زبدة الفول السوداني لجسم ناعم زي الحرير

أهلا بكل بنات "قمر 14" في حلقة جديدة من حلقات "جمالك من الطبيعة مع رانيا"، النهارده هنعمل ماسكات سهلة لتنعيم الجسم والبشرة، كمان هنعمل فكرة للزرع في البيت بطريقة جديدة ومبتكرة.
ماسك للجسم بزبدة الفول السوداني
المقادير:
3 ملعقة زبدة فول سوداني
2 ملعقة عسل نحل
ملعقة صغيرة زيت الورد
الطريقة:
قلّبي المقادير مع بعض، وبعدين افرديهم على الجسم باستخدام فرشاة الصبغة بعد الحمام من أسفل لأعلى، وزوّدي الكمية شوية عند الكوع والركب، وسيبيه ساعة على الجسم، بعدين اشطفي الجسم بميه دافية وبعدها ادهني الجسم بماء الورد.

إضغط لمشاهدة الفيديو:
ماسك وصنفرة للبشرة بالأرز وزيت زهر الليمون
المقادير:
ملعقة أرز بلدي مطحون
1⁄2 ملعقة زيت ليمون
3 ملعقة زبادي بلدي
الطريقة:
اخلطي المكونات وبعدين استخدميه كصنفرة للبشرة، ادعكيه بشكل دائري على البشرة وبعدين سيبيه لمدة ساعة وبعدين اغسلي الوجه.
إضغط لمشاهدة الفيديو:
ماسك الطين المغربي للبشرة والجسم
المقادير:
2 ملعقة طمي مغربي
كمية مناسبة من المياه
1⁄2 ملعقة زيت ورد
الطريقة:
اخلطي المكونات واتركيها شوية لحد ما تتحول لقوام لزج، وبعدين ادهني بيه البشرة والجسم.
كمان ماسك الطمي من الماسكات الكويسة جدا مع الساونا، أو لو هتعملي حمام بخار للجسم في البيت.
إضغط لمشاهدة الفيديو:
نصائح لصحة البشرة:
- المساج للوجه ضروري لصحة البشرة، لو مبتعرفيش تعملي مساج بإيديكي فيه في السوبر ماركت أداة صغيرة خشبية مخصوصة لمساج الوجه.
- الشعر والبشرة بيحتاجوا كميات كبيرة من فيتامين E ، بعض الأطباء بيوصفوا فيتامينات للاستخدام الدائم، فيتازنك من أرخص وأقوى الأدوية اللي بتحتوي على فيتامين E ونتايجه ملحوظة مع الاستخدام المنتظم.
إضغط لمشاهدة الفيديو:
وبكده تكون خلصت حلقتنا النهارده..
استنونا في الحلقة اللي جاية..
سلام،،،