إدراكك أنك على معصية ورغبتك في التوبة هو أول الطريق الصحيح

بجد محتاجة مساعدة.. أنا هاتكلّم معاكم بمنتهى الصراحة.
أنا عندي 21 سنة، كنت بحب واحد جداً لمدة خمس سنين، وكان مسافر ورجع خطب واحدة تانية خالص مايعرفهاش؛ علماً بأن عمري ما خرجت معاه ولا شاف مني حاجة.
المهم إنه سابني، وبعدها قابلت واحد تاني قال لي: إحنا أصحاب.. هو ولد جدع جداً؛ بس المشكلة إني باقول له إني بحبه؛ مع إن ساعات كتير مش باحسّ بكده؛ بالعكس أنا باحسّ إني باعزّه؛ بس مش حب.. وباخرج معاه، وبيخاف عليّ جداً من أي حاجة.
بس أنا عاوزة منه الحب، محتاجة إنه يكلّمني كل يوم؛ مع إني مش بحبه والله، بس أنا اتعوّدت على وجوده في حياتي؛ بس هو اتغير معايا جداً؛ كان الأول بيكلّمني باستمرار، دلوقتي أنا اللي باتصل بيه على طول.
مش عارفة إيه اللي أنا باعمله ده.. مخنوقة جداً من نفسي، ونفسي أقرّب من ربنا جداً؛ لأني تعبانة أوي، وبادعي ربنا يهديني.. بجد محتاجة مساعدة.
bata

لو عايز تفضفض لنا دوس هنا