لولا ابني كنت طلقتها !

شكرًا أوي علي الموقع ده اللي بجد بحبه من كل قلبي، ها خش في الموضوع بسرعة، بس أرجوكو أوجدولي حل، أنا عندي 30 سنة متزوج من سنه ونص، وعندي طفل اتجوزت انسانه طيبة، أوي وملهاش تجارب نهائيًا الا انا اتربت تربيه كويسه من اسره كويسه اتجوزتها علشان مكنش عندي ثقه في اي انسانه لان السائد دلوقتي الله اعلم بهم المهم اتخطبنا سنه ملقتش معها طعم الحب نهائيًا عمرها ماريحتني حتي بالراي انسانه متواضعه في التفكير قولت يا واد ده غشوميه وقلة خبره بكره اشربها الحب والتعامل الجيد في كل حاجه لحد قبل الجواز باسبوع فكرت اني اسيبها بسبب اني لقيتها مصدقت عريس كويس الحمد لله خلقي الكل يشهد به وكل حاجه جبتهالها الفرح الكويس والفرش الغالي اتجوزتها والف واحده تتمناني من قبليها هيا ليست علي درجه جمال عاليه اقل من النص كمان قولت الجمال مش كل حاجه المهم انها تصوني وتحميني بعد الجواز ب4 ايام فعلا كنت ها اطلقها وكان شهر العسل شهر بصل جتلها حاله نفسيه كلنا عارفينها بتحصل لمعظم البنات اصبحت حياتي معاها جحيم صوتها بقي بيعلي عليا ومش بيهما الجيران خالص اتحول المضوع كل بيني وبينها اني انا اللى بحافظ علي البيت علشان خاطر ابني وهيا بالهبل ممكن تضيع كل حاجه في ثانيه كل اللى فات كوم والباقي كوم تاني شك فيا ليل ونهار علي اتفه الاسباب معندهاش ثقه في نفسيها وللاسف حكيتلها علي كل غرمياتي القديمه من باب الصراحه بس طلعت مغفل فتحت علي نفسه طاقه جهنم اسلوبها بي وقح عمرها مابتعرف تحتويني اقسم بالله العلي العظيم انا اللى بعمله معاها ميعملوش 10 رجاله في بعض طول عمري حنين بشاركها في تنضيف البيت ترجع البيت تلاقيه نضيف هيا كويسه في البيت مقولتش حاجه بس اسلوبها غلت سابت البيت كذا مره واههلها مش بيحلو ولا بيربطو ماساتي فعلا ملهاش حل عملت كل حاجه ممكن تتخيلوها علشان ارضيها والمركب تمشي كل حلولي بات بالفشل تفت مواضيع هايفه وتعكنن عليا انا بشتغل كذا شغلانه انسان ناجح الحمد لله بار بابويا وامي الحمد لله ابوها وماها نفسهم بيعذذوني جدا بس بحس انها مش الانسانه اللى تستحق ان اكون اتجوزتها نفسي اصرخ بجد مش لاقي حل والله العظيم لو مكنش بيني وبينها عيل كنت طلقتها من تاني اسبوع جواز اعمل ايه افيدوني
صديقنا العزيز
أخى الكريم أقدر ما تعانى من شعور بالغضب من زوجتك، ولكن الحياة الزوجية تحتاج إلى صبر من الرجل أكثرمن المرأه وعلى ذلك وصانا رسول الله صلى الله عليه وسلم حين قال ( استوصوا بالنساء خيرًا)، فإن أغلب النساء لا يستطيعون السيطرة على مشاعرهم عند الغضب في جميع المواقف، وفي النساء ضعف لقلة حيلتها، وضعفها الذي جعلها الله عليه، وقد تعوض ضعفها بطول لسانها وبرفع صوتها.
ودائمًا عند الشجار الذي يرفع صوته هو الضعيف .. حاول أثناء الشجار إذا رفعت صوتها ينبغي أنك تكون في منتهى الهدوء وتقولها من لو سمحتى اتكلمى بهدوء أو تجاهلها حاول أخى الكريم انك تصبر عليها؛ لان هناك طفل سيتأثر بالمشاكل المستمرة بينكم ولا تفكر يا أخى الكريم في الانفصال والزواج بأخرى، فكثير من الناس قد يغضب من زوجته، ثم يتزوج أخرى، فيرى النجوم في نصف النهار – كما يقولون – ويعرف قيمة الزوجة الأولى لما تُتعبه الثانية، لأن الثانية ستأتي أيضًا بإيجابيات وبسلبيات . فلا ينبغي على الإنسان أن يخدع نفسه بأنه سيعيش حياة خالية من الأزمات والمشاكل، أو أنه سيتزوج امرأة بلا عيوب مستقرة العاطفة؛ لأن عاطفة المرأة كالموج، وأفترض لو أنك دللتها وأحسنت إليها فلن ترضى أيضًا، وستنقلب عليك بين الحين والأخر؛ لأن المرأة أيضًا يعتريها ضعف ويعتريها توتر وخلل وفقد للاتزان النفسي