كلام مسئول

الجمعة 31/12/2010
محمد صلاح : يا مساء الخير كل سنة وحضرتكوا طيبين مع نهاية السنة وزى كل سنة دايما نلاقى الصحف وبرامج التليفزيون ترصد فى الاحداث اللى جرت خلال السنة اللى انتهت واللى تتوقعة للسنة الجديدة حضرتكوا عارفين احنا نحب شوية نكون مختلفين مش شبة حد فكرنا نعمل ايه احنا طول السنة عمالين نرذع فى مشاكل المرور المساكن العشوائيات الاتوبيسات الاجور والاسعار الادمان انحراف الشباب الانتخابات واللى جرى فيها العمال والاحتجاجات الاضرابات عايزين نبدأ 2011 بتفاؤل شوية هو كله ضرب ضرب مفيش حاجة ثانية برضه مصر فيها حاجات حلوة يمكن كثير منا مش شيفنها يعنى مثلا الانتقادات للخصخصة على ودنه احتجاجات العمال ما وقفتش الجماعة للى خدوا فلوس البنوك واشتروا شركات او مصانع وفلسعوا وهربوا الكلام عنهم شغال نار احوال الصناعة عليها تساؤلات لكن هل حد اتكلم عن التصنيع الحربى المصانع الحربية خلينا مع بداية سنة جديدة نتكلم عن حاجة مبهجة تدينا شوية تفاؤل معظم الناس فاكرين التصنيع الحربى شئ غامض ما يعرفوش عنه غير انه فلانة عندها بوتاجاز مصانع او يعنى التصنيع الحربى عبارة عن غسالات وبوتاجازات وفيديوهات المصنع الحربى فى مصرعملية ضخمة وكبيرة مستمرة تاج اسلحة متطورة ثقيلة وخفيفة مدافع وقذائف بنادق وهاون دبابات m1 ,a1رؤوس حربية للصواريخ انظمة صاروخية قنابل اجهزة اتصالات طائرات نفاثة وعربيات مدرعة اكثرمن 16 مصنع ومجمعات صناعية حديثة ومتطورة لازم كل مصرى يفتخربيها فى حلوان والشرقية والقليوبية وغيرها من المحافظات بتلبى المصانع الحربية كثير من احتياجاتنا وكمان نصدر لبعض الدول بتخدم الحياة المدنية لان 40% من انتاجها للاغراض المدنية بصراحة كده فى تقصير من جهات كثيرة ان الناس ماتعرفش ده كله مع نهاية سنة وبداية سنة جديدة عن المصانع الحربية هيكون لينا كلام
فاصل
مذيعة :واكب الانتاج الحربى فى مصرعبرمنظومة صناعية متكاملة ما شهدتة مدن تصنيع عسكرى متقدمة فى العالم انتج صنع 100 الحربى مدفع 155 عيار 52 الذى احدث طفرة هائلة فى نظم المدفعية فى العيار والمدى وخفة الحركة والقدرة على المناورة يظل المدفع ولسنوات طويلة قادمة التسليح الرئيسى لمدفعيات الدول الكبرى اذ يتميز بطول مداه الذى يصل الى 42 كليو متر ويستخدم انواع مختلفة من الذخائر وبتصنيع المدفع 155 عيار 52 انضمن مصرالى الدول المنتجة لهذا السلاح والتى لا يتجاوزعددها 5 دول استطاعت ادخال التقنيات الحديثة على نظم المدفعية تتقدم المصانع الحربية بخطوات واعده نحو صناعات تكنولوجيا الفضاء المفتوح من خلال مجموعة من المصانع المتخصصة التابعة لشركات بنها للصناعات الالكترونية ومنها مصنع اجهزة الاتصال ذات التردد العالى والذى يقوم بتصنيع اجهزة الاتصال الرقمية الحديثة والمزوده بتكنولوجيا المعلومات المشفرة والاتصال عبرالاقمار الصناعية والاجهزةالمحملة على المركبات والمدرعات ومصنع اجهزة الاتصال ذات التردد العالى وتصنيع اجهزة الاتصال اللاسلكى باستخدام التكنولوجيا الرقمية ووسائل التشفير اضافة الى مصنع الاتصال الميكرووية لتصنيع محطات الميكرويف والسنترالات التكتيكية والتى تستخدم ذاكرات الكترونية ومصنع الرادار ثنائى الابعاد لتصنيع اجهزة الرادار ثنائية الابعاد واجراء اعمال الصيانة ا لرئيسية تنتج المصانع الحربية المصرية الدبابة m1,a1 الامريكية ففى عام 1988 وقعت مصر والولايات المتحدة مذكرة تفاهم تعطى مصر حق الاشتراك فى انتاج الدبابة m1,a1على ان تنتج 40 % من مكوناتها شرعت مصر فى انتاج مكونات الدبابة تدريجيا مثل الجازير وعجل الطريق وعجل الادارة وفى يونيو من عام 1992 انتجت اول دبابة m1,a1وبحلول عام 1994 كان المصنع قد زود الجيش بمئة دبابة يهتم الانتاج الحربى بالابحاث العلمية اذ انها تدخل فى صناعات مدنية من توربينات الكهرباء وانشاء مصانع تدويرالقمامة وتصنيع الكمبيوترات والتكيفات والتريلات وسيارات الاطفاء الضخمة
فاصل
محمد صلاح : عندنا مصانع حربية وصناعات بدات من سته وخمسين سنة ساعتها انتجنا اول طلقة زخيرة دلوقتى بننتج فى المصانع الحربية المصرية مدافع ودبابات متطورة الحكاية مش بس بوتاجازات وغسلات وثلاجات وادوات منزليه لأ ده فى انتاج ضخم لصناعة مهولة حبينا نلقى عليها الضوء وناخذ منها جرعة تفاؤل والله الواحد محتاج بسرعة جرعة عشان كده انهارده هناخذ الجرعة مدير الانتاج الحربى الدكتور سيد مشعل هيكون لينا معاة كلام مسئول ,ارحب بوزير الانتاج الحربى الدكتور سيد مشعل منورنا سيادة الوزير
د/ سيد مشعل : اهلا وسهلا يا افندم الله يخليك شكرا
محمد صلاح :سيادة الوزير لما بتيجى سيرة الانتاج على طول الناس تفتكر وزارة الانتاج الحربى وفى نفس الوقت الهيئة العربية للتصنيع الاثنين بساهموا فى مجال الانتاج الحربى والاثنين على ارض مصر هل فى علاقة ولا مفيش علاقة ؟
د/ سيد مشعل : هو العلاقة تاريخية وموجودة الى الان وقائمة الهيئة العربية للصنيع الحقيقة يمكن طلعت من بطن الانتاج الحربى فى السبعينات عندما نشأت فكرة بعد حرب 73 مشأت فكرة ان يبقى فى صناعة عربية مشترك للسلاح فخدوا بعض المصانع اللى كانت موجودة اصلا فى الانتاج الحربى ككل وعملوا بيها الهيئة العربية للصنيع
محمد صلاح : اتصالات عربية بقى دخلت فى .؟
د/ سيد مشعل : دخلت الحالة الاعلانية فيها استثمارات عربية مطولتش كثير لان بعد كده دخلت سنة 75 او قبلها بشوية وبعدين حصل اتفاقية كامب ديفيد والحقيقة بعض الدول العربية ويمكن كان صدام حسين زعم حركة مقاطعة مصر والخروج
محمد صلاح : وخرجت الدول العربية .
