بحبها وباشك فيها وفي ماضيها

أنا عندي مشكلة كبيرة أوي.. يمكن تكون ليّ أنا كبيرة، وممكن ما تشوفوهاش كبيرة.. أنا بحب بنت من ثلاث سنين وهي بتحبني أوي.
فيه مشكلة صعب إني أقول عليها خلتنا نسيب بعض، بس المشكلة إن أنا بحبها أوي وباموت فيها والله العظيم تلاتة، بس برضه في الآخر حاسس إنها كانت تعرف شباب قبل ما تعرفني، وده إحساس مش أكيد؛ بس صراحة هي طول الفترة اللي معايا كانت كويسة جدا، وعمري ما شفت عليها حاجة.
المشكلة إن حكاية الجواز صعب أوي؛ نتيجة لأن أهلي غير أهلها، وطبعهم غير طبعنا، إحنا مستوى فكري وهم مستوى تاني، مش هاقول إني أحسن ولا حاجة؛ ولكن مختلف، كمان أنا كنت أعرف بنت خالتها قبل ما أعرفها، وسوري يعني كنت باتعامل معاها جنسيا.
أنا خايف أخدها أظلمها معايا، وأنا بحبها أوي والله، وباعاملها كويس جدا، دايما تلاقيني معاها في الوحشة قبل الحلوة، دايما واقف جنبها، أنا حاسس إني باظلمها معايا طول المدة اللي فاتت، وعمال أقول لها إني هاكلم أبويا، وأنا عارف إني أنا نفسي مش هاقدر أتجوزها.
بس أنا مش قادر أبعد عنها، والله مش علشان أي حاجة غير إني باخاف عليها أوي، وخايف بعدي تضيع في الدنيا دي؛ خاصة أنها غلبانة أوي، وطيبة أوي، ومالهاش حد غيري.. يا ريت تردوا عليّ بسرعة.. أنا تعبان والله.
H.B


لو عايز تفضفض لنا دوس هنا