مش قادر أنساها !!

أنا في أولي ثانوي وبحب واحدة معايا في الدرس و مشكلتي أني خجول وكمان المشكلة الأكبر ان المستر بتاع الدرس عمل حدثة ومبقتش أعرف أشوفها وبقيت أشوفها وأنا رايح الامتحان بس، ومش قادر بجد أنساها
أعمل اية؟؟
صديقنا العزيز
الحب غريزة طبيعية في أي إنسان، شئ جميل إنك تحب لأن الإنسان بدون حب بيكون مثل الميت بلا روح .. حاليًا أنت في فترة صعبة من عمرك؛ وهى فترة المراهقة، ومش قصدي بكده أني أقولك غلط إنك تحب، لا بالعكس لو أنت حصل معاك غير كده يبقى إنت شخص غير طيبعى، ولكن الحب في المرحلة اللي أنت بتمر بيها بيكون مش حب أبدى بمعنى أنه بيكون لفترة معينة وبينتهي بسرعة، حاول إنك في الفترة دي إنك تهتم بدروسك وبأمتحاناتك ويمكن بعد كده الظروف تتغير أو انت نفسك تتغير ويكون اهتمامك بيها أقل من دلوقتي.