رز بالكبدة والمشروم

النهارده هنعمل رز بالكبدة والمشروم، جرّبيه وابعتي لنا رأيك فيه، وماتنسيش تقولي لنا على كل الوصفات اللي عايزة تعرفيها..

الأرز بالكبدة والمشروم
المقادير:
1⁄4 كيلو رز
2 ملعقة زيت
1⁄4 علبة مشروم شرائح
1⁄4 كبدة فراخ مقطعة مكعبات
بصلة مفرومة ناعمة
3 فصوص ثوم مفروم ناعم
كوب شوربة فراخ
ملح وفلفل
الطريقة:
1- حطي الزيت عليه البصل والثوم والمشروم، وشوحيهم على النار لمدة 3 دقائق.

2- حطي الرز عليهم وشوربة الفراخ والملح والفلفل، وسيبيهم لحد ما الرز يستوي.

3- شوحي الكبدة على النار في طاسة.

4- وبعد ما الرز يستوي حطيه في طبق التقديم وحطي عليه الكبدة.. وبالهنا والشفا.

وبكده تكون خلصت وصفتنا النهارده..
نتمنّى إنكم تجرّبوها وتبعتوا تقولوا لنا رأيكم فيها..
وكمان لو عندك أي وصفة عايزة تعرفيها ممكن تبعتي لنا..
وإحنا هنقدّمها لك في أقرب وقت..