السلام عليكم.. أنا عندي مشكلة صعبة جدا جدا؛ من فترة أتقدم لي عريس وهو يبقى صاحب خطيب أختي، بس ما جاش البيت هو بس كلم خطيب أختي، وقال إنه لما يخلص الكلية السنة دي هيتقدم لي؛ لأنه معجب بيّ، وخطيب أختي قال لنا.. المهم إني بجد اتشديت أوي ليه يمكن من نظراته ليّ. ومن كام يوم خطوبة أختي اتفسخت، واكتشفنا إن خطيبها بيتكلم علينا كلام وحش أوي مع ناس كتير وبيتكلم في سمعتنا، وربنا يعلم إننا محترمين جدا، وده بشهادة ناس كتير أوي الحمد لله.. بس عرفنا إنه أتكلم مع الشخص اللي كان عايز يتقدم لي. أنا كل اللي مضايقني إني مظلومة ومش عارفة أدافع عن نفسي، هاقول للشخص ده إيه؟!! أنا ماليش كلام معاه أصلا، بس عايزاه يعرف الحقيقة، ويعرف إن كل اللي بيتقال عننا باطل، بس مش عارفة أوصل له الحقيقة إزاي. يا ريت تساعدوني وتقولوا لي أعمل إيه؟؟ وبجد أصعب حاجة إنك تبقى مظلوم ومش عارف تدافع عن نفسك.