توقفي عن إيذاء نفسك

أنا مش عارفة أبدأ الحكاية منين لكن كل اللي أقدر أحكيه هاقوله أنا أمي سافرت وأنا عندي 3 سنين وقعدت في البلد اللي سافرتها 4 سنين وفي خلال ال4 سنين دول اتعلمت حاجات كتير أوي غلط منها العادة السرية من بنات خالتي الكبار وكنا بنعملها مع بعض زي علاقة ولد ببنت وجت أختي اللي أكبر مني ب3 سنين علمتني آخد فلوس من ورا بابا وماما كمان كانت بتاخد من بابا مصروفي من وراه وتدهولي، ولما كبرت ودخلت ثانوي كنت دخلت العناية المركزة وقعدت 4 أيام وكنت باموت بسبب إني كنت عاوزة أموت بسبب بابا وعدم حنيته عليّ، كل كلامه معانا بسبّ الدين وقلة الأدب مش كفاية إنه جاب قنوات زفت بس بصراحة غصب عني أوقات باتفرج عليها، وجالي ع الموبايل رسايل بتقول ألف سلامة وبعد شهر عرفت إنه صاحب ابن خالتي حبيته أوي وكان بالنسبة لي ملاذي الوحيد وكان حنين أوي أوي، وبعد فترة في أول سنة كلية كتبنا ورقة عرفي وبعدين قال لي هتبقي بنت زى ما إنتى بس عشان أهلنا مش موافقين واكتشفنا إني مش بنت وغرقت في دموعي قدامه وقال لي روحي وبعدها لقيته حاكي لابن خالي وقال له روح شوفها دي مش بنت وما قدرتش أقول له سواء هو أو ابن خالتي إن إخواته البنات هم السبب رغم إنهم دلوقتي متجوزين وسكتّ وشلت حملي لوحدي وقطعنا الورقة وبعدنا رغم إني لسه بحبه وابن خالتي راح حكى لصحابه وهو كان جه فترة بعدها وقرب مني بس كان لغرض رغم إني قايلة له إن الشخص ده هو السبب وحكيت لصاحبتي برده إنه السبب وضاقت بي الدنيا وحبيت واحد وحكيت له وبرده إن السبب الشخص الأول وإحنا دلوقتي مرتبطين وهو راضي بس فيه مشكلة إن الشخص التاني إمبارح باسني وحضنّي بس ماحصلش حاجة وقال لي إنه خايف عليّ من حصول مشكلة، ووالدتي عارفة إني كنت مرتبطة بالشخص الأول وعارفة دلوقتي إني مرتبطة بالتاني ولا تعليق، وراضية بمجرد الارتباط وبس أنا مش عارفة أنا فعلا تايهة أكمل معاه ونتجوز شرعي بمعرفة الأهل ونعيش ولا أعمل عملية وأتجوز واحد تاني مع العلم إني عملت العملية بعد الشخص الأول ورجع لي وبوظها لي وبعديها أنا اللي قلت له مش عاوزاك بعد ما فضحتي وبوظ لي العملية والله كنت ممكن أكمل بس خلاص خفت منه وقلت له إني مابقيتش أثق فيه وقلت له مش عاوزاك. أعمل إيه وأعيش بكرة إزاي؟
no mercy