بحب مرات عمي ومش عايزة تفهمني

فريق "بص وطل" العظيم أعلم جيدًا أن مشكلتي حلّها عندكم.. أنا شاب عندي 25 سنة، وأحب زوجة عمي، وهي أكبر مني في السن بس بفارق مش كبير..
أنا وهي بنتعامل زي الإخوات؛ بس أنا من ناحيتي بحبها؛ قصدي باعشقها.. وهي مالهاش حد؛ فبتعتبرني أخوها، وبتشكي لي وتحكي لي عن كل حاجة بتحصل ليها، ودايما باظهر لها اهتمامي اللي بيفوق الحد.. أنا ممكن أبيع الدنيا عشانها، وباجي على نفسي علشانها.
حاولت كتير أفهّمها وألمّح؛ بس ماكانتش بتفهمني، أو فاهمة ومش عايزة تقول؛ دايمًا تفكّرني إن إحنا إخوات.
أنا بحبها، بحبها أوي، ودي مش مراهقة ولا حب جنسي؛ لأ أنا بحبها هي زي ما هي، مش باتمنى أي حاجة غير إنها تحبني، أنا بقالي 5 سنين بحبها في صمت.. أرجوكم ساعدوني بالله عليكم.

Saudy musry


لو عايز تفضفض لنا دوس هنا