سلطة التونة على الطريقة الفرنسية

النهارده على "سفرة دايمة" هنعمل سطلة التونة على الطريقة الفرنسية، وهي سلطة مغذية جدا وكمان مفيدة، وممكن لو عاملة ريجيم ممكن تاكليها...

سلطة التونة على الطريقة الفرنسية
المقادير:
علبة تونة
ثمرة خس
كوب لوبيا مسلوقة
2 ملعقة صغيرة خل
كوب زيتون أسود
كوب عصير ليمون
ملعقة كبيرة مستردة
ملعقة صغيرة ملح
1⁄4 كوب زيت زيتون
3 ثمرة خيار مقطعة مكعبات صغيرة
3 ثمرة طماطم مقطعة مكعبات صغيرة
3 ثمرة فجل مقطعة مكعبات صغيرة

الطريقة:
1- هاتي طبق غويط وحطي فيه الخس المقطّع وعليه اللوبيا والخيار والطماطم.

2- حطّي التونة مع الزيتون والفجل على الخس واللوبيا، وقلّبيهم كويس مع بعض.

3- اخلطي عصير الليمون مع الملح والمستردة وزيت الزيتون والخل، وقلّبيهم كويس أوي مع بعض.

4- حطّي الخليط اللي عملتيه على طبق السلطة، وممكن تزيّنيه بشرائح الليمون والزيتون وبالهنا والشفا.

خلصت وصفتنا النهارده..
استنونا مع وصفة جديدة..
وابعتوا لنا كل طلباتكم على "سفرة دايمة"..
سلام،،،