سَلطة البابا غنوج بالفلفل الأحمر والجبنة الكريمي

على "سفرة دايمة" النهارده هنقدّم لكم طريقة جديدة لسلطة البابا غنوج، ومعاها الفلفل الأحمر والجبنة الكريمي، جرّبوها وقولوا لنا رأيكم فيها.
سلطة البابا غنوج بالفلفل الأحمر
المقادير:
حبة باذنجان كبيرة
2 حبة فلفل أحمر
2 حبة طماطم كبيرة
حبة بصل متوسطة
1/ 2 كوب زيت زيتون
2 قطعة جبنة كريمي
2 فص ثوم
كزبرة وكمون
ملح وفلفل
الطريقة:
1- قطّعي كل الخضراوات بأي شكل تحبّيه، ورصّيهم في صينية، وادهنيهم بالزيت وتبّليهم بالملح والفلفل، ودخليهم الفرن على درجة حرارة 200؛ لحد ما المكونات تدبل.
2- بعد ما الخضراوات تتشوي اضربيها مع بعض في الخلاط مع الجبنة الكريمي، ولو عايزة تزوّدي الملح حسب رغبتك.
3- صبّيها في طبق التقديم، وقدّميها مع العيش المحمّص.. وبالهنا والشفا.

خلصت حلقتنا النهارده..
استنونا كل يوم مع أكلات جديدة..
سلام،،،