ان الدولة تتعامل معاها بشكل عاجل وعادل يعنى بيبقى فى نوع من انواع تغليظ العقوبة لاى حد مجرد احراز السلاح وفى نفس الوقت الشخص والدوله تعمل فترة زمنية اللى يتم تسليم قطعة سلاح يتم تعويضة عنها بشكل يعنى عادل
محمد موافى : ماهو ده اللى تم فعلا
أ/ محمد زارع:بس للاسف مجبش نتيجة حتى الان فا لابد
محمد موافى : طب ليه يا استاذ محمد ما جبش نتيجة
أ/محمد زارع:مازلت الناس فى كثيرمن المناطق الشعبية كثيرمن مناطق الجمهورية السلاح دلوقتى اظهارة بيتم يكاد يكون بشكل عادى الناس معدتش بتتخوف من المسالة دى فا الناس هى معاها اسلحة ربما تكون مسروقة او الحصول عليها بشكل غير قانونى وما بتهبش انها تحملها وبالعكس اصبحت اكثرجرئة فى التعامل مع الاخرين بالسلاح ولذلك كان يجب ان فى كل خناقة تقريبا بنلاقى ان فى ناس بتقع وتموت وكان الامر شبة عادى فده محتاج جهد كبير من الدولة ومحتاج كمان ان نتعاون فية
محمد موافى : شكرا جزيلا استاذ محمد زارع رئيس المنظمة العربية للاصلاح الجنائى
أ/ محمد زارع :هو الحقيقة فى عايز اعلق على المداخلة بتاعة الاستاذ محمد زارع القانون قانون الاسلحة والذخائر قانون 94 قانون بينص فى مواده على عقوبة الاعدام يعنى يبدا يتدرج من عقوبة الاعدام من السجن الى اشغال شقة المؤبدة كل من حازاو احرز سلاحا ناريا بدون ترخيص على حسب طبعا بلاده اذا كان سلاحا مششخا اوغيرمششخا لكن كل اللى معاه بندقية الى حكمة المؤبد كل اللى معاه مسدس سريع الطلقات حكمة مؤبد اذا استخدم هذا السلاح فى ترويع المواطنين او الاضرار بامن البلاد او بمبادئ الدستور او بالوحدة الوطنية يصل العقوبة للاعدام
محمد موافى : او بمجرد الحيازة؟
أ/محمد زارع:مجرد الحيازة مبدا فده قانون اعتقد القانون رادع يعنى فى حد ذاته القانون رادع الناس معاها سلاح وخيفة تسلمة لا احنا فاتحين الحقيقة باب التسليم فى طبعا مفسيا يقول لك انا طبعا هروح القسم عشان اقدم سلاح حد من الضباط الصغيرة يعملوا لى به قضية والا حاجة ويمكن المواطن معاه حق فى كده لا احنا بنوفر له الية ثانية خالص بدل ما يروح القسم اوالمركز ممكن ان يتقدم الى قطاع مصلحة الامن العام سواءا اتكلمنا فى التليفون يبعث له مفتش ياخذ السلاح او يجى هو بنفسة يتقدم بالسلاح
محمد موافى : يعنى يبعثة له بس يقبض عليه
اللواء/ سيد شفيق:لالا خالص اواحنا نبعث له مفتش من مفتشين القطاع ياخذ منه السلاح دون اجراءات مع ضمان السرية وضمان المحافظة هنسيب ارقام لحضرتك اذا كان حد يتصل وراغب فى تسليم سلاحة يتصل بعمليات بقطاع الامن العام ويقول لهم ما يعنيه من معلومات واحنا هنوصل له لحد عنده
محمد موافى : سيادة اللواء يعنى هل فى رصد للمباحث الجنائية ووزارة الداخلية فى مصر رصده سوق السلاح عارفية بيجى منين وبيروح فين فى رصد لتجارة السلاح غير الشرعى
اللواء/ سيد شفيق:هو حضرتك السلاح اصلا منبعة بيجى من الخارج عندنا حدود مفتوحة الحدود الغربية بظور ليبيا باتجاه عندنا الحدود الجنوبية ومشاكل الجنوب فى الفترة اللى فاتت
محمد موافى:اللى حرس الحدود ؟
اللواء/ سيد شفيق: بالضبط اه اه واول امبارح عندنا شحنة اسلحة جاية من ليبيا عندنا الجنوب زى ما قلت لحضرتك مفتوح عندنا الشرق مفتوح من خلال التهريب يعنى حدودنا مصادر لجلب السلاح عندنا اذا قلنا بعض المصادر المحلية اللى هى بتشتغل فى السلاح المحلى اللى هما بيسموه بالفرد المحلى ده دى مرصودة طبعا المصادر التى يتم استهدفها تباعا السلاح كثير اه السلاح كثير عشان السلاح اللى اتسرق من الاقسام والمركز
محمد موافى : اد ايه يا افندم اللى اتسرق الحقيقة فى ارقام مختلفة ؟
اللواء/ سيد شفيق:لا السلاح اللى اتسرق من الاقسام والمراكز ومن السجون حوالى 13 الف قطعة سلاح
محمد موافى : اه 13 الف تم استعادة اد ايه ؟
اللواء/ سيد شفيق: حوالى 4 الالاف بالضبط
محمد موافى : موجود 9 الالاف بره
اللواء/سيدشفيق:دى طلعت الحملات نزلت الحملات فى كل مديريات الامن على مستوى الجمهورية
محمد موافى:هل تسليم السلاح غير الشرعى بدون عقاب اومكافاة الكلام ده برضه على السلاح الميرى المسروق من الاقسام
اللواء/ سيد شفيق : كله كله كله عشان كده انا باناشد المواطنين كل
محمد موافى : ارقام التليفونات يا افندم
اللواء/ سيد شفيق : 24884560و4570و4580
محمد موافى : سيادة اللوا فى تساؤل هل فى فى مصراستهداف لاماكن توزيع السلاح فى سؤال ابعد من كده هل الشرطة اساسا بوضعها الحالى قادرة على القضاء على هذه التجارة غير المشروعة
