1

الحلم:
أنا حلمت بكراسة كبيرة فيها ورق يامه أوي ييجي أكتر من 1000 صفحة في حجم كتاب كبير؛ بس المفروض إنها كراسة؛ المهم صفحات بيضة متسطرة عادي زي الكراسات؛ بس مكتوب في حوالي أول 20 أو 25 صفحة والباقي فاضي؛ مع العلم إني الفترة دي بجد تعبانة من جوايا ومخنوقة لأني المفروض مرتبطة بزميلي، وأهلي شبه معترضين؛ ده غير إني خايفة أكمّل معاه. وقبل ما أحلم الحلم ده يومها دعيت ربنا يجعل لي زوج صالح يعينني على طاعته وعبادته، ومن خنقتي عيّطت جامد لأني فعلاً محتارة أفضل معاه ولّا أوافق على شخص تاني؛ لأني في نفس الوقت رفضت ابن خالتي، ولمجرد رفضه؛ تاني يوم خطب وحصلت لي مشاكل في البيت، وبصراحة حسيت بذنب، وخايفة أكون ضيّعت زوج كويس من إيدي؛ أنا فعلاً محتارة؛ مع العلم إن أنا مرتبطة ييجي من حوالي أربع سنين، والحلم ده كان بعد أذان الفجر. أتمنى ألاقي تفسير.
عالم الأحلام هو عالم الحقائق؛ ومهما حاولنا أن نحصل في أحلامنا على ما لم نستطِع الحصول عليه في الواقع؛ فإن عقل المنطق يظلّ مراقباً وواخزاً بالحقيقة والملامة مهما هربنا منها، ولعل الحلم هو صوت عقلك الداخلي الذي يبصر الأمور على شموليتها؛ فلا يترك مجالاً لإغفال جانب أو طرحه جانباً؛ فلعل الحلم يشير إلى الجوانب الإيجابية التي أغفلتها في حياتك وفيمن حولك عندما قصرت النظر على الجزء المكتوب فيه؛ في الوقت الذي ترتفع نسبته بمراحل عن الجانب السلبي.