عذر أقبح من ذنب

أنا بحب ربنا جدا وباخاف قوي من عقابه وعارفة إن ارتباطي بأي شاب من غير ما والدي يعرف يبقى حرام شرعا، المهم أنا حبيت وخلاص وغصب عني اندفعت في علاقتي معاه، حبيته قوي وإديته كل الحنان والحب اللي جوايا بس للأسف وعلشان أنا مش دكتورة زيه سابني بس رجع لي تاني وكان حاسس إني مش هارجع له بس طبعا رجعت له علشان بحبه وعلشان أنا عايزاه بس المشكلة إن الناس كلها بتقول لي ما ينفعش ومادام هو باع مره أكيد هيبيع التانية.
بس هو دايما بيأكِّد لي إن المرة دي ناوي خير وإنه ندم بجد وهيقوم بخطوات رسمية لما ظروفه تتحسن، تعرفوا بقى المشكلة اللي بجد هي إيه؟ إني حاسة إني بنتقم منه لأنه سابني واتعرفت على شاب تاني بس أنا مش بحبه وهو بيموت في التراب اللي بامشي عليه، باعلقه بيّ كل يوم أكتر من الأول أنا عارفة إن ده غلط بس مش عارفة أنا ليه باعمل كده!! ساعدوني.
S