السلام عليكم أريد حلا، أنا مخطوبة بقالي حوالي 5 شهور، وكنت مخطوبة قبل كده، وما حصلش نصيب، وأنا دلوقتي اتخطبت لواحد تاني؛ بس خايفة أوي من الارتباط بيه، هو بيحبني أوي وأنا مش عارفة إذا كنت بحبه ولا لأ؛ مع إني كنت مرتبطة بيه قبل ما اتخطب له؛ بس حتى وأنا كنت مرتبطة بيه كان فيه حاجة بتبعدني عنه؛ بس برضه ما كنتش عارفة أقيّم إذا كنت بحبه ولا لأ؛ بس قلت هاسيبها على ربنا لو جه اتقدم لي وأهلي وافقوا عليه خلاص ما وافقوش برضه خلاص وأنا دلوقتي باعاني من مشكلة كبيرة أوي إن شخصيته ضعيفة أوي معايا وأنا شخصيتي قوية؛ يعني بقالي فترة مش باكلمه لقيت أخته اتصلت بيّ بتقول لي إنه بيعط إنتي مش بتكلميه ليه، وعلى فكرة هو مسافر برة مصر، وأنا مش عارفة أعمل إيه. يا ريت تردوا عليّ ومعلش طولت عليكم. د.ر