اللواء/ سيد شفيق:اه طبعا هى قادرة على المكافحة وقادرة على الحد الى حد كبيرلكن ما اقدرش اقول لك ان احنا نقضى تماما على
محمد موافى : ايه حكاية ان ما يبقاش الى حد كبير ومش تماما ؟
اللواء/ سيد شفيق:خلى بالك حيازة السلاح فى الموروث القديم المصرى غير مجرمة هى انا شايل حتة سلاح انا ما بتاجرش فى المخدرات انا واخد حتة سلاح فهى عنده من الوازع الداخلى ان هو لا يرتكب جريمة ودى صعوبة فامشينا سلاح رايح الغيط جاى من الغيط رايح لتجارتة بيعمل تجارة فابي وخصوصا لما بيلاقى باب الترخيص مقفول لاى سبب من الاسباب فا بيلجا ان هو يدورعلى السلاح اللى بدون ترخيص وبيجيبة ده مفيش مشكله فيه لان ده عدد محدود وقليل وبيتم استهدافة المشكله عندنا ان السلاح فى ايد بعض الخارجين عن القانون هو يا فندم دلوقتى الحقيقة قطاع الامن العام عمل خطة على مستوى الجمهورية وعلى مستوى مديريات الامن بالقيام بحملات تفتيشية بتستدعى بالاساس حائزى تلك الاسلحة بالاضافة الى الهاربين من السجون احنا انشاء الله فى خلال الفترة القريبة اللى جاية
محمد موافى:يعنى الكلام دلوقتى على احنا بنتكلم على 9 الالاف قطعة سلاح من السجون والاقسام بنتكلم عن الالاف قطع السلاح المهربة بنتكلم على قطع السلاح المصنعة تحت بيرالسلم وبنتكلم على 600 الف مسجل خطر وبلطجى
اللواء/ سيد شفيق: لا العدد ده انا اتحفظ عليه
محمد موافى : ده مديرالامن العام 120 الف مسجل خطر
اللواء/ سيد شفيق : 110 مسجل خطر
محمد موافى : ونص مليون بلطجى ؟
اللواء/ سيد شفيق:برضه المسجلين خطردول مش كلهم معاهم سلاح مسجلين خطر فى مجالات اخرى مجالات زى مجالات النصب النصاب دى مسجل خطر لازم ده مفيش سلاح عايز يلبس بدلة شيك ويتكلم كويس عشان ادوات النصب بتعتة فا مش هيشيل سلاح يعنى عايز اقول نوعيات المسجلين خطر اللى ممكن يشيل سلاح لا مش كل المية عشرة لا ده جزء من 100 عشرة واعتقد ان الجزء اقل من ال 100 عشرةهما دول اللى احنا بنسميهم بالحملات زى امبارح والاسبوع اللى فات من اسبوعين تقريبا الحملات شغالة وفى كثافة فى هذا المقام ان باحيى القوات المسلحة بتشاركنا فى هذه الحملات ودى بتحتاج للصبر سواءا فى مجالات الاسلحة النارية الغير مرخصة او سواء فى ضبط المساجين الهاريبين من السجون فى الاحداث
محمد موافى : طب احنامعانا
د/ شوقى العقباوى: استاذ الطب النفسى المعروف بجامعة الازهر دكتورمساء الخير اولا
شوقى العقباوى:مساء النوردكتوراحنا بنتكلم بنقول ان بعض الاحصائيات بتقول ان احنا عندنا نص مليون بلطجى فى شوارع مصر ازاى احدد ده بلطجى والا ده مش بلطجى
د/ شوقى العقباوى:والله ده مش دورى انا ده دور اللى بيحددوا ده بلطجى ولا ده مش بلطجى ده بتوع الامن
محمد موافى:طب احنا ازاى نحدد ان ده خارج عن القانون من وجهة نظرالنفسية ان ده سلوكة معايا خطر فا بالتالى ممكن نحكم عليه ان هو بلطجى
د/ شوقى العقباوى:طيب ماهوانت اى حد هيؤتى فعل مجرم يبقى بلطجى وده دورالشرطة ودور اجهزة الامن الازمة اللى احنا عايشينها حاليا انه لما حصل اختلال لدور الامن فى مصر بقى فى عدد من البلطجية وعدد من المستهترين وده اللى خالق حالة من القلق وعدم الاستقرار فى المجتمع المصرى
محمد موافى:وحالة من العنف هل يا افندم اللى حصل ده كله بيستدى ان يبقى فى هذا الكم من العنف واحيانا من الكره الحقد القتل لاتفة الاسباب
د/ شوقى العقباوى:شوف يا سيدى ثقافة العنف موجودة فى مصر طول عمرها وفى وقت من الاوقات اللى بيتبنى ثقافة العنف كان ثقافة العنف الرسمية بيقوم بيها الشرطة وعلى مدى 30 سنه بدا يبقى فى علاقة سلبية ما بين الجماهيرومابين الشرطة بعد 25 ينايروللى حصل فى 25 يناير الشرطة فقدت هيبتها ومازلت حتى الان ما رجعتش بقوتها وانها مش حاسة بانة القانون بيحميها ماهى بتتعرض للى هما معاهم سلاح اللى هما بيسموهم البلطجية فا احنا بنعيش فى مرحلة انتقالية هتاخد وقت لكن بالتاكيد هنصل الى مرحلة يرجع فيها الامن بكامل قوته بيمارس كل صلاحياته ويقدر يتحكم فى سلوكيات المجرمين اللى هما نزلوا ما يزيد عن 10% من المجتمع المصرى واللى منهم البلطجية وزى ما سمعت سعادة اللوا بيقولك مش كل بلطجى هو حامل سلاح يكون بلطجى بس جاى لك بنوع مثلا من
محمد موافى :الماسك مثلا؟
