إنتي عاطفية زيادة عن اللزوم

أنا عندي 22سنة، مرتبطة بشخص قدي في السن، اتعرفت عليه في آخر أيام الدراسة سنة رابعة يعني، حبني جدا، قربنا من ربنا مع بعض، بنحاول نصلح من أخطاء بعض، وأنا بحبه جدا.
المشكلة: إن بعد ما خلصنا دراسة وبعدنا عن بعض هو انشغل شوية عني بحكم شغله، وأنا علشان فاضية على طول مشغولة بيه، وخايفة إنه يتضايق أو يتخنق أو يحس إني بحبه أكتر ما هو بيحبني، وده طبعا مش في مصلحتي، وأنا حاسة نفسي ضعيفة جدا في أي حاجة تخصه، ومش باقدر على زعله أنا واثقة إنه بيحبني جدا.
ر. م