لو عايز يثبت رجولته بجد ييجي يطلبك من أهلك

أنا حبيت أتكلم معاكم عن مشكلة عندي.. أولاً أنا عندي 18 سنة، وبحب واحد أوي وما أقدرش أعيش من غيره؛ بس مشكلتنا إننا بنتخانق كتير، وهو كل شوية يقول لي أنا أعمل دي علشان أنا راجل، وإنتِ ما تعمليش؛ يعني أنا ممكن أطلب منه حاجة يرفضها، وهو لو طلب نفس الحاجة أنا لازم أوافق.
بجد بابقى هاموت؛ يعني مرة حصلت مشكلة، قال لي ما تتدخّليش في حياتي، وأنا قلت له: بس بشرط إنت كمان ما تتدخّلش في حياتي، وسابني، وبعدها أنا اتكلمت معاه، ورجعنا.
أنا بجد مش عارفة أتعامل معاه، ومش قادرة أسيبه.. هو كويس أوي والله؛ بس ما أعرفش إحنا ليه بيحصل لنا كده، وعايزة أعرف منكم لما يكون متعصب أعمل إيه؟ أرجوكم شوفوا لي حل.. وشكراً لكم.
my love is angle

لو عايز تفضفض لنا دوس هنا