كرات اللحمة مع سلطة بابا غنوج

النهارده على "سفرة دايمة" هنعمل كرات اللحمة مع سلطة بابا غنوج، وده طبق بسيط لكنه مغذّي جدا وله مذاق رائع، ممكن تقدّميه على سفرتك في أي عزومة، جرّبيه وابعتي لنا رأيك فيه...

كرات اللحمة مع سلطة بابا غنوج
المقادير:
2 حبة باذنجان كبير
1⁄4 كيلو لحمة مفرومة
2 فص ثوم مهروس
1⁄2 كوب صنوبر
كوب طحينة
كوب لبنة
ملح وفلفل
زيت للقلي
بصلة

الطريقة:
1- اشوي الباذنجان على النار.

2- قشّري الباذنجان واهرسيه بالشوكة كويس أوي، وحطي عليه الطحينة والثوم واللبنة والملح والفلفل.

3- عصّجي اللحمة المفرومة بالبصل والملح والتوابل، واعمليها على شكل كور صغيرة جدا وشوّحيها في الزيت.

4- حطّي الباذنجان في طبق التقديم وعليه كرات اللحمة وزيّنيه بالصنوبر، وممكن تقدّميه مع مكعبات الخبز المحمص... وبالهنا والشفا.
وبكده تكون خلصت وصفتنا النهارده..
نتمنّى إنكم تجرّبوها وتبعتوا تقولوا لنا رأيكم فيها..
وكمان لو عندك أي وصفة عايزة تعرفيها ممكن تبعتي لنا..
وإحنا هنقدّمها لك في أقرب وقت..