د/ سيد مشعل : من ضمن كده راحت خرجة الدول العربية اللى كانت مشاركة فى الهيئة العربية للصنيع ما اطلبتش قوى ودلوقتى بقت الهيئة العربية للتصنع قائمة
محمد صلاح : هل فى علاقة تعاون قائمة بيننا وبينهم؟
د/ سيد مشعل : طبعا
محمد صلاح : هل قى تعاقد فى الوزارة عندكم
د/ سيد مشعل : طبعا طبعا فى تعاقد وتكامل بيننا وبين الهيئة العربية للصنيع الفريق حمدى وهيبة رئيس الهيئة باستمرار احنا على اتصال بصفة مستمرة
المظلة الكاملة لينا القوات المسلحة واحتياجاتها
محمد صلاح : طبعا سيادة الوزيرمن 56 سنة صنعنا اول طلقة زخيرة من 56 اطورت مش كده؟
د/ سيد مشعل : ا لدنيا كثير الدنيا اتغير خالص يعنى
محمد صلاح :مش كده الدنيا اتغيرت بس انا عندى تساؤل فى دائما فى تعتيم على الصناعة الحربية هل لنوعية الصناعة اهميتها فى جهات كانت مقصرة بكل صراحة يعنى
د/ سيد مشعل :لأ هقول لحضرتك حاجة هى طبيعة العمل ده احنا بننتج سلاح لما انتج سلاح مش هطلع كل يوم اقول انا عملت كذا او اناعملت المدفع كذا والدبابة كذا وعدد دباباتى كذا وعدد مدافعى كذا مش هعمل الكلام ده يعنى اطلاقا ففى درجة سرية لازم يحظى بها لتصنيع الحربى لكن لاباس ان احنا فى كل حين واخر يبقى فى اعلام والقاء ضوء كامل على النشاط بتاع الانتاج الحربى ايه اللى بيتم وايه اللى بيحصل يعنى فى تطوير كبير بيتم فى الانتاج الحربى
محمد صلاح : من اول رصاصة لحد انهارده ايه اللى حصل
د/ سيد مشعل : لأ ده كثير يعنى احنا طبعا عندنا كان الحقيقة هو طبعا كان الانتاج الحربى بدا فى الخمسينات بعد الثورة ويمكن قبلها بحاجة بسيطة بعد حرب 48 مكناش بننتج حاجة قبلها خالص الحقيقة وكان كل سلاحنابيجى من برة ذخيرتنا بتيجى من برة فكان بعد تجربة سنة 48 فى قرار ان احنا لازم نخش فى التصنيع الحربى بدات الدول العربية حتى فى هذا التوقيت تفكر فى مشروع مشترك لكن التحرك الحقيقى حقيقتا بدا بعد ثورة 52 كان فى مشروع كبيروالمشروع قائم الى الان طبعا لكن وقف فى مراحلة شوية فى نكسة 67 حصل تاخر شوية لكن هو بدأ سنة 54 اول طلقة زى ما سياتك اوضحت واستمر استمر ينتج سلاح سلاح بكل اطايفة يعنى سلاح البنادق .. الرشاشات.. المدفعية المتوسطة بعد كده دخلنا فى مراحل اخرى لانتاج الزخائر والصواريخ وووو وطبعا يمكن كان فى برنامج مشهورا للصواريخ ظاهر فى القاهرة
محمد صلاح : أه
د/ سيد مشعل : فى فترة من الفترات ودى كانت
محمد صلاح : كنت هسأل حضرتك عنه طبعا ؟
د/ سيد مشعل : والله هقول لحضرتك حاجة احنا كان مشروع مصرى وكان امل كبير جدا ان يتعمل صواريخ بعيدةالمدى والحقيقة قطع شوط كبيرجدا فى هذا المدمارولكن كان فى قوة خارجية ضغطت عليه فا استوقف هذا البرنامج واستطاعوا طبعا كان فى تعاون مع بعض الخبراء الاجانب الالمان على وجه الخصوص خلوهم خرجوا وبعثوا لهم طرود ناسفة وكلام زى كده توقف البرنامج ولكن كانت حقيقة قائمة وصلنا فيها لحد فين يعنى لماحصلت نكسة سنة 67 واللى حصل فيها ده اثر على البرنامج خصوصا برنامج انتاج كان فى ايضا برنامج لانتاج طائرة مصرية
محمد صلاح : بالضبط
د/ سيد مشعل : وفعلا اتعملت طائرة مصرية وطارت بالمشاركة مع الهند واسبانيا وفى هذا التوقيت طارت هذه الطائرة كان اسمها القاهرة 200 حصلت نكسة 67 اثرت على برنامج التصنيع الحربى
محمد صلاح : زى ما اثرت على كل حاجة .
د/ سيد مشعل :اثرت على مصرككل يعنى نكسة 67 لان كان فى طموحات كبيرة جدا وهذه الطموحات كان خارج الطاقات الحقيقة لمصر احنا كان لدينا هذا الطموح وهذا الرؤية المستقبليه لكن عشان تحققها فى ظل ظروف سياسية مختلفة واوضاع سياسة موجودة فى
محمد صلاح : واوضاع اقتصادية صعبة ؟
د/ سيد مشعل :الحقيقة طبعا فى الاوضاع الاقتصادية فى هذا التوقيت يمكن كانت مصر لديها موارد مش مكنش فى كان فى موارد وكان فى كله وبعد كده هذه الموارد كانت بتوجهها فين وبتستخدم ازاى فى اكثر من اتجاه
محمد صلاح : خلى بالك كان فى حروب برضه .
د/ سيد مشعل :دخلت كمان فى تحديات وكلام من ده اتاثر برنامج التصنيع الحربى لكن ساهم برنامج التصنيع الحربى فى اثناء حرب الاستنزاف وكان الانتاج الحربى بيصنع الذخائر المدفعيات وذخائر الاسلحة الصغيرة والمتوسطة وكان بيصنع بعض المدفعيات وعمل مجهود كبير جدا
محمد صلاح : امتى الطفرة يا سيادة الوزيرامتى حصلت الطفرة ؟
د/ سيد مشعل :الطفرة الحقيقة بدات فى بدايةالثمانينات عندما دخلت مصر فى الصناعات الثقيلة او الاسلحة الثقيلة دخلت بقى فى صناعة الدبابات دخلت فى صناعة مدافع ثقيلة دخلت فى صناعة رادارات دخلت فى صناعات مختلفة الصناعات الحربية المختلفة اللى هى نقلتنا نقلة كبيرة الحقيقة احنا بننتج فى بداية التسعينات انشأنا مصنع كبير جدا مع الولايات المتحدةالامريكية لصناعة الدبابات وبينتج طبعا دباباتنا لاحتياجات الجيش المصرى
محمد صلاح : هنتكلم على الدبابات طبعا .
