أنا عندي 20 سنة والعمر بيجري مني، مش عارفة ليه، بيجري وكل يوم ننجرح ليه؟.. أنا كنت عارفة شاب من 3 سنين؛ بس كنا صحاب بس مش قوى.. المهم اتقابلنا بعد فترة وقال لي اتغيرتِ كتير، وكان معجب بيّ جداً وأنا طبعاً معجبة بيه من زمان؛ بس يمكن المرة دي أكتر، وكلمني عن ظروفه وكده؛ قال لي أنا لسه ما وقفتش على رجلي، ولسه موقفي من الجيش ما اتحددش.. قلت له لو الجيش سنة أو سنتين هاستناك.. هو خايف عليّ جداً لو دخل الجيش 3 سنين، وبيقول لي: طيب لو حد اتقدم لك هتعملي إيه؟ المهم ارتاح لي جداً وقال لي إنتِ لسه ما تعرفيش كل حاجة؛ بس أنا حاكي لك وإنتِ اللي تقرري نكمّل ولا لأ.. أنا فىيه مشاكل عندي وما اعرفش أعمل إيه منها بسبب أهلي، قال لي إنه خاطب يعيني قاري فاتحة على بنت خالته ونظام العيلة عندهم جواز القرايب وأهله صعايدة.. قلت له أنا مش بإيدي حاجة، القرار قرارك عايزنّي أعمل إيه؟ قال لي المشكلة إني مش عاوز أخسر أهلي علشان الواحد من غير أهله الحياة مش بتنفع، قلت له صح وأنا معاك في كده؛ بس أنا خلاص مش عارفة أقول لك إيه. والمهم قبل ما يكلمني في الموضوع ده عن إنه خاطب كنت سألته: إنتِ كنت مرتبط قبل كده قال لي لأ بس كان فيه حب وانتهى من زمان.. قلت له: الصورة اللي بعتها لي كنت لابس فيها دبلة، قال لي دي واحدة صاحبتي كانت معايا في الجامعة كانت جايباها ليّ. المهم بعد ما صارحني قال لي: لو ما كنتيش غالية عندي أنا ما كنش فاتحتك فيه.. أنا ممكن كنت قضيتها وعادي وما كُنتيش تعرفي؛ بس إنتِ حاجة كبيرة عندي أوي. حد يقول لي أعمل إيه، وليه مكتوب عليّ الفراق؟ yoyo