قصة انتهت قبل أن تبدأ

أنا وقعت في مشكلة كبيرة مش عارفة أخلص منها، تقدم لي زميلي في الشغل واترفض لأن سلوكه مش كويس وبيشرب حاجات مش كويسة، ورجع تقدم لي تاني واتأكدت من عكس الكلام وإنه إنسان محترم وبابا كان رافضه علشان ظروفه المادية، واتخطبنا بصعوبة، وبعد موافقة بابا بالعافية.
المشكلة إني ما بحبهوش ولا ينفع إني أحبه، ومن تاني أسبوع في الخطوبة خلعت له حاجاته ورجعتها له، واتصالحنا واتكررت مرتين كمان حكاية خلع الدبل، وسيبته. بس آخر مرة لما جيت أسيبه حسيت إني تعلقت بيه شوية وهو كان زهق من أفعالي، بعدين كان فيه واحدة صاحبتي أوي قعدت توقع بينا وتتبلى عليه بالكلام، وبعدين سيبته بقى لي شهرين، وحاسة إنه لسه بيحبني، ومامته معانا في نفس الشغل، وقارفاني كتير، ومش عارفة أصدق كلام صاحبتي ولا كلامه. أنا مش عارفة أعمل إيه؟ مش قادرة أنساه لأنه أول حد في حياتي، ومش قادرة أحبه ومش عايزة أرجع له، أنا مش بابطل عياط وما اعرفش باعيط ليه؟ يا ريت تساعدوني.
S