د/ سيد مشعل : الدبابات والمدفعيات الثقيلة احدث انواع المدفعيات بنعملها انواع الذخاير مش عايز بس يعنى استرسل فى اننا بنعمل ايه وما بنعملش ايه لان ده موضوع له درجة سرية ايضا ويمكن نحن بخير الحمد لله فى نهضة كبيرة جدا احنا صرفنا على الانتاج الحربى وتطوير الانتاج الحربى مليارات تعدينا 14 مليار جنية مصروفات للعشرسنوات الاخيرة لتطويرالطاقات والامكانيات وانتاج الذخائر
محمد صلاح : والناس ليه مش عارفة الكلام ده يا سيادة الوزير يعنى هو فى درجة سرية من اللى حضرتك بتقولة وبعدين فى حاجات بقت عامة وبقت معروفة يعنى وموجودة على مواقع الانترنت ليه الناس فى مصرهنا بس بكل صراحة بس باسال حضرتك مش درية بالصناعة الثقيلة دى يعنى يا افندم احنا بنبكى على الصناعةاللى باظت الحديد والصلب الاسمنت
د/ سيد مشعل : بس على فكرة الحديد والصلب موجود
محمد صلاح : ما باظتش
د/ سيد مشعل :لأ هههه
محمد صلاح :انا بتكلم على صناعة الدولة او او الصناعة العامة او الشركات العامة يعنى
د/ سيد مشعل :لأ برضه عندنا صناعة الحديد برضه تطورت الحمد لله وبقعت كويسة وعندنا طاقات وعندنا تصدير الحديد للخارج مش معندناش
محمد صلاح : طب نسيب الحديد دلوقتى يا سيادةالوزير خلينا فى الاسلحة ليه الناس معندهاش فكرة ليه ما وصلهاش ليه الانسان ملعبش فى اوقات كانت الناس بتصاب بصدمات ومشاكل حضرتك عارف المشاكل كثيرة عندنا بقلها كام سنة يعنى
د/ سيد مشعل : ربنا ما يجبش مشاكل مفيش دنيا مفيهاش مشاكل مفيش دنيا
محمد صلاح : اه بس فينا ان احنا نستخدم طاقتنا الحقيقة ونبرزامكانياتنا الحقيقية ونطلع انجازات بجد يعنى غير انجازات بتاعت الكلام
د/ سيد مشعل : والله يا استاذ محمد هقول لحضرتك حاجة يعنى
محمد صلاح : انت مش عايزتجيب حد
د/ سيد مشعل:لا هجيب لأ ليس طبعا مش عايزادين حد ولكن قد ادين نفسى يمكن انا المسئول يمكن انا ما باحبش بطبعى بشخصى ما بحبش الاعلام كثير وما باحبش اظهر فى الاعلام كثيرلطبيعة التركيبة العسكرية بتاعتى وانا اصلا ضابط بالقوات المسلحة وعشان كده احنا متربيين دائما وابدا على الناحية الامنية والمحافظة على السرية
محمد صلاح : فى ناس بتحب الاعلام والشغل يعنى ؟
د/ سيد مشعل :انا شخصيا حتة الاعلام ماباحبش اظهرفيها كثير لكن احنا عندنا برنامج طموح كبير جدا جدا احنا فى خلال ال 10 سنوات اللى فاتت دى احنا عملنا اكثر من 50 مصنع او 60 مصنع كمان جداد فى طاقات انتاج جميع انواع الذخائرجميع انواع المفرقعات بانواعها المختلفة ووووالوقود اللازم لانواع معينة من الصواريخ فى حاجات كثيرة جدا عملناها احنا لما تكلم عن الانتاج الحربى خلال العشرسنوات اناتوليت المسئولية حقيقة فى زملاء سبقونى عملوا مجهود كبير يشكروا عليه لكن انا كان عندى فكر معين انا وزملائى ان احنا لابد نعمل طفرة فى طاقات وامكانيات الانتاج الحربى فتبنينا فكرة نقل المصانع من داخل الكتلة السكنية ونخرجها بره فى منطقة ثانية واثنائها احنا بننتج بننقل بقى اطور كل الطاقات دى اجيب معدات جديدة
محمد صلاح : مش بتنقل المصنع زى ما هو بتستغل انك تعمل توسع بقى ؟
د/ سيد مشعل : توسع وانقل تقنيات جديدة معدات جديدة وازود طاقات وابتكرجديد فا باشيل على 3 او 4 محاور
محمد صلاح :سيادة الوزيرهوالافضل انه فى مجال الانتاج الحربى يعنى متخصصين فى صناعة ما الصواريخ او الذخائر اوالطائرات والا كل ما كان فى varaity كل ما كان ؟
د/ سيد مشعل : الموضوع مرتبط باحتياجات القوات المسلحة احتياجات القوات المسلحة فى الذخائر ايه فا انا لازم اطور نفسى فى انتاج الذخائر طبقا لاحتياجات القوات المسلحة محتاجة فى الاسلحة الثقيلة ايه اية اللى تقدر تجيبة من برة وايه اللى لازم اعملة عندى هنا فلازم اطور نفسى فى هذا الاتجاه احنا عندنا مجمع مبارك 1
محمد صلاح : فى بلبيس مش كده؟
د/ سيد مشعل : فى بلبيس وموجود مجمع مبارك 3 تخصصية كاملة فى مدينة كاملة للصناعات الحربية مجمع مبارك ده لما يقولى حضرتك فية اكثرمن 28 مصنع تكاملى مع بعضيهم لانتاج انواع الذخيرة والسلاح والحلام ده كله ده بيحقق هذا التكامل وبعدين وانا بانقل زى ما قلت لحضرتك باطور بقى باطور فى تقنيات باطور فى فى حتى التنمية البشرية نفسها البشرازاى اعمل لهم برامج اطور التركيبة العماليه اللى موجودة عندىوازاى ازود نسبة المفكرين والمهندسين والفنيين واعدهم اعداد ازاى ده برنامج طويل قوى مشينا فية والحمد لله احنا قطعنا فية شوط كبير جدا مجمع مبارك 1 جهز الافتتاح جهزافتتاح مجمع مبارك 2 شغالين فية يخلص سنة 2014 مجمع مبارك 3 للمتفجرات وخلافة والكلام ده كله اقترب يخلص فكل ده يعنى برنامج كبير جدا شغالين فية مش لازم بقى اطلع اقول انا باعمل ايه وباعمل ايه وباعمل ايه
محمد صلاح : محنا عرفنا بقى الموضوع ومافيه
د/ سيد مشعل : ما انا باقول لحضرتك اهولما جاءت الفرصة انا بتكلم وباقول لكن مش مفروض كل شوية اقول اناباعمل وباعمل وباعمل