د/ شوقى العقباوى:اه اشكال كثيرة من البلطجة سرقة بتاع الى اخرة يعنى والبلطجة دى كلها قضية امن وانا بانادى من شهرين ثلاثة ان احنا كل اجهزة الاعلام نشجع جهاز الامن على انه يرجع يلعب دورة فى المجتمع لان امن هذه الامة وهذه الدولة مهددة بالانهيار يعنى اى دولة بتقوم على طرف رجلين الرجل الاولانية الشرطة الرجل الثانية القضاء الرجل الثالثة الجيش فا ما ينفعش بلد مافيهاش امن داخلى فا احنا عايزين نبطل بقى حكاية ان هماعملوا ما عملوش كل الماضى ده انتهى
محمد موافى : طيب دكتوريعنى بعيدا عن الطب النفسى كامتابع للاحوال هل حضرتك شايف ان فى سلوك عدوانى او سلوك متحفزمن وسائل الاعلام المختلفة باتجاه اى فعل للشرطة ؟
د/ شوقى العقباوى:انا رايى الشخصى ان اجهزة الاعلام غائب عنها الرشد لما بتتكلم عن الشرطة هى بتحاول ترضى الجماهيرلانها بتظهر حاجات سلبية اساسا فى الشرطة اللى هو ده كان ماضى انا شايف ان احنا مهم جدا ان نسعى لسد الفجوة النفسية ما بين الشرطة وما بين الشعب لان احنا محتاجينهم الحاجة الاولى الان فى هذه المرحلة هى عودة الامن فى مصر بدونة نحن مهددين يعنى ده هياثر فى اقتصاد هياثر فى المجتمع كله ووو الى اخرة
محمد موافى:هو بدون الامن
د/ شوقى العقباوى:دورها دوراجهزة الامن انها تدافع عن الشرطة وتقول ان كانوامعذورين يعنى كانوا بيتلقوا اوامر جهازالشرطة فى مصر طول عمره جهاز مش ايدولوجى مش مسيس فبيتلقى تعليمات انما حركة القيادة بتعتة هى اللى ادت له معلومات
محمد موافى : تمام
د/ شوقى العقباوى:هى اللى خلت هذا السلوك هى اللى عملت فجوة بينة وبين الشعب لكن طول عمرة رجال الشرطة ولادنا واخواتناواعمامنا واهالينا يعنى مننا مش اجانب يعنى وبالتالى محتاجين ان انا نساعدهم ان يعودوا ثانى ومحتاجين اننا نعدى المرحلة الماضية لاننا هنحاجهم بشده
محمد موافى:دكتورشوقى العقباوى استاذ الطب النفسى شكرا جزيلا لك سيادة اللواء باستاذن حضرتك معانا مداخلة من الولايات المتحده دكتورجمال ابو العنين اتفضل يا دكتور
د/ جمال ابو العنين : الو سلام عليكوا
محمد موافى:وعليكم السلام دكتورجمال ابو العنين يعنى كنت عايز اسال حضرتك سؤال سريع يعنى هل بالنسبة لترخيص السلاح لية سيادتك مبتسمحش مثلا بترخيص السلاح لفترة محددة ولو بسنة مرحلة اللا امن الموجودة حاليا وبقيت السؤال بس عايزاعرف اذا الواحد مثلا عنده فى الولايات المتحدة مرخص سلاح ونزل مصر ازاى بيرخصة فى مصر
محمد موافى:مثلا بيبقى مثلا زى حالة السيارة مثلا هو
د/ جمال ابو العنين:بالضبط بيبقى مثلا ازاى يرخصة هووهو داخل مصر
محمد موافى : شكرا يا دكتور شكرا جزيلا يا دكتور
د/ جمال ابوالعنين :شكرا جزيلا يا افندم
محمد موافى:اظن يا سيادة اللوا هى رخصة محددة بسنة وبتجدد
اللواء/سيد شفيق:لا الحقيقة اسمح لى اشكر دكتور شوقى
محمد موافى : هنرجع بعد الاذان للدكتور شوقى العقباوى ولكلامة بس نرد على ده
اللواء/ سيد شفيق:هوعن التدخل فى الحديث ده يجى فى مصر هنا بيرخص سلاح بيتقدم بتطلب وفى خلال 15 يوم الطلب ده بيبقى معاه رخصة سلاح القانون بيسمح له بهذا
محمد موافى : لكن لا يعتد بالرخصة الامريكية
اللواء/ سيد شفيق:لالا لازم الرخصة المصرية بيصدر بها قرار من وزير الداخلية صحيح بيطلعها مدير امن لكن بيبقى رخصة مصرية هل الرخصة بتعتنا نقدر ناخذ سلاح برخصة مصرية فى امريكا ؟
محمد موافى: فى العربية الواحد مرخص هنا ممكن يقدمهاوياخذ رخصة
اللواء/ سيد شفيق : اه اه اه
محمد موافى:احنا بس هنكمل ونرجع لنقط مهمة استاذ شوقى العقباوى وسيادة اللواء سيد شفيق استاذن حضرتك فاصل للاذان حان الان موعد اذان العشاء حسب التوقيت المحلى لمدينة القاهرة نحن بانتظاركم
فاصل
محمد موافى:اهلا بحضراتكوا مرة ثانية السلاح والعنف فى مصر والبحث عن الامن وسيادة اللواء سيد شفيق مساعد الادارة العامة للبحث الجنائى للمنطقة المركزية سيادة اللواء شوقى العقباوى اثار اكثر من نقطة الاعلام ودورة فى المهاجمة الشرطة وتصيد اى حدث
اللواء/ سيد شفيق:الحقيقة اسمح لى اننى اشكر دكتورشوقى العقباوى على المداخلة الكريمة دى وانا بايدة تماما فى كل ما قال وانا عندى تحفزفيما يتعلق بموضوع انسحاب الشرطة اللى قاله لان الشرطة هى اللى بدات العنف والشرطة هى اللى بدا ت العنف الشرطة لما بتبدا العنف بيكون فى حياتها وفى تاريخها الممتد عبرمئات السنين لم تبدا هى بالعنف خالص
محمد موافى:عمرها يا افندم
اللواء/ سيد شفيق:لالالا خالص
محمد موافى:الشرطة طول عمرها بتموت لما
اللواء/ سيد شفيق: لما بتهاجم
محمد موافى:ماهى دى السيادة الاعلامية المصرية
