إنت مش محتاجة شفقة من حد

أنا عندي مشكلة، أنا من 3 شهور واحد حبني وهو اللي كلمني، وقال لي أنا مرتاح ومبسوط، وكان لسه ما شافنيش بعت له صورتي وعجبته.
المهم بعديها والده دخل المستشفى؛ ففي يوم بعت له صورة لي تانية، وبعديها قال لي أنا ظروفي صعبة، ومش هنقدر نكمل، وخلينا صحاب، قلت: يمكن يتغير، بعديها والده توفي، وبالصدفة إخواته شافوني ومامته وعجبتهم جدا جدا؛ بس هو قال لهم أنا مش مرتاح قاله له طيب إنت إزاي كنت مرتاح الأول وبتحبها قال لهم أما شفت الصورة التانية ما عجبتنيش مع إني أحلى منه بكتير جدا جدا.
المهم قلت له يا إما تيجي البيت يا إما ما تعرفنيش تاني، وفعلا جاب مامته وإخواته وجوز أخته وجم عندنا البيت، والناس أول ما شافوني قاله له اتكلم وشوف علينا إيه وعليهم إيه، وهو ساكت طول القاعدة، وفي الآخر قال لبابا أنا هاجيب عمي وآجي علشان عمي الكبير.
وبعديها يبوم باكلمه ما بيردش وامبارح كلمت أخته علشان أعرف هييجي إمتى وقلت لها خليه يقرر عايزني ولا لأ، وامبارح قال لها أنا رحت لها علشان ما اظلمهاش؛ بس مش مرتاح. أعمل إيه وأنا مش قدرة أنسى إزاي كان بيحبني ودلوقتي لأ؟
farfor111