بالفيديو.. فراخ بالجبنة على "سفرة دايمة"

لو عاوزة تجدّدي طريقة الفراخ اللي بتعمليها يبقى لازم تعملي معانا النهارده الفراخ بالجبنة بطريقة سهلة وبسيطة ليكي ولأسرتك.
فراخ بالجبنة
المقادير:
6 شرائح فراخ بانيه
2 شريحة توست محمصين ومقطّعين مكعبات صغيرة
1⁄4 كيلو جبنة موتزاريلا أو شيدر
1⁄4 كوب جبنة رومي مبشور
ملعقة كبيرة زيت زيتون
2 1⁄2 كوب صلصة
فلفل أحمر وملح
الطريقة:
1- تبّلي الفراخ بالفلفل الأحمر والملح وشوّحيهم في زيت الزيتون على الناحيتين، وبعدين ادهني الصينية بزيت الزيتون والفلفل الأحمر، وبعد كده رصّي الفراخ فيها.
2- افردي على الفراخ الصلصة، وبعد كده رشّي نصف كمية الجبنة الرومي والموتزاريلا، وبعدين ضيفي عليهم التوست، وبعد كده ضيفي باقي الموتزاريلا والجبنة الرومي.

3- حطّي الصينية في فرن ساخن لمدة من 35 : 45 دقيقة، وبعدين سيبيها 10 دقائق تبرد، وبعد كده قدّميها.. وبالهنا والشفاء.

إضغط لمشاهدة الفيديو:
خلصت وصفتنا النهارده..
استنونا كل يوم مع وصفات جديدة..
سلام،،،