البصل ب 4.5 و السمك البلطى ب 17 و الفاصوليا ب 9 جنية الدواجن انخفضت فى اليومين الاخيرين 2 جنية للكيلو الدجاج المزارع لأول مرة منذ الثورة : التضخم الشهرى يرتفع 2.8% فى فبراير
ازمة السولار ألقت بظلالها الاسبوع الاخير على اسعار الخضراوات و الفاكهة و الدواجن و الاسماك بالاسواق الشعبية حيث ارتفعت اسعار الاسماك الطازجة امس فى سوق كوبرى خشب ببولاق الدكرور بسبب ارتفاع نقل الاسماك و تقول فتحية بائعة سمك طازج بالسوق ان اجرة نقلها لبضاعتها
من و الى السوق تكلفها يوميا 60 جنية و تقول : " الناس عاوزة تشترى بس مش معاها و ما فيش زباين .. المفروض اننا لسه ف اول الشهر و ما فيش شرا " و تقول بجانب ان التجار الجملة فى سوق المنيب رفعوا الاسعار عليهم بسبب النقل ايضا فتأثر سعر السمك برفع سعر الكيلو امس الى جنية للكيلو لكل صنف و سجلت اصناف السمك التالى هذة الاسعار : بلطى ما بين 17 و 15 جنية و الماكريل المجمد 13 و القراميط 13 و السردين البلدى 10 جنية للكيلو , سوسن ام وربة منزل قالت للتحرير انها اشترت كيلو سمك بلطى و لديها 3 اطفال و هى كل اسبوع تشترى كيلو واحد و فرخة ونصف كيلو لحمة و تضيف : " بنجيب على قدنا مش زى الاول و اهى ماشي " .
اسعار الدواجن كانت مرتفعة جدا منذ ثلاثة ايام و لكنها انخفضت اول امس حسب كلام محمد بائع الدواجن بالسوق قائلا : دلوقت سعر كيلو الدواجن انخفض ل 16 بينما كانت 18 جنية و سعر الصدور المخلية كانت قد بلغت 41 جنية بينما هى الان وصلت الى 34 و الاوراك 16 جنية و فية دجاج صغير للحشو ب 10 و 15 جنية للواحدة " شريفة محمد من سكان شارع السوق كانت تشترى فرختين بعشرة جنية للواحدة و لديها ثلاثة ابناء و زوجها موظف فى شركة خاصة و تشترى دجاج مرتين فى الاسبوع .
اما عن الخضروات والفاكهة فقد ارتفعت اسعارها ليصل كيلو الفاصوليا الخضراء الى 9 جنية للكيلو و هو رقم كبير حسب قول ام سيد بائعة بالسوق و تضيف : " البطاطس 3 جنية و الطماطم 1.5 و البصل القديم 4.5 و الجديد ب 3 جنية و الخضرة الاربعة ربطات ب 50 قرشا بينما كانت منذ فترة قريبة ال 3 ربطات ب ربع جنية كيلو الليمون ب 6 جنيهات ابيع منه بالواحدة او بالاتنين و كيلو الفلفل ارتفع الى 6 جنية للكيلو .. و تضيف : حتى ان اكياس التعبئة البلاستك التى يعبئون فيها الخضار للزبائن ارتفع سعر الكيلو من 8 الى 15 جنية و صفيحة الجاز اللى كانت ب 20 اصبحت ب 50 جنية و كل هذا بيتم تحميله على الموظف الغلبان و اللى مرتبه ما زادش كل حاجة بتغلى و ما فيش اى رفع للاجور " و اضافت ان : " مرسى ما عملش حاجة للغلابة المفروض يظبط الرؤوس الكبيرة التى تسرق و تحمل على الموظف الصغير و يرجع الامن مرة اخرى و بقوة و تقول : " العيشس بيتهرب قبل ما يوصل لمنفذ البيع و الدقيق نفسه نصه بيتباع ف السوق السودة وهو ما نراه دائما هنا فى السوق .. التعبان هيفضل تعبان و المرتاح هيفضل مرتاح "
اسعار الفاكهة ارتفع الجوافة ب 6.5 جنية و الموز ب 5 جنية و التفاح درجة ثانية ب 7.5 جنية و الاولى ب 10 جنية و الفراولة 3.5 و اليوسفندى ب 2 و البرتقال جنية 3 جنية والبيض البلدى الواحدة ب 70 قرش و الفول الحراتى ب 3.5 جنية
اما عن النسب المئوية للاسعار و التضخم فمنذ سبتمبر 2010 لم يسجل معدل التضخم الشهرى هذة النسبة المرتفعة حتى فى اسوأ الظروف الاقتصادية التى واكبت احداث الثورة فالمعدل سجل فى شهر فبراير2013 اعلى معدلاته منذ اكثر منى عامين ليسجل 2.8% مقارنة باسعار شهر يناير و يرجع جهاز التعبئة العامة والاحصاء فى بيانه الشهرى الصادر اول امس الاحد هذا الارتفاع فى الاسعار الى ارتفاع اسعار الدواجن 7.9% و الالبان و الجبن و البيض بنسبة 5.5% و الخضراوات 2.8% و الحبوب و الخبز 2.1% وارتفاع الارز البلدى السائب بنسبة 5.6% و الدقيق المعبأ 5.8% اما المطاعم و الوجبات الجاهزة بشكل خاص فقد ارتفعت بنسبة 21.5% و الخدمات الصحية وخاصة الاجهزة والمعدات الطبية ارتفعت 12.6% و الاثاث و الاجهزة المنزلية و السجاد فقد ارتفعت بنسبة 6.4% وارتفعت اسعار السكر 1% و الذهب 1.5% و النقل و المواصلات 1.7% و الزيوت والدهون 2.2% و الخضراوات 2.8% و الاحذية 4.4% ذلك فى شهر واحد فقط .
