قلبك لعبة في إيده

السلام عليكم ورحمة الله وبركاته.. أنا عندي 17 سنة وبحب واحد أوي ومش قادرة أنساه، إحنا كنا بنكلّم بعض من ثلاث سنين، بس حصل مشاكل مش مننا من ناس حبوا يوقعوا بينا، فسيبنا بعض عشان ما يعمليش مشاكل؛ عشان الأمر وصل لبابا وماما، بس ما عرفوش إني كنت باكلم واحد، بس أنا دلوقتي لسه بحبه أوي ومش عارفة أنساه أو ممكن بمعنى أوضح مش عايزة أنساه.
هو ساعتها قالي إننا نبقى أصحاب أنا رفضت في الأول عشان ما ينفعش اتنين كانوا بيحبوا بعض يبقوا أصحاب، بس بعدها أنا بقيت أكلّمه كأصحاب بس، طبعاً هو في الحقيقة كحب بس أنا باحس منه ساعات لما نتقابل يعاملني إننا أصحاب وساعات تانية كتيرة أوي يعاملني إنه بيحبني أوي، وساعات يلمح إننا مش أصحاب بس من بعيد يعني، بس أنا بجد حاسة إني بحبه أوي ومش عارفة أعمل إيه؟!! وهل هو بيحبني ولا إيه بالظبط؟؟؟ رودوا عليّ وجوبوني عشان أنا بجد عايزة أعرف وشكراً.
منة
لو عايز تفضفض لنا دوووس هنا