« تمرد » تنشر عبر موقعها الإلكتروني تنبيهات هامة حول 30 يونيو

قامت حملة تمرد بنشر مجموعة من التنبيهات الهامة عبر موقعها الرسمى على موقع التواصل الإجتماعى " فيس بوك " حول يوم 30يونيو
وذلك حرصاً منها على سلامة المتظاهرين وتوحيد الصف بينهم ومن هذه التعليمات مايلى :-
_1النزول بموبيل مشحون كهرباء ومشحون رصيد
_2النزول بملابس عادية وواسعة.
_3سوف يتم توزيع ارقام موبايلات للمحاميين ومراكز حقوقية عشان لو اتمسكت تكلمهم.
_4 اكتب ورقة وحطها فى جيبك فيها رقم موبايل اقرب حد ممكن يلحقك لو حصلت حاجة.
_5خلى كل تركيزك مع عربية الهتاف او الاعلام اللى هنعلن انها مسؤولة عنالمسيرة
_6 اسمع كلام مجموعة التنظيم والتأمين اللى هتكون حوالين المسيرة.
_7 أول ما تسمع هتاف سلمية اعرف ان فى حد بيهجم علي المسيرة لو مش هتشتبك وتدافع عن نفسك وعن المسيرة خليك فى الامان وما تجريش وتسيب المسيرة
_8 اول ما تسمع هتاف ايد واحدة اعرف ان فيه مندسين فى وسطنا بيهدوا ريتم الهتاف اسكت وما تهتفش وراه ولو تقدر تسكته سكته
_9 مطلوب التزام كامل بالهتاف اللى هيطلع من قائد المسيرة .
_10لو حصل اشتباك فى المسيرة زى ما تفقنا اقف ورا العلم الاسود اللى مكتوب عليه بالاحمر المجد للشهداء ده هيكون نقطة الامان
_11لو حصل هجوم من الشوارع الجانبية نمشى فى مجموعات ما نمشيش فرادى
_12خلى عينك دايما وقت الاشتباكات لفوق وبص على مكان نزول الطوب او المولتوف عشان ما تتصابش وتحمى اللى حواليك
_13لو حصل ضرب خرطوش هتلاقى ناس بترجع لورا كل اللى مطلوب من حضراتكم انكوا تحاوطوهم لان دول هما هتكون مجموعة الاشتباكات تجهز الحاجة بتاعتها ونطلع قدام
_14 خليك على اتصال دائم بقائد مجموعتك او منطقتك او حركتك
_15 اول ما نوصل لمكان الاعتصام هيحصل اجتماع بين قادة المجموعات وهتطلع
تعليمات الاعتصام وجداول الناس اللى هتروح والناس اللى هتفضل موجودة
_16 وقت الاعتصام هيكون ما بين هتافات وخطوات تصعيدية زى قطع الطرق وتجهيز وسائل الدفاع عن النفس حالة حدوث هجوم من بلطجية
_17هدفنا توحيد الصفوووووووووووووووووف يعنى محدش يجيب سيرة مبارك ولا العسكر ولا الداخلية ولا البرادعى ولا حمدين ولا اى
حد من دول مش عايزين نقط خلافية
_18لو حصل ضرب غاز احمى عينك وما تحطش ايدك عليها ولا تحط مية وخد نفسك من مناخيرك مش من بؤك وبالراحة وهدى اعصابك وحاول تعيط لو عينك لسة وجعاك من الغاز الدموع بتاخد تأثير القنبلة
_19 ما تحاولش تمسك قنبلة الغاز بايدك عشان هتتحرق الناس اللى بتمسكها
_20ما تحاولش ترمى مولتوف عشان ممكن تولع فى نفسك وفينا
_21الاصابات اللى هتكون مننا هنرجعها لورا ومهمتك انك توصلها للمستشفى الميدانى اللى هنعلن عن مكانها
_22لو هتحدف طوب فى الاشتباكات خليك قدام فى المواجهة لان اللى بتحدفه بييجى على زمايلك اللى قدام فمش هتبقى انت والبلطجيه علينا
_23 فى حالة الاصابة بخرطوش ثبت لمصاب كويس عشان البلى ما يتحركش فى امكان خطير. احنا نازلين نسقط نظام مش رايحين مظاهرة
احنا بنعمل ثورة مش وقفة لا تراجع عن تنفيذ المطالب كااااااااااااااااااااملة ...
الخطوات التصعيدية اللى هيتم اتخاذها ممكن تزعل ناس بس معلش نستحمل عشان نمشى مرسي
انت نازل تعتصم بشكل سلمى وليك كامل الحق فى الدفاع عن نفسك ضد اى هجوم
نازلين ناخد حق الشهدا مش نتفاوض مع بلطجية نازلين نحرر البلد مش نعمل انتفاضة مكملين الله الوطن الثورة القصاص.