اللواء/ سيد شفيق:لالالا نقول الحقيقة احنا مش عايزين نشتت فى جهازكبير جهاز وطنى بقالة مئات السنين بيحمى مصر
محمد موافى:احنا ما بنشككش
اللواء/ سيد شفيق:بس برضه جهاز الشرطة يا استاذ محمدالتشكيك فى جهاز الشرطة ده خط احمر المفروض كل الناس وكل المواطنين تعى جيدا انهيارالامن ده انهياربكاينك انت فى مصر انهيار الدولة محدش يسمح بالكلام ده ولا اى غيور على بلدة يسمح
محمد موافى:هل فى حد عايز ميبقاش فى امن
اللواء/ سيد شفيق : اعتقد ان هنا بعض القوى وبعض الاتجاهات من مصلحتها ان الفوضى تستمر وان الانفلات الامنى يستمرعشان تمرر بعض المخططات وبعض السياسات الراغبة فيها
محمد موافى: زى ايه يا افندم
اللواء/ سيد شفيق: يعنى انا مش قادر افهم
محمد موافى:اصل الاعلام بيهاجم الداخلية فالداخلية
اللواء/ سيد شفيق: ولا خطوة ولاخطوة
محمد موافى: مفيش حاجة ممكن تستخبى
اللواء/ سيد شفيق:ولاخطوة استاذ محمد الحادثة بتاعة الثمانينات هفكرك فى الثمانينات فى ولاية كاليفورنيا حصلت ان ضباط شرطة قتلت اثنين ملونين وحصلت اضطرابات فى نيوجيرسى تحديدا او فى لوس انجلس تحديدا وعملت ضجة ساعتها لكن تستمر لان الشعب الامريكى امريكا عارفة قيمة الشرطة مسنناش سكاكين للشرطة فى كل الولايات لا ابدى تصرف من ضابط او اثنين ده تصرف فردى
محمد موافى:بس للاسف انا لما الاقى سلبية منا من حقى كاعلام اتكلم
اللواء/ سيد شفيق : اه طبعا بس نتكلم عليها فى امريكا هذه السلبية لا تعمم ولا تضخم المسائل وتبقى هوده الامن و القسم الامنى كله الائتلاف وتصل الامن كله الائتلاف وتصل الامن كله بالتزوير وتصل الامن كله بالتعذيب وبالقتل لا
محمد موافى:فى صفة دلوقتى وزارة الداخلية سلبية هل الضابط صغيراوالضابط الكبيرهل هو سلبى علشان مش لاقى له ضهريحمية يعنى هل هو شايف انه لو عمل اى حاجة هيتحبس
اللواء/ سيد شفيق:لالالا استاذ محمد شوف الاتجاة ده بعد قصة الضباط اللى فى الاقسام وحسوا ان ذنبهم انهم بيدافعوا عن اقسامهم ودخلوا المحكمة فبقى فى شعور ولهم حق فية ان انا طبعا باضرب نار عشان ادافع عن القسم بتاعى ان انا ادخل السجن اوباتحاكم طب انا اعمل اية مش هستخدم السلاح اعتقد ان احنا بدانا نتجاوز هذه المرحلة دلوقتى وبدانا نتعافى الجماهير دلوقتى بقت ايجابيتها اقوى بقى فى الشارع بقى فى ايجابيات فى الشارع اعتقد ان فى كثيرجدا من السلبيات اللى كانت بتصادف الضباط
محمد موافى:اعتقد لسة ما اعتفناش احنا لسة قايلين حادثة بنتكلم عن انتشار السلاح فى مصر بنتكلم عن ملازم اول واقف فى كمين لقى 4 راكبين عربية معاهم الى قالوا له اشترى عمرك هو بيقول ان هو كان قادر يقضى عليهم قادر يموتهم يبقوا شهداء ثورة وهو يتحبس
اللواء/ سيد شفيق:اه طبعا هو احنا بندعو لزميلنا واخونا وابننا بالشفاء العاجل اه طبعا ودى تقولك اد ايه خطورة السلاح بايد البلجية وايد الخارجين على القانون لكن كان هوالمفروض القوة كانت معاه وكان المفروض استخدم سلاحة القانون سامح له ان هو يستخدم السلاح فى هذه الحالة وكان يدعو بضربهم جا ده فى الحال وشايل سلاح فى العربية مردوش يطلعوا الورق بتعهم وينزلوا من العربية عشان يفتش العربية كان المفروض يتحسب لهذا لكن احنا نتمنى له الشفاء العاجل
محمد موافى:فاصل قصير ونرجع تانى فاصل وبانتظار حضرتكوا
فاصل
محمد موافى:سيادة اللواءاحنا شفنا الكليب اللى اشتغل ده او الفاصل اللى اشتغل الفوضى والبلطجة عن انتشار الشرطة ومع احترامى للشرطة كانت موجوده ومازالت الدنيا مش لطيفة مش هى دى مصرهل البلطجة تحولت من فوضى من جريمة فوضوية الى جريمة منظمة بقت مافيا
اللواء/ سيد شفيق : لا احنا لم نصل الى حد الان الى الجريمة المنظمة فيما يتعلق بهذا دى احداث بتواكب اى حدث تاريخى هو فى انفلات امنى حصل ممكن يحصل فى بعض الظواهر الاجرامية زى ما احنا شايفين دلوقتى فيما يتعلق بالسلاح انشاء الله فى طريقة للحصار انا اامل فى خلال الشهرين الثلاثة اللى جايين ان يكون تحت السيطرة تماما ضبطنا على معظم العناصر الاجرامية عناصر البلطجة وضبط اكبركمية من السلاح المسروق او السلاح اللى بايد الناس الغير مرخص
محمد موافى:احنا بنتكلم يعنى اللى تم ضبطة ربع اللى اتسرق 9 الاف قطعة سلاح بره والبلطجية موجودين
اللواء/ سيد شفيق:اه ما انت ما تنساش برضه ان الشرطة ابتدت تتعافى اخرشهراوالشهر ونص اللى فاتوابس من بعد احداث 25 يناير احداث الثورة قاعدت الوزارة اوالضباط تقريبا شهر شهر ونص المسائل مش مستقرة من شهر ونص تقريبا بدانا وكل يوم
