حبل الكذب قصير

اسمحولى أدخل فى الموضوع على طول لانى متوترة جدا
أنا عندى 26 سنة وعندى اخوات بنات أصغر مني، أنا كنت ضايعة في حياتي، في الدراسة و علاقتي بأهلى و اتخطبت قبل كدة مرتين و فركشت لانهم بيطلعوا مش كويسين، كنت بشتغل ديزينر في احدى الشركات و تعرفت على زميل و حبينا بعض جدا و بعد فترة هو سافر بلدهم فى الأرياف ورجع بعد شهرين و كنا بنتكلم كتتير على التليفون و كنت برتاح لما بتكلم معاة و قبل ما يرجع بيوم اتفق معايا اننا نتقابل فى البيت بتاعنا لان عندنا 2 سكن فى مكانين مختلفين وانا وافقت وبالفعل اتقابلنا و عشان ربنا يكشفنى ،، لقيت اختى فتحت الباب ودخلت و لقتنا قاعدين بنتكلم ، ومحصلش حاجة بينا خالص ،، هيا اتصدمت و دخلت اوضتها كلمت حبيبها و قالتلو دلوقتى حصل مشاكل بينها وبين حبيبها و انفصلو وبعد كدة راح قال لعمى ان اختى اتصلت بية فى يوم و قالتلو انها شافتنى فى الشقة مع واحد حاليآ انا توبت عن اللى عملتو دة بس وبصلى و بستغفر ربنا يسامحنى لانى معترفة انى غلطت غلط كبير ،، دلوقتى لما عمى قال لماما و ماما قالت لبابا بيواجهونى انا اتلخبطت جدا و قلبت الموضوع عليها و ان انا اللى شوفتها مع حبيبها دة فى الشقة انا كدة ظلمتها ، بس هيا اصلا مش كويسة و بتعمل مصايب اكبر من كدة انا كنت عايزة انكر اللى حصل من غير ما احلف ،، لان والله العظيم اتغيرت و بقيت بنت كويسة ،،ب بردوا ضميرى مش مرتاح والدى بيسافر دولة عربية و امى هيا اللى بتربينا انا عندى مشكاكل نفسية كتير جدا بسبب اخطاء كتير فى البيت مش هقدر اعترفلهم انى كان معايا واحد و فى نفس الوقت بندم انى قولت ان انا اللى شوفتها وهيا لسة متعرفش انى ظلمتها كدة لما تعرف بابا هيواجهنا ببعض ومش عارفة اتصرف ازاى …
صديقتنا العزيزة
أول خطوات حل المشكلة هي الاعتراف بالخطأ وأنتي أعترفتي بخطأك وتبتي إلي الله , فحان وقت المصارحة فيقول الرسول صلى الله عليه وسلم "الصدق منجاه" فاعملي بقول الرسول الكريم وبأذن الله سوف ينجيك الله من كل مكروه مادمت تبت إلي الله وبالنسبة لأختك فحاولي أن تتقربي منها وتنصحيها لعل الله يجعلك سبب في هدايتها ولكي تشدوا على أيدي بعضكن فالصحبة الصالحة خير معين فاللهم أرزقك بالصحبة الصالحة.