إما أن يُقنع أهله أو يبتعد عنك.. لا حل ثالث

في البداية أحب أشكركم على موقعكم، أنا بالجأ لكم في كل المشاكل اللي بتواجهني..

أنا دلوقتي مخنوقة أوي وكارهة كل حاجة، أنا عارفة إنه حرام لما أكره الحياة وأتمنى الموت؛ بس باحسّ إن ربنا عارف اللي أنا فيه وهيسامحني؛ بس أنا تعبت.

أنا حبيت أوي، وبعد مشاكل أهله وبُعدنا عن بعض وتجريحه فيّ رجع لي وقال لي إن كل ده بدافع إنه يبعدني عنه عشان أعيش حياتي.. قال إنه تعبان من غيري، اقترحت عليه إننا نفضل أصحاب ونقف جنب بعض، وطبعاً الصداقة اتحولت بسهولة جداً لحب أقوى، وبعدين رجعنا لنقطة الصفر تاني إنه أساساً ما ينفعش عشان رفض أهله.. المهم في الآخر بِعِدنا عن بعض.

أنا تعبانة أوي من غيره، وهو بيحاول يتطمن عليّ بكل الطرق مرة عن طريق صاحبتي، ومرة يخلّي واحدة صاحبتي تكلمني وتتطمن عليّ.

مش عارفة أعمل إيه.. حاولت أنساه وما عرفتش، ومش قادرة أعيش من غيره.

emy

لو عايز تفضفض لنا دووس هنا