محمد موافى: وبعدين اتهجمت تانى
اللواء/ سيد شفيق: ماهو الانسان بينتهك من جانب ليه مسئولية الامن برضه والا دى مسئولية اللى فى الشارع ال بيتمسحوا فى ثوار25 يناير لا دى مسئوليتهم مش مسئولية الامن
محمد موافى:فى ناس ماتت عند الاقسام اتحاكم فيهم امين شرطة واخذ اعدام
اللواء/ سيد شفيق:اه واللى جاى عند القسم ده كان برضه من المتظاهرين من الثوار يا استاذ محمد
محمد موافى:انا لا ادافع عن الضابط ولا ادافع عن الراجل اللى مات وانا متاثر جدا بالراجل اللى مات لكن برضه هسال حضرتك سؤال لما ضابط يتحاكم ان هو ضرب واحد عن قسم شرطة فى التوقيت اللى مش لاقى فية وزيرداخلية يدافع عنه سايبة يتحاكم سايبة يتحبس دى برضه مش حاجة تضايق تخلى خلاص المسائل كلها
اللواء/ سيد شفيق:احنا خلاص هنتجاوزهذه الاشكالية
محمد موافى:بيتمسحوا فى ثوار 25 يناير
اللواء/ سيد شفيق:اللى فى الشارع بيتمسحوا فى ثوار25 يناير دلوقتى مش مسئولية الامن
محمد موافى:بس فى ناس من اللى مات عند الاقسام اتحاكم فيهم امين شرطة واخذ اعدام اه
اللواء/ سيد شفيق:اه واللى جاى عند القسم ده كان لازم يتظاهرو يا ستاذ محمد يا استاذ محمد
محمد موافى:لما ضابط وحاكم انا لا ادافع عن الضابط ولا ادافع عن الراجل اللى اخذ اعدام وانا متاكد ان الراجل مات لكن برضه هسال حضرتك سؤال ضابط يتحاكم انه ضرب واحد عند قسم شرطة القسم اللى بيشتغل فية وزير داخلية دافع عنه سابه اتحاكم وسابه يتحبس اه بس مش حاجة تخلى المسائل
اللواء/سيد شفيق:المفروض ان احنا نتجاوز هذه الاشكالية واحنا قلنا ان طبعا القضاء تصدى ليها فا المفروض ان احنا لا نتدخل فيه فلو القضاء هيقول كلمتة العادلة وحينصف المريض وانا اامل ان الضباط الشرفاء اللى كانت بتدفع عن الاقسام والمراكز تحصل على البراءة انشاء الله لانها كانت فى موقف دفاع شرعى واتخذوا دور قانونى لكن المحكمة هتفحص وهتفحص القضية وانشاء الله فى الاخر هتقول كلمتها انشاء الله
محمد موافى:سيادة اللواء اكبر كم من السلاح كان يوم 28 اللى هى جمعة الغضب حصل ضرب الاقسام بدا بقسم البساتين من الشرق وبعدين واحنا نازلين بتسلسل يعنى من الغريب ان يكون منظما ام فوضويا
اللواء/ سيد شفيق:لالالا
محمد موافى:هل فى فى خطة فى مهاجمة اقسام الشرطة حاجة احنا لسه ما عرفنهاش
اللواء/ سيد شفيق:لا لكن
محمد موافى:مين اللى هاجمها
اللواء/ سيد شفيق:اللى هاجمها البلطجية اللى هاجمها الصوص اللى هاجمها اقارب المتهمين المحجوزين ناس عناصر خارجية مرتبطة باجندات خارجية خاصة السجون وهربت مسجينها سواء كانوا لبنانيين او فلسطينين لعبوا فى جزء منه كان فيه مخطط خارجى للاسف استخدم مصريين الى حد كبير فى تنفيذه لكنة كان مخططا ولم يكن عشوائيا ده اكيد
محمد موافى:طيب سجناء اللى كانوا اللى تم تهريبهم مثلا لو تكلمنا عن سجناء حزب ما اللى تم تهريبهم مش المفترض مين هل وزارة الداخلية هى الجهة المخولة ان هى تطالب باستعادتهم ودول سجناء محكوم عليهم فى قضية
اللواء/ سيد شفيق:اه طبعا بتخضع لبعض الموائمات السياسية دا المفروض ان احنا نطالب بيهم باعتبارهم مفروض نجيبهم لكن الجهة اللى بنخاطبها بتقول والله انا ما اعرفش عنهم حاجةهتنكر ان هى ساعدت او ان هى حرضت على ان هما يهربوهم من السجون الوضع اللى احنا منتظرينه يعنى مش هتقول ايوه انا اللى بعثت عناصر من عندى عشان تهاجم السجون وتطلعهم على طول كده
محمد موافى:ده جه فى الجرنال يا افندم وقال
اللواء/ سيد شفيق:قال قال هو قال وانا سمعت الثوار المصريين اللى طلعوهم لكن ده حقيقى اللى طلعوة عناصر
محمد موافى:معنى كده ان ما كنش فية امن فى مصر قبل الثورة
اللواء/ سيد شفيق:لالالا كان فى كان فى طبعا
محمد موافى:والناس دى كلها شغالة
اللواء/ سيد شفيق:لالالا كان فيه لكن هوحضرتك اعتبارا من يوم 25 السجون اتهجمت يوم 28 ويوم 29 بالضبط السجون اتهجمت فى 29 ويوم 28 اتهجمت الاقسام 29 اتهجمت السجون من 25 الى 28
محمد موافى:طبعا كان فيه انفلات
اللواء/ سيد شفيق:طبعا كان فية انفلات امنى كبير جدا نتيجة الاحداث اللى حصلت يوم 28
محمد موافى:احنا عندنا كم اتصالات مهولة جدا من السادة المشاهدين كله كله قلقان معانامدام نعمة من القاهرة اتفضلى يا افندم
مدام نعمة : سلاموا عليكوا
محمد موافى:عليكم السلام
