أحمد عفيفي يكتب : هى دي مصر يا «ولاد الهبلة» !!

ولاد الهبلة كتير في هذا المشهد السياسي الحادث الآن .. بس حبدأ ب اوباما .. ومنه حادخل على كل أهبل ابن أهبل فاكر ان مصر ممكن تنكسر او يتلوي دراعها .. خلينا في اوباما الأول .. وعشان نعرف هو ليه حيتجنن م اللي حصل .. لأنه حيكشف للشعب الأمريكي نفسه ان رئيسه رئيس " عِرة " أهبل وابن هبلة .. كان فاكر زي ناس هِبل كتير ان الاخوان تنظيم قوي شديد البأس .. له تاريخ طويل وجذور ثابتة في أعماق الأرض .. فاتضح ان القوي بجد وشديد البأس بجد هو الشعب المصري .. في أربعة أيام أطاح بمرسي وأرعب الجماعة كلها بكارت احمر وورقة .. مش الجماعة بس .. اعطى درسا لشعوب العالم كلها وأنظمته .. كيف تطيح بديكتاتور وجماعة إرهابية من غير ما تشيل سلاح .

اوباما عارف كويس اوي ان الإخوان " المجرمين " شوية عصبجية .. وعارف انهم عايزين يتنسفوا م الوجود .. وعارف ان قتله لبن لادن ، هو الكارت اللي ربح به فترته الرئاسية التانية .. بس عنده أمن اسرائيل الأهم ، وممكن يتحالف مع الشيطان لو حقق له هذا الهدف .. وبدل شيطان واحد لقى يجي ميت شيطان .. شياطين جهنم وحطبها .. لقاهم في جماعة بارك احتلالها لمصر عشان خاطر عيون اسرائيل .. ضمن بيهم ان حماس بدل ما تقتل وتحارب العدو الطبيعي بتاعها .. قال جاية " بنت الجزمة " تحارب مصر .. واكتر من كده .. وحسب كلام د – عبد الرحيم علي المتخصص في شئون الجماعة للميس الحديدي .. دفع 9 مليارات دولار لمكتب الإرشاد قصاد ان مرسي بتاع ربنا وبتاع قال الله وقال الرسول يسيب مساحة كبيرة من سيناء لحماس وغزة .. بحيث تتوسع اسرائيل وتحل صاحبة الأرض الحمساوية الغزاوية .. 9 مليار دولار من امريكا للجماعة .. على حساب مين بقى ؟ .. على حساب ارض مصر .. سيناء اللي ارتوى ترابها بدم من حارب ودافع عنها ليستردها .. شوفته الفُجر والعُهر السياسي .. طيب اذا كان اوباما بما انه امريكاني ويعشق اسرائيل لا لوم عليه في تفكيره وإطماعه القذرة لكسر هيبة الدولة المصرية .. ومع ذلك هو فاجر وداعر كمان .. طيب نقول ايه على اللي وافقه على النجاسة دي وقبض التمن .. اقصد مرسي ومكتب الإرشاد او اعكسها .. مكتب الإرشاد ومرسي .. والاتنين زبالة عايزين يتنفخوا ويقعدوا على خازوق قصاد كل المصريين في المقطم مش ميدان التحرير .. الطاهر الشريف اللي ميحضنش غير عياله ورجالته الجدعان .. ويتّطهر ويزيد تألقا وانبهارا بدماء من يسقط منهم شهيدا .. لكنه يرفض ان تنزف دماء نجسة فوق أرضه .. فليعُدم من باعوا البلد بعيدا عنه .. " وليشهد عذابهم كل المصريين " .

عموما .. الكونجرس الأمريكي ضرب اوباما على قفاه ونعته براعي الإرهاب والإرهابيين ، مؤكدا ان ثورة مصر ثورة شرعية جاءت بإرادة شعب وليست انقلابا عسكريا كما يزعم البعض الذي يريد تلويثها ، غير مصدق ان هذا الشعب اللي عمره 7 الاف سنة شعب جبار .. اللي عايزه .. يكون على رقبة التخين .. " يقول انا الشعب والمعجزة .. انا الشعب لاشىء قد اعجزه .. كل الذي قال انجزه".. اما عن المعونة الأمريكية فمش عايزينها يا ننوس عين مامتك يا اوباما .. في اسبوع واحد جبنا قدها عشر مرات .. ولو انت عايز .. تعالي وخد على قفاك!!.

تعالوا بقى للأهبل الكبير .. المرشد العام بتاع الإخوان اللي لبس " مرة " عشان يروح عند رابعة العدوية وينفخ في الجير ليشعل البلد ويموت بسببه يجي أربعين واحد من الجانبين .. المسألة عنده دلوقتي مش الحكم ولا التمكين .. هو عايز يضمن سلامته وعارف انه لو اتمسك حيقضي بقية عمره في السجن .. وبدل ما حد يبوس ايده .. حيلاقي مليون ايد رزعته على قفاه .. وبدل ما حد يوطي يلبسه الجزمة .. حيلاقي مليون جزمة اتحدفت في وشه .. لانه ببساطة واحد خاين .. مضلل .. كداب .. يستاهل كل واحد حر في البلد دي " يتف " عليه!!

طيب الشاطر واهو اتجرجر من قفاه ع السجن .. وابو اسماعيل اتقبض عليه وسط زغاريد كل جيرانه اللي فهموا مؤخرا ان الدقن اللي مربيها دقن "عيرة " .. نسي يربي نفسه قبل ما يربيها .. وادي سي مرسي تحت الإقامة الجبرية .. بيجيبوا له " بامبرز" حجم عائلي من هلعه وخوفه م اللي حيحصل له .. وواحدة واحدة .. كل يوم يسقط واحد .. لحد ما البلد تنظف تماما من الأشكال الوسخة .. الغريبة علينا كلنا.

لكن لسه شوية لامؤاخذة في الكلمة " ش...... " عند رابعة .. يصحوا الصبح يعملوا طابور الصباح ويتدربوا بالسنج والمطاوي عشان يخوّفونا .. وشوية " ش.... " زيهم بالضبط عند جامعة القاهرة .. منظرهم يموّت م الضحك .. ويموّت برضه من الحسرة على شباب مصري .. مضحوك عليه باسم الدين والاسلام.

هما دول بتوع ربنا .. هما دول اللي رموا عيلين صغيرين من فوق سطوح عمارة .. اتشطروا على عيلين اكبرهم عنده 16 سنة .. واللي منهم مضحوك عليهم برضه وعنيهم متغمية راحوا عند ماسبيرو عشان ينغّصوا ع الثوار فرحتهم ونشوتهم .. فطلعت عليهم " نسوان " بولاق ابو العلا بالجلاليب والشباشب واترزعوا علقة يحلفوا بيها العمر كله!.

اتلموا بقى يا شوية قباقيب .. يا جزم قديمة .. فوقوا بقى .. الكبار بتوعكم بيفكروا يهربوا ازاى .. وسايبنكم انتم في الشارع تقتلوا أهاليكم .. عشان تدخلوا الجنة .. يخرب بين دماغكم الوسخة .. اللي مليانة " .... " .. حتكلوا منه لحد ماتولوا كفاية .. حرام !!