مش عارفة أبدأ منين؛ بس أنا واحدة في رابعة جامعة؛ يعني خلاص كلها شهر وأتخرج، وهنا المشكلة.. عندي خوف من اللي جاي في حياتي.. حاسة بالضبط كأني ماشية ومش عارفة أنا رايحة فين.. تايهة أوي ومتلخبطة وحاسة بضياع فظيع. أنا مش في كلية من كليات القمة وأصلاً مش حابة دراستي؛ بس الحمد لله معايا لغة كويسة؛ يعني ممكن ألاقي فُرَص شُغل مناسبة. بس الفكرة إني مش خايفة إني ما اشتغلش.. أنا خايفة من اللي جاي عموماً.. حاسة إني بانهي مرحلة وداخلة على مرحلة تانية، مرحلة مختلفة وجديدة عليّ، وكمان مش طايقة أبص في كتاب كأني خايفة أنجح وأسيب الجامعة. بس بارجع باقول لنفسي ما أنا حتى لو ما نجحتش السنة دي هانجح السنة اللي بعدها؛ يعني مصيري هانجح، والكلية مرحلة ومصيرها تخلص.. بس أنا خايفة أوي من الحياة العملية. هو أنا مزوّداها ولا ده شعور طبيعي؟؟ n. m