مدام نعمة:استاذ محمد انا سمعت حضرتك فى اول البرنامج بتقول على نسبة البلطجية فى مصر650 الف كده حوالى انا شايفة ان هى معدية كثير يعنى النسبة دى ضيئلة بالنسبة للى الواحد بيواجهة وبيشوفه كل يوم وهو بينزل انا كنت لسة فى مشوار ورجعه دلوقتى فى بلطجى قاعد فرده يوقف كل ميكروباص وياخذ منه فلوس وقف ميكروباص بتاع مدرسة ملوش دعوة باى حاجة حاصلة عايز ياخذ منه فرده فلوس فى اى حته حضرتك فى عين شمس الغربية الحتت دى محدش بيجيها ولا بيشوفها ولا بيدور عليها عين شمس المطرية المرج عزبة النخل الحتت دى احنا لا نفقه شئ نتصل بمين احنا عايزين خط ساخن لان بنشوف بلطجية كثير جدانتصل بيمين ونقول لمين يجى يلحقنا
محمد موافى:تمام
مدام نعمة : يعنى عايزة ياريت رد علي
محمد موافى:شكرا سيادة اللواءيعنى مع كل الوجود المحترم لرجال الشرطة انما بنلاقى وجود يعنى احنا موجودين يا جماعة انمامفيش فعل مفيش
اللواء/ سيد شفيق:يعنى انا اعتقد
محمد موافى:وحشنا العنف بتاع الشرطة وحشنا البلطجة بتاعت الشرطة
اللواء/ سيد شفيق:انا اعتقد يعنى للاسف اذا كان وحش حضرتك انت لكن
محمد موافى:لما واحد يحتل الشارع وبياخذ فردة
اللواء/ سيد شفيق:شوف يا استاذ محمد للاسف انا مش عايز اقول ان بعض وسائل الاعلام سواء ان كان مقرؤا او مسموعا او مرئيا بتساهم فى هذه الحالة وفى هذه الفوضى لاجندات خارجية او اللى مخططة عندهم هما او فى نفسهم حاجة لكن القصة مش كده قصة السلبية احنا قلنا اتعافانا وبدانانمشى وايجابية فى الشارع كانت تقريبا ويوميا بالنهاروبالليل فا احنا انضباطية بالنهار وفى حماية بالليل استهدف كل نوعية الخطر والبلطجة
محمد موافى:ما عين شمس اهى
اللواء/ سيد شفيق:معلش انا طبعا المشاهدة الكريمة احق لانها شافت منطقة عين شمس العشوائية الكبيرة ذات الكثافة العالية جايز يبقى فى حد بلطجى جايز يبقى فى حد مش كويس طبعا انشاء الله مجرد ان الامور تستقر تماما والحملات تاتى بنتائجها اعتقد ان كل الظواهر دى تختفى باذن الله
محمد موافى:طب ازاى شرطة هتدافع اساسا عن الشارع وهى معندهاش بيت تقعد فيه اقسام الشرطة اللى ادمرت دى امتى هنشوفها يعنى
اللواء/ سيد شفيق:دى احد المعوقات دى احد المعوقات اللى بتواجه الوزارة الحقيقة بالاضافة طبعا لبعض المعدات وبعض السيارات لكن مش مشكله هو الاعداد قليلة مش كثير حوالى تقريبا 10 اقسام فى القاهرة هى اللى اتنقل مكانها لكن لكن بتمارس صحيح مش المكان المعد ليها بما فيها الحجوزات المؤمنة ومكان كريم بنستقبل فية المواطن لكن لحد ما تنتهى الاقسام اعادة بناءها تانى لان فى بعض الاقسام محتاجة هدم واعادة بناء مش ترميم بس يعنى لكن من 38 قسم او 34 قسم فى القاهرة فى طاقة شغالين فيها والممارسات شغالة والانشاءات على قدم الوساق شغالة انت عارف ده تستوعب اه لكن شغالين فيها منمناش
محمد موافى:اه سيادة اللواءبرضه انا يعنى عاوزانا لوعايزاخذ سبق الاعلامى ههاجم الشرطة وههاجم السلبية وههاجم حاجات كثير وفى تجاوزات كثيرة جدا انا شخصيا عارفها عن الشرطة مش وقتها انا دلوقتى عايز الامن يعود يعنى احنا بنتكلم
اللواء/ سيد شفيق: يا سيدى الفاضل الامن عاد والامن ايجابى الان فى الشارع انا اعلم بهذا لان انا بانزل وباشوف
محمد موافى:ما احنا كلنا فى الشارع يا افندم
اللواء/ سيد شفيق: انا عاوز انا اقول لحضرتك حاجة عايزين ناخذ الواقعة او الموضوع اللى بيحصل لفرد
محمد موافى: انا باشوف بصفة فردية وده بيشوف بصفة فردية يعنى دا احنا عندنا 100 الف حالة فردية بقى يعنى عندنا حاجات كثير
اللواء/ سيد شفيق:استاذ محمد دا احنا فى القاهرة بس عندنا اكثر من 15مليون بنى ادم
محمد موافى: لما يبقى عندنا اكثرمن 15 مليون بنى ادم
اللواء/ سيد شفيق: هل انهارده هل انهارده زى بعد احداث الثورة ده شاعربالامن اكثروالا اقل
محمد موافى:لا اقل
اللواء/ سيد شفيق: مش كده
محمد موافى:اه
اللواء/ سيد شفيق:حاسس انك انت انهاردة بتمشى بالليل فى كل شوارع مصر
محمد موافى:المشكلة امشى وانت حضرتك بتتكلم عن 15 مليون وفى بلد المرور لسة لم يستعد عافيتة وبعدين ترجع الاكمنة ثابتة يعنى ما بتعملش حاجة يعنى لما نلاقى الطريق الدائرى والا كوبرى المنيب واقف ساعة كاملة علشان كمين فى منزل المعادى ثم نوصل نلاقى الضباط واقفين مفيش اى عربية بيحصل فيها اى حاجة والطريق كله واقف هل الشرطة برضه يعنى واحنا بنقول الشرطة ترجع ترجع ببعض الحاجات اللى كانت بتعطل اكثر ما بتسهل
اللواء/ سيد شفيق:اناهو اذا كان
محمد موافى:ده مش
