سلطنة بورنجا

كان ياماكان.. في سالف العصر والأوان.. سلطنة صاحبها سلطان.. وعنده
حاشية وصولجان.. وشعب كبير غلبان
أخبار سلطنة بورنجا
السلطان مارينجوس يجهز مفاجأة للشعب البورنجي
حالة من الدهشة والتعجب أصابت شعب سلطنة بورنجا بعد ظهور السلطان مارينجوس في التليفزيون الرسمي للسلطنة لمدة دقيقتين قال فيهما: «بقي بتدعوا عليا ياولاد اللئيمة.. والله لأوريكم الأيام الجاية.. هتلاقوا مفاجأة مدوية..» بعدها احتار الشعب في فك تلك الشفرة وحل لغز ذلك الظهور الغريب الذي لم يتعد دقيقتين.. وحتي الآن لم يفهم الآن ما المقصود من تلك المقولة خاصة أن السلطان مارينجوس كان ينظر للشاشة نظرة لؤم تحمل أكثر من مغزي!!

صورة
كبير البصاصين يحيل رئيس العسس للتحقيق
أمر حبيب السلطان كبير البصاصين بإحالة رئيس العسس للتحقيق بعد انتشار منشورات في جميع أنحاء السلطنة تهاجم مجلس المشورة السلطاني.. وتعد تلك المرة الرابعة التي تنشر فيها قصائد الشاعر البورنجي الهارب سيد الهمشري المطلوب رقبته من مولايا السلطان مارينجوس شخصياً.. وتقول القصيدة الجديدة
في مجلس السلطنة
وأبو كرش واسع
أنا قولت دولت كده
قالو لي ناخد الورق
قالو لي احنا بقه
والسلطنة لسة عايزة
بيعرفوا يسقفوا
ولا عمرهم قالوا مرة
وإحنا بقي اللي يا سيدي
وبنقسم التركة بين
ونقسم الأرض والكوسة
ونعرف اللي هبش
وإحنا اللي عند اللزوم
ونمرر المشروعات
ونقول موافقة ونبصم
والباشا يكتب ويختم
ميهميناش في البلد
معاهم الحق لكن
معاهم الحق وإحنا
وكفاية إن الكبير
وعرفت السلطنة
ولية الوزير مرتشي
وعرفت إن المصيبة
ماشي في جنازة البلد
إترشح زعيط ومعيط
وحمبكشه وأبوالنطيط
راح ينجحوا إزاي
ونلخبطه لاخبيط
اللي علينا العين
من التحف الفين
ويوفقوا زي زمان
إحنا رايحين فين
بنكتب الدستور
الحاشية والمأمور
علي البشوات
واللي عليه الدور
نرفع إيدينا لفوق
من غير قلق بالذوق
الورق فاضي
الورق من فوق
صحفي ولا قاضي
حق علي الفاضي
عندنا القوة
بالحال كدة راضي
لية ماشية في النازل
ولية المجتمع فاشل
في مجلس النواب
بيقول أنا القاتل
صورة
رئيس تحرير الجريدة الرسمية «200 ألف دينار.. أحمدك يارب»
حالة من الاكتئاب أعقبتها فرحة عارمة مربها «سعدون البيضون» رئيس تحرير الجريدة الرسمية خلال الأيام القليلة الماضية، خاصة بعد نقص الغلّة من الدنانير التي كان يحصل عليها من تحت الترابيزة من خلال تهديد التجار في السلطنة.. الذين استجابوا لضغوطه، وقاموا بدفع الأبيَّج فورًا.. بعدها قام سعدون بنشر الأخبار التي تؤيدهم، حيث قام بتقسيم الأخبار التي ترد إليه في الجريدة إلي نوعين.. النوع الأول الذي يهاجم بعض التجار وتلك يضعها في الثلاجة الموجودة بجوار مكتبه.. أما النوع الثاني فهو للنشر فورًا.. وقال أحد المصادر داخل الجريدة الرسمية رفض ذكر اسمه.. إن التاجر البورنجي الشهير الذي يستورد لحوم الهنادوة قام بتعكيم سعدون صره كبيرة تحتوي علي 3 آلاف من الدنانير، بعدها منع سعدون نشر أي أخبار تضره.. أما المفاجأة الأخري التي تراقص لها قلب سعدون فرحًا فكانت من «هشام التميمي» تاجر المباني البورنجي الشهير والمحبوس حاليًا في سجون السلطنة، والذي من المتوقع الإفراج عنه قريبًا، حيث قال لأحد مساعديه «عاوز أرجع من تاني تاجر كبير.. ونفسي حد يصلّح صورتي اللي باظت قدام الناس».. فقال له مساعده.. «عليك وعلي سعدون.. الرجل الدون.. ابن الملعون.. بس لازم تدفع له آلاف من الدنانير.. ما انت عارفه.. خلبوص كبير!!» فرد عليه «التميمي» قائلاً: «خلاص.. ندفع له 100 ألف دينار.. كلموه وقولولي..» فرد المساعد.. «من غير ما نكلمه.. هو طلب 200 ألف دينار.. كل دينار ينطح دينار.. عشان يكتب فيك اشعار!!».. فقال التاجر.. «ادّوله اللي هو عاوزه.. ما انتو عارفين سعدون.. طول عمره دون!!».

