«شرين الجيزاوي»: أنا عايزة المجلس العسكري يتدخل للإفراج عن «أحمد» عشان ميلومناش بعد كده على رد فعلنا

قالت «شرين» شقيقة المحامي والناشط الحقوقي «أحمد الجيزاوي» لبرنامج الصورة الكاملة على قناة أون تي في: أنا كل الي أعرفه عن أخويا لحد دلوقتي هو انه موجود في سجن اسمه سجن «تهمال».

وأضافت «شرين» محدش من الدولة عايز يتحرك معانا ولا يتفاعل معانا النهاردة عملت بلاغ للنائب العام بطالبه فيها بالكشف عن مصير أخويا، ورحت لوزير الخارجية عشان يتدخل وقال لي لسه السفير المصري هناك هيبدأ يتحرك بكره الساعة 1 ظهراً.

وعن تحركات البرلمان وما قدمه النواب اليوم من طلبات.. قالت «شرين»: مع احترامي لمجلس الشعب ونوابه أنا عايزة سلطة بلدي المتمثلة في المجلس العسكري هما الي يتدخلو.

مش دا المجلس الي وعدنا بحفظ كرامة المصريين!.

فين الاستقرار والأمان الي المجلس وعدنا به؟.

عايزة المجلس العسكري يتدخل عشان ميلومناش بعد كده على رد فعلنا.

واختتمت «شرين» حديثها قائلة: أنا نازلة بكره عند سفارة السعودية الساعة 12 ظهراً في وقفة سلمية أطالب بالافراج عن أخويا.

وقال المحامي ناصر أمين رئيس مركز استقلال القضاء في مداخلة هاتفية مع البرنامج: هذه القضية ليست بالجديدة على النظام السعودي ولن نقبل بأي إهانة لمصري بعد الثورة حتى لو تقاعست الحكومة.

وقال ناصر أيضاً: لو معرفناش نجيب حق أحمد من السعودية هندول القضية بتاعته.