اللواء/ سيد شفيق: كويس ان احنا دلوقتى بنلاقى الشرطة كانوا زمان بيقولوا فين الشرطة فين والتواجد الشرطى فين بنشوف الشوارع فاضية مفيش اكمنة خالص احنا فى التحقيق الصحفى اول امبارح تقريبا الجرنال احد الجرائد المستقلة الصحفى بيقول انا مرت فى شوارع مصر كلها ما لقيتش كمين وقفنى ولا كمين واقف ولا كمين يوقف العربيات احنامش عارفين نوجد علاج نشتغل نلاقى اضرام الناس ما نشتغلش يقولوا انتوا سلبيين انا اعتقد ان الاعلام سواء كان حكوميا او اعلام مستقل يتقى ربنا سبحانة وتعالى ويتقى ربنا فى الشرطة لان الشرطة دى ياجماعة عصب البلد
محمد موافى:سيادة اللواء احنا معانا سيادة اللواءانور عوض مساء الخير يا افندم
اللواء/انورعوض: مساء النور
اللواء/انورعوض:ايوه
محمد موافى:اتفضل يا افندم
اللواء/انورعوض:استاذ موافى مساء الخير
محمد موافى : مساء النور يا افندم اتفضل
اللواء/انور عوض:دلوقتى حضرتك المشكله فى رخص السلاح القديمة اللى هى بتجدد كل 3 سنوات واحنا مقدمين عشان تجديد هذه الرخص من ديسمبر اللى فات واخد بال سياتك اكثرمن 6 شهور انهاردة لحد دلوقتى ما انتهتش وبعدين يقولك مديرية الامن ما عملتش ما سوتش تعالوا الاسبوع الجاى تعالوا الاسبوع اللى بعده وموظفين الرخص اللى فى اقسام الشرطة ما بيعملوش حاجة وبيزحلوا الناس وفيهم ناس قاعدة بتبيع السلاح اللى الناس بتسلمة 00 لمحلات الاسلحة
محمد موافى:يا افندم يعنى ده اتهام خطير يا سيادة اللواء
اللواء/انورعوض:لا مش اتهام
محمد موافى:حالة محددة فى مكان علشان بس ما نتهمش الناس
اللواء/انور عوض: حالتى انا ليا 20 سنه معايا طبنجة ومرخصة
محمد موافى:حضرتك بتتكلم ان الناس بتاخذ الاسلحة المصادرة وبتبيعها
اللواء/انور عوض:فى ناس انهارده واحد واقف بيقول خلاص انا مش عاوز السلاح الموظف عمال يتصل بمحلات اسلحة وبيقول لهم عندى طبنجة كذا كذا كذا ثمنها كام يقول 30 الف عايزين يسمسروا فى ثمنها فا انا باقول لسياتك وانت اخيرا رخص 6 اشهر عشان ايه وناس بيتحروا عنهم مليون مرة وناس مراكز وقيادات
محمد موافى:طب سيادة اللواءسيادة اللواء شفيق معاك هيرد على حضرتك حالا
اللواء/ سيد شفيق:هو الحقيقة سيادة اللواءانت معاك حق فيما يتعلق بتاخيروتجديد الرخص معاك حق تماما
اللواء/انورعوض:وبعدين ده لسة هيتحرى ده اتحرى عنه مليون مرة
اللواء/ سيد شفيق:وانا اعرف حاجات كثيرة جدا عن التجديد وللاسف لما بيروح يجدد الترخيص
اللواء/انورعوض:وسياتك عارف انا كنت باشكى الامن فى الاعلام كله
اللواء/ سيد شفيق:هو حضرتك محتاج رخصة
اللواء/انورعوض:اه طبعا محتاج رخصة انامعايا سلاح همشى به سياتك من غير رخصة
اللواء/ سيد شفيق: انت معانا فى هذه المشكله والحقيقة ده مشكل انا لمسة وانشاء الله هنعل طفرة فيه كبيرة المشكله فى الايام اللى فاتت 3 -4تشهر اللى فاتت كان بيستلزم ان احنا نكشف لان الكشف كل3 سنين على وثيقة التعارف اللى بيقدمها المرخص ليه بياخذناس كثيرة جدا كانت بتكشف على الورق وده اللى كان عمل روتينى للاسف وكان بياخذ وقت كثيروبالتالى كانت بتتاخر التراخيص الجديدة فى الترخيص
محمد موافى:والا فى ان دى بسبب ان فى شكوك فى بعض تراخيص السلاح اللى طلعت قبل كده
اللواء/ سيد شفيق:لالالا خالص لا خالص هو كان سبب التاخير ان هو بياخد كشف فى اكثر من جهة يعنى اعتقد فى الايام القليلة القادمة بحيث اللى قدم ودفع الرسوم بتعته وطالب بالسلاح بتعتة هنطلع له الترخيص بتاعة انشاء الله سيادة اللواء بمجرد انك دفعت الرسوم الرخصة سارية محدش يقدر يسحب السلاح منك عملت اجراء من الاجراءات المهمة لتجديد السلاح
محمد موافى: كام جهة يا افندم من الجهات بيبقى مطلوب موافقتها عشان
اللواء/ سيد شفيق:مفيش جهات مطلوبة احنا بنستطلع راى البحث الجنائى وادارة البحث فى المديرية والمستطلع كان زمان عندة ---قبل ما تتلغى دلوقتى اللى بيستطلع الامن الوطنى وادارة البحث الجنائى فقط
محمد موافى:سيادة اللواء احنا بنتكلم عن اعداد كبيرة من السلاح بنتكلم عن اعداد كبيرة من الخارجين عن القانون بنتكلم عن الشرطة بتحاول ترجع ماذا تحتاج الشرطة ايضا حتى تقوم بمهمتها الاساسية للحفاظ على الامن ايه اللى ناقص
اللواء/ سيد شفيق:ناقص دعم الشعب لينا ده بالاساس ناقصنا بعض التجهيزات والامكانيات المادية المفروض ان الحكومة توفرها لنا فقط لاغيراحنا مش ناقصنا اكثر من كده
محمد موافى:احنا معانا الكاتب الصحفى استاذ محمد على مساء الخير يا افندم
أ/محمد على : مساء النور يا استاذ محمد