صورة
كلمتين وبس
.د. أحمد زكي بدر وزير التعليم الحالي.. ووزير التعليم العالي مقدمًا.. ورئيس الوزراء المقبل بعد 6 سنوات.. سمعت ناس كتير بتدعي أدعية خاصة بيك.. في أكاديمية أخبار اليوم وجامعة عين شمس.. ووزارة التربية والتعليم.. ربنا يجعلها من حدّك ومن نصيبك!! رهان مع القراء.. اللي شايف إن د. أحمد زكي بدر ممكن ييجي رئيس وزراء يبعت لي ع الإيميل واللي شايف العكس يبعت برضه.. ونشوف أنهي النسبة الأكبر!! د. أحمد زكي بدر.. ياتري لما تمسك رئيس الوزراء.. هتعمل اجتماعات مجلس الوزراء بنفس الطريقة اللي كنت بتعمل بيها الاجتماعات مع الأساتذة في جامعة عين شمس؟.... مجرد سؤال!! نداء إلي الرئيس مبارك...... بلاش دي.. يارب........ أحمد زكي بدر... وكمان..... وكمان....... بس كده...... اللهم آمين!! المهندس أحمد عز.. هل سمعت يومًا عن قصة «قارون»؟!.. أرجو أن تقرأها وتتدبر معانيها جيدًا.. بس خلاص!! .نفسي أعرف مين الجهبذ اللي قال.. «البقاء للأصلح» عشان أقتله وأشرب من دمه!! «شركة تويوتا تقوم بتكريم مكتشف الخطأ في دواسة البنزين».. خبر تناقلته وكالات الأنباء.. طبعًا لو كانت تويوتا شركة مصرية.. كانوا مسحوا بكرامته الأرض وحبسوه بحجة الإضرار بالاقتصاد القومي!!.

صورة
أعراض غريبة تظهر علي «وزير الأبجدية»
غاب «بدران سليط اللسان» وزير الأبجدية في السلطنة عن الاجتماع الأسبوعي لمجلس وزراء سلطنة بورنجا.. وتضاربت الأنباء عن سبب غياب الوزير خاصة أن تلك المرة تعد الثالثة التي يتغيب فيها عن الاجتماع دون عذر مقبول.. وأكدت بعض المصادر من داخل الوزارة أن الوزير لم يدخل مقر وزارته منذ أسبوعين.. وقال أحد العاملين إن الوزير ظهرت عليه أعراض غريبة جعلته يمتنع عن الذهاب لعمله.. فقد لوحظ أن أذنيه أصبحت تزداد طولاً يوماً بعد يوم.. كما أصبح «يرفس» من الطلبات التي تقدم له.. والعجيب أنه كان يصدر صوتاً أشبه بالنهيق عندما يري شيطاناً يمر من أمامه!!.. وأكد البعض أن الوزير أصبح يتردد علي عيادة أحد الأطباء المشهورين وقال أحد الممرضين العاملين داخل العيادة إنه سمع حواراً بين الطبيب والوزير كان نصه: «الحقني يا دكتور.. فضيحة.. فضيحة»..، رد الطبيب: «خير فيه أيه يا بدران يا سليط اللسان؟».. قال بدران.. «وداني كل يوم يزيد طولها.. ودلوقتي بقت مترين.. والأدهي أن فيه ديل طلع لي بس ده خبيته تحت القفطان!!».. فقال الطبيب.. «والحاله دي ابتدت من إمتي؟».. رد بدران: «مش عارف يا دكتور.. لكن واضح أني كل ما أجيب سيرة الدكتوراة بتاعتي ألاقي وداني تطول بعدها..» .. فصرخ الطبيب: «تاهت ولقيناها يا بدران.. أنت عامل زي بيونوكيو.. اللي كل ما يكدب مناخيره تطول.. بس أنت لما بتكدب ودانك هي اللي بتطول.. طالما ضارب شهادة الدكتوراة.. بتجيب سيرتها ليه؟.. لو كررت الموضوع ده لمدة شهر مش بعيد تتحول لكائن تاني.. خاصة أنك ابتديت ترفس من دلوقت!!.. فيا ريت تحط لسانك في بقك وما تتكلمش.. محدش عارف إيه اللي ممكن يحصل لك بعد كده!!