النهارده هنقدّم لك طريقة جديدة سهلة واقتصادية لتقديم طبق المكرونة؛ يلّا بينا على المطبح نشوف طريقتنا الجديدة عبارة عن إيه... مكرونة بصوص الريحان والليمون المقادير: كيس مكرونة مسلوقة ومصفّى 1⁄4 كيلو فاصوليا بيضاء مسلوقة ومصفّى 2 ملعقة كبيرة أوراق ريحان طازجة 2 ملعقة كبيرة قشر ليمون مبشور 2 ملعقة كبيرة عصير ليمون ملح وفلفل أسود ملعقة كبيرة زبدة فنحان ميه الطريقة: 1- لتحضير صوص الريحان الليمون؛ شوّحي قشر الليمون في الزبدة على النار لمدة 5 دقائق، وبعد كده ضيفي عليهم أوراق الريحان وعصير الليمون والملح والفلفل الأسود، وقلّبيهم على النار لمدة خمس دقائق. 2- بعد كده ضيفي فنجان الميه، وسيبيهم على النار لمدة 5 دقائق. 3- بعد كده ضيفي المكرونة والفاصوليا للخليط السابق، وقلّبيهم كلهم مع بعض على النار لمدة 5 دقائق، وبعد كده حطّيها في أطباق التقديم.. وبألف هنا وشفا. وبكده تكون خلصت وصفتنا النهارده.. يا ريت تجرّبوها وتبعتوا تقولوا لنا على النتيجة.. واستنونا بكره مع وصفة جديدة.. سلاااااااام،،،