زواجك حل مناسب.. وممكن أسرتك تساعدك

أنا مشكلتي إني رومانسي شويه وبحب البنات، بس مش كل البنات واحدة بس بتكفيني.. باحس إني لوحدي ماليش لازمة في الحياة، دايما بحب وجود بنت في حياتي..
الأول وأنا في مصر طبعا زي ما كلنا عارفين إن المستقبل في مصر بالنسبة للشباب يعتبر محطم، فأول ما تلقى فرصة للسفر بتسافر على طول علشان تلحق اللي باقي من مستقبلك، بس أنا ماحسبتش هاخسر إيه قدام ده.. وبعد مرور سنة ونص في الغربة ابتديت أحس إنى باخسر نفسي.. حاسس إني عايش ميت.. أحلى حاجة في حياتي مش لاقيها، وده دليل على إني مش بحب العلاقات المحرمة، لا أنا بحب الحب ونفسي ألقى واحدة تحبني وأحبها، بس في البلاد اللي أنا عايش فيها مافيش غير العلاقات المحرمة، حتى إني كنت بافكر إني أرجع مصر تاني، بس طبعا قدام ده هاخسر مستقبل ممتاز.. بجد مش عارف أعمل إيه.. عايش ونفسي مكسورة..

لو عايز تفضفض لنا دوووس هنا