لا مانع من التجربة طالما تطلب حلالاً

أنا شخص عمري 27 سنة، منطوي شوية؛ بمعنى ما ليش اختلاط كتير بالأقارب، وما كانش ليّ تجارب عاطفية لأني مش كان ليّ اختلاط ببنات العائلة أو حتى في الكلية.
المهم اتعرفت من سنة كده على بنت أصغر مني ب11سنة المهم حبتها وهي حبتني وباحس بده فعلاً؛ بس سنها الصغير حاسس إنه عقبة؛ بس هي فاضل لها سنة وتدخل كلية.. حصل بيننا مواقف كتير نزعل ونتصالح، وساعات أروح أقعد في المكان اللي باشوفها فيه كذا يوم يمكن ألاقيها وأشوفها لما باكون زعلان منها.
يا ترى ممكن نتجوز رغم فرق السن وهي تكون طالبة في كلية ومتجوزة، ولا ده غلط إني أستنّاها وأفكر كده؟ مع العلم -والله أعلم- إن أهلي هيوافقوا على كده، وخصوصاً لفرق السن.. وكمان أهلي لما بيقولوا لي على عروسة أشوفها ما بارضاش لأني مش عايز أتعرف على حد غيرها، ومش بافكّر في حد تاني.
مش عارف لو اتعرفت ببنات أكتر يكون أحسن؛ يعني أشوف عروسة وكده، أقرأ فاتحة؟؟.. مش عارف إيه رأيكم.. يا ريت تردوا عليّ وتعرضوا المشكلة دي سريعاً وأعرف رأيكم ورأي القراء.. وشكراً.

h

لو عايز تفضفض لنا دووس هنا