محمد موافى:احنا معانا يعنى الرجل المسئول عن البحث الجنائى فى المنطقة المركزية احد قيادات وزارة الداخلية بنتكلم عن السلاح والعنف والفوضى فى مصرالى اين هو شايف الاعلام بيهاجم عمال على بطال انا منتظر مداخلة وتعليق من حضرتك
أ/محمدعلى:فكرة ان الاعلام يهاجم عمال على بطال فكرة اكيد انا باتحفظ عليها لان المفروض ان الاعلام بيرصد ما يجرى انا عايز يعنى اسال سيادة اللواء كيف لى ان اامل الان كرب اسرة وفق الحالات اللى احنا عمالين نسمع عنها يعنى مثلا تقرير الامن العام اللى صدر منذ ايام قال ان هناك اكثر من 100 الف مسجل خطر
محمد موافى:110
أ/ محمد على:او110 لسة وزير العدل قايل ان هناك اكثر من نصف مليون بلطجى موجودين فى الشارع اناعاوزاسال حضرتك دورى انا ايه كامواطن امام تلك هذه الارقام اللى انا باسمعها على لسام مسئولين فا الاعلام مسئولين رسميين قالواهذا الكلام فكرة السلاح اللى حضرتك بتتكلم عنه يا استاذ محمد انا دلوقتى الامن عندى الامن متوافر فى الشارع بشكل كافى عليا كامواطن ان ابحث عن تامين نفسى احنا عايز اسال سيادة اللواء ما الذى ادى ال تكالب المواطنين على شراء السلاح فى الشارع بعد 25 يناير السبب الرئيسى والمباشر هو غياب احساس المواطن بالامان فا ابتدى يبحث عن تامين نفسة بشك شخصى هذا امرانا لا احبة واحبذه بل ان انا باتمنى ان تعود الشرطة فعلا لمهامها الحقيقية او دورها الوظيفى المطلوب طبعا مع فتح قوس طبعا لاظهار حقوق المواطن
محمد موافى: ارجوك خليك معانا يا استاذ محمد سيادة اللواءعايزك
اللواء/ سيد شفيق:انا الحقيقة طبعا الاستاذ محمد مشكورا بيتكلم ان البلطجية كثير وانا هعمل ايه معايا السلاح فى برضه الترخيص مفتوح يتقدم اى مواطن لو عندة اى مبررات ان هو محتاج سلاح هنبادر بالموافقة ومفيش حد هيتمسك بحرفية النص فيما يتعلق كام فدان يكفى ان احنا نعرف انه فعلا بيحتاج او محتاج لسلاح يرخصة هيتوافق له
محمد موافى:استاذ محمد انت بتتكلم عن نقطة مهمة جدا تقرير الامن العام دى حاجة جديدة عليا انا شخصيا يعنى ان يبقى فى تقرير الامن العام كمان بيطلع وبعدين السيد حبيب العدلى بيعتبرة سرا حربيا هل هنشوف على طول تقرير الامن العام سنويا ومتاح للنا س
اللواء/ سيد شفيق:شوف بعد 25 يناير فى الشرطة اتغيرت حاجات كثير من ضمنها الشفافية والاعلام عن كل ما يدور فى الشرطة حضرتك بعض المواطينين بيترددوا على الاقسام وعلى مكاتب المقرات الوطنى فا مسائل مفيش حاجة بنخبيها احنا ما بنعملش حاجة خايفين من الراى العام فيها لالال
محمد موافى:سيادة اللواء معلش انا معايا مداخلة فى اقل من نص دقيقة مساء الخير يا افندم المستشار اسماعيل حكيم
المستشار/اسماعيل حكيم: مساء الخير استاذ محمد مساء الخير سيادة اللواء الحقيقة فى اقل من نص دقيقة انا اولا باشكر البرنامج على هذا الحديث لكن احنا ادمنا حضرتك حاجة بسيطة جدا
محمد موافى:احناممكن ناخذ 5 ثوانى حضرتك من النص دقيقة حضرتك احنا عندنادلوقتى مشكلتين البلطجية ذى ما احنا بنقول وعندنا السلاح برة متاخد منا متهمين بانهم قتلوا نا س كل اللى اتقتلوا دول كانوا بيحاولوا يقتحمواالاقسام والضباط كان المفروض كانت بتدافع عن الاقسام وناس بتقول العكس دول شباب ومن ابطال الثورة ووو احنا عندنا مشكلة قال انه احنا نثق فى ان الداخلية يجب ان تعود وهى صمام الامان فى هذا الوطن وهى قيام الدولة وعودة الدولة الى قوتها او لا احنا لابد ان احنا نردع كل من يحاول ان يتصرف تصرف مش مضبوط كان لابد ان احنا نطاح باستفتاء سريع يدى احقية لانه يكون هناك فرصة القانون موجود لكن لابد ان احنا نستفتى
محمد موافى:سيادة المستشار شكرا جزيلا اظن الفكرة وضحت كلمة اخيرة من اللواء سيد شفيق قبل نشرة التاسعة
اللواء/ سيد شفيق:انا الحقيقة باناشد المواطنين الشرفاء اللى تعايشين على ارض مصرواللى بيحبوا بلدهم واللى بتربطهم الظروف ان هما يشيلوا سلاح بدون ترخيص مبادرة الى تسليم ما بحوذتهم من اسلحة لاجهزة الشرطة اوللشرطة العسكرية مع الاعفاء من العقاب فى طول المدة الممنوحة ليهم وللقوات المسلحة حتى يو 6
محمد موافى:تمام
اللواء/ سيد شفيق: ومكافاة لما تقدم وانا الحقيقة طمعان فى استجابة الشعب المصرى لهذا النداء
محمد موافى:سيادة اللواء سيد شفيق مساعد الادارة العامة للبحث الجنائى المنطقة المركزية شكرا جزيلا لحضرتك وشكرا لكم مشاهدينا وشكرا لكل من يحمل سلاحا غير شرعى ويبادر بتقديمة حسب بيان المجلس الاعلى للقوات المسلحة لكم التحية ودمت فى رعاية الله وامنة