السلام عليكم. أرجوكم حد يردّ عليّ لأني محتارة جداً، أنا كنت مرتبطة بواحد زميلي كنا بنحب بعض؛ بس إحنا سيبنا بعض عشان أنا كنت عايزة كده، عشان عرفت إن علاقتنا دي حرام؛ حتى لو إحنا بس بنتكلم في التليفون أو بنخرج. وأنا قلت له إني هاستنّاه لحد ما ييجي يتقدم لي؛ بس أنا ما بقيتش بحبه خلاص، أو يعني بقى عادي بالنسبة لي، ومش عارفة هل لو أنا وافقت على شخص اتقدم لي أبقى أنا ظلمته أو خدعته لأني عارفة إنه بيحبني جداً جداً؛ بس هو ما بقاش الشخص اللي أنا عايزاه لأننا كنا دايماً بنتخانق ومش بنتفق غير على إننا بنحب بعض. أنا ما قلت له إني هاستناه كنت باقوله كده؛ بس عشان يبطّل يلحّ عليّ، ويرضى إننا نبعد عن بعض؛ لأني كنت خلاص مش عايزاه ولا بحبه. بس ساعات باخاف إني لو اتجوزت واحد تاني ما يحبنيش نفس حبه ليّ، وكمان باخاف إني كده أكون خدعته؛ بس أنا ما أقدرش أقول له إني خلاص مش عايزاه.. أرجوكم ردوا عليّ أرجوكم. carnation