نار الغيرة

أنا مخطوبه عن حب داخله ف سنتين وبحب خطيبى جدًا بس المشكلة أنه عايز يبعدني عن صحابي كلهم حتى فى الكلية مش بيحب يخلينى أروح ولو روحت كل يوم مشكلة وبيضايق لو لقاني قريبة من حد من صحابي وببقا مبسوطه معاها… بيغير عليا زياده عن الزووم لحد ما وصل للشك، ويشك أنى بعمل حاجات غلط من وراه أو بنزل أروح مكان من وراه وأنا متضايقه؛ بسبب الموضوع دة ، أنا متأكدة إنه بيحبنى بس سعات بيجى وقت ومش بلاقى منه حب ولا حنيه ولا حتى حسن معامله منه ومش بيحس بيا خالص ببقا محتجاله مش بلاقيه جمبى، رغم انه هو اللى بيقولى كدة أنى مش بحس بيه، وإنى مبقتش مهتمه بيه زى الأول وبيتهمنى دايمًا إنى بطلت أحبه .. وكل يوم في مشاكل مع بعض بسبب صحابى، وإنه عايز يبعدنى عنهم، وإنه مش بيرضى يخلينى أنزل حتى لو وافق لازم يعمل مشكله .. أنا تعبت بجد مش قادرة أسيبه وفى نفس الوقت مش حابه تكون حياتى كدة ياريت تفيدونى .. مع العلم أنى عاتبته كتير وقولته كدة كتيير وبردو مش بيحس اللى جوايا ودايمًا بيفهمنى غلط وبيسئ الظن بيا .. أسفه أنى طولت عليكو.
صديقتنا العزيزة
الغيرة شيء جميل يجعلك تشعرين بالحب والاهتمام والخوف عليك، ولكنها الغيرة الحسنة فكما يقولون في الأمثال" الشيء لما يزيد عن حده يتقلب لضده" فالغيرة الزائدة المتبوعة بسوء الظن دائمًا، قد تكون كفبلة لقتل أي مشاعر جميلة وأي لحظة حلوة ، فيبدأ الحب يتحول لسجن نفسك تخلصي منه.
فالحب يسعد صاحبة ولا يشقيه،وعندما يتحول الحب إلى الغيرة الزائدة عادةً ما يكون ناتج عن شخص أناني ولا يثق بنفسه.
فإن لم تجدي جدوي للتغيير فعليك التفكير جيدًا والنظر إلى المستقبل وكيف ستكون طريقة التعامل بينكما… وأسألي الله أن يقدر لك الخير.