محمد صلاح :سياد ة الوزير حتى المشتخصصين عارفين ان الدبابة الامريكية m1.a1 من زمان من فترة الدبابة الاكثر تقدما دائما فى العالم ليه الامريكان ادونا الامتياز ان احنا نصنع الدبابة المهمة الخطيرة دى
د/ سيد مشعل : هقول حضرتك حاجة يمكن بعد اتفاقية السلام اللى تم توقيعها احنا دخلنا فى تحديث طبعا القدرات بتاعت القوات المسلحة المصرية فا هما راوا ان احنا بدل ما نتوجة فى اتجاه اخر ليه مايدوناش دبابات من عندهم وكان فى طبعا انت عارف كان فى معونة امريكية بتغطى جزء منها معونة عسكرية وجزء من المعونة الاقتصادية المعونة الاقتصادية بتتقلص لكن المعونة العسكرية لازالت موجودة فى اطار هذه المعونة العسكرية هو بناخذ
محمد صلاح : كان فى ثقة اننا فى قدرات بناخذ وبنطلع دبابة ماتقلش عن اللى بتطلع فى امريكا ؟
د/ سيد مشعل :والله احنا شعب كويس قوى على فكرة عندنا مهندسين كويسين جدا والثقة فينا احنا ثقتنا فى نفسنا الاول وبعدين الثقة فينا بتاتى من ثقتنا فى نفسنا الحمد لله احنا بننتج هذه الدبابة وعلى مستوى لا يقل يمكن يفوق عن اللى بيتصنع فى الولايات المتحدةالامريكية ده حتى بشهادتهم هما وانت عارف اي دبابة بتختبر فا بتختبر من الجانب الامريكى ايضا وبتاخذ شهادة تقول الدبابة دى اختبرت وكده وبياخدوا كل شوية
محمد صلاح : اللى كان يحصل فى شركات السيارات
د/ سيد مشعل : بياخذوا عينة عشوائية بتتشاف وتختبر احنا كل هاداتنا بتقول ان دى على مستوى وخصائص اكثر حتى من اللى فا لأ احنا عندنا المصنع مصنع متطورجدا وعندنا مهندسين فاقوا نظرائهم وعندنا فنيين على اعلى مستوى عندهم يعنى الناس دى لما تتفرج عليها يا استاذ محمد عندهم يقين فى نفسهم كبير قوى وعندهم حب لهذ العمل وصدق مع النفس كبيرقوى قوى قوى فا دول هم ذخيرة بتاعتنا الحربية فى الانتاج الحربى احنا نحاول نحتفظ بيهم بكل علشان دول ثروة والخيرة ثروة من قدراتهم ده شئ لما تشوفة محسوب بالثانية بالكمبيوتركل يعنى حتى الفولت اللى معمول او الثقب اللى معمول فى حته عشان يخش فية المسمار محسوب محسوب ومحسوب الحسابات المتكالمة على الحواسب الالية مفيش حاجة تتعمل كده اجتهادى وبمهارات عالية جدا جدا فا طبعا دى انا باقول ان د ى ثروة مصرية كبيرة قوى ولذلك احنا بنطلع بنختبر الدبابة دى من اختبارات عده من القوات المسلحة ومواد تسليح واواوا والجانب الامريكى واواوا ما بتخشش شركتنا الا لما بتتوقع عليها اختبارات عاليه جدا
محمد صلاح : طب سيادة الوزير احنا عندنا مشكلة دائما مع الموتورمن الدبابة .
د/ سيد مشعل : المحرك
محمد صلاح : اللى هوالمحرك يعنى نصنع سيارات قطاع خاص يعنى دايما نجيب الموتور من الخارج ونقفل ونعمل كراسى ونعمل صاج والكاربراتير والريدياتير والحاجات اللطيفة دى ما بتتعمل هنا يعنى حتى الدبابة عندنا مشكلة فى حكاية الموتور الموتور بيجى مستورد من عند الجماعه الامريكان احنا عندنا مشكلة مع الموتور ليه حتى فى الغسلات وكل حاجة
د/ سيد مشعل : لألأ انا يعنى هفرق بين موتور الدبابة وموتور السيارة وموتورالغسالة والكلام ده كله لأ موتور الدبابة ده تقنية عاليه جدا واللى بيشتغل فى محركات الدبابات شركات معدودة على الاصابع ومش سهل بدا ان انا اخش فى دعم الاستثمار علشان اعمل محرك تلكلفة اعلى كثير جدا يمكن الصناعات دى فيها نوع من التكاملية فيها صناعات مغذية لوحضرتك بتقول وصناعات رئيسية ويعنى مثل الهيكل والبدل بتاع الدبابة والمدفع والجنزيروعجل الطريق كل ده احنا بنصنعة لكن لمابقى اجى اخش فى محرك دبابة انا هعمل كام امريكا تعمل استثمار فى الاخر 10 او 15 الف دبابة لكن انا مش هوصل لهذه الارقام يبقى استثمارى مش محلة والتكلفة تبقى اعلى لكن اقدر ابتدى من حتة من اكثرمن مكان يمكن انا اقول مثلا قدرة المحرك دى 1200 طيب انا هصنع ال 1200 ده كام كام محرك فى السنة
محمد صلاح : لازم تعمل انتاج ضخم جدا
د/ سيد مشعل : انا اقدراقول اجيبة من فين ومن فين ومن فين الحاجات بقى اللى فيها close box زى ما بيقول المغلقة شوية دى برضه احنا بنحاول من احيتناان احنا نفتح حاجات معينة باجتهادات خاصة من مهندسينا ونستطيع ان احنا نصل الى تقنيات محددة بالاتفاق مع الجانب الاخر
محمد صلاح : طبعا طب من ضمن التقنيات العالية صناعة المدفع واحنا بنعد للحلقة علشان نعرف الموضوع مع حضرتك متخصص قوى يعنى قرانا على شبكة الانترنت شهادات كثيرة من اطراف مختلفة فيها اشادات المدفع المصرى وبصناعة المدافع فى مصرمنين هنا جاءت الخبرة بالشكل ده ومنين جاءت الثقة من الخارج بالشك فى المدفع المصرى يعنى
د/ سيد مشعل : هقول لحضرتك حاجة يعنى زى ما انت قلت من شوية هى صناعة تراكمية ولما نبتدى من سنة حاجة وخمسين لحد الان انهارده فا تراكمية التقانيات وتراكمية الخبرة بتدينا هذا القدرمن الثقة لدى الاخرين وتنويع الانتاج نفسة والتطوير فية ادانا ثقة لدى الاخرين الحقيقةطبعا صناعة المدافع مصر صناعة متطورة وصناعة كويسة جدا ومش عايز اقول بقى يعنى ان احنا لو تركت الباب مفتوح نقدرنصدرلكل الدنيا لكن احنا لدينا قدرات الحمد لله لدينا الفنيين ولدينا المهندسين الاكفاء وتكاملنا مع قواتنا المسلحة بحوث القوات المسحلة هو ده اللى ادانا الدفعة يعنى احنا لينا برامج تكامليه مع القوات المسلحة احنا ما نقدرش نشتغل فى حاجة ونعملها الا القوات المسلحة تقول احناعايزين دى اوموافق على دى بعد الانتاج والاختباروالكلام ده كله البحوث مشتركة مع قواتنا المسلحة وبرامج البحوث المتتاليهمع قواتنا المسلحة هى اللى بتطور نوعية السلاح بتعنا وهى اللى بتدينا المقدرة وبتزيدنا خبرات اكثر واكثر اه صناعة المدافع فى مصر متميزةالحمد لله انا هديك مثل بسيط يعنى ماسورة الدبابة ماهى دى مدفع الدبابة .. احنا الحمد لله بنعملها فى مصر ودى اعلى انواع التقنية دى عشان تصنعها عمليه صعبة جدا يعنى دول كثيرة جدا من الدول الاخرى يعنى طلبن انها تاخذ التقنية دى او تتعاون معنا فى التقنية دى منها دول عربية دول اسيوية من ده كله احنا طبعا احنا بيبقى علينا يعنى برضه قيود فى ان انا التقينة بتعتى او اللهوى بتاعى ده ان انا اخرج ما اطلعهوش بسهولة لان انا وصلت له بعد لأا وجهد يعنى لدينا الخبرات التراكمية دى اللى هى مكنتا فعلا ان احنا بنستطيع الان ان احنا نجود حتى فى التصنيع يعنى
محمد صلاح : سيادةالوزير ينطبق ده برضه على الذخائر الذكية يعنى فى بعض الحروب اخيرا يعنى بدون ذكرها وذكر تفاصيلها سمعنا عن الذخائر اللى هى الذكية احنا فى مصر وصلنا للتقنية دى ونقدر نصنعها ؟
د/ سيد مشعل : والله احنا بنحاول ا نشاء الله هنوصل يعنى انشاء الله يعنى
محمد صلاح : سيادةالوزيرهنا يثار تساؤل حول الاستثمارات اد ايه الدولة بتوفر للانتاج الحربى الاستثمارات اللى بيعوذها فى التوسعات حضرتك بتتكلم عن الاراضى الاراضى موجودة اوكية الاراضى موجودة
د/ سيد مشعل : البشر كمان
محمد صلاح : البشرطبعا
د/ سيد مشعل : وتدريبهم وتاهيلهم والاستثمار فيهم جامد قوى
محمد صلاح : مش كده .. ايضا المكن والماتريل والمواد الرئيسية اللى حضرتك بتستخدمها الاستثمارات بتحتاجها ازاى بتلبى ليك ازاى ؟
د/ سيد مشعل : والله هقول لحضرتك حاجة يعنى طبعا انت عارف احنا دولة مؤسسات ودولة ما بتشتغلش كده اعتباطا دا ليها موازنة عامة بتتجهزكل سنة كل 5 سنوات فى خطة خمسية وفى الخطةالخمسية بتناقش احتياجات كل وزارة من وزارات الاستثمارات احنا احتياجتنا بتتناقش وبنقول عايزين عمل كذا وكذا وكذا
محمد صلاح : احيانا بيطلع الوزير يقولك ما اختش وكدهيعنى
د/ سيد مشعل : لأ ما ختش لأ الحقيقية طبعا انا باقول
د/ سيد مشعل: مختش لأ
محمد صلاح :اوكان عايزياخد حاجة بسيطة يعنى لأ يا سيادة الوزيرفى وزارات اتقللت عن السنة اللى قبلها يعنى
د/ سيد مشعل:انا لا اذكر هى طبعا بالنسبة لى انا شخصيا مفيش حد جه علي وقلل لى الاستثمارات
محمد صلاح :ما حصلش ؟
د/ سيد مشعل: ما حصلش
محمد صلاح : الحمد لله
د/ سيد مشعل:الحمد لله انما طبعا لما حضرتك بتخطط تخطيط سليم لمسافة 5سنوات لمدة 5 سنوات ومقسمها سنة بسنة وهتعمل كذا وكذا كل سنة وبتتعاقد فى التوقيت المحدد بالزمن المحدد هخلص فية تلتزم به الدولة بتلتزم معاك لكن انا لما اجى اخطط بطموح اكبر من الامكانيات فدة طبعا برضه شئ يخلى الدولة بتخلى بالها لكن ساعات بتيجى حاجات ملحقة جدا على بعض الوزارات يعنى يعنى يحدث مثلا اشتباه فى المية فى الصرف فى كذا فده بيفرض على وزارات زى وزارة الاسكان مثلا سيادة الريس ادى توجيهات مثلا خطة الصرف الصحى فى القرى وده كان مشروع كبير جدا فرض على وزارة الاسكان انها لابد تتقدم بخطة عامة شاملة هذا الكلام فا بتبقى فى خطط عاجلة بتتعمل والاستثمارات بتبقى كبيرة فعلا استخدام الاستثمارات عندنا الحقيقة فى الانتاج الحربى مخطط ليها لمسافة 5 سنوات لمدة 5 سنوات سنة بسنة سنة بسنة والمسالة مستقرة انا على قدر فترة تولى المسئوليه خطتين خمسيتين ما طلبتة اخذتة يمكن زت شوية كمان عنه يعنى الحمد لله
محمد صلاح : وكل ما تزيد احنا هنتبسط والناس هتتبسط
د/ سيد مشعل: انا اعتقد ذلك يعنى
محمد صلاح :سيادة الوزير مين بينافسنا فى الصناعات العسكرية او الصناعات الحربية يعنى ده كل صناعة بتتحول الى تجارة بيكون فى سوق موجود يعنى واحد بيشترى من برة مؤكد يعنى اللى ما نقدرش نصنعة هنا وفى اذا فى امكانيات زى ما حضرتك قلت للتصدير بتتم وفقا للاعتبارات السياسية احنا فين من كوريا ومن ايران ومن تركيا احنا فين من الدول دى على مستوى القدرات والانتاج
د/ سيد مشعل: اولا يعنى هقول لحضرتك حاجة لو نتكلم عن التصدير والا قدرات وانتاج
محمد صلاح : الاثنين احنا بنتكلم عن الاثنين
د/ سيد مشعل: طب خلينا نتكلم عن القدرات والانتاج وبعدين قضية التصدر ده موضوع ثانى ... لأ الحمد لله احنا مرتبطين فى انتاجنا وقدراتنا وبناء قدراتنا على احيتاجات قواتنا المسلحة بالدرجة الاولى ايه اللى بتحتاجة قواتنا المسلحة وانتج ايه واستثمر فى ايه علشان اوفر هذه الاحيتاجات دى الاساس عندنا ودى بتخضع لحسابا كثيرة جدا من داخل القوات المسلحة بيقدر العدو فين وامكانياتة ايه وانا هاوجهه ازاى العدو ده بيمتلك ايه وما يمتلكش ايه وانا لازم فى المقابل امتلك ايه والكلام ده وبيقدر هذه الاحتياجات فى داخل القوات المسلحة وبيخطرنا اللى احنا نقدر نصنعة له من الكلام ده ايه واللى بنقدر نوفرة له من الخارج ده اللى بيخلينا نبنى القدرات وبنخطط على بناء مثل هذه القدرات هى احيتاجات القوات المسلحة والتحديات اللى هتواجهها فى المراحل المختلفة فى ناس بتبنى قدراتها على اساس انها بتتاجر فى السلاح نحن لسنا
محمد صلاح : مش احنا
د/ سيد مشعل: احنا مش تجار سلاح اللى عاوز يتاجر فى سلاح بيستثمر اكثر وبيدفع اكثر وبيدخل فى منافسات مع قدرات اكبر منه اقل منه او او او بيدخل فى السوق العالمى لتصديرالسلاح وبيبص هيصدر لفين ولمين وبيعمل حساباتة على هذا الاساس احنا بعيد عن الكلام ده خالص
محمد صلاح : سيادة الوزير البحث العلمى فى مصر فية مشاكل ياما دايما فى كلام على انه مخصصات وبتروح مكافات ومرتبات وانه الابحاث عادة بتترمى فى ادراج او بتتعلق فى ارفف او موجودة زى ديسكات اوعلى فلاشات او على عرضات دسكات على اجهزة كومبيوتر يعنى مش مستفيد انما الصناعة الحربية والصناعة العسكرية امر مختلف لان كل يوم فى تطوير فى وسائل جديده نوعيات الحروب اللى بتتم يعنى منظومة محتاجة بحث علمى اول باول
د/ سيد مشعل: دائم مستمر
محمد صلاح : الحكاية دى ماشية فى الوزارة؟
د/ سيد مشعل: اناهقول لحضرتك حاجة يمكن انا قلت لحضرتك فى بداية كلامى ان احنا لنا برنامج بحوث متكامل عن قواتنا المسلحة
محمد صلاح : بتسبق الاسئلة اعمل ايه انا بقى ؟
د/ سيد مشعل: لأ ما اقصدش لكن هى لما سعتك بتسال لينا فعلا برنامج متكامل مع قواتنا المسلحة فى البحوث .. ولدينا مراكز بحوث متخصصة القوات المسلحة وبنتكامل معها بمراكز بحوث متخصصة ايضا فى الانتاج ا لحربى تتعلق بالعمليه الانتاجية ازاى ونتطور ازاى لنا مركز تميز علمى كبير جدا فى بيشتغل باسلوب مختلف تماما عن الاساليب اللى موجودة حديثة احنا بنشتغل زى مابيسموها warking groupsمجموعات العمل المتكاملة يبقى فى راجل ريس لهذه المجموعة بتتشكل لمجموعة طبقا للمشروع والمجموعة دى اللى بتتشكل طبقا للمشروع بالاشتراك مع القوات المسلحة المصرية مثلا بنقول ان احناعايزين نزود دانه من الدانات عايزين نزود المدى بتعها بتوصل الى 15 كيلو عايزين نوصلها الى 40 فا بنشكل مجموعة هذه المجموعة مسكة هذا المشروع بتاخذه لفترة زمنية محددة نهاية هذه الفترة الزمنية بتكون الدانة ديت وصلت من 20 كيلو الى 40 كيلو واحنابنعمل هذا الكلام على كافة مستويات البحوث لازم فى النهاية يكون البحث بهدف وبيطلع نتيجة فى الاخر توصل لحد مايسمى zero lot او الفرش التجريبى او الكمية التجريبية بنشوف بقى طبقا لاحتياجات القوات المسلحة بعد ما طورنا دى بندخل فى مرحلة الانتاج لكن بنوصل بقى الموضوع للاخر الى ما يسمى رخصة الانتاج رخصة الانتاج دايما بيتحط فيها جميع مراحل البحث اللى مشيت دى وجميع المواصفة دى وصلت الى ايه والذخيرة دى انا وصلتها الى اية والنتائج بتعتها ايه والرماية بتعتها ايه لا انا عندنا البحوث بتعى بالتطبيق هوصل فى الاخر الى مرحلة تطبيقية معنديش بحث نظرى بحث نظرى ما يلزمنيش
محمد صلاح : فى احتكاك بالاخرين يعنى فى بعثات خارجية مثلا ؟
د/ سيد مشعل: طبعا
محمد صلاح : لان دى صناعة بتتطور لان لقيت كرة يعنى كل ما احتك بالاخر انت ليك فى الكرة جامد انا عارف مشجع زملكاوى هههه
د/ سيد مشعل: معلش يعنى
محمد صلاح : درجة اولى بس ده موضوع تانى يعنى ؟
د/ سيد مشعل: ده موضوع تانى
محمد صلاح : خلينا بقى فى الانتاج الحربى يعنى ؟
د/ سيد مشعل: هقول لحضرتك حاجة يعنى الانتاج الحربى لازم يكون عندك المجموعة اللى انا باتكلم عليها دى احنا عندنا برنامج لاعداد الناس العمليه البحثية احنا عندنا 180واحد الان فى الجامعات المصرية للحصول على درجات الماجستير والدكتوراة احنالدينا اكثر من 80 دكتور متخصص فى داخل الانتاج الحربى احنا لينا بعثات بصفة مستمرة بتسافر الى الخارج فى فرنسا فى امريكا فى فى المانيا فى فى انجلترا فى فى كوريا فى فى كل بلاد الدنيا لنا ناس مكنوش رايحين علشان يعملوا بحوث هما رايحين علشان يكتسبوا خبرات ونقل تكنولوجى فا احنا لينا كثير جدا انا مش عايز اقول لحضرتك احنا لينا اكثر من 200 / 300 واحد على مستوى العالم بتعلموا فى ايه وفى ايه وبتعلموا مروعات ايه ومشروعات ايه يعنى دى الاحتكاك بالدنيا بنكسب الخبرات وبنكسب القدرات وهنا احنا ماشيين فى برنامج متكامل بهذا الشكل داخليا مع الجامعات المصرية لنا برامج ولنا اتفاقات مع كل الكليات كليات الهندسة من القاهرة فى جامعة عين شمس جامعة حلوان كليات العلوم فى جامعة القاهرة فى جامعة حلوان انما منتشرين فى كل هذه الجامعات بناخذ الاولاد الصغيرين بنديهم القدرات ديت بنديهم درجات علمية يتعلموا يعلموا البحث ازاى والكلام ده كله عندنا معامل متخصصة بقى من الكلام ده كثير جدا يعنى احنا بنعمل معمل اسمة معهد conbozet انهارده conbozet material دى المواد المركبة بيسموها فدى المواد دى دلوقتى المعمل بتعها بيتكلف مش اقل من 150 مليون جنية فدى احنا بنعمل استثمار فى هذا معمل جديد اول مرة بيتعمل فى مصر طبعا فا الاولاد بيتعلموا على الكلام ده بيسافروا برو وبياخذوا خبرات وبيجوا فى برامج شغالة فى هذا الكلام عندنا معمل جديد بنعملى للنانو تكنولوجى وادخال المواد وحط المواد فى صورة النانو علشان تبقى تكسب خبرات وخواص جديده .. وخواص جديدة بتمكننا من ان احنا نعمل مثلا دروع بشكل معين تبقى خفيفة وصلادتها اعلى بنعمل حاجات كثيرة قوى كبيرة يعنى
محمد صلاح : عاوز ايه الموضوع كبير؟
د/ سيد مشعل: ما انا باقول لحضرتك يعنى هنفتح مش هخلص يعنى
محمد صلاح : الموضوع كبير قوى خليك معايا لسة الكلام ما خلصش
د/ سيد مشعل: تحت امرك يا استاذ محمد
محمد صلاح : لسة الكلام ما خلس الموضوع كبير قوى
فاصل
محمد صلاح :ده الموضوع طلع كبير قوى وبالتالى واحنا مع نهاية سنة وبداية سنة جديدة من حق الناس انها تاخذ جرعة تفاؤل والا ايه سيادة الوزير احنا عاملين تقرير صغير كده عن الخدمة المجتمعية للمصانع الحربية نشوف ونتناقش فى الموضوع ؟
د/ سيد مشعل: تحت امرك
محمد صلاح : نشوف المصانع الحربية بتخدم المجتمع اللى هى موجودة فية ازاى وبعدين نرجع لسيادة الوزير ؟
تقرير
تقوم المصانع الحربية بخدماتا للمجتمع المحلى المحيط بها ومن ذلك ا لمركز الطبى التخصصى للانتاج الحربى فى مدينة حلوان كمدينة طبية متكاملة يتكون من 230 سريروثمانى غرف للعمليات الكبرى واجنحة متطورة للاشعة والتحاليل فى مختلف التخصصات والغسيل الكلوى وبنك للدم والتدخل فى انشاء خطوط المخابز الاليه ومستلزمات القرى من شبكات الصرف الصحى وانشاء نادى رياضى واجتماعى فى عرب ابو غنيم - يضم استاد وملاعب وورش تدريب مهنية ومعمل حاسب الى وصالة افراح وملحق به مجموعة من العيادات الخارجية التى تقدم خدماتها لاهالى المنطقة
فاصل
محمد صلاح : الحكاية مش دبابات بقى ومدافع وذخائر وبس سيادة الوزير يعنى مصر فيها مشاكل كثير بحكم ارتفاع اعداد سكانها واسباب تانية مش عايز اقولها معاك باقولهامع الوزراء التانيين يعنى المسئولين
د/ سيد مشعل: لأ قول سعتك انا تحت امرك
محمد صلاح : هقول لما يجوا بس هقولهم سيادة الوزير فى مشاكل انا اتصور ان الوزارة بما فيها من امكانيات ضخمة فى البحث طبعا واحنا بنشتعل علشان نعد للحلقة مع زملائى فريق الاعداد فى مشاكل زى مثلا ازمة القمامة المشاكل اللى بتتعلق بالتلوث والسحابة السودا كان موجودة ومشيت قريبا يعنى سيادة الوزير ايضا الصرف الصحى مشكلة العيش اللى كل فترة بتطلع دى مشكلة الانبوبة
د/ سيد مشعل: عارف
محمد صلاح : انا قرات ان لكم فى الكلام ده بس عايز اسمع منك تفاصيل
د/ سيد مشعل: احنالينا باع طويل قوى فى الحاجات دى كلها وانت سيتك قلت اكثر من مشكلة ولو انا ابتديت بقضية القمامة واقول لحضرتك ان احنا كان لينا برنامج ولازال يعنى ل65 مصنع لتدوير مخلفات القمامه
محمد صلاح : المصانع دى شغالين دلوقتى ؟
د/ سيد مشعل: شغالين يا افندم
محمد صلاح : مش محتاجين ماده مش محتاجين زبالة مليه الدنيا ماهى موجودة ؟
د/ سيد مشعل: لأ ماهو طبعا احنا
محمد صلاح : عندكوا اه
د/ سيد مشعل: احنا عايزين نعمل يجى 300 / 400 مصنع عشان نلم بقى القمامة
محمد صلاح : عندنا قمامة كثير .
د/ سيد مشعل: كثير يعنى معرفش اية اللى حصل
محمد صلاح : ايه اللى عمل كده؟
د/ سيد مشعل: مش عارف يعنى بقت المخلفات بتاعت الشعب المصرى كثير قوى ليه كده مش عارف يعنى الاستهلاك كثير فا احناعامين 65 مصنع وبنتعامل دلوقتى مع المحافظات فى كل محافظات مصر احنا عاملين مصنع
محمد صلاح : ايه تدوير القمامة يعنى ازاى ؟
د/ سيد مشعل: يعنى هى بتيجى تروح القمامة بتتنظف الجزء البلاستك بيتشال الجزء الصفيح بيتشال
محمد صلاح : بره ده بيتصنف وهما بيروموا الزبالة اصل انا لسة جاى من اليابان تحت البلاستك فى حتة وتحط الورق فى حتة ده بيجى بقى كله مع بعضة عندنا ؟
د/ سيد مشعل: المفروض من عند المواطن يبقى يتصنف لكن بيروح بيروح الحقيقة بيروح لوحدة مع بعضة فا بيدخل فى مرحلة تصنيف وبيروح مثلا الحديد ده او ا لثصفيح ده على مكبس بيتكبس الزجاج بيروح على مجرش بيتجرش او بيتاخد يتصنف الحاجات ال wated بقى والطرية بتتاخد بتتفرم وبتتحك تتخمر بطريقة معينة تتحول الى اسمده عضوية فدة عمليه تدوير المخلفات بيطلع بعد كده جزء منها بيتحط فى مدافن صحية فى منظومة متكاملة للتعامل مع القمامة يمكن شارك فيها وزير البيئة وزارة البيئة وبتتعامل مع باقى الوزارات احنا كا قوات انتاج حربى بنتعاون فى هذا احنا اشتغلنا مع وزارة البيئة فى الجزئية دى وعملنا هذه المصانع المصانع حوالى 24 مصنع اخرين غير مخلفات الارز وعشان السحابة السودا دى - واشتغلنا فيها وعملنها وبنكبسها وبنحولها ساعات برضه الى
محمد صلاح :بس احنا محتاجين برضه سيادة الوزيرلتطويراكثرواكثر واكثر .
د/ سيد مشعل: احناعاملين المصانع ده جزء من الحاجات دى
محمد صلاح : الانبوبة بقى عشان احنا دلوقتى فى موسم الانابيب.
د/ سيد مشعل: موسم الانابيب ده عندنا مصنع بينتج مليون و200 الف انبوبة فى السنة مليون و 200 الف انبوبة
محمد صلاح : كله ده علشان بيرموا الانبوبة من فوق من فوق العربيات على الارض
د/ سيد مشعل: حضرتك انت تعلم ان عدد ا لانابيب المتداولة فى مصر تجاوز 70 مليون انبوبة تخيل
محمد صلاح : يعنى تقريبا انبوبة لكل مواطن يعنى؟
د/ سيد مشعل:تخيل ما انا باحكى لحضرتك شئ عجيب جدا يعنى فا الله يكون فى عون وزارة البترول علشان توفر كل هذا الكم لتداول مثل هذه الانابيب وتعبئتها وملئها والكلام ده كله فااحنا فى الانابيب بننتج انابيب زى ما باحكى لحضرتك اهومنظمات المحابس بتاعتها احنا برضه بننتجها بالكامل وبالاتفاق مع وزارة البترول وشركة بترو جازالحقيقة احنا لينا منظومة متكاملة عملنها مع وزارة البترول ومن يوم احنا ماتولينا تقنية المحابس والحاجات دى يمكن ما بتسمعش الحمد لله
محمد صلاح : طب اناهقولك المنظم بتاع المصانع الحربية حلو ؟
د/ سيد مشعل: حلو ههه ما تقول لنا هذا ما بتسمعش عن انفجارات ولا ولا ولاكان فى فترة من الفترات حصل استيراد وحصل فيها مشكلة ورجعنا واحنا بنصنع عندنا دلوقتى
محمد صلاح : بالضبط العيش بقى يا سيادة الوزير
د/ سيد مشعل: احنا منظومة صناعة الخبز برضه يمكن وزارة الدكتور نظيف تبنت فكرة ان احنا نعمل مجمعات خبز للمحافظات ليه علشان نوفركمية الدقيق دى المتداولة اللى بتتصرب او او او لو كان هناك فى كل محافظة مجمع خبز متكامل ينتج على الاقل 2 مليون رغيف فى اليوم هيحل مشكلة كبيرة جدا جدا
محمد صلاح : ولا اد ايه راح للمخبز وصربة ولا اى كلام من ده اه ؟
د/ سيد مشعل: احناعملنا دلوقتى هذه المخابز احنا شغالين دلوقتى عملنا فى السويس مخابز عملنا فى المنيا مخابز عملينا فى اسكندرية مخابز عملنا فى بورسعيد واسماعليه مخابز بنعمل فى سوهاج دلوقتى بنشغل فى اسيوط وبنعمل مخابز على مستوى المحافظات بنعمل المخابزالمجمعة الكبيرة قوى دى مع وزارة التضامن الاجتماعى ودى برضه الحاجات اللى احنا بنضيفها احناعندنا كانتاج حربى او طاقة موجودة فى الانتاج الحربى يمكن استخدامها فى عمليات ا لتصنيع والتركيب والكلام ده عادى فى المخابز بنشتغل فى المجازر بنشتغل فى مصانع تدوير
محمد صلاح : فى الانابيب والسحابة السودا؟
د/ سيد مشعل: فى الانابيب
محمد صلاح : عندى سؤال هنا يا سيادة الوزير من زمان دايما كان فى ثقة فى انتاج الادوات المنزليه اللى من المصانع الحربية يعنى يقولك ده جايب بوتاجاز من المصانع الحربية غسالة مصانع حربية مروحة مصانع حربية وفى ثقة بس محدش سالك مرة انت بتنافس القطاع الخاص فى الحاجات اللى زى كده يعنى ما بقى فى دلوقتى قطاع خاص وبقى فى مجتمع ليبرالى وفى مجتمع حر والمصانع شغالة ايه اللى يخلى وزارة الانتاج الحربى بتعمل دبابات وبتعمل الذخيرة الذكية وبتعمل الحاجات الصعبة دى والمدافع واخذت شهرة عالمية دلوقتى تعمل بوتاجازات ليه
د/ سيد مشعل: والله هقول لحضرتك حاجة ميراث احنا واخدينة من زمان يعنى احنا من زمان لو حضرتك تفتكر طبعا السن ما يسمحش
محمد صلاح : لأ يسمح ايام البوتاجاز اللى هو كان 3 عيون 2كبار وواحدة فى النص صغيرة
د/ سيد مشعل: بالضبط كده
محمد صلاح :عارفها
د/ سيد مشعل: كانت جهة واحدة اللى بتنتج هذا الكلام المصانع الحربية
محمد صلاح : بالضبك
د/ سيد مشعل:وكان معاهم كمان شركة ايديال كمان بتشتغل وماكنيش فى حد يقولك بوتاجازالمصانع غسالة المصانع سخان المصانع كده يعنى وكان بيتحجز .. وتنتظر فترة علشان يجيلك الدنيا اتغيرت ومصر اتغيرت كثير بقى فى طاقات وقدرات وامكانيات موجودة فى القطاع الخاص بنافس ليه ما بنفسش احنا بنحافظ بس على الاسم بتعنا بنحافظ على الجودة بتعتنا بنحافظ على ان احنا نتواجد فى هذا السوق مش منافسين ولكن منظمين calegrator زى ما بيسمونا على اساس ان احنا نبقى موجودين لكن احنا لا نمثل اكثر من 5%
محمد صلاح :امتى بقى يبقى عندنا طيارة مقاتلة ؟
د/ سيد مشعل: انشاء الله على فكرة صناعة الطائرات لما تيجى ترجع لها بصراحة كده تلاقى كام دولة فى العالم بتنتج طيارة
محمد صلاح : قليلون
د/ سيد مشعل: امريكا روسيا والاتحاد الاوروبى مع بعضة والصين .. الصين حتى يعنى مش
محمد صلاح : ادارة هلة عايزين معاهم مصر ايه رايك
د/ سيد مشعل: انشاء الله بقى فى احنا بنتكلم فى استثمارات عاليه جدا جدا جدا وامكانيات عاليه جدا جدا علشان تصنع طيارة حديثة دلوقتى حاجة كبيرة جدا يعنى لكن طبعا هناك اجتهادات
محمد صلاح : يظل احنا طالما عندنا صناعة بالحجم ده
د/ سيد مشعل: هقول لحضرتك حاجة الهيئة العربية للتصنيع يا استاذ محمد بتعمل طيارة دلوقتى k8 ودى طائرة مقاتلة ايضا ومع الصين وبستخدم فى تدريب الطيارين وبتستخدم ايضا فى مهام القتال الارضية فدى احى النوات الكويس جدا للجهود لصناعة طائرات وانشاء الله يكون صناعة طائرة بدون طيار شغالة والدنيا ماشية مش واقفة
محمد صلاح :الدنيا ماشية فى التصنيع الحربى كل سنة وحضرتكوا طيبين نهاية سنة وبداية سنة جديد خدنا جرعة تفاؤل وقال وزير الانتاج الحربى الدكتور سيد مشعل كلامة معانا انهارده كان كلام جميل كلام معقول اكيد كان كلام مسئول خلص الكلام سلام .. نلتقى فى الحلقة المقبلة
د/ سيد مشعل: انشاء الله
محمد صلاح : نورت يا سيادة الوزير
د/ سيد مشعل: انا بشكرك