لو بتحبيه وافقي باللي يقول لك عليه

أنا تعبانة جداً بجد، الموقع ده تحفة؛ بس أنا عندي مشكلة، مش عارفة أعمل فيها إيه.. يا ريت تساعدوني؛ لأني فعلاً محتارة، ونفسيتي تعبانة جداً.
أنا بحب واحد جداً، وهو كمان بيحبني، هو مهندس في شركة أمريكية، وأنا في معهد أربع سنين.. المشكلة إنه عايزني بعد ما أخلّص السنة دي أكمّل في الجامعة المفتوحة؛ أي كلية تانية تجارة أو إعلام؛ أي حاجة علشان أهله مش هينفع يقول لهم: أنا عايز أخطب واحدة معاها معهد.. قال لي: أخويا مهندس ومراته دكتورة، وأختي جوزها دكتور، وخالي دكتور في كلية صيدلة، وقال لي: عشان ماتحسيش بالنقص لازم تعملي كده.
حسيت إنه جرحني بجد، قلت له: هو أنا مش بني آدمة وبتحسّ، ممكن تاخد دكتورة وماتبقاش مبسوط معاها، قال لي: أنا بحبك فوق ما إنتِ متخيلة؛ بس لازم تكمّلي، وأول ما تدخلي أي كلية تانية هاجي أخطبك؛ بس أنا حاسة إني مجروحة بجد، وسألت ناس كتير، قالوا لي: لو كان بيحبك بجد مش هيبصّ لأي حاجة.
أنا تعبانة جداً، مش عارفة أعمل إيه.. بليز ساعدوني إدارة الموقع والأصدقاء.

sendrella


لو عايز تفضفض لنا دوس هنا