شعبان عبد الرحيم يغني:"انا صوتي من الأول عالي دايما في الوش بقول"

انتهى شعبان عبد الرحيم من تسجيل أغنية جديدة بعنوان "اهم حاجة مصر" من كلمات اسلام خليل ومن المقرر ان يقوم بتصويرها فيديو كليب اليوم الأثنين، وتقول كلمات الأغنية: "اهم حاجة مصر.. يا شعب خلي بالك اهم حاجة مصر.. واللي بيحب مصر ميخربش مصر.. خلاص بقى كله باين وخدنا حقنا.. وعرفنا كل خاين كان عايش وسطنا.. عرفنا مين سرقنا وازاي وقد ايه.. عرفنا مين خدعنا ومصعبناش عليه.. الشعب المصري لما بيقوم وينتفض لازم يرجعله حقه ولا يمكن يترفض.. انا زي ناس كتير بتضايق واتحسر.. لو شفت راجل كبير قدامي بيتكسر.. انا عمري ما كنت بوافق على غلط ولا غش.. ولا بتغير ولا انافق ولا زي الي الي بمية وش.. انا ياما عملت اغاني انا ياما حاربت فساد.. ياما شفت غلابة بيموتوا ووقفت لوحدي حداد.. انا صوتي من الاول عالي دايما في الوش بقول.. مطلعتش بعد المولد ولا طبلت لمسئول". يذكر أن هذه هي ثاني أغنية لشعبان عبد الرحيم بعد الاحداث الاخيرة حيث سبق وقدم اغنية بعنوان "25 يناير".