بعد 7 سنين حب وبس.. مستنية إيه غير الملل؟

إلى مزيد من النجاح والتقدم.. شكراً على أحلى موقع وأحلى فضفضة.
أنا مشكلتي مش عارفة أوصل فيها لحل، هل أكمل ولا لأ.. أنا بحب واحد من 7 سنين، وهو -زي ما أنا حاسة- بيحبني؛ بس دلوقتي ابتديت أحسّ بتغيّر تام في علاقتنا.
من سنتين ما بقاش يردّ على تليفوناتي، ولا بقيت أشوفه، ولا بقيت أحسّ بحبه ليّ، دايماً عصبي، دايماً بيبعد عني؛ بس يرجع بعد فترة يكلمني تاني ويحسسني بقمة الحب والرومانسية، ويقول لي معلش اعذريني إني بابعد عنك شوية علشان الشغل.
بس أنا دايماً أحسّ إني زي ما أكون تحت أمره، وقت لما يكون عاوزني يلقاني، ووقت لما أنا أعوزه مش بالاقيه جنبي.
كل ما أقول أبعد عنه مش عارفة، وباحس إن أنا ظالماه؛ بس هو مش مفهّمني حاجة، ولا راضي يرسّيني على بر، وكل اللي بيقوله "أنا بحبك ومش قادر أعيش من غيرك".
يا ترى أنا كده باقلّل من كرامتي، ولا كده مش بقى يحبني؟ مش عارفة أنا هاتجنن.. مش عارفة أعمل إيه؟ أبعد ولا لأ؟

ب.ن

لو عايز تفضفض